.."*..بالهداوهـ يا دوا المشـتاق خذني بالهداوهـ .."*... - الصفحة 4

روحي مشتاقه · 11-01-2012, 07:57 PM

السموووووحه ع التأخير

اتمنى القى تفاااعل ف الروايه

احم ابغي اجوف توقعاتكم و ردودكم

__DEFINE_LIKE_SHARE__

عجزت أنسآكـ · 11-01-2012, 09:02 PM

السسـلآم علييككم ورحممه الله وبركـآآته . . .
ششحـآآلجج . . . ؟

الصـرآحـةهـ البـآرت حبتييين ومـآعلييه اي كـلآم
ويسلمونيشششن على هالططرح المميز ,, بس المرة اليـآية لآ تتـأخرين ههه

.. توقعـآتي ل الشخصيـآآآت

ودووم : عيبتني ششخصيتهـآآآ وآحسههـآ بتحب منصصور !!

منصـور : خققـآآآق هه مـآدري لييش يكره ودووم ,, وآعتققد هو يحبهـآ
بس مـآيبـآ يعترف ويكـآآبر

منصووري الصغيروني : حبيبي والله مسوي جو ف الروآيةهـ

فلآح : عسسى مـآششر بلآهـ ..

وبـآآققي الشخصيــآآت لآ تعليييق ..

..

ونترقب البــآآرت اللي عقببه > بس متى بيكوون . . ؟
__DEFINE_LIKE_SHARE__

روحي مشتاقه · 11-08-2012, 09:30 PM

باااااااارت (( 5 ))

ام محمد : اسميك انك صدق ولد ابوك شراته ضاهر... وينه عيل فلاح وحمد
فطامي : حمد سار المستشفى
ام محمد : ويديه شو بلاه شو المستوي اشعنه سار الدختر
اتغيضت وديمه ولطمت اختها على جتفها
وديمه : لا ماماه ما بلاه شر ان شاء الله ساروا يسلمون على واحد من ربعهم مسوي حادث حليله
ام محمد : وييه يوم الله سلمه حليله
وديمه : هيه
ام محمد : وشو سبب الحادث
وديمه : ما ادريبه ما قال نزلنا امره وسار هو ومنصور وفلاح وما قال شي
ام محمد : يالله بردت اعظاميه.. اتروعت
وديمه : بسم الله عليج امايه ما من شر يالغاليه بس هاي فهمت السالفه غلط وال تراه ما شر الحمدلله
ام محمد : الحمدلله يوم محد فيه باس
وديمه : لا الحمدلله... فطامي سيري فوق
فطامي : ليش؟
وديمه : باكلج .. قلت لج سيري وبلحقج
فطامي : انزين
ام محمد : بلاخ على ختج.... اشوه عندج؟!!!
وديمه : ما شي بس براويها شي فالكمبيوتر
ام محمد : هيه
وسارت وديمه فوق

فالمستشفى
منصور : هاه بلاه فلاح شو قالوا فيه
حمد : ما ادري الدكتور عنده
منصور : عنبوك وميلس هنيه ظك هنه بسير اطالعه ما منك فايده
وسار منصور داخل ولحقه حمد
منصور : هاه بو الشباب شو حالتك الحينه اشوى
فلاح : على حالي
منصور : افا ما اطيع .. وهالابيض شو مصبح يسوي عندك
فلاح : يفحص
منصور : خسه الله
حمد : شو قال فيك
فلاح : ما ادله رطن على السستر وضهر
منصور : هيه هاي شغلته ... وهالواير حق شوه..؟؟؟ شو فيه..؟؟؟ اخاف سم..
حمد : يا ريال شو هالخبال سم فخشمك عنبوك نحن فالدختر خل الواير لا اتمطه .... يا الخبال
فلاح يضحك
حمد : لا لا تضحك اخاف المىء (( المغذي )) اللي فالواير يغلط فشوارع يمبك ويعفد على الاحبال الصوتيه
منصور : يالله اسميك فضايح محد بيبك مره ثانيه يالله سر سر
حمد : هيه ان شاء الله بسير ورد ابروحك انزين
منصور : جب جب فلاح ارتاح الحينه وعن يمطلـك الوايرات هنيه انا بسير اطالع هالابيض وبرد عليك
تدري خطر اخلي هالريال عندك بشله فيايه
مسك حمد وساروا صوب الكتور وفلاح يضحك عليهم لانهم يسوون هالحركات يبون يضحكون فلاح
حمد : excuise me doctor, but I wont to ask about the patient
Falah Sultan Mohammed Al………….
Doctor: Oh, yes
حمد : Can u tell me from what he suffer
Doctor : don't worry, he will be okay but he will sleep here for 3 days to be sure that he will be good
منصور: So, he will sleep for 3 days that means he has a problem
Doctor : Acually not but we wont to be sure that he don't suffer from any problem so we will test him to check the work of his body and this is the reason why we wont him to sleep here
منصور : يا حيك ويا رمستك.. يا ريال قول غير جيه
حمد : لم ثمك فضحتنا ......thanks doctor
Doctor : ur welcome
حمد : بلاك انته جيه
منصور : يرطن بسرعه ما ضويت شي
حمد : هب بلازم.... وبعدين ما تنلام بالدز ناجح.. اشدراك انته فضايح
منصور : لا حشاك انته اللي اتعرف وناجح بشطاره
حمد : صه .. اسكت ... خلنيه اشوف
منصور : جيه قابض عيونك
حمد : بسير اتخبر حد غيره يرمس عربي
منصور : لا واتعايب علموك بعد طالع عمرك
حمد : لو سمحت اخويه ابا اتخبرك تونيه مرمس دكتور انجليزي هو كان فاحص اخويه ابا اعرف ليش بيرقدونه هنيه
الدكتور : ايه شو ألك
منصور بصوت واطي : ما أآلوه شيي لووووول
حمد : لا قال شوية فحوصات
الدكتور : ايه ازن خلص ما في أي خوف
حمد : لا يوم اتخبرته قال انه ابخير ولو هو ابخير جان ما رقدوه والفحوصات عادي بيفحصونه وعقب اسبوع بني انطالع اشعنه بعد يرقدونه
الدكتور : ايه شو اسموه لخيك
منصور : خيوه اسموه فلاح سلطان محمد ال......ي
الدكتور : لحزه بدي شوف..... أي كاتب انوه لازم ينام هون
منصور : ايه بنعرف بس هوي خايف على خيو وبيأصد اشعنه بدكن اينام هون
حمد يضحك على رمسته
حمد : يا خي خربت لهجتهم
الدكتور : ههههههههه ما عليه عادي ... شو اسمك انته
منصور : اسميه منصور
الدكتور : ايه والنعم
منصور : ينعم بحالك
الدكتور : وانا اسمي أيمن
منصور + حمد : عاشت الاسامي
حمد : انزين طالعلنا هالمريض ورانا الوالده فالبيت ما فينا عليها
د.أيمن : ايه تكرم عينك
منصور : الله يسلمك بس لو عيونك التنتين بيكون احسن
د.أيمن : إيه تكرم
حمد : مشكور.... منصور ... فضحتنا خبله مستوي ما ينسار بك حشم
منصور : هيه هذا يزاي اللي بيفازعك ما عليه ها ويهي
حمد : قدها
منصور : وقدوود
حمد : عيل اقبض الباب
منصور : عطنيه السويج
حمد : اشله؟
منصور : برد البيت
حمد : لا حويذق ما شاء الله عليك
منصور : اعجبك ^_*
حمد : اسكت يالله هاذوه الدكتور يى وعن الحشره
منصور : إيه تكرم بن عمي
حمد : هههههههههههه خس الله رمستك الملغه ههههههههههههه
منصور : هاه ما اسمحلك كله ولا رمست دكتورنا
حمد : اسبك انته والا الدكتور اسكن حليله رمسته حلوه عليه

في بيت بو محمد
وديمه : الله محلاته من فلم عيبنيه
فطامي : هذا عادوه قد شفته قبل
وديمه : انزين شكرا ... تدرين انيه كنت ما اشوف شي لانه عليه دراسه بعد شو هالرمسه ما تبين اتشوفينه جلبي ويهج وخلينيه استمتع به
فطامي : ما ابا ابا ايليس ما عندي شي اسويه طفره
وديمه : عيل الشيخه اكرمينا بسكوتج
ام محمد : ما ادري احس انه شي مستوي
وديمه : لبيه امايه
ام محمد : أقول حاسه انه شي مستوي وما قنعنيه (( أقنع )) كلامج
وديمه : افاااااااا يا الغاليه واشقايل عيل بجذب عليج فديت روحج
ام محمد : ما ادري....
وديمه اطالع فطامي واترمسها بالحركات : كل منج يالفارطه امره ما تقبضين شي
فطامي : اص
وديمه : هيه اص ما عندج شي اتقولينه
ام محمد : سيري هاتي تليفونيه بشوفج
وديمه مرتبكه : هاه اماه شو تبين
ام محمد علت صوتها اشويه وهي متغيضه : وحده منكن تيب تليفونيه والا انا بنش وبيبه
وديمه : ان شاء الله ماماه (( وسارت تيب التليفون ))

فالمستشفى
حمد : دام انهم بيرقدونه بتصل بالوالده اخبرها اهم شي انه ابخير الحينه ولا فيه باس
منصور : الحمدلله .... واشعنه ما اتسويلها من قبل
حمد : قلت الولد ما فيه شي حراره بنعالجه وبنرده وخلاف بتشوفه عن لا انروعها لكن يوم الا السالفه فيها رقاد لا بخبر امايه
منصور : رمسها عدل عن لا تفهم السالفه غلط واتروعها اتعرفهن انته الامهات
حمد : لا اتوصي
منصور : هاه شو اتحس بعمرك الحينه
فلاح : الحمدلله اشوى عن مساعه (( من شوي ))
حمد : هيه حتى حرارتك خفت اشويه
ولانه السستر حادره
منصور : شو بتسوي بعد
حمد : الحق اشوفها قابضه مال الابر... جان ما تعطيه وحده
منصور : هيه يقولون الشرده نص المريله.... يالله فمان الله
حمد : الا ابره اسميك ... سستر هذا ريال يريد واحد ابره
منصور : هيه جيه ارغيد انا
شوي لانه تليفون حمد يرن حمد طالع الرقم ورد على طول عقب ما ضهر برى
منصور : هاه عورتك الابره
فلاح : لا عادي
منصور : هيه عيل ايدها خفيفه يا حيها ما يتك وحده من هالدفشات اللي اتخبق لك يمبك (( جسمك ))
حمد : والله يا الغاليه ما فيه باس يقولون بيفحصونه ولازم يرقدونه هنيه
ام محمد : وايه اشعنه يرقدونه
حمد : لازم الدكتور جيه ايقول
ام محمد : واشعنه ما اتخبرنيه هاه >> معصبه
حمد : ما بغيت اروعج قلت بنعالجه وبناخذ له دوا وبني ما دريت انهم بيرقدونه
منصور ضهر خاري عند حمد
ام محمد : انزين ليش ما اتصلت ليه
حمد : اتخبريه هاه منصور عداليه قلت له يوم انهم بيرقدون الصبي بتصل حق الوالده
ام محمد : يالله يايتنكم
حمد : نترياج

بيت بو سعيد

سلامه : يالله يا الطفره ما بتودونا بقعه غاويه
ام سعيد : وين تبين
سلامه : أي بقعه خاري
ام سعيد : وين خاري فالحوش
سلامه : ههههههههههههههههههه اشدراج ..... لا امايه نبا برى لبلاد
ام سعيد : لا برى ما شي ما اداني سيرت برى امره ما اعرف لهم .. غير يوم انته في بلادك
سلامه : انزين صح امايه بس انغير جو
ام سعيد : سيري العزبه ويا خوج ولا ابوج وغيري جو
سلامه : ههههههه العزبة عاد شو بيلس اسولف ويا البوش ولا الهوش ولا احسن ارابع ورى الدياي والبط هههههه

ام سعيد : سفيتي وياها رمسه

وانرد للمستشفى

ام محمد : هاه الغالي ربك ابخير
فلاح : الحمدلله يوم شفتج انا ابخير
ام محمد : يعلنيه ما اذوق حزنك يالغالي فديت روحك شو بلاك
حمد حب امه على راسها وخلاف منصور يى و وايها
ام محمد : اشحالك منصور بويه... واشحال عربك
منصور : يسرج حالهم وحاليه خالتيه ومن صوبج
ام محمد : ابخير الحمدلله

حمد : سامحينيه الغاليه والله ما بغيت اشغبج (( يروعها )) عليه.... اسمينيه متلوم فيج
ام محمد : لا فديتك ما عليه .... لا اتلوم ولا شياته شوفتكم عنديه كم تسوى
منصور : عيل سامحونيه انا بسير
ام محمد : وين الغالي ما يلست
منصور : امايه اخافها اتحاتينيه اتأخرت
ام محمد : لا عيل برايك ... اسمحلنا فديتك شطينا بك
منصور : لا والله عنبوه هليه هذا خويه وانتي اميه
ام محمد : هيه والله الا صدقت
منصور : يالله فمان الله وتصبحون على خير وتستحجين سلامت فلاح
ام محمد : الله يسلمك الغاليه
وضهر منصور
حمد : امايه بسير وبيي
ام محمد : ما عليه برايك
ولحق منصور
حمد : منصور حووووه وين ساير
منصور : البيت بعد وين
حمد : انزين وامنوه بيوديك يوم انك ياي ويايه
منصور : دقيت حق أحمد وبيخطف عليه يقول قريب
حمد : لا والله ما اتشبر غير فيايه عنبوك ربعت بوش
منصور : امك ابروحها هنيه فيا خوك وبتخليهم ... لا صك الدعنه... انا ريال وما عليه باس
حمد : ما اطيع وانا ولد سلطان.. وبعدين اميه ما عليها باس اصلا لو تدري بتزعل تتدريبها
منصور : ادريبكم.. انزين وشو الراي بأحمد
حمد : سوله قوله انيه بييبك.... والا انا بسويله
منصور : لا انا بسويله
وسوى حق اخوه وقاله
فالسياره اتصلت وديمه
حمد : مرحباااااااااااا الغاليه
وديمه : المرحب باجر ... وجان استحي لوووول
حمد : يالله عاد
وديمه : هاه خبرنيه عن فلاح ربه ابخير
حمد : الحمدلله ابخير
وديمه : يتكم امايه
حمد : هيه... تعالي صدق امنوه خبرها انه نحن فالدختر... وانا اموصنكم
وديمه : ختك هالفارطه امره ما اتلم ثمها امفضحتنا عند العربان
حمد : هيه .... خلاص هب مشكله... اقول تراه فلاح بيرقدونه 3 ايام
وديمه : ليييييييييييييييييييييييييش
حمد : بيسون له فحوصات
وديمه : فديته والله ما يستاهل انزين ابا ايكم ابا اشوفه
حمد : ما عليه بودي منصور بيتهم وبخطف عليج ألاقيج زاهبه
وديمه : ان شاء الله

عقب 3 ايام ضهر فلاح من الدختر وما فيه الا العافيه بس تعب شويه
واليوم الرابع كان يوم اربعا

..×'؛..\\ ......... الصبح في بيت بو محمد ......// ..×'؛..

بو محمد : شو رايكم انسير ليوا كمن يوم وانرد
فطامي : لاااااااااء شو بنسوي هناك
وديمه : هيه هيه هيه انغير جوو
فطامي : مالت عليج شو اتحرين عمرج بتركبين طياره
وديمه : شو بلاها ليوا والله انها غاويه ... بابي (( بابي بالانجليزي = باباتي )) هيه بنسير ما عليك منها
بو محمد : عمكم بو سعيد عازمنكم فياه قال انهم بيسيرون ليوا وقال بشاورنا جانه نبا انسير وياهم يقول اللمه زينه
وديمه : الله .....الحينه بتحلى السيره اوكيه
ام محمد : فطامي بلاج مبوزه
وديمه : برايها اللي ما يبا ايسير البيت موجود
فطامي : انتي جب
ام محمد : وايه شو هالرمسات
وديمه : امايه..... باباه ايقول بنسير ليوا وهي ما تبا اتسير بطرانه
ام محمد : عراحتها اذا ما بتسير بنوديها بيت يدها ويدتها تيلس عندهم
فطامي : لا والله
بو محمد : ايييييهاااااا يا فطامي
ام محمد : شو تبينا انسويبج... وين تبين
فطامي : اريد برى الامارات
ام محمد : وايه خسج الله شو تبين عقب بلادج
فطامي : لا يعني انغير جو والحينه حر موووووووووت يالله
بو محمد : ما عليه امنوه قالكم ما بنوديكم برى لبلاد صبروا طشونه يخلص محمد وخلاف بنسير
فطامي : الله يعلنيه افداك يا بويه
وديمه : فديت سلطون يا ربيه ولوت عليه
ام محمد : اييييهاااااااا عنبوج حشمي اسميج بايعه مذهبج شو هالرمسات كم مره بقولج ما تستحين ابوووج هذا
وديمه : سووووووووووووووووووووري ...وحبتها .. ادريبج اتغارين منيه على ابويه حركات الامهات بعد
ام محمد : شو هالرمسه بعد اسميج الا ما صخه ... هذا بزاك انزين اتحمله
بو محمد : بناتيه محد شراتهن واذا اتغارين عادي ريلج انا
ام محمد : خس الله رمستكم .... وسارت متغيضه

سلامه دقت على وديمه
سلامه : سلااااااااام عليج غلاي
وديمه : عليج السلام والرحمه واشحالج
سلامه : يسرج الحال ومن صوبج
وديمه : سيم سيم
سلامه : يا حيج اقول بتسيرون فيانا ليوا
وديمه : هييييييييه
سلامه : تدرين ابويه وامايه من قبل قايلين بيسيرون وقالوا بيقولون لكم عاد انا فرحت قلت بتكون السيره احلى
وديمه : هيه والله صدقج
سلامه : هزرج كم بناخذ هناك ؟؟؟؟؟؟
وديمه : ما ادري يومين ولا ثلاث
سلامه : هيه زين اوكيه اتزهبي عسب انسير
وديمه : اوكيك ... سلمي
سلامه : يوصل ... واحمد
وديمه : سباله ترانيه قلت لج سلمي يعني على الكل... اوكيه الكل سمعتي
سلامه : هيه هيه خلاااااص اسولف
وديمه : امحق سوالف يالله برايج
سلامه : مع السلامه

الخميس الصبح كلهم زاهبين قوم سالم وسلطان
قوم سلطان :-
سياره استيشن سماويه فيها بو محمد – ام محمد – منصور – فطامي – وديمه // السياره الثانيه بورش اسود طرر مال حمد سار فياه خوه فلاح
قوم سالم :-
سياره استيشن ذهبيه فيها بو سعيد – ام سعيد – سلامه – زاهره
وسرحوا ووصلوا رماح ثلاث سياير ورا بعض حمد واخوه فلاح مسرعين اول شي وراهم بومحمد واخر شي بو سعيد
وشوي ولانه سياره مسرعه كل ما تخطف عدال سياره اتصيح لهم هرن سبقتهم كلهم ومشت جدامهم امنوه اتوقعون ؟؟؟؟؟؟؟
^
^
^
^
^
^
^
^
^
^
^
^
^
^
^
^
^
^
^
^
^
نسيان اسود عليه رقم رباعي أحمر
^
^
^
^
^
^
^
^
^
^
^
^
^
^
^
^
^
^
^
^
^
^

ام سعيد : بسم الله امنوه هذا
بو سعيد : ولدج
ام سعيد : أحمد !!!!!!!!!!!! وااااااااااااايه بسم الله عليه
بو سعيد : الله يهديه
وسارت سوتله وقالتله يخف السرعه
احمد : مرحباااااااااااا بالغاليه شصبحتي
ام سعيد : خف السرعه عنبوك طاير بالله وبغير الله شو وراك
أحمد : ههههههههه ان شاء الله الوالده الحينه بمشي 20 بعد شو تبين كم ام سعيد عندنا
ام سعيد : هيه اطنز يالله سكر سكر وسكرت عنه
أحمد : اوووووب زعلنا الوالده وخف السرعه ومشى وراهم عسب يراضيها بطريقته لانها سكرت في ويهه
في سيارة أحمد
منصور : بلاك خفيت وبلاها الوالده
أحمد : لا اتخبر هزبتنيه
منصور: ههههههههههه احسن حد قالك مسرع ما ادري شو وراك
أحمد خف السرعه وسار صوب الرصيف اونه بيوقف
منصور : بلاك
أحمد : انزل سر بروحك
منصور : افااااااااااااااااااا يا ولد سالم خوك انا هب واحد من الربع
أحمد : عيل تضحك عليه......... لا ما تسرع انته يارك الله
منصور : خلاص يالله جانك ما تقهر السوالف هب مسولف
أحمد : احسن بعد لوووول
ومشى أحمد لانه كان يغايض اخوه
منصور : يا الجلب كنت بتنزلنيه امحق اخو لو الصديق ما خلاك وين اخوك ااااااايه يا الدنيا جانج جيه غديتي
أحمد : بلاك اتحرطم .... اسكت اسكت اسمع
وطول على المسجل

" طـــــــــــــال ليلـــــــــــي....
من تعلـــــــيلي....
مــن تجافي خلي الغالــــــي...
باتوا اربوعي مذاهيلي... "

منصور : ويه مال أول مزينها كم كنا انيول عليها ومحتشرين
أحمد : اسمع اسمع

" ما درى المن يرتاح بمجيلي
ساهي(ن) لاهي عن أحوالــي
وإلا انا ميت ميت(ن) حيلـــي
من مصابي الحب غربالــــي
تذرف ادموعي مهاميلـــــــي
والجفن ما يى بالكرى ذالـــي
وان رقدت يسهرني الويلـــي
وان يلست يطرى على بالــي
بن خليفه يتك ادخيلـــــــــــي
يا عريب الجد والخالــــــــي
في من يفهم مراسيلــــــــــي
مشتجي ويوسعلي البـــــالي "

وصلوا ليوا وحجزا فالفندق ليديد
فله فيها كلهم يالسين الشباب حجزوا حجر داخل الفندق حجرتين كل 2 ارباعه
نزلوا اقشارهم وارتاحوا واتغدوا وعينوا من الله خير

عقب الغدا.................

بو محمد وام محمد ساروا يرقدون ومنصور فياهم ام سعيد وبو سعيد بالمثل ..... زاهره وسلامه وفطامي و ودوم يالسات فالصاله يسولفن ويضحكن وفرحانات
وديمه : الله اسميها حلوه السيره
سلامه : هيه احلى شي السياير ورى بعض ... فاتج أحمد كان مسرع وايد
وديمه : هيه ليكون راعي النسيان ... قلتي ما بيي
سلامه : هيه هو اول شي قال ما بيي ويوم الصبحجنه خير رايه فاتج وجان اتهزبه امايه اتروعت عليه تمت كل شوي واتقول اتفطنوله
وديمه : ههههههههههههههههههه شباب
زاهر وفطامي سارن خاري فالحوش مال الفله فيه حوض وعداله كراسي مع مظلاتهن يالسات خاري
وديمه : طالعي فالحر ويالسات خاري
سلامه : هههههههههههههه خليهن حليلهن

والعصر الساعه 5:15 حمد ومنصور وفلاح ياين عندهم ..
حمد : السلام عليكم
كلهن : عليكم السلام والرحمه

منصور : سلامي وين هلكم
سلامي : ارقود
منصور : وانتن
سلامي : ما فينا رقاد
منصور : هيه ..... ويلسوا كلهم فالصاله يسولفون .......
رن تليفون وديمه
وديمه : مرحبااااااااا الساااااااااااااااااااع
اليازيه : المرحب لا هان اشحالج
وديمه : ابخير يسرج حاليه وانتي اشحالج عنبوه من زمان اعدي بج
اليازيه : طيبه طاب حالج الا هنيه...... ما سرتوا بقعه عقب الامتحانات
وديمه : سرنا ليوا
اليازيه : قولي والله ومتى رديتوا
وديمه : ههههه لا اليوم واصلين
اليازيه : قولي والله
وديمه : والله وانتوا
اليازيه : نحن في ليوا بعد ابويه كان بيسير عسب مزرعته وقلنا له بنسير
وديمه : يا حيكم والله تعالونا عيل
اليازيه : وين انتوا
وديمه : نحن فالفندق
اليازيه : هيه .. ما ادري تدرين عندنا عرب وحشره ما ادري اذا بيخلونيه
حمد : حووووووووووه انتي سكري بشوفج
وديمه طالعته بنظره
حمد : والله ان ما سكرتي بكسر تليفونج
وديمه : صبري يزوووي ..... اووهووووو شو تبا
حمد : سكري
وديمه : يزوووي بسوي لج بعدين اوكيه
اليازيه : اوكيه سلمي
وديمه : يبلغ
وسكرت
حمد : بلاج انتي عنبوج ما تستحين
وديمه : ما سويت شي غلط
حمد : لا حشاج امنوه اترمسين
وديمه : يزوي بنت خاليه عمير
حمد : هيه انزين ما عليه.... نحن يايين نستانس هب نرمس فالتليفونات
سلامه : واشحالها يزوي
وديمه : ابخير اتقول في ليوا من يومين
سلامه : حلفي
وديمه : والله
حمد : فالمزرعه صح
وديمه : هيه كان خاليه بيي عسب يطالع مزرعته وبيبات في بيتهم وجان ايقولون بنسير وياك
حمد : يا حيهم
منصور : وينها زهّور
سلامه : هناك فالحجره الثانيه هي وفطامي
منصور : يا حيهن يستانسن
حمد : فلاح شو اتسوي
فلاح : اطالع القنوات اللي في تلفزيونهم
منصور : ههههه اسميك متعبل
حمد : هاي شغلته.... وسار برى الصاله
منصور : حمد ... وين ابها
حمد : الا هنيه .... بتي؟؟
منصور : لا ما فيه سر
وديمه : سلامي يالله قومي ما ابا ايلس اهنيه
سلامي : ليش ما شي بقعه انسير وخاري حر
وديمه : بتيين يا حياج ما بتين برايج عراحتج .....(( وقامت من محلها وسارت صوب باب الصاله اللي هم يالسين فيها ومنصور يلس يطالعها )) ... كان أحمد توه حادر من الباب الله سلمها مادعمته بعدها يعني ما ضهرت من الباب
أحمد : اوووووب
وديمه اتروعت اول شي بعدين ضحكت : اكيد بريكك خربان
أحمد : شو دراج ساحره
وديمه : هههههههه حرام عليك..
أحمد: واشحالج.... اوووووه سلام عليكم جميعا ثره حد هنيه
الكل : عليكم السلام
وديمه : يسرك الحال اتحريتك ما بتي
أحمد : افا عليج اشقايل ما بييي ... عيل كيف بتحلى السيره
وديمه : صدق خقاق
أحمد : شراتج
(( سلامي اترمس فلاح .... ومنصور يطالع أحمد ))
أحمد : وين سايره كلكم سايرين يوم سفتونيه ييت صدق ما تستحون
وديمه : ليش منوه بعد ساير
أحمد : حمد توه ضاهر
وديمه : هيه ... انا ابا اضهر مافيه ايلس هنيه بطالع البيت
أحمد عرف ليش وديمه ما تبا تيلس وطالع منصور
أحمد : هيه عرفت ليش ما تبين تيلسين (( وطالع منصور ))
منصور : أحمد ايه عن التلميحات تسمعنيه
وديمه : لا بس ابا اطالع البيت
أحمد : يالله تعالي يلسي بنسولف كلنا ما عليج
وديمه : ادري انه ما عليه بس ما ابا
أحمد : افااااااااااااااااااا
سلامي : حووووووه بسك انا اللي هيه انا ما سولفت ويايه خلها عن تجبرها
أحمد : جب انتي توج نشيتي
سلامي : ليش كنت راقده
وديمه : يالله.... بسير اشرب مىء وبيي ادري انكم اتحبونيه
سلامي : كيف عرفتي
أحمد : سيري يالله اسميج خقاقه ان زقرتج
وديمه ضحكت وسارت....
أحمد : واعلومكم بعد ... سلامي سيري سويليه جاهي حليب راسيه يعورنيه ما رقدت
منصور : ما ياك الرقاد
أحمد : لاء
منصور : اشعنه
أحمد : ما ادري

..×'؛..\\ ......... في بيت عمير بن حمد خالهم اخو ام سعيد وام محمد ......// ..×'؛..

بعرفكم بعايلة عمير

عمير (( بو خليفه ))
شيخه (( ام خليفه ))
// خليفه 26 س- حمدان 24 س – رفيعه 22س – راشد 21س – النيره 19س – اليازيه 16س – مهيّر 13س//

 خليفه : 26 س معرس وعنده بنت اسمها شيخه عمرها ثلاث سنين وولد اسمه حمد عمره سنه يشتغل
 حمدان : 24س مب معرس شكله عادي مب طويل وايد بس ضعيف يشتغل ويربي خيول
 رفيعه : مخطوبه جمالها رباني وطيبه وحشيم والعرب كلها تمدحها وكم مره انخطبت لكنها كانت ترفض
 راشد : شاب حركي وسوالف أطول عن اخوه حمدان راعي سوالف واجتماعي حلو شعره طويل حشيم وما يغازل يعشق الخيول وركوب الدراجات واللعب بالسياير
 النيره : جامعيه جمالها رباني بعد مب طويله ومب قصيره بعد ضعيفه احلى شي فيها شعرها الطويل صح انه مب نعيم وايد بس حلووو.. راعية حركات وسوالف وكشخه واجتماعيه
 اليازيه : ثاني ثانوي – علمي – تعشق الطبخ طويله مب ضعيفه ولا متينه زين عودها و هاديه واااااااااايد
 مهيّر : ما يخصه بالعرب يحب السوني ( بلاي استيشن ) والكمبيوتر ويقرى كتب يلبس نظارات وشاطر فالمدسه مطور شوي وما يحب البر شرات هله يحب ييلس بورحه يعني انعزالي

هاذي هيه عايلة عمير خالهم

اليازيه : النيره تدرين انه قوم عمتيه حصه هنيه في ليوا
النيره : انزين
اليازيه : ما شي بس اخبرج
النيره : وانتي شو دراج
اليازيه : تونيه متصلحه حق ودوم وقالتليه
النيره : قلتي لها ايون عندنا
اليازيه : لاء هيه قالت ليه
النيره : انزين سيري الحينه مب متفيجتلج اتشوفين انه عندنا عرب سيري فازعينا بشي ميلسه ...
اليازيه : اووهووو .. ما فيه
النيره : خسج الله ذلفي عيل ما ابا اشوفج...

وانرد حق هل ليوا

..×'؛..\\ ......... فالفندق ......// ..×'؛..

بو محمد : اقولك سالم قم بنسير انطالع المزارع وانحوط طشونه
بو سعيد : تم
ام محمد : انزين عاد نبا اقشار جانكم تبونا نطبخ لكم
ام سعيد : هيه وانتوا ياين خطفوا على محل واتشرولنا
وديمه : لا اشعنه بنطلب من المطعم بعد ليش العباله
ام محمد : لا ايعيبنا الطبيخ وبعدين ما ادانيه اكل المطاعم عله جان تبون انتوا عهواكم
سلامه : هيه نحن بناكل من المطعم انتوا برايكم
ام سعيد : بتمتنن من أكل المطاعم صبح وليل ... هب زين شو دراكن و ايحطون فيه
أحمد : اميه نظيف اكلهم لو هب انظيف ما كلناه
ام سعيد : شو دراكم شفتوهم يوم يطبخونه ..... يا سقم الله
سلامي : دخيلج لا اتلوعين بجبديه تدرين ما نصبر عنه
ام سعيد : ادريبكم
بو محمد : ما عليه عهواكم نحن بنسير طشونه وبني خلاف بنوديكن تشرن اللي تبنه نحن ما ندريبكن شو تبن
ام محمد : ما عليه
بو محمد : هاه فلاح بتخاوينا
فلاح : هيه بويه >>> فلاح يحب ربعت ابوه ودوم وياه وساعات ويا محمد

وسار بو محمد وبو سعيد و فلاح في سيارة بو محمد يحاوطون
ام محمد وام سعيد - فطامي - زاهره - سلامه – وديمه – منصوري ضهروا خاري كانت شي حديقه فالفندق ساروا صوبها يتمشون ويلعب منصوري

أحمد ومنصور وحمد يتحوطون بعد ابروحهم ويلعبون مره تنس ومره كوره وحالتهم حاله كانوا لابسين بناطلين وقمصان اونهم مستوين رياضيين حركات

وانتظروا باقي الاحداث في باااااااااااارت (( 6 )) __DEFINE_LIKE_SHARE__

روحي مشتاقه · 11-08-2012, 09:35 PM

بـــــــــــــــــــــــــــارت (( 6 ))

فاللـــــــــيل

الكل يالس يتعشى .........
وعقب العشى
بو محمد : اسميه انه عشى غاوي
بو سعيد : صدقك ما شي مثله
ام محمد : بالعافيه عليكم
بو محمد + بو سعيد : الله يعافيج
بو محمد : اليوم اتصل عمير خالكم عازمنا عنده باجر في بيته
وديمه : الله .... يعني بنسير عندهم :a3:
بو سعيد : لا ما شي سيره
سلامه : ليش
بو سعيد : عندهم عرب غرب شو بيسيركن
وديمه : وبتخلونا نيلس برواحنا هاه
حمد : امنوه قال ؟؟؟؟؟
وديمه : تراه انتوا شباب عادي ما عليكم
بو محمد : لا برايهم الا يبا يلس والا يبا ايسير لكن مب كلهم ما نبا انخلي البنيات اروحهن
سلامه : جيه امايه وخاليته هنيه
بو محمد : لا معزومات بعد
وديمه : ييييه يه انزين
حمد : انا هب ساير
أحمد : انا بعد ما فيه
منصور : عيل انا شو بيسيرنيه بحاوط
بو محمد : ما شي حواطه والبنيات ما فكرتوا فيهن
وديمه : اشعنه اتسيرون عيل ......... شو جيه اختربت السيره
حمد : ما عليكم منها سيروا ونحن هنيه بنيلس عندهن واذا سرنا بقعه بنوديهن فيانا
بو محمد : شور(ن) زين
الكل : ما عليه

والصبـــــــــــح الساعه 9:48
سار بو محمد وام محمد وفلاح ومنصور وام سعيد وبو سعيد
وديمه سلامه في حجره مع بعض راقدات وبعدهن ما نشن
فطامي نشت قبل لا يسيرون هلها زاهره يوم ساروا هي توها ناشه حمد نش وضهر من الحجره اللي فالفندق وسار صوب الفله أحمد نش ولحقه قبل لا يسيرون هلهم لكن منصور تم راقد
وصلت الساعه 10:02
نشت وديمه من الرقاد اتسبحت اتلبست واتكشخت وضهرت ... سلامه تمت راقده
وديمه سارت صوب الصاله
فالصاله كان يالس (( حمد – أحمد – فطامي – زاهره ))
وديمه : السلاااام عليكم........ صباح الخير
الكل : وعليكم السلام...... صباح النور
بعدها ما دخلت الصاله ولانه حد مبطل باب الي برى لفت ويهها ولانه منصور
منصور اول ما دخل سلم على طول
منصور : السلام عليكم
وديمه : عليكم السلام (( ودخلت الصاله ))
وديمه : فطامي وين الريوق
فطامي : هناك في هذيج الحجره
منصور : صباح الخير
الكل : صباح النور
وديمه سارت الحجره الثانيه عسب اتريق
صبت الجاهي وهو اهم شي لانها متعوده تشربه الصبح
يلست .... شويه ولانه منصور داخل عسب يتريق لانه على طول ضهر من حجرته اللي داخل الفندق وسار صوب الفله (( الشقه – الشاليه )) من شافها اتأففف وقال : يا الله بصباح خير
طنشته ولا عبرته و يلس صب جاهي واطعم البلاليط اللي مستوي يمكن لقمه ولا ثنتين ونش شل جاهيه وضهر بسرعه يعني ما كمل 5 دقايق
وديمه في خاطرها : احسن
شربت جاهيها وضهرت عندهم فالصاله
وعالساعه 11:00 سلامه نشت واتسبحت وضهرت وسارت صوب الصاله
سلامه : السلاااااااام عليكم ورحمة الله
الكل : عليكم السلام ورحمة الله
أحمد : عنبوه لين الحينه راقده
سلامه : ما رمت ارقد امس
وديمه : هيه لعوزتينيه يالسه تجلبين ما خليتينيه ارقد
سلامه : لا والله لج الشرف ارقد فياج
وديمه : هيه صدق و يصيبنيه ارق من قل الرقاد
سلامه : يالله عاد
فطامي وزاهره سارن يلعبن على الاب فالحجره اللي هنّ يالسات فيها
وتموا ايسولفون كلهم
أحمد : شو رايكم انسير انحوط
حمد : هيه صدقت ما اداني يلست البيت جنه حرمات
منصور : هههه انزين يالحرمه وشو بتسوي بالبنات تراه الاهل حرسونا عليهن
احمد : يالله اسمينيه ما اداني جيه ضغط
وديمه : احم نحن هنيه والا اتحرونا برى ويالسين اتحشون فينا
حمد : لا بس انعبر عن شعورنا ...قومن يالله جانكن بتسيرن
البنات : اوكيك
وخلصن ولبسن عبيهن
وديمه : كيف بنسير سياره سيارتين وبعدين نبا انكون مع بعض انا ما اتخلى عن سلامه
حمد : بنيبلكن باص خلاص ولا تزعلن مستواكن لوووووووول
أحمد : ما عليه وانته سوق الباص لووووول يالله بسير الحجره وبييب السياره وبنضهر الاقيكم زاهبين
وسار أحمد وياب السويج وقرب سيارته ..وصيح هرن
ضهر منصور وحمد وفطامي وودوم وزاهره وركبوا السياره
منصور جدام عدال اخوه أحمد يسوق
ورى حمد راكب ورى منصور وديمه فالنص زاهره وفطامي فالدبه ورى وتموا يتريون سلامه
أحمد صيح هرن
سلامه : يا ربيه يايه كله امخلينه على راسيه (( وقفلت البيبان وشلت المفاتيح ويابت الكيمرات عسب اذا كان موقف حلو اتصور وركبت السياره ))
أحمد : عنبوج هذا وانا اموصي انكن تنقفضن والله لو هب موصينيه عليج جان سرت وخليتج
سلامه : سووووووووري اخر مره
أحمد : دومج هاذوه اخر مره
منصور : يا ريال خلها ما اتعرف البنات انته
سلامه : هيه صدق و يوم بتعرس شو بتسوي
أحمد : كيفيه يوم بعرس ما يخصج
حمد : ما عليه يالله حرك
حط أغنيه بروغة آه يا من ون بس اللي مغننها ميحد حمد وساروا يتحوطون

" آه يــــــــــــا مــــن ون والجفن امحروم
مـــن صــــــوابه ما يغضــــي بالمنـــــام
كنـــــــــه في وسط الحشا نـــــار السـهوم
تكـــــــــــــــوي الاضلاع واتبثر عظــــام
ما شكت نفسي مــــــــن الديــــــن الركوم
لا ولا تشكي مـــــــــن العله اسقــــــــام
شكوتي مــــــــن ليعت الـــــــــحب الظلوم
لي دعا روحي مـــــــــــــن الفرقا حطـــام
شط قلبي يـــــــــــا ملا ريـــــــــم الخشوم
يوم شد الهــــــــــين وانـــــــــوى باعتزام
قلت قومك قــــــــــــــــــــال عنكم بانشوم
قلت وين الحل مـــــــــــــــن عقب المشام
قال في دار(ن) بها بقصد صـــــــــــروم
في محاظـير لـــــــــــــــيوا بتمام
ديرتـــــــــــي وهنـــــاك قصدي واللزوم
وان نويــــــت اتزورنا حث المشام
وان هوت نفـــــــــــــسك هوانا لك ندوم
في التزامك يا فتاه لو بعــــــــــد عـــــام
وان هوالك غيرنا فــــــــــــــوق الخشوم
لا تقاطعنا مــــــــــــن اردود الــــــسلام
قلت عفوك لا تزيد القلـــــــــــــــــب لوم
لي عذلتك فيه عــــــــــــــــن كثر الملام "

وديمه : حركااات أحمد ....الله يرحمك يا بن مترف قصيدته غاويه
سلامه : الله يرحمه ...... انا سمعت اللي مغننها حربي العامري
أحمد : مغننها بالروغه وميحد والحينه حربي
وصلوا بقعه وقصروا على المسجل وجان ينزل حمد يطالع شي
منصور : حمد ..تعال ..تعال
أحمد كان يدور اغنيه ويوم لقاها
أحمد : سمعوا....... سمعوا....... اهداء
منصور جبل صوب اخوه : حقيه... مشكوور اخويه ادري انك اتحبنيه
أحمد : هيه انزين حقك (( وطالع من المنظره طبعا طالع وديمه وابتسم ))

" بالهداوه يا دوا المشتاق خذني بالهداوه
لا يزيد ابك الدلع حتى حدود العنجهــــيه "
الكل عرف انه الاهداء حق وديمه .... وطبعا هيه ابتسمت سلامه لفت صوبها وابتسمت وضربتها على ايدها
منصور فهم السالفه وسار غير الاغنيه
أحمد : شو عندك اشعنه بدلتها
منصور : بنطالع اغنيه ثانيه
وحـــط اغنية حربي العامري لو بعيد الدار

" لو بعـــــــــيد الدار قلبي لك يــــحنا
لــك غلا تحــــــــــــت الحنايا ساكنني
ريــــــــــــــــم دار الحب متملكنـــــا
ديرتي واترابـــــــــــــها فيها استكني

وركب حمد وساروا

صاحب(ن) حبه تحت الاضلاع بـنا
منزل(ن) ما غيره طول الزمنـــــي
اشفق لشوفه وفي وصلـــه اتمنــــــا
كان في وصله يفيد(ن) يكتمنــــــي
لان حبه تحت شرياني تبنــــــــــــا
والعروق اتوزعه فالكل منــــــي
مدمن(ن) في حب خل معذبنـــــا
مالكني في حياتي ملك جنـــــــي

خلاف ردوا البيت عسب يتغدون
عقب الغدا اللي سار يرقد واللي يلس يطالع التلفزيون واللي على الاب توب واللي يسولف شوي ولانه هلهم داخلين يلسوا عندهم وسولفوا واتسمعوا علومهم

بتسألون محمد - سعيد وسلطان وين ؟؟؟؟؟
فالعين ما ساروا سلطان سار عند عيال عمه راشد ، محمد وسعيد ما بغوا يسيرون يلسوا فالعين عند يدهم محمد ويدتهم ......................................

العصر اتصل راشد بن عمير ولد خالتهم لأحمد
أحمد : ياااااااااا مرحبااااا.... بالخوي القاطع
راشد : المرحب لا هان... عاد مره وحده قاطع
أحمد : هيه عيل من اسبوع ولا اتخبر عنيه افااااا يا بو سنيده
راشد : والله انشدهت (( انشغلت )) من سرنا ليوا
أحمد : يا حيك
راشد : الله يحييك .... وال انتوا في ليوا هاه؟!
أحمد : هيه نعم
راشد : واشعنه ما تي اليوم هاه ؟؟ وال عيب منقود عند العرب
أحمد : لا والله وانته اتعرف ... لكن ما رمنا انخلي البنات هنيه اروحهن فالفندق
راشد : هيه انزين وهنـّه ليش ما ين اتحريتهن ين
أحمد : يا ريال والا جيه اعلومك
راشد : نعم ومن صوبك
أحمد : ابدن لا علوم ولا اخبار .. وين انته الحينه
راشد : في ليوا
أحمد : سبحان الله صدق والله ما دريت..... (( وعلى صوته اشويه يغايض )) تستهبل حضرتك ولا تستهبل
راشد : لا استعبط
أحمد : سكر سكر عيل
راشد : فحوش بيتنا اتحوط
أحمد : هيه ........ عيل تعال صوبنا هنيه
راشد : ما عليه ياينكم .... تعال صدق امنوه ياي وياكم
أحمد : قوم عميه سلطان ونحن
راشد : هيه كلهم يوا قوم عمك سلطان
أحمد : هيه الا محمد ونحن كلنا ينا الا سعيد وسلطان
راشد : يا حيكم خلاص عيل ياينكم ان شاء الله
أحمد : يالله عيل برايك اترياك

والفليل........................................

كلهم السين خاري فالحوش اللي ورى حوش البيت اللي هم فيه عند الحوض .. البنات والشباب والحرمات والريايل
البنات على طاوله ابروحهن الحرمات والريايل اروحهم... والشباب اروحهم بس يالسين في نفس طاولة لكبار
أحمد : حد منكم مخترش
منصور : هيه انا
راشد : حتى انا
أحمد : هاه حمد ... فلاح
حمد : مخترش بس على السايلنت
منصور : اتنكت
حمد : لا احاول :a3:
أحمد : هاه فلاح
فلاح : لا ما فيه
راشد : شو بتسوي
أحمد : دقايق ........... سار ويى
وحط شريط عدل
وديمه : بلاهم
سلامه : ما ادريبهم
فطامي : احس انهم بيخترشوو
زاهره : ما اندريبهم
شوي احمد قبض راشد وقاموا.... فلاح تم يدور اغنيه سما دبي مالت الميدان (( 2 ))
وديمه : جان ما ايولون
سلامه : جنهم
وديمه : قومي انقفضي
سلامه : وين....
وديمه : فجي شعرج وانعشي
سلامه : اتخسين فجي شعرج انتي ليش انا .... اتحريتج بتقولين هاتي الكيمره
وديمه : هيه نسيت بسير اييب كيمرتيه .....
سلامه : هيه حتى انا .................. وسارن يابن كيمرات الفيديو وين يلسن
حمد نش ايول ومنصور بعد ... أحمد وراشد ايولون اللي بالعصا واللي بالمسجبه
واستوت الربشه
سار أحمد صوب بو محمد وبو سعيد ايبس عندهم لحقاه راشد وخلاف حمد ومنصور يوم قاموا
أحمد : هاه قومي يولوا بويه عميه
بو سعيد : لا لا ما فيه يولوا برواحكم شباب
أحمد : افااااااا الوالد عيل في عرسيه شو بتسوي
بو سعيد : يستوي خير
ام سعيد : وااااايه شو هالرمسه
أحمد : ما عليج يالوالده والله ليول وانا ولده وبذكرج..... هاه عميه قم يول فيانا
بو محمد : ما فيه
أحمد : لا بتيول عنبوه بتعذرونيه
بو محمد : لا والله ....... وقام ايول
وديمه : فديييييييييييييييته يا ربيه مزين يوالته
سلامه : اسميه ابوج طرررررررررررر ما شاء الله عليه
وديمه : هيه عيل هذا سلطان بن محمد يا حافظ عليه
سلامه : يا الخقه
وديمه : لااااااااااااااااااااااااااااااااااااااااااااااااا ء بصيييييييييييييييييييييييييح
سلامه : بلااااااااج
وديمه : كيمرتيه
سلامه : بلاها
وديمه : فضت.... (( وطالعت فطامي )) .... فطامي....
فطامي كانت مطنشه لانه تضحك واتطالع
وديمه : فطااااااااااااااااااااااامي وصمخ
فطامي : حووووووه بلاااااااااج
و ديمه : حطيتي كيمرتيه على الجرج
فطامي : هيه
وديمه : جذوووووب بلاها عيل بندت بسرعه
فطامي : تبين الصدق نسيت احطها ويوم قبل لا انسير اذكرت وحطيتها بس ما خليتيها على طول قلتي للبشكاره تيبها
وديمه : هيه لانه كنا بنسير وانا من قبل اموصيتنج..... يالله لو دريت ما خليتج وسرت بروحي .... يصير خير ثاني مره
ونشت سارت داخل عسب اتحطها على الجرج واتعبيها وهيه سايره لازم اتخطف صوب الشباب اللي شالين البقعه على راسهم كان أحمد وراشد صوب الباب متماسكين وايوولون :73_asmilies-com: وديمه تبا اتخطف أحمد انتبه جان يسير لين عندها وهو ماسك راشد وايـــبس ما خلاها اتخطف وديمه استحت خلاف حمد وبومحمد لحقوا أحمد وراشد الا منصور وسووا دايره على وديمه وهم ايبسون :73_asmilies-com: وديمه ماتت من المستحى وتمت تضحك
سلامه : يا حليلج يا ودوووووووم........
ام محمد : طالعي امرهم يامج
ام سعيد : بلاها منصور
ام سعيد : ما ادريبه لول ايعيبه ايول الحينه مستحي
منصور انتبه على منصوري الصغير وجان اييه لانه كلهم ساروا عند ودوم
منصور : يالله منصور بنيول وياك
منصوري : ما ابا
منصور : ليش حبيبي قم بنيول انته اتحب اتيول
منصوري اندس عند امه
ام محمد : يا بوك من الصبح احايله ما ادريبه ليش ما يبا
ام سعيد : يمكن مستحي
ام محمد : وين تراهم هله وعادي عنده
منصور : بعطيك حلاوه يالله تعال انا وانته ابروحنا بنيول يالله
وتم منصور يحايل منصوري بن سلطان.... لين ما طاع وسار عطاه مسجبته
في نفس الوقت كلهم ساروا عن ودوم لانها انخشت بين ابوها واخوها وسارت داخل
وقام منصوري يونه ايول وماسك المسجبه والام اتصوره بتليفونها

وديمه عقب ما حطت كيمرتها سارت بتضهر خاري ساروا صوبها وعادوا نفس الحركه بس هالمره ما طولوا
حركااااات الشباب بعد

خلاف قاموا يتعشون وعقب العشا ساروا الرياييل والشباب يتمشون خاري الحرمات سارن يتمشن بعد بروحهن
البنات سارن الحديقه

وديمه وسلامه كانن يتمشن فحديقة الفندق منصور وفطامي و زاهره يلعبن بالمريحانات
وديمه : يحينا بعدنا غيرنا جوووو وضهرنا من البيت
سلامه : هيه فديتنا مب طماعات
وكان في شباب يحاوطون هناك وشافوا بنتين حلووواااااااااااااات وكشيخاااااااات (( وديمه وسلامه ))

خالد : طالع هاه
هزاع : صدق غراشيب
خالد : نقنص
هزاع : اتخبر بعد
خالد : لا ايلس لانه اذا شافنك ما بياخذ رقميه
هزاع : فديتنيه شو اسوي بعمريه يوم العربان تربع ورايه...
خالد : جب ويالله انسير

وديمه وسلامي متلثمات لانهن خافن حد يخطف ولا شي و ويهن خاري يعني على الاقل ميودات شي اذا حد خطف ويتلاحقن عسب يتغشن
وديمه : اقول قومي نيلس تعبت انا
سلامه : اوكيك .................... ويلسن
شويه ولانه الشباب ساروا ويلسوا وراهن وتموا يرمسون بصوت عالي

خالد : اقول هزاااااااع قلبي مصتصيب
هزاع : افااااااااااااااااااا ليكون من الريم اللي جدامك
خالد : يالله الزين كله جداميه

وديمه وسلامي حسن انه حد يغازلهن
وديمه : حوووه قومي اتغشي وخلينا انرد عند قوم فطامي وانسير البيت اخير
سلامه : يالله ....... وقامن والشباب يلحقونهن
وكانن ما يرمسن لانه حسن انه حد وراهن
خالد : يا ويلي انا على الحشيم راعي المذهب
هزاع : لا اتخاف الحينه بنشوف الحشمه وين بتوصل
وتمن يمشن
منصور ما سار يتمشى فياهم سار حجرته شوي وضهر بيسير صوب الاهل
وديمه : الحقي هذيلا يتبعونا وانا ناسيه تليفوني فالبيت وال والله لاتصل على باباتيه ولا حمد عسب يأدبونهم.... اقول انتي يايبه تليفونج
سلامه : لاااااء ما فيه جرج
وديمه : لا ترمسين بصوت عالي ولا تتلفتين انزين
سلامه : جيه بشاورج

هزاع : *******050
خالد : لووووول اكبر طاف
طنشن وتمن يمشن وصلن عند ملعب التنس
هزاع : اكبر طاف هاه.... اراويك ... صبر وشوف
خالد : حوووه شو بتسوي

سلامه كانت عند فطامي وزاهره تزقرهن ووديمه سارت اتشل اخوها
شوي ولانه هزاع ساير صوب وديمه سلامي انتبهت حاولت اتنبه وديمه بس وديمه كانت معصبه على اخوها ومتروعه انه هالشباب ايسوون شي وهن برواحهن
وديمه : منصور يالله بنسير انتسبح فالحوض ماماه قالت يالله بسرعه بعدين بيخلص الماي اللعوب باجر الصبح بني الماي بس الحينه
منصوري : يالله يالله بنلوح
ومسكت ايده وتوها بتمشي ولانه واحد واقف جدامها يالله يالله اتغشى ....
هزاع : اشحالج الشيخه
وديمه طنشته وحاولت اتسير بس ما رامت... كل ما اظك هو يظك جدامها
وديمه : بتخوز انته وال
هزاع : فديت هالصوت مزينه
وديمه ما ردت عليه وغيرت اتجاهها يعني عطته ضهرها ومشت
سار ولحقها ووقف بعده جدامها
سلامه اتروعت على ودوم..... قلت لكم قبل منصور كان ضاهر شافته سلامه وزقرته بس هو ما انتبه بس انته انه وحده عندها ياهل وواحد جدامها شوي ولانه الياهل منصور ولد عمه سلطان ... هاي لبنيه يا ودوم والا سلامه وعرف انه حد يغازلهن وسار متغيض صوبها

هزاع : هاه الشيخه مصره بعدج
وديمه مطنشه ما تبا اترد عليه وهي اتحاول اتسير عنه بس
منصور عرف انها ودوم ....... انتبه انه سلامه تزقره لف عليها
منصور : يالله سيري داخل شلي البنات وسيرن الحينه بيي والله ان ضهرتن يا ويلكن ... يالله
وديمه : قسم بالله اذا ما ذلفت والله لتشوف شي(ن) ما شفته
هزاع : يا ويلي اتروعت .... شو رايج اعطيج الرقم *******050
منصور مسكه من ايدده ودزه
منصور : حووووه انته يا الجلب شو موقفنكن هنيه هاااااااااااااااااااه
هزاع : وانته اشلك هاااااااااااااه
منصور جبل صوب وديمه : شو موقفنج بعد والا تبين الرقم ..........تعالي هنيه
وديمه على طول سارت صوب منصور كانت بتسير داخل .. منصور قبضها من ايدها وما خلاها
منصور : وقفي هنيه خليني اتفاهم ويا هالجلب
خالد اربيع هزاع انتبه انه واحد هناك يضارب وياه وسار يفازع اربيعه
منصور ما خلى وديمه اتسير اروحها حتى لو انه يالس يضارب لانه خاف هو الحينه يضارب ويا هذا وايسير واحد ثاني يغازلهن
هزاع : محد غيرك جلب اييييييه حشم
منصور : احشم من امنوه منك انته....... يوم انته ما اتحشم بنات العرب وين تبا العرب اتحشمك هاااااه
هزاع : انزين انته اشلك تقربك
منصور : ما يخصك والله .... شوي ولانه خالد اربيع هزاع يى
خالد : هاه هزاع تبا فزعه
وديمه اتروعت قالت ثنينه على واحد خيييييييبه
وديمه بصوت واطي : منصور دخيلك خلهم هم اثنين وانته واحد برايهم
منصور : يخسون الا هم عنديه ربي ولمي ثمج
منصور ما اتروع منهم بالعكس كان رهيييييييب ما شاء الله عليه وغلبهم كانوا هزاع ومنصور بيضاربون بس خالد ما خلا هم مسك اربيعه واعتذر من منصور
منصور مسك وديمه ودزها جدامه : يالله خطفي ....... سار وشل منصوري وهو متغيض بالقو
سلامه : الله يستر ما ادري شو اتسوى ياااااااا ربيييييييييييه
فطامي : اخاف يضاربون يا ويلي
زاهره : هاذوه منصوري...... هاه منصوري وين ودوم ومنصور الكبير
منصوري : برى وسار يطالع التلفزيون لانه كان توم وجيري
وديمه دخلت ووراها منصور
منصور : وانتي شو مودنج هناك اروحج هااااااه
وديمه : سرت اييب منصوري
منصور : هيه بروحج هاااه والا ادورين حد عسب يرقم
وديمه : ايه احترم عمرك.... مسوي حسنه وفيها سيئه
منصور : وين احترم عمريه ما اتشوفين عمرج... بنيه اروحها والبقعه كلها ارياييل شو يعني تعالوا غازلوني
وديمه : منصوووووووور........... لا اتحرى انك يوم سويت هالشي خلااااااااااص.... اييييييييييييه
سلامه سمعت حشره وربعت خاري فطامي وزاهره لحقنها
منصور : والله يا ودوم والله رفجت غالي لو شفتج مره ثانيه اروحج لا اتلومين الا عمرج ما عليه من امج ابوج اخوج عمج خالتج ولا من حد تسمعين..
سلامه : منصور بلاك ليش جيه شو صار
منصور : جب انتي ....... قالت بسير اييب اخويه (( سار وضهر خاري وقبل لا يطلع وقف عند الباب ))

منصور : والله ان شفت وحده منكن امشبره اروحها خاري بعمرها تسمعني ولا لاااااء
سلامه : بلاه هذا ليش جيه متغيض
وديمه : يتحرانيه متعمده سايره ابروحيه
سلامه : ويه حرام ظلمج
وديمه : برايه والله كنت بشكره لكن يوم الا هاي رمسته يخسي الا هو ....
سلامه : خلاااااااص برمسه ما يهون عليه خويه ويظلم
وديمه : برايه... والله كنت اقدر ارد عليه بس لاني مضيجه من اللي صار ما قلت شي ما فيه ازيد النار وابروحه هو يبا الا سبب عليه
سلامه : وانتن سيرن داخل شو العرض خلص يالله
فطامي : مب كيفج
وديمه علت صوتها : كيييييييييييفهااااااااااااااااااا شو لج انتي يالله ذلفي
زاهره : برايهن يالله فطامي....
وسارت وديمه الحجره وهي متغضيه ومضايجه وحاطه في خاطرها
شوي ولحقتها سلامي لانه اتعرف انه وديمه تبا تيلس اروحها بروحها

ام محمد وام سعيد ين ويلسن فالصاله نص ساعه ولانه الشباب حادرين كانوا يتسابقون ووراهم بو سعيد وبو محمد يلسوا فالصاله
سلامه : ودوم فديت روحج خلاص لا اضيقين بعمرج....
وديمه : لا بس اتعرفين ما بغيت الي اليوم يصير... وبعدين اخوج هذا شو مشكلته كله حاط عليه
سلامه : سمعي اللي مكتوب خلاص ما يتغير واللي فات مات ومنصور ما عليج منه وبعدين انتوا الثنينه ما واحد يداني اربيعه ........ بس تدرين غريبه من منصور
وديمه : شو الغريب ؟؟؟؟!!!!!!!!!!
سلامه : ما اتوقعته يتغيض جيه اصلا هو ما يهتم لج يعني لو اتموتين الله يعطيج طولت العمر هو بيصبح معرس من الفرحه كيييييييييف اتغيض وسار صوبج المشكله عرف انج انتي هب انا وذاك اليوم كنا فالمول واتحيدين يا واحد يرقمج ما قال شي طنش !!!!!!!!!!!!!
وديمه : ما يهمنيه............................
فالصــــــــاله
بو محمد : فطامي وين ودوم وسلامي
فطامي : فالحجره
بو محمد : هيه متى رديتن من خاري
فطامي : من شوي لانه واحد كان يغال ودوم وسلامي
أحمد : شووووووووووووووه
فطامي : سارن بيزقرنا وبنسير البيت سلامي يت صوبنا وودوم سارت تيب منصوري وسارلها واحد
حمد : وانتن شو مضهرنكم هاااااه واشعنه هن يالسات اروحهن......... ومن هذا كله ليش ما تتصلن
بو محمد : اصبر شويه كملي
فطامي : سار واحد صوبها وما خلاها تمشي
أحمد : ومنوه ياها
فطامي : منصور شافها واتغيض
بو محمد : اضارب وياه
فطامي : ما ادري بس هزبنا قبل لا يسير وراغنا قالنا سيرن داخل وسار وما انعرف شو استوى
زاهره : هيه ويوم دخلوا تم منصور وودوم يضاربون
بو سعيد : بعد شو يبا يضاربها
ام محمد : اسميهم الا مضيعين المذهب هالشباب
ام سعيد : وين كنتن انحيدكن فالحديقه وين سارن
فطامي : يتمشن فالحديقه
ام سعيد : عيل وين يوهن...
حمد : وينها ودوم الحينه
فطامي : ودوم سارت الحجره متغيضه ولحقتها سلامي
وضهر حمد سار صوبها
وخبرته شو استوى
حمد : لا تضهرين اروحج مره ثانيه
وديمه : ما ضهرت
حمد : كنتي متغشيه
وديمه : وانته شو رايك يعني
حمد : لا يوم وقف جدامج وانتي مب منتبهه
وديمه : يخسي الا هو يطالعنيه
حمد : خلي دوم التليفون عندج عسب اذا صار ماصار دقيلنا وان شاء الله بنكون عندج
وديمه : ما اتقصر يالغالي
حمد : افا عليج هذا عرضنا واذا ما حافظنا عليه على شوه بنحافظ يالله وعن تتروعين ولا تزعلين عسب خايس مثله
وديمه : لا ما عليك ما يهمنيه
وسار الحجره فالفندق يدور منصور لانه ما يرد على التليفون
سلامي : يالله ودوم انسير خاري
وديمه : ما فيه عقب اللي استوى
سلامه : لا فالحوش عند الحوض
وديمه : ما عليه
وضهرن
شويه أحمد ياهن متغيض
أحمد : وانتي اشعنه ما تتصلين هااااااااه
وديمه : دخيلك أحمد والله ما فيه كل واحد ايي ويستجوب
سلامه : أحمد خلاص ما بتغيرون شي
أحمد : لا بنغير بسير اضارب وياه الجلب
سلامه : يسد منصور اضارب وياه
أحمد : وانتي تميتي عنده
وديمه : هيه ما خلاني اسير
أحمد : هيه... الحينه وينه منصور
سلامي : ضهر متغيض
راشد سار صوبهم.....
راشد : اشحالج وديمه
وديمه : ابخير
راشد : سوابج الجلب شي
وديمه : دخيلكم خلااااااااص تعبت ما استوى شي..... غازل الريال وبس ليش مكبرين السالفه جنه محد غازلوه غيريه (( نشت وسارت داخل راشد بطل اعيونه : بلاها عليه شو سويت ابها ))
سلامه : لا تزعل راشد مضيقه من منصور
أحمد : بلاه منصور
سلامه : كم مره بقولك تراها مضاربه وياه

الساعه 11 فاليل
راشد – أحمد وحمد يالسين عند الباب ايسولفون
راشد : يالله انا بسير طولت وانتوا بترقدون
حمد : وين بنرقد جان الاهل نحن لاء
راشد : جيه بيقفلون عنكم الباب
أحمد : لا نحن داخل نرقد فالفندق
راشد : هيه ..... ما عليه بسير سلموا عليهم داخل
حمد : افااااا يا بو سنيده ما قصرت الدوب
راشد : عنبوه كل هذا ترانيه يالس من الصبح
أحمد : عراحتك (( حس أحمد انه راشد مضيج من شي ))
راشد : خالفتنا العافيه
أحمد + حمد : لا اتحرمتها
حمد دخل البيت لانه امه تباه وأحمد سار فيا راشد
أحمد : بلاك يا بوسنيده اشوفك الا مضيق
راشد : ما شر الغالي....
أحمد : والله انه فيك شي افاااااا خوك انا هب غريب
راشد : هيه والله اخو..... شو اقولك يعني...
أحمد : اللي في خاطرك
راشد : مضيق
أحمد : افاااااااااا من شوه...
راشد : اركب
وركب احمد فيا راشد وساروا
أحمد : هاه راشد بلاك اشعنه مضايق ...... لا عاش يا ربيه اللي ضايقك
راشد : دخيلك ما تدعي عليه ما ايهون عليه .... اسمع اسمع

" والله اني احبه وحيل مولع بــــــهـ
وانه اللي تمكن وسط لفـــــــــــوادي
كم ليله سهرت ومنه الــــــــــــسبهـ
وعفت ذوق الشراب ولذت الــــزادي
كامل(ن) بالجمال كمـــــــــله ربهـ
هو مليك لفواد وغايت امـــــــــرادي
سحره اللي يتل القلب مــــــن لبهـ
اشهد انه سحرني زد لعبــــــــــادي..................وعند هالمقطع طول طشونه
بس ليته ترفق ما قسى قـــــــلبهـ
ولا تعمد عليه صد واعنـــــــــادي
لك شعور المحبه لا اتـــلاعبهـ "
احمد قصر على الاغنيه
أحمد : ليكون مستصيب >> كان يمزح
راشد : مستصيب وبس
أحمد : صدق....والا اتسوي سوالف
راشد : صدق وليته هب صدق
أحمد : ومنهي هاي اللي ضوت راس راشد بن عمير
راشد : لا اتخبر امره
أحمد : الله يعينك.... وهذا اللي مضايقنك الحينه
راشد : وشو عقبه بعد....... اااااااه من قلب(ن) غدى حبه جنوووووووووووووووني
أحمد : يالله اسميك الا متخشع تخشيع
راشد : خلها على الله ليييييييييته يسحبي وهو ولا يدري عن حالي
أحمد : يا رياااااااال اللي ما يباك لا اتصيح تبغيه
راشد : لااااااااااء ما ايهون عليه برايه على راحته
أحمد : انزين انته اترمسها
راشد : هيه عادي
أحمد : فالتليفون ...... ليكون وحده من اللي يترقمن
راشد : لاااااااااااء يخسن الاهن محشووووومه فديتها
أحمد: اسميك الا متخشع
راشد : ااااااااااه
أحمد : انزين شو سوت بك
راشد : متغيره عليه وما ادزله ويه
أحمد : اتخسي الاهيه انها ما دز لك ويهه يحصها الشرف انك اتحبها
راشد : لا ما سمحلك اتقول انها اتخسي ....... سالفت اني احبها ... ميت فيها
احمد : اييها وكبرت يا بو سنيده واستويت اتحب
راشد : هيه اطنز يالله بردك ما منك فايده الا ايقولك شي
أحمد : هههههههههه
وقبل لا ينزل أحمد
راشد : أحمد
أحمد : عونك
راشد : عانك ربك ....... لا تطري السالفه لحد
راشد : عانك ربك ....... لا تطري السالفه لحد
أحمد : فالك طيب امره....... ولا اتفكر في شي امره....... وتصبح على خير
راشد : وانته من اهله وسار عنه

امنو هاي اللي يحبها راشد ؟؟؟
أحمد بيعرف البنيه اللي يحبها راشد؟؟؟

ترقبوا البقيه __DEFINE_LIKE_SHARE__

روحي مشتاقه · 11-09-2012, 02:08 PM

ويييييييييين الردووووووود ؟؟

و ين تفاعلكم ؟؟؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جديد مجموعة mbc : لعبة " خذني جيتك " الشامية لتعلم اللهجة الشامية كـ " باب الحارة " !	محروم.كوم	منتدى أخبار المواقع والمنتديات العربية والأجنبية	0	09-05-2010 05:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
[Style] : ستايل قـلبي \| Style Qalby .. قمه بالهداوهـ	محروم.كوم	منتدى أخبار المواقع والمنتديات العربية والأجنبية	0	04-12-2009 02:50 AM
بالهداوهـ يا دوا المشـتاق خذني بالهداوهـ	ĝŘềξБ ễĺ đǻŗ	قصص و روايات	135	01-08-2009 12:15 AM
:: خذني بقايا جروح ارجوكـ داويني :: " خالد عبد الرحمن "	qayed	كلمات الاغاني	14	08-08-2008 02:54 AM