{ كيــــف تجازيـــه بالشيــــن من شفت طيبه}...... ابى رايكم وانتقاداتكم...

ઇ النورس ઇ · 02-07-2008, 03:25 AM

وعليج السلام ورحمة الله وبركاته

مرحبابج ختيه فالاستراحه الشعريه

منوره وربي ^^

..

عاده انتي قلتي اتريا انتقاداتكم ^.^

ف اسمحيلي اذا غثيتج بانتقاد او ما شابه

...

أولا

دام انه القصيده نابعة من تجربه

ومن احساس عاش موقف معين

فهي بلا شك تكون مميزه ورايعه

لنها تصف ما بالقلب من مشاعر

فالمشاعر هي بحد ذاتها ممزيه وراقيه

,, قصيدتج ما عليها زود

وتعابيرج مافيها حيله

..

بعض البشـــــر عنوان كل المعانــــــاة
لو ما يجيــلك الحزن بروحه يجيــــــبه

أنا أشوف لو قلتي كالتالي :

بعض البشر هو عنوان المعاناة
لو ما يجيك الحزن روحه يجيبه

لنه اذا قلنا (( بعض البشر عنوان كل المعاناة ))

بيكون البيت ثقيل شوي .. (( عنوان كل المعاناة ))

لنه يكون في وقفه .. فالبيت ما ينساب بسهوله

المشكله في (( عنوان كل ))

خلت في ركاكه بسيطه ..

والشطر الثاني

ما يحتاي تقولين (( يجيلك )) ,,

خلي بدلها (( يجيك )) .. تكون اخف وتنساب مع الوزن

ومب شرط تقولين (( بروحه ))

(( روحه يجيبه )) تكون أنسب للوزن

شوفي الفرق بين البيتين واحكمي

,,,,

البيت الثاني مافيه خلاف ^^

والبيت الثالث أيضا

,,

مخلوق من نطـــفه ولكن كله طــفرات
فيه اللي سهل ن تفهمه وفيه الصعــيبه

لو قلتي :

مخلوق من نطفه ولكن فيه طفرات

أحسن من لو قلنا : مخلوق من نطـــفه ولكن كله طــفرات
(( ولكن كله طفرات )) .. تؤثر على نغم القصيده وعلى الوزن

اقري الاثنين وشوفي الفرق

والشطر الثاني مابه خلاف

...

البيت الخامس فنان وغاوي ^,^

مابه خلاف

...

ساعات أفكر وألــــــوم النفس ساعات
اشلــــــــون كنت أني لها لنذله صحيبه

الشطر الأول .. وزنه تمام

الشطر الثاني لو قلتي :

(( شلون أنا كنت للنذله صحيبه ))

اما لو قلنا (( شلون كنت اني لها للنذله صحيبه ))

يكون ثقيل شويه ,, ومافيه انسيابيه

...

البيت السابع تمام ..

البيت الثامن مافيه حييله وربي

أبدعتي فيه

ايه والله ما يسلم منه حتى جريبه ^^

ابدعتي فيه ختيه

وهذا دليل على حسج الراقي

...

وبسس

باقي الأبيات ما عليها زوود

وان كان فيها شي

ف بيكون شي بسيط
..

أشهد انج أبدعتي ختيه

سجلي اعجابي بما طرحتي

..

أبياتك في غاية الجمال والمعاني وربي

نابعة من حس صادق .. وتجربه واقعيه

..

مزجت قصيدتك ِ ,, بين الندم .. الأسف والقوه والوصف

ندمتي وأسفتي على الصحبه القديمه ,,

وصفتي تلك الصاحبه ,,

وظهرت القوه في بعض التعابير

..

عوضج الله بأحسن منها

وهذا الأهم ^^

..

عندج موهبه ختيه

وعندج قدره على الوصف

صح لسانج وربي لا هانج

..

أنتظر جديدج

اعذريني اذا بدر مني أي غلط

..

اخوج النورس

ربي يحفظج
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أخوكم عضو جديد وينتظر رايكم وانتقاداتكم	محروم.كوم	منتدى أخبار المواقع والمنتديات العربية والأجنبية	0	06-21-2010 08:50 PM
طيبه القلب في رايكم ..هل هي ضعف شخصيه ام حسنه؟	غالية الثمن	الحوار والنقاش - الرأي والرأي الآخر	7	10-30-2009 05:23 PM
طيبه القلب في رايكم ..هل هي ضعف شخصيه ام حسنه؟	غالية الثمن	الحوار والنقاش - الرأي والرأي الآخر	1	10-28-2009 03:32 PM
مطلوب فروخ مثايل طيبه او شيهانه طيبه بالحيل	محروم.كوم	منتدى أخبار المواقع والمنتديات العربية والأجنبية	0	08-26-2009 10:30 AM
{كيفــــ ترحلـــــ..؟!	محرومت_AD	الشعر المنقول	2	08-11-2008 01:27 AM