السلام عليكم ورحمة الله وبركاته,اليوم جايبلكم قصه حلوه مره جرت لصديقي يقول جانا شخص منقول ومتعين هنا في القصيم وجانا من الجنوب نقل المهم يقول اتصل الرجال في وقالي الله لايهينك ابرسلك اغراض المنزل قبل ماجي لكن ابرسل مع العفش بقر ثلاث خلهن عندك في المزرعه لين اجي يقول ارسل الرجال العفش ومن ضمن العفش ارسل البقر خليتهن عندي في المزرعه يقول مرت الايام وجاء الرجال وداوم واستلم عفشه لكن ماكلمني عن البقر وانا السراحه ماعرف للبقر المهم انتضرته يكلمني عنهم او ياخذهم لكن ماقالي شي وجلسو عندي حوالي سنه وانا اسراحه ابتلشت فيهم وماعرفلهم ويوم من الايام قابلته وقلتله ياخي البقر مادري وش اسوي فيهم قال يوه والله انا ناسيهم لكن مادامك تعبت عليهم اعتبرهم هديه بعهم ولا اتصرف فيهم انا مابيهم,قلت خير انشالله ,قمت ونزلت سوق البقر ولقيت شايب جالس وقلتله ياعم انا عندي بقر ودي ابيعهم وهم عندي في المزرعه قال مايخالف جبهم مادريت الا فيه واحد جالس عنده عمره حوالي سبعين نط وقام وقال انا اروح معك اجيبهم قلت لا مايحتاج انا اروح اجيبهم قال انت وش علمك للبقر انا اعرف منك وقام وركب في الموتر وقال يالله حرك بسرعه مامعنى وقت قلت ياشيخ انا اتصرف واجيبهم قال اقولك حرك بس .قلت خير وكان معه عصى ورابط حبل لافه على بطنه طوله حوالي ثلاثين متر والمشكله مايعرف بقر الجنوب يحسبها مثل بقر القصيم مادرى ان بقر الجنوب سريعات مثل الغزلان وصمم انه يجي واثاريها جيت القشر مشينا توكلنا على الله يوم وصلنا قلتله ياعم لاتنزل بالعصا تراهم ماتعودوا على العصى نمسكهم بالسياسه ولا عبرني ونزل معه عصاه وحبله يوم شافو البقر العصا تقامزو من الحضيره ثنتين هربو وحده مسكناها قال وين راحو الباقين قلت الله يهديك انت خوفتهم وهربو دخلو المزارع قال يالله حرك خل نلحقهم قلت خل نسايسهم قال اقولك حرك واسكت قلت سم ولحقناهم حاولنا فيهم وحده خلت بيت اشواو حجرناه وربطناها والثالثه اه يالثالثه هي اللي عليها القصه لحقناه في الموتر وحاولنا من مزرعه لمزرعه حوالي ساعه مادريت الا وجت ورى انخله قال الشايب اصبروقف وقف الله ياخذك خلني اختلها ونزل يمشي شوي شوي يقلد الكاوبوي وربط الحبل في بطنه الغشيم ورمى طرف الحبل على ارقبتها وخش في رقبتها اثاريها ارتاعت وجفلت وهربت مادريت الا ومرت من عندي كنها برق والشايب يزح على بطنه ساحبته ويصوت ويستغيث وهي تسحبه حاولت امسك ارجوله لكن مر من عندي بسرعت ثمانين مامداني عليه ركبت السياره وحاولت الحق البقره اوقفها لكن قامت تصبخبه الجدران والاشجار وصبخت في النخل والصيران لين اغمي عليه المسيكين قلت مالي الا اوقفها باي طريق قبل مايموت الشايب لانه كان يصرخ والحين سكت المهم اسرعت وراها وهي طايره وتجر الشايب حاولت استنجد بالناس ماعندي احد قلت مالي الا اصدمها ولا اشوف اي طريقه حاولت بس خفت على الشايب لكن قلت ماعندي خيار سقطت على الشايب وتعديته ولفيت بسرعه على البقره وضربتها بجنب الموتر اشو طاحت وتدربت ولا ني اسرع منها نزلت وربطت ارجولها قبل تصحي وطرت لشايب اثاريه مغمى عليه وصاير كله اجروح وثوبه خضر من ضرب الاشجار والمزارع خفت وحاولت اصحيه واكب عليه ماء والحمدلله صحى وقام يشتم قال عساك اخذة رقمه قلت وشو ياخال قال الجمس الخضر اللي صدمني عليه نص هنقلين ...قلت قم بس خلني اوديك المستشفى قبل تموت وابتلش فيك بسم الله عليك اي جمس واي هنقلين الشرهه مو عليك هذا ضرب هالصيران
قصه واقعيه ,,, ابو فريد خالد بن شريده قصه واقعيه,,ابوفريد
__DEFINE_LIKE_SHARE__