((( الـــــعــــــنــــــود )))

محروم.كوم · #1 11-13-2012, 09:20 AM

العنود اللي هدت لـك روحهـا اغلـى هديـه
ما سمعت بك عاذلك ولا انت تصفح عن هواها

بعت أناالدنيا مشانـك لـو حدونـي للمنيـه
ما لفت الراي لأحد لاحكـي النـاس و بلاهـا

منوة القلب المعنّى شوق بنـت(ن )اجوديـه
ترخص العالم مشانك والبلا وقت(ن) عصاهـا

اشتري ضحكة شفاتك بألف دمعه لو خطيـه
سامح البنت القويه يوم تعلـن عـن وفاهـا

ليه تبعد عن عيوني تـدري ظروفـي رديـه
ليته تطعني وترحل شفت لك شوفـه سواهـا

والله اني ما رخصتك ولا دريت انّـي وفيـه
غير يومك تستهين بموت روحـي واشقاهـا

لا لمحت الضيق صوبك ضاقت الدنيـا عليـه
ويش اسوي في حياتي معك ربي قـد رماهـا

تختزن عيني دموعـن سايقـه يمـك عنّيـه
تجمـع الدنيـا بكفّـك لا ولا أظنّـه كفـاهـا

غالي(ن) بالحيل عندي من رجال أهل الحميه
ما ملكني غير روحـك لا ولا اقـوى جفاهـا

علميهم يا الليالـي مـن ضنـا قلبـي هنيـه
وعلميهـم بالمحانـي بعدهـم والله كـواهـا

وعلميهم مـا وفـت لدموعهـا كـل البريّـه
لو تسيّل سيل وادي ما سقـت واللله ضماهـا

ينطوي قلبي مشانك وانكـوي مليـون كيّـه
وتحترق روحي وتطفي راجيه وبل(ن )سقاها

وش بسولف عن غلاكم وأرتجي بالصيف فيه
لانتشت روحي مشاعر حلّقت فـوق بسماهـا

وش بخلي من جروح(ن) داخل الروح امخفيه
كيف أدمح للنّفوس اللي تمادى في خطاهـا؟؟

تطري فبالي طيوفـك لا سمعـت السامريـه
وينطرب قلبي من أجلك واذكر الطعنه وصداها

لا تقول انّي عزيزه ولا تقـول أغلـى ابنيّـه
سامح الله هالليالـي يـوم ترمينـي وراهـا

وش يصير الحب من دون هذيك العنود ؟؟
بيّحـت سـدي وهـي بيّحـت بسدودهـا
صوتها ناي.. وكمان ..ودلعها عزف عود
وفي وناستهـا تعـدت جميـع حدودهـا
دايم اليا جت تسولـف سوالفهـا قصـود
لبـا والله غمزتيـنٍ بوسـط خـدودهـا
لو تغيب اربع ثوانـي تحرّّيـت الصـدود
ماتحملـت الثوانـي بـدون وجـودهـا
كلما هب الهوى فاح منهـا ريـح عـود
من ملابسها ومن بيـن سـود جعودهـا
قالت : انت تحبني ؟ قلت : لك حبٍ يـزود
وسط قلبي لـك محبـة غـلاك يزودهـا
وصاحبك ماهو على الحب مكره ومحـدود
مـار ياكـود المحبـه معـك ياكودهـا
آتصبّر وادري اني فقدت اغلـى الـورود
وكلمتي تصعب على اللي يبي مقصودها

لا شـمـوخ وكبـريـاء وأنــف يـرقـى للـسـنـود
والقضيـه أكبـر أكبـر مـن شمـوخـي وإدِبــي
للجهـالـه إيــه والله فــزت فــي كــل البـنـود
والغـبـاء لـكـل شـخـص ٍ مايـقّـر إنــي غـبـي

أستبّـد وكـنـي الـلـي ماخـلـق مثـلـه إســود
لين داور هالزمـان وقـص خشمـي وشنبـي

إيـه راحــت وتركتـنـي ويمـكـن إنــه ماتـعـود
وداسـت برجلـه لعانـه وجـه قلـبـي وأهـبـي

وكرّمتنـي فـوق نزفـي وشكرتـنـي للجـهـود
وقـالـت إنــت وبإحتـقـار ودق كـفّـه منكـبـي

من تكون ومن أكون وطول عمرك لـو تسـود
ماربطـنـي مــع شتـاتـك إلا يمـكـن مذهـبـي

حمّلتني فوق وسعي وأكبـر حلولـي صمـود
والصمـود لغيـر مـوقـف مـثـل هــذا مطلـبـي

وطحت كني في مكاني شـي تافـه مايكـود
حـتــى أرض ٍ إحتـوتـنـي ماتـحـفّـت بـركـبـي

كني اللي حاصل ٍ لـه دعـوة ٍ مـن قلـب عـود

وافقـت لـه إستجابـه وإسـتـوى لــه مايـبـي

وش عليهـا يـوم راحــت وتركتـنـي للـشـرود
وشبّـت النـار بيديـنـي وإستعـانـت بحطـبـي

وش عليـهـا يــوم ســوّت إحتـفـالات الهـنـود
ورسمت رمز الضحيـه فـوق عينـي وهدبـي

وشكّلـت قلـبـي طـبـول وقدّمتـهـا للحـشـود
وإستعانـت فـي حلاهـا وإستقالـت منصبـي

وإستلـذّت صـوت قلبـي لا تعـلاّ صــوت عــود
وإستـغـلّـت كـــل درب ٍ يـــم رومـــا وتـعـبـي

ليت وقت ٍ قد مضى لي قبل حرمان الصدود
يغدي الـدرب ويجينـي أو أجـي لـه لـو حبـي

يوم فوحي من غلاها ريح مسـك وريـح عـود
وإن سكت لغير قصدي قالـت آمـر وش تبـي

تنقـهـر عبـلـه عليـهـا وســط طـيّـات العـقـود
وأقهر العبسي بحب ٍ دون سيـف ومشعبـي

لامشتني مع دروبي وأصعب دروبي حسـود
كن قلبه قلب ذيب ٍ وسط جـوف ٍ فـي ضبـي

ترسـم بـريـده بكـفـي مالـهـا حـكـم وحــدود

وأنـثـر الطـايـف عليـهـا بالقـصـيـد المـغـربـي

كرّهتنـي فــي حيـاتـي وأنكرتـنـي للجـحـود
يـوم فـازت فـي ضياعـي وإستملّـت ملعبـي

إرجعي لي لو سمحتي إرجعي لـي يالعنـود
دام قلبي يوم رحتـي فـي ضلوعـي مختبـي

مايفـيـد الـحــال بـعــدك لانـيــاف ولا خـلــود
وش يسوّي كل مكسب دامك أنتي مكسبي

إذبحيني لو بغيتـي وإلغـي إسمـي بالوجـود
وإكتبينـي تحـت عطفـك دام بـيـدك مخلـبـي

وكـان خفتـي مـن خيـانـه قيّديـنـي بالقـيـود
وعقّدي لي تحـت نملـه وسـط غـار ٍ مرعبـي

ماعـلـيّ مــن المـلامـه والاهـانـه لــو تـــزود
والـرجـولــه مانـبـيـهـا لا نـويــتــي تـقــربــي

واجـد اللـي يحسبـون الحـب تفتـيـل الـزنـود
ظافـريـن وكــل واحــد بـنـت قلـبـه تنسـبـي

الدعايـه دبلجتهـم مـن شـمـوخ وبـيـت جــود
فـي بحـور ٍ لـو تبعـتـه كــان يـغـرق مركـبـي

ماعلينـا إرجعـي لـي لـو سمحـتـيياالعنووود
دامك أنتي أكبـر أكبـر مـن شموخـي وإدِبـي
وصدّقيني لـو يحـول الوقـت دونـك بالسـدود
ما أنكر إنك يـوم رحتـي طحـت واثـق بركبـي

منقوووووووووووووووووووول

__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري