السلام عليكم ورحمة الله وبركاته

حبايبي طلعت البارحه من الساعه 6 المغرب الى الساعه 2 الليل في طلعه صيد مع بعض الاخوه من غير منتدى مكشات ،، وبما إني لدي ميول للصيد لكن لم امسك سناره او عده صيد في حياتي ، ذهبت معهم ..

ذهبنا لبحر الجنوب في جنوب جده ..
جهزنا العده كانت معهم 4 سنارات وكان عددنا 4 اثنين منهم صيادين متوسطين وانا وواحد مانعرف من الصيد الا اسمه ..

بدأو الاثنان برمي السنارات ومراقبتها ونحن نناظرهم وحسينا ان مالنا داعي

قلنا نروح نتعلم ونشاركهم ..

طلعو اول سمكه يسسموها ابو نقطه ..

تحمسنا وقلنا ندخل معهم وصرنا نتابع كيف يسوون ..

جا وقت وقلت لهم خلوني ارمي احاول قالو مابتعرف قلت ماعليه بحاول ..

قالو طيب نرفع السناره اللي هناك لانها كانت صغيره وخفيفه ومناسبه للتعليم .. وارمي فيها تعلم .. قلت طيب

مسكت السناره وهاتك يارميه معوقه اعطيتهم ماوصلتها حتى مترين خخخخخ ..

جاني وقال اصبر عدل السناره وعلمني خطوه بخطوه كيف ارمي والحمدلله رميت تماام بالثانيه ..

استنيت ماجاني شي ولا تحركت السناره ..

طفشت في النهايه قال لي واحد البس الكشاف ونطلع نص البحر ندور على شي قريب نشيله قلت يالله توكلنا .. رحنا نلقط في ابو مقص والحبار و السمك الصغير للطعم ..

رجعت اخذت لي طعم ومسكت سنارتي من جديد < لازم اصطاد ..

رميتها ورحت بعيد عن العيال عشان محد يرجني فيهم او شي

المهم ارمي وماحطيتها على الارض مسكتها بيدي وعلى خفيف ارجعها ششوي شوي واحرك السناره مامرت اقل من دقيقه احصل الشكه وصدت 3 سمكات ابو نقطه في ثلاث رميات متتاليه ..

الحمدلله كتجربه اولى لي وكصيد ربي اكرمني بـ 6 سمكات كلها كانت ابو نقطه لكن حبه حبه ونوصل للهوامير والشعور ان شاء الله ..

وفيه اخطبوط جا لعندنا من البحر وشكيناه بالشكه واخذنا ..

اجمالي الصيد كان 20 سمكه ابو نقطه
واخطبوط
وقاص





طيب يااخواني المشوره اللي ابيها

بما اني صياد مبتدء فـ ودي اشتري لي مكينه وسناره جديده استخدامها للشاطئ ..
الميزانيه ماتزيد عن 300 - 400

فـ ايش افضل نوع بهذه الميزانيه .. لان السناره الصغيره اللي كانت معي في اخر مره شديت يدي ورميتها ابعد نقطه وصلت لها .. وصدت شي كبير من قوته ماقدرت اسحبها لان المكينه ضعيفه على ماقالو .. ويوم وصلت وقربت من الشاطئ سمعت السمكه تهرب وصار السحب بطئ .. جاني قهررر..

لذلك بـ ايش تنصحوني مكينه وقصبه
وهل البايلوت الصب + بانكس 7000 توفي الغرض ؟
او قصبة كربون فايبر + بانكس 7000 ..؟