حداق الدمام 95 كيلو بالتمام

محروم.كوم · #1 11-03-2012, 03:40 PM

بسم الله الرحمن الرحيم

وش رايكم بما اني فاضي اقول لكم القصه من البدايه لين السلام عليكم

يوم الخميس كانت الأجواء على مقياس رختر في هوا يمكن 20 الى 25 كيلو متر في تمام الساعه 3 عصرا تحركنا وكنت ناوي على صيد وفير اذا الله اراد
المهم كان بصحبتي شباب اول مره يدخلون البحر يعني كانو معك ربع غشم يحبهم قلبك ومنهم 3 كانو معي في الدوام وكانو متحمسين حد ما يجيب ههههه المهم انا حسبتها قلت في نفسي يا ابو عبود الشباب جدد والبحر هايج مادري وش يبي فخلك قريب وجرب الشباب يمكن ما يتحملون دوار البحر وعذابه وفعلا وصلنا الى موقع الصيد القريب انا اسميه موقع الاختبار :good2: يعني قبل لا ابعد مسافه طويله وبعد خمس او عشر دقايق من وقووف الطراد يقولي افلان او علان تكفى ابو عبوود رجعني بموووت اجربهم في هذي المنطقه,,, وهذي منطقة الاختبار تحدد هل ابعد او ارجع البيت ,, ومن اول خمس دقايق شفت وجيه المرافقين في الرحله ما تسر لا قريب ولا بعيد وبدئت الاوجه بالتصبب من العرق واخذت الوانهم تميل الى لون الربيان واعيونهم حسيتها بدت تصغر قلت بسم الله وش ذا ههههه شكل دوار البحر تمكن منهم المهم بدا يتبطح القروب الواحد تلو الاخر والانين يزداد ابي امي ابي زوجتي المهم كان البحر في صيد ولكن مع الاسف ان سلامة الشباب الاهم فقلت لهم صبرو على الاقل ربع ساعه اصيد لكم ايدام بكره على الاقل وفعلا خلال ربع ساعه تم اصطياد ما يقارب 4 كيلو وبعدا رجعت الفرضه ,,, واليوم استلمت الشباب اطنازه في الدوام ,,, المهم

كان عندي قروب ثاني في تمام الساعه 12 من نفس اليوم الخميس لليلة الجمعه انا قبل لا اطلع مع القروب الاول رسلت لهم رساله وقلت لهم خلكم جاهزين الساعه 10 خخخخ لاني حسيت اني مراح اطول مع القروب الاول

وفعلا طلعت مع القروب الثاني ووقفت عند نقطة الاختبار بس الحمد الله طلعو الشباب ينشد فيهم الظهر وكملنا الطريق 45 كيلو داخل البحر لين وصلنا الى الموقع:good: وبدأت المجزره الشعريه الفسكريه الي ختمناها بهامور كان الصيد ولا اروع لين اشتد علينا البرد اشوي وطلعنا بدري

اخليكم مع بعض الصور الي صورتها بعد ما طلعنا من البحر اسف بس انا وقت الصيد كنت مشغول باشياء اهم

هذي الثلاجه بالكامل كانت من نصيبي :good2:

وهذي كانت حصيلة صيد الشباب

صوره من صيد الشباب في الطراد الثاني

نهاية التقرير:good2: __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حداق العقير وكورنيش الدمام	محروم.كوم	منتدى أخبار المواقع والمنتديات العربية والأجنبية	0	05-09-2012 10:50 AM
رحلة نهار الجمعة خفافي 38 كيلو عن الدمام	محروم.كوم	منتدى أخبار المواقع والمنتديات العربية والأجنبية	0	12-25-2011 02:40 AM
حداق سبيطي وصارت حداق هوامير	محروم.كوم	منتدى أخبار المواقع والمنتديات العربية والأجنبية	0	10-31-2011 12:50 PM
حداق طاروف ليلة الخميس من بندر الدمام وياحول اللي ماله طاروف.	محروم.كوم	منتدى أخبار المواقع والمنتديات العربية والأجنبية	0	06-04-2010 10:50 PM
شباب ماهو ارخص مكان لادوات الصيد في الدمام وافضل مكان للصيد في الهاف مون حداق	محروم.كوم	منتدى أخبار المواقع والمنتديات العربية والأجنبية	0	07-04-2009 09:40 PM