المهايطية (( لا يفوتكم ))

محروم.كوم · #1 05-12-2009, 12:20 PM

السلام عليكم ورحمة الله وبركاته

هذي قصيدة عجبتني

حبيت "اسدحها" لكم

ما يحتاج اقول اهداء لمن لأنها واضحة وضوح الشمس

وجع راسنا امهايط كثير ٍ من البزران
هجو ساحة الشعار بالفاظ معيوبه
غثونا ابقصايد مالها فالقيم عنوان
كثير الخطا فيها .. ولخطاء محسوبه
وسط ساحة الإبداع طبّو بلا استئذان
ومن يومها الساحه جريحه ومخروبه
لقو فالشعر موطىء قدم وانشرو قيفان
مضامينها عادات وافكار مقلوبه
أهانو لحى الشيبان وانتقصو الشبان
أساءو ولا بيّن على افعالهم توبه
نسو للشعر هامات واسماءها تنصان
رجال ٍ لهم فالمجد رايات منصوبه
خطو والخطا يفرق من انسان لين انسان
ولا كل خطا يجينا بنغفر له اذنوبه
إذا ما استحى الواحد فلا بدّ ما ينهان
جزاة الفعل ردّ ابفعل يردع اسلوبه
طيور الفلا وان حامت اتلاحق الديدان
وأما الصقر تذعن حباريه مغصوبه
وحنا الصقور اللي لنا بالفعل برهان
نواجه من ايواجه ولا انواجه اصعوبه
وحنا حرار انحوم وانراقب الميدان
يذل العدو منا ولا يعود هالنوبه
ولو كلنا ابنسكت عن الظلم والعدوان
يسيء الأدب كل واحد ٍ مالقى اعقوبه
وحنا على الساحه خوات ٍ لنا واخوان
إذا واحد اتغيّب وقف غيره اينوبه
زمايل شيمنا الخير والصفح والغفران
يشيل القوي لضعيف ويزيح مكروبه

ولا نقبل الفتنه ولا انعمم النقصان
ستر بعضنا عن بعضهم كثرة اعيوبه
عليهم من الواجب كثر مالنا حسبان
قبل يكتبون القاف لخلاق مطلوبه
نبي ساحة البحرين ساحة عفو واحسان
نبي بالمحبه تستوي ثامن اعجوبه
نبيها مثال ٍ تحتذي باسمها البلدان
نبي نورها يسطع ولا ايعاود اغروبه
نبي نستوي خلان واكثر من الخلان
لو ايتوه واحدنا هديناه لدروبه
ويا معشر البزران شتتوا الأذهان
وليت انشغل كل واحد ابمدح محبوبه
بدل ما تضيع اوقاتكم بالهجا بطلان
وعند المواجه يخسر البادي احروبه
نصيحة بقدمها ولكم بالدعا غفران
يقول العذر من زلة الفاظ مكتوبه

صح الله لسانه

للشاعر / هشــام العامــري

تحـــــــيتي
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صيد اليمام لا يفوتكم	محروم.كوم	منتدى أخبار المواقع والمنتديات العربية والأجنبية	0	05-03-2010 03:00 PM
مره حلووو لا يفوتكم	محروم.كوم	منتدى أخبار المواقع والمنتديات العربية والأجنبية	0	12-21-2009 07:50 AM
لا يفوتكم ذيب توه مولوووووووووووووووود	محروم.كوم	منتدى أخبار المواقع والمنتديات العربية والأجنبية	0	06-23-2009 01:50 PM
\|\| الكـــرواســونـ \|\| ؟؟؟؟؟لا يفوتكم	غلاك فـ قلبي	فن المطبخ والطبخ	9	01-22-2009 11:22 PM
لا يفوتكم	^_^ز	الشعر المنقول	1	12-28-2008 11:39 AM