{ كيــــف تجازيـــه بالشيــــن من شفت طيبه}...... ابى رايكم وانتقاداتكم...

***نفحـــــة العــــود*** · #1 02-05-2008, 02:53 AM

السلااااااااااام عليكم ورحمة الله وبركاته...

اشحااااااااااااااااالكم يالغاليين؟؟عساكم بنعمة ن منه سبحانه

واشحال ربوعكم واليماعه؟؟..عساهم اطياب ومايشكون باس

المهم اني اليوم قاعده فالدوام ووصلتني مسج من وحده كنت اعتبرها اعز ناسي...كنا اني وياها ندرس رباعه فمسقط...

تدرون بعيد عن اهلنا وعند ناس غير عن عاداتنا وخروفتهم غير...فكنت حاسه بوحشه وظنيت انها بتكون ونيستي ...

وظلينا رباع لمدة سنه...وشوفو الغم شو سبب فراقنا

اني صارخت عالدكتور بسبتها وهو عصب وسقطني فمادته

وهي السبب..بس بعدها قالت اني ودي ارابع بنات مايسقطون ولا عندهم مواد يعيدونها..نخيلوا كل هالمعزه راحت بسبة ماده سقطوني فيها وهي السبب..وشفت منها الويل......هي ورذالتها..

بس ربي عوضني باللي احسن منها..وهي ماتسوى مداس ريولهن

والحين بعد ماخلصنا الدراسه وكلن راح لهله

كل ماتشوفني تقول ليتنا نرجع ندرس واعوض الاوقات اللي ماقضيتها وياك...قلتلها يابنت من يفوت الفوت ماينفع الصوت

والماي من يندحج ماينلحج....واظنها فهمت المقصود..

اسفه طولت عليكم بس بغيت اشارككم قصتي....

وترا القصيده كتبتها اليوم فالدوام...واتريا انتقادات فالوزن..

و اللي يقدر يوزنها لي بكون شاكره له..

اقووووووووووووووووووووول:::

بعض البشـــــر هو عنوان المعانــــــاة

لو ما يجيــك الحزن روحه يجيــــــبه

***********

خالي من الإحســــاس راعي المـزلات

هو الشقـــا و معني لكلمة مصيـــــبه

***********

مـــدري أوصف ولا اروي الحكايــات

اللي تشيـــب الراس وكلها عجـــــــيبة

***********

مخلوق من نطـــفه ولكن فيه طــفرات

فيه اللي سهل ن تفهمه وفيه الصعــيبه

***********

لا يدري عن مبدءا ولا خلــق ومساواة

دومه خسيس وسهمك.. لا ما يصـــيبه

***********

ساعات أفكر وألــــــوم النفس ساعات

اشلــــــــون انا كنت للنـــــذله صحيبه

***********

كنت اعتبرها اعز من عــــز الاخوات

وما في صحـــــبتي شي تقدر تعـــــيبه

***********

لكن رذيـــــل الطبع له دوم ثغـــــرات

ومايـــــسلم من شره حتى جريــــــــبه

***********

خبث وخيـــانه وزود مرذل الـــــذات

طعن الخنـــــــاير دم يسكب صبيــــبه

***********

كلن يـــقولي حذري شكلها م الرذيلات

واقول ياخوتي لا..... لاتهينوا الحبيبه

***********

كيف ما فطنت روحك من الشر تقتات

وقلبك سجين ومسجون فشكه وريــبه

***********

ويوم انكشف من باطن القلب عـــلات

دارت بي الدنيا يا ناس دوره غريــبه

***********

قمت اتنشد وش صار وتخنقني عبرات

كيف تجازيه بالشين من شفت طيـــبه

***********

قلت بتصبر وبترك الـــود بسكــــــات

وقمت اتحسف يالله مكبرهــــا خيـــبه

***********

معقوله جرحي لين هالحيـــن ما مات

ليتني ابدل هالقـــلب بوحد ن ينيـــــبه

***********

وليت الزمن لي فات ماكان قد فـــات

حتى ابرد عالقلب واخمد لهيـــــــــبه

***********

واسفهك انتي من البشر يابنت بالذات

ولا لي ف ودك طربه ولا لي طليبه

***********

روحي عسى لك من غيري فالدرب لسعات

حتى تحسي بعوقي من تشتقي بــــه

***********

بدلت ودك يالشقا بأخير بنيــــــــات

قلبي تداوي علــــــته وتغدي طبيبه

***********

واني مريح اسمعلي طارج وشلات

وانتي بحقدك خلك ياعسى تصطلي به

وسلاااااااااااااااااااااااااامتكم....

ادري انها طويله بس طلعت من قلبي...

اختكم (انا بدويه) __DEFINE_LIKE_SHARE__

.: الـشـامـخ :. · 02-05-2008, 04:50 AM

السلام عليكم

صح السانج وربي لاهنتي على الكلامات الطيبه

وما فيج حيله تسلم يمناج تقبلي مروري

@@@ أخوج @@@ __DEFINE_LIKE_SHARE__

*نظره مني تسدك* · 02-05-2008, 10:16 AM

بدلت ودك يالشقا بأخير بنيــــــــات

قلبي تداوي علــــــته وتغدي طبيبه
واني مريح اسمعلي طارج وشلات
وانتي بحقدك خلك ياعسى تصطلي به

سلامي علييييييييج كلمات روووووووووووووعه في ذمتيه
سلمتي ولا هنتي ع الطرح الرايع تقبلي مروري __DEFINE_LIKE_SHARE__

***نفحـــــة العــــود*** · 02-05-2008, 12:57 PM

المشاركة الأصلية كتبت بواسطة .: الـشـامـخ :.

السلام عليكم

صح السانج وربي لاهنتي على الكلامات الطيبه

وما فيج حيله تسلم يمناج تقبلي مروري

@@@ أخوج @@@

وعليكم السلام ورحمة الله وبركاته

صح بدنك اخوي الشامخ...نورت صفحتي بحضورك المميز

يسلم غاليك ومغليك ...ويعطيك كل العوافي عالمرور الطيب

الله لا خلانـــــــــــــي تواصلك العطر يااخوي... __DEFINE_LIKE_SHARE__

***نفحـــــة العــــود*** · 02-05-2008, 01:02 PM

المشاركة الأصلية كتبت بواسطة *نظره مني تسدك*

بدلت ودك يالشقا بأخير بنيــــــــات
قلبي تداوي علــــــته وتغدي طبيبه
واني مريح اسمعلي طارج وشلات
وانتي بحقدك خلك ياعسى تصطلي به

سلامي علييييييييج كلمات روووووووووووووعه في ذمتيه
سلمتي ولا هنتي ع الطرح الرايع تقبلي مروري

تسلملـــــــــــــــي روحك الحلوه يالغاليه....

يسلم راسك غناتي نظرة مني تسدك....ويعطيك العوافي..

واشكرك عالمرور اللي يريح البااااااااال...

الله لا يحرمني هالتواااااااااااصل اللي ماتعوضه كنوز الكون __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أخوكم عضو جديد وينتظر رايكم وانتقاداتكم	محروم.كوم	منتدى أخبار المواقع والمنتديات العربية والأجنبية	0	06-21-2010 08:50 PM
طيبه القلب في رايكم ..هل هي ضعف شخصيه ام حسنه؟	غالية الثمن	الحوار والنقاش - الرأي والرأي الآخر	7	10-30-2009 05:23 PM
طيبه القلب في رايكم ..هل هي ضعف شخصيه ام حسنه؟	غالية الثمن	الحوار والنقاش - الرأي والرأي الآخر	1	10-28-2009 03:32 PM
مطلوب فروخ مثايل طيبه او شيهانه طيبه بالحيل	محروم.كوم	منتدى أخبار المواقع والمنتديات العربية والأجنبية	0	08-26-2009 10:30 AM
{كيفــــ ترحلـــــ..؟!	محرومت_AD	الشعر المنقول	2	08-11-2008 01:27 AM