.."*..بالهداوهـ يا دوا المشـتاق خذني بالهداوهـ .."*... - الصفحة 5

forza alain · 01-01-2013, 11:43 PM

رووووووووووووووووووووووووعه بااااااااااااااارت
تسلللم اييييييدج
امنو هاي اللي يحبها راشد ؟؟؟
ودووووم او سلامووو
أحمد بيعرف البنيه اللي يحبها راشد؟؟؟
اذا ودوووم بيضاايق و اذا سلاموو يقوله
لاتلعب ع اختي وجي
ويتسلم ايدج مره ثاانيه __DEFINE_LIKE_SHARE__

روحي مشتاقه · 01-02-2013, 07:44 PM

المشاركة الأصلية كتبت بواسطة forza alain

رووووووووووووووووووووووووعه بااااااااااااااارت
تسلللم اييييييدج
امنو هاي اللي يحبها راشد ؟؟؟
ودووووم او سلامووو
أحمد بيعرف البنيه اللي يحبها راشد؟؟؟
اذا ودوووم بيضاايق و اذا سلاموو يقوله
لاتلعب ع اختي وجي
ويتسلم ايدج مره ثاانيه

انتي الروعههه

يسلمووو ع التوقعاااتت

يسلمووو ع الخطه منوره البيججج __DEFINE_LIKE_SHARE__

روحي مشتاقه · 01-02-2013, 07:46 PM

الباااارت ((7))

كلهم رقدوا لانه يمكن يردون العين
فاليل في حجرت ودوم وسلامي يونهن بيرقن ... الليت مبند منسدحات على شباريهن خطفت ساعه من سارن يرقدن...
سلامي: ودوم...
وديمه : هاه...
سلامي : راقده
وديمه : لاء ما ياني رقاد
سلامي : وانا بعد....... تعالي بقولج شي
ودوم : هلا
سلامي : حرااااااام عليج اللي سويتيه اليوم بالريال
ودوم : منوه ؟؟؟؟؟؟؟؟
سلامي : تستهبلين...
ودوم : لا والله منوه... اللي فالحديقه
سلامي : لا........ العاشق الولهان
ودوم : هيه... شو سويت به
سلامي : خيييييييبه الحركه اللي سويتها قويييييييييه اكيييييد جرحتيه... الريال يحبج وانتي

ودوم : سلامي كم مره اقوله انا ما احبه يعني احبه مثل اخويه بس
سلامه : مب عكيفه الريال ... قلبه وما يهوى شو يسوي به
ودوم : ااااااااه يا سلامي .... عيل كيفه مب اتمين لي جيه دخيلج
سلامه : كييييييفج.... بس غضننيه الريال...
ودوم : يالله برقد ما فيه باجر يوعونيه غصب وانا مب شبعانه رقاد
سلامه : مب متعوده ارقد هالوقت شو جيه
ودوم : تصبحين على خييييير
سلامه : وانتي من أهله

الصبح

نشوا ويلسوا فالصاله الكل
فطامي : متى بنرد العين
بو محمد : اليوم ان شاء الله
فطامي : يس يس يس
ام محمد : حشا جنج مغصوبه يايه هنيه
فطامي : هيه عيل شوه
ام محمد : جيه محد ضربج على ايدج ابروحج اتشللتي .... جان يلستي فيا خوج عند يدتج
فطامي : بس جيه
زاهره : حووووه مب عايبنج يوم انيه انا هنيه
فطامي: هذا اللي محلي السيره
زاهره : فدييييتج والله
ام سعيد : يالله زهبتوا قشاركم
الشباب : هيه
البنات : يس
ام سعيد : هيه زين بنتغدى خلاف بنسير
بو محمد : هيه صدق ورانا شغل انا وسالم

عقب الغدى جهزوا عمارهم وحطوا شنطهم فالسيايير
حمد وفلاح ركبوا السياره / بو سعيد ركب هو وحرمته وعياله / بو محمد بعد كلهم راكبين
أحمد توه بيركب منصور بعد ........ سيارة بو محمد واقفه عدال سياره احمد .. ودوم اتحب تيلس ورى ابوها دايما ... كانت سايره ومنصور بعد يعني لازم يخطفون في نفس الممر.. منصور طالع وديمه عقب السالفه وديمه ردت النظره عليه ... اترياها لين خطفت وخلاف خطف وركب
وساروا صوب العـــــــــــــــين دار الـــــــــــــــــــــــــزين

فالدرب أحمد وحمد يتسابقون..... الامهات متغيضات ومتروعات لكن منوه يسمعهن .. حليلهن يالسات ويدعن بالسلامه حق عيالهم

أحمد : منصور...
منصور : عونك ....
أحمد : عانك ربك...بلاك ساكت
منصور : شو اقول
أحمد : سولف... مب طبعك
منصور : راسي يعورنيه ما فيه
أحمد : هيه...
منصور : شو هالسيديات اليي عندك......
أحمد : بلاهن مب عايبتنك... ميحد وبروغه وشي حمد العامري وحربي والوسمي.....

وصلوا العين دار الزيــــــــــــن والمزاااااين ... احم ^_*

عقب يومين من سيرت ليوا

العصر

..×'؛..\\ ......... بيت بو محمد ......// ..×'؛..

وديمه : هلاااااااااا عواش اشحالج
عواش : ابخير يالقاطعه جنج ما اتصدقين اتخلص المدرسه دبه
وديمه : لا والله حرام عليج بس تدرين سرنا ليوا فيا قوم عمي سالم
عواش : هيه اشحالها سلامي
وديمه : يسرج حالها من يومين ما رمستها عقب ما ردينا
عواش : هيه... اقولج شميم دقت لي وقالت انه النتايج بتضهر قريب
وديمه : حلفي... ويه اتروعت
عواش : وانا شاله البيت عراسيه من الروعه
وديمه : لا ان شاء الله خير يا رب
عواش : ان شاء الله
ولانه محمد يدق الباب
وديمه : عواش صبري حد يدق............... ادخل الباب مبطل
ودخل محمد..
محمد يأشرلها لانه يباها
وديمه : اقولج عواش برد ادق لج خلاف اخويه يبانيه اوكيه
عواش : اوكيه وسلمي على سلامي.. وحبي منصوري الصغيروني
وديمه : سلامن يبلغ ان شاء الله.....
محمد : مسا الخير
وديمه : مسا النور
محمد : شو اتسوين
وديمه : ما شي كنت ارمس اربيعتيه
محمد : هيه نزلي تحت كلهم تحت وانتي ميلسه فوق
وسارت صوبه لانها بتنزل وديمه : فديتك يا ربيه ما اتروم بلايه
محمد حط ايده على جتفها: ياالله يا خقت عيال سلطان ضاهره خاري خاري
..×'؛..\\ ......... بيت بوسعيد......// ..×'؛..

ولاول مره الشباب ما يضهرون من البيت

أحمد + منصور + سلامه يالسين فالصاله بو سعيد وسعيد ساروا العزبه ام سعيد سارت عند اهلها وشلت زاهره وسلطان

أحمد يالس يرمس ربيعه فالتليفون
سلامه : منصور......
منصور : بلاج
سلامه : بس ابا اتخبر عن شي
منصور : شو هو
سلامه : تحيد يوم سرنا ليوا
منصور : لا ما احيد متى سرنا
سلامه : لا تتطنز صدق صدق
منصور: سؤال خبال شو بعد اتحيد .......الا من يومين واتحيد
سلامه : انزين..انزين خلاص.... المهم ليش هزبت ودوم
منصور : ايييهااااااااا... ما يخصج كيفي
سلامه : لا صدق اول شي سرت اتحايز عنها خلاف تميت تضارب وياها جنها هيه الغلطانه
منصور : عيل شو مسيرنها اروحها وهيه اتشوف انه كله رياييل وعرب
سلامه : لا والله كنا كلنا مع بعض يالسين ولانه في شباب ثنينه تموا يلحقونا قالت يالله انسير... حرام تظلمها
منصور : فكينا...
سلامه : لا منصور والله ما اباك جيه بس لانك تكره لبنيه اتم جيه
منصور : كيفي انزين ولمي ثمج ما اداني طاريها...
سلامه : شو لمي ثمج
منصور : يالله بمسا خير.....
سلامه : اوكيه بسكت
أحمد : ابدا يا بوسنيد سلامتك الا تعال عاده العين خلنا انشوفك
راشد : ان شاء الله وسلم على هلك كلهم
أحمد : يبلغ يا الغالي
راشد : فداعت الله
أحمد : مرحبا........ وبند عن راشد
أحمد : بلاكم .. شو هالحشره
منصور : ما شي
سلامه : شي... نرمس عن ودوم
أحمد : بلاها ودوم يا ويلها منكم
منصور : يالله ميتين عليها يا ويلها منا.. تحمد ربها واتصلي شكر انه منصور بن سالم طراها ..
أحمد : شو هالرمسه
سلامه : اخوك ما يدانيها
أحمد : ادري انه ما يدانيها مب يديد
منصور : يالله انا بسير جان ما عندكم الا سالفة هالساحره
أحمد : اقعد وين ساير
سلامه : وبعدين ودوم مب ساحره انزين
أحمد : اقعد ورفجه تقعد بلاك انته
منصور : والله ما عندكم سالفه امنوه هي يعني
سلامه : بنت عمك وخالتك.... وبعدين لا اتقول ساحره اوكيه ما اتهون عليه كله ولا ودوم
أحمد : واشعنه ساحره شو مسويتبك
منصور : ايييييييهاااااااا ما بتسكتون
سلامه : منصور اخويه حبيبي حلفتك بالله ورفجت امك وابوك... اتجاوب بصدق
منصور : اسف مب متفيج حق رمستج اللي اتغث
سلامه : افاااااااااا وانا حالفه... ورفجت بامك وابوك ما بتجاوب افااااااااااا
منصور : اذا عنها ما بجاوب
سلامه : عيل عن امنوه... لا صدق اوعدك جاوبنيه بصدق ولا برمس عنها بسكت امره
منصور : ما عليه سؤال واحد بس... عسى افتك من طاريها
سلامه : اوكيك
أحمد : شو مسويتبك لبنيه عسب اتسوي كل هذا....
منصور : كيفي
سلامه : انزين بسأل
منصور : سألي
سلامه : الحينه انته قلت عنها ساحره يعني مب حلوه... الحينه في ذمتك انها مب حلوه
منصور : امحق حلاه
سلامه : حلفت اتجاوب بالصدق... الحينه ودوم مب حلوه يا كبرها عند الله اتروم تحلف
منصور : هيه مب حلوه
سلامه : احلف
منصور : مب حالف كل هذا سؤال
سلامه : انزين سؤالي ما جاوبت عليه وانته قايل بتجاوب..... وديمه حلوه ولا لاء
منصور تم ساكت ما يبا يقول وبعدين : هيه حلوه
سلامه : بس حلوه...
منصور : ايييييييييهاااااااا خلاص جاوبتج ما ابا اسمع اسمها
سلامه : هاه أحمد شو رايك
أحمد : والله ما اتخرب بنت سلطان... اسميها ما شاء الله عليها اتعق الطير من السما من حلاتها.... ربيه يحفظها
سلامه : صدقت... تدري انه من يشوفها يعجب ابها جمال اخلاق طيبه كل شي فيها حلو
منصور : ما عندكم سالفه والله... يالله انا بسير فوق.. راسيه يعورنه من طاريها
أحمد : الحينه بذمتك ودوم مب حلوه... >>>> متعمد أحمد يتخبره يبا يغايضه خخخخخخخ
منصور : يالله برايكم
أحمد : تدري منصور... ما ينلام الريال اللي غازلها لوووووووول

..×'؛..\\ ......... بيت بوخليفه (( عمير )) ......// ..×'؛..

النيره : كيف يسيرون قوم عماتيه ولا اترمسنا لا ودوم ولا سلامي...
اليازيه : تراه يوم رمستهن قالن لانه عنندنا عرب
النيره : اها.... بدق اليوم حق ودوم بسولف وياها
اليازيه : من ذلك اليوم ما دقيت لحد.... تعالي من بنرد بوظبي
النيره : سمعت ابويه يقول حق خليفه يوم الاثنين
اليازيه : هيه زين.....
راشد توه حادر
راشد : السلام عليكم
الكل : وعليكم السلام
راشد : شو اتسون يالسات
النيره : انسولف
راشد : واشعنه ما تيلسن عند الحرمات تحت
النيره :يالله يا راشد من الصبح نحن تحت ما فارجناهن.. عاد قلت بسولف ويا يزوووي
راشد : يا حيكن.... يالله عيل بسير انا
النيره : برايك
اليازيه : انته سرت صوب قم عموه عاشه وحصه
راشد : هيه
اليازيه : شفت ودوم ولا سلامي
راشد : اااااااااه.... هيه شفتهن ويسلمن عليكن
اليازيه : الله يسلمهن
النيره : بلاك راشد ؟؟؟؟؟؟؟؟؟؟؟؟
راشد : ما شي يالله بسير عند الرياييل تحت
النيره :؟؟؟؟؟؟؟؟؟؟؟؟؟؟؟؟
اليازيه : اوكيه
وسار راشد
النيره : يزوي شفتيه
اليازيه : هيه شفته بس شو تقصدين
النيره : ما ادري من طريتي ودوم وسلامي اتغير ويهه
اليازيه : ما انتبهت
النيره : وايه انتي وين تنتبهين....

فاليوم الثاني.......
المغرب

ام محمد : اتصلت خالتكم شمه اتقول جانّ بنسير معاهم شمال
وديمه : متى وامنوه بسير ؟؟؟
ام محمد : ما ادريبها متى اتقول يوم الخميس وقوم عمج راشد وعمج سالم بيسيرون يمكن بعد مب اكيد على حسب
وديمه : حرّ وين بتسيرون ما اروم ...سلامي وميرووه بيسيرن؟؟
ام محمد : ما ادريبهن... اتخبريهن وطالعيهن
فطامي : ماماه وين بنسير؟؟؟؟
ام محمد : شمال انحوط يمكن ما ننزل من السياره بس بنحوط جيه
فطامي : وكيف بنتغدا ؟؟؟
وديمه : هاي ما امتحنت غير من بطنها
فطامي : انتي جب ........ هاه ماماه كيف؟؟
ام محمد : يمكن من المطعم ولين الخميس خير
ودوم : يعني انشل عبايانا صح
ام محمد : هيه عيل شو
ودوم : امنوه بيودينا من هنيه
ام محمد : بنشوف الشباب.. وجانها سيرة اتقول خالتج شمه(( حرمت عمهن راشد )) لازم الساعه 6 نسرح اتعرفينها انتي
ودوم : خيييييييييبه وين انروم انـّش..... اذا سارن ميروه وسلامي بسير دامنه عقولتكن ما شي نزله الا جان فالمطعم وبقعه فيها براد
فطامي : هيه اهم شي انه ما بنيلس فالحر
ام محمد : اسميكن....
حمد توه حادر
حمد : السلام عليكم
الكل : وعليكم السلا والرحمة
حمد : وينه فلاح؟؟؟؟ ما استويت اشوفه
ام محمد : سارح فيا ابوك
حمد : يا حيه شيبتنا...
فطامي : حمد بتسير شمال
حمد: متى ؟؟؟؟
فطامي : الخميس
ام محمد : انحوط قالت خالتك شمه.... عاد ما ادلها وين بتودينا
حمد : هيه بتنزلن بقعه وبتطبخن يعني؟
ام محمد : لا اتقول فالسياره واذا غدا فالمطعم
حمد : هيه اقول انا بعد وين بتسيرن ...لو شتا عليكن بعد...... بشوف
وديمه : لووووووووووول... لا تدري من اليوم يتشاورن ومخططات ولين يوم الخميس خير
حمد : حرمات... يالله امايه شي فخاطرج بسير انا
ام محمد : وين الغالي ؟؟؟؟؟
حمد : بسيرالمول فيا منصور وعبادي عيال عميه
ام محمد : الله يحفظكم وسلم على عبادي ومنصور
حمد : يبلغ ان شاء الله
ولانهم يسمعون هرن
ام محمد : فطامي سيري طالعي امنوه يصيح؟؟
فطامي : ان شاء الله
حمد : لا هذا منصور خاطف عليه
ام محمد : هيه عيل فطامي ردي..
حمد : يالله خالفتنا العافيه
الكل : لا احترمتها

فالسياره
حمد : السلام عليكم... واتوايهه معاهم
عبادي + منصور : وعليكم السلام
عبادي : اشحالك بو شهاب
حمد : ابخير يسرك الحال ومن صوبك
عبادي : يسرك حاليه
منصور : هيه انا بعد ابخير يقولون
حمد : ههه واشحالك منصور
منصور : انا ابخير وبنعمه الحمدلله
حمد : يعلكم دوم ان شاء الله
عبادي : وانته يالهرم وينك اسويلك ما اترد
حمد : متى سويت ؟؟؟؟؟
عبادي : استهبل بعد
حمد : لا صدق ... هاه دوك تليفونيه وطالع
عبادي : انته اللي دوك تليفونيه وطالعه
منصور : خلاص لا تخسرون بعض حصل خير
حمد : هيه صدق اتسلم عليكم الوالده
منصور+ عبادي : الله يسلمها ويسلمك ان شاء الله
منصور : صدق يسلمون عليك الربع
حمد : الله يسلمهم
عبادي : مزينها هالاغنيه اتعيبنيه خاصه دقة البدايه
منصور : لازم ميحد هذا....
عبادي : سمعوا (( وعاد الاغنيه وطول عسب ينتبهون على البدايه ))

أغنيههاليالـــــــــــي

حمد : هيه حلوه اتعيبنيه
منصور تم اونه ييبس

v
v
v
v
v
v
v
v
v
v
v
v
v
v

وساروا العين مول عند الشباب

راشد / حميد / محمد / سعيد يالسين شوي حمد ومنصور وعبادي يايين
عبادي + منصور + حمد : السلااااااام عليكم
راشد واللي عنده : علييييييييييكم السلام والرحمة
راشد : ياااااااا مرحبااااااااااااا ملااااااااين
نشوا الشباب عسب يسلمون على قوم حمد... واتوايهو
سعيد : الله حيهم الربع
قوم حمد : الله يحيك ويبجيك
حميد : عنبوه من زمااااان ما يلسنا مع بعض
منصور : اسميه صدقك والله متولهه عليكم
راشد : هيه علينا صدق صدق
منصور : يالله جب
حميد : علينا ولا على القنص
منصور : اممممممم الاثنينه
حمد : والله ما عندكم سالفه واشحاالكم كلن بحاله
الكل : يسرك حالنا الغالي
عبادي : شو تبون اطلب لكم
سعيد : لا ايلس انا بطلب لكم
عبادي : لا والله
سعيد : والله لتيلس ورفجت غالي
منصور : عبادي رفج عليك الريال برايه خله يدفع
سعيد : هيه ادريبك يالمصلحجي قول هب يايب اليوم فلوس ... لا اتقول ما عطك امك المصروف
منصور: يالجلب... اذلف لا افرك بنعاليه والله لوهب حشمت الرياييل هذيلا لرد عليك
سعيد : اسولف وياك يالله كله ولا منصور وكرمه يا ويلي
عبادي : يالله سعيد خلنا انسير نطلب
وساروا وطبعا عبادي ما يطيع فدفع نص و سعيد الباقي

عالساعه 10 فليل بعدهم يالسين ويسولفون
محمد : يالله بسير اقنص
منصور : ويااااااااااااااااااااااااااااااااااااااااااك
عبادي : خييييييبه جنه من زمان ما غازل توك مرقم وحده
منصور : خل عنك اللي يسمع حشيم ما اتغازل....هاه عبادي وانته ما تبا تخاوينا
عبادي : لا واتشاور حظرتك .... اكيد بخاويكم
حميد : ويااااااااكم انا بعد
محمد : هاه حمد بتخاوينا
حمد : لا والله
محمد : افاااااا ليش؟؟؟؟
حمد : برايكم سيروا انا هب ساير
محمد : طيع الشور... تراه شوري طيب
منصور : يا ريال خله
عبادي : حليله الريال مستعيل لوووووووووول >>> عسب منصور
حمد : هاه بو عسكور بتيلس ولا بتخاويهم
سعيد : بخاويهم
حمد : يالله .... كفانا شركم.... اتفوء الله لا بليتنا
حميد : هاه بتم اروحك تعال
حمد : لا والله سيروا الا بروحكم انا ما اداني هالسوالف الخايسه
منصور : فديت الحشيم انا
عبادي : عيل وين بتسير
حمد : بترياكم هنيه وال بسير اتشراليه عطور
منصور : لا تنسانيه خويك
حمد : هيه واحد لك وواحد للحبارى للي بتقنصها
منصور : لوووووووووووووول
محمد : يالله سرنا
وساروا....
محمد وعبادي وحميد رباعه
سعيد ومنصور رباعه
سعيد : منصور طالع ......
منصور : وين
سعيد : هاذيج هاه اللي عند الاس كريم
منصور : يونه بنشتري يالله
وساروا صوب باسكن روبنز اللي فالعين مول فوق
البنيه تطلب مب متغشيه ومضهره قصتها وحاطه ميكب مستويه لعبه )) البنت مب عوفه زينه يعني المكياج محلنها وشكلها راعية حركات ((
سعيد سار وقف وراها : *******050
ابتسمت لبنيه بس طنشته شلت اسكريمها وسارت
منصور : اوووووووووب اكبر طاف
سعيد : هيه بسبتك
منصور : براويك فيها
كانت لبنيه تمشي منصور لحقها... كانت سايره صوب الكراسي اتحط اسكريمها واتعدل اونها شيلتها >> امحق شيله لو ما تلبسها ابرك ليش معذبه عمرها بها ^_* لوووووووول
منصور وقف جدامها ورقمها
منصور : *******050
لبنيه ابتسمت وطالعته بنظره وعطته تليفونها عسب يكتبلها الرقم منصور ضحك وعطاها الرقم ورد التليفون عليها وكان سعيد يطالعه ويى بيسير عنها جان يدعمها وسار صوب سعيد
منصور : هاه بو عسكور شو رايك
سعيد : هيه دامنيه عندك محد يبانيه اكيد طيحتها ... مرّه هب ساير معاك
منصور : افااااااااااا
سعيد : خلنا انرد عند حمد بروحه خليناه
منصور : يالله وساروا عند حمد
حمد كان توه ياي من باريس غاليري
منصور : هاه بو شهاب ربنا ما ابطينا
حمد : شوي
سعيد : السموحه الغالي
ولانه محمد وعبادي وحميد توهم يايين
حميد : يالله محد دازلي ويهه ... خسهن الله
محمد : ههههههه يذلفن عندك تراه ارقام
حميد : يخسن خامات مليت منهن
عبادي : يا كثر ما تشكى خلاااص.... هاه حمد رب ما خليناك وايد بروحك
حمد : شو انسوي بكم عاده يوم ما تستحون منيه
عبادي : طالع ما عليك الهرم
منصور : بلاه حميد
محمد : محتشر مصبح يرقم ولا حد دز له ويهه حليله
منصور : هههههههههههههههههه حليلك
حميد : حلك حلوول ان شاء الله
محمد : هيه ما شفتوا لقينا بنات يلحقن حمد فاتكم والله
منصور : يا رياااال صدق ههههههههههههههههههههههه
عبادي : افااااااا حمد من ورانا
حمد : يجذب عليكم
محمد : والله انه صدق... بس يمكن انته ما انتبهت
حميد : هيه والله انا شفتهن يالسات يلحقنكن بطريقه غير مباشره ويوم كنت خاطف خطفن عدالك ودعمنك
حمد : هيه ثنتين خامات خسهن الله
محمد : صوبت البنات
حمد : يذلفن
منصور : ما اتخيل حمد يغازل وال يرقم هههههههههههههههههههههههههههههههههههههه
حمد : الحمد لله حاشم عمريه ولا فيه عليهن وبعدين ما اداني هالسوالف
عبادي : احسن لك ليتنيه مثلك
منصور : هههههههههههههههههههه جب انته اخر من يرمس والله لو اتحلف من اليوم لين باجر ما بصدقك
سعيد: لا والله انا اللي ليتنيه شرات حمد... يا حافظ عليك يا بو شهاب
وتموا يسولفون
وعالساعه 11:30
منصور : ها شباب سرينا
حمد : يالله
عبادي : شو عايلنكم ترانا يالسين
منصور : الوالد مسولي تليفون
عبادي : هيه عيل يالله كله ولا عميه سالم
حمد : يالله شباب خالفتنا العافيه عليكم
راشد : وين ابها؟؟؟؟
منصور : بنسير
محمد : افااا ما قصرتوا الدوب
منصور : مره ثانيه ان شاء الله ....
عبادي : عنبوه جانا كل يوم امجابلينكم وبعدنا ما قصرنا الدوب .. عفناكم
محمد : ما عليك الهرم اللي بيرابعك
عبادي : هههههههههههههههههه
منصور : خله حليله نودان الريال ما يعرف شو يهذرب باجر بيقولك حشى ما قلت
حمد : ههههههههههههه طبعه
حميد : برايكم جان بتسيرون حافظنكم الله
حمد: يالله عيل... حد في خاطره شي من صوبنا
الكل : سلامتكم
وساروا كل واحد بيته

في بيت بو سعيد

منصور حدر عليهم الصاله
منصور : احم.. السلاااام عليكم...واشحالكم ووايهه امه وابوه
الكل : وعليكم السلام
ام سعيد : يا حيك يوم هضلت... عنبوك هب يلسه عندك
منصور :ههههههههههه اميه توها الساعه 11ونص
ام سعيد : هيه ساعتك هاذي
بو سعيد : وينه أحمد وسعيد... عنبوه هالعيال امره محد يشوفهم ما جنه عندهم بيت
منصور : هههههههههههههههه شباب ابويه
بو سعيد : هات تليفوني بسويله
منصور : ان شاء الله ) وعطى ابوه التليفون (
سعيد توه ياي بعد
سعيد : السلام عليكم
الكل : وعليكم السلام
ام سعيد : مرحبا بالغالي
سعيد : الله يرحبج عفضله الغاليه وسلم عليها وعلى ابوه
منصور : هيه هو مرحبا وانا كله اتحرطمين عليه
سعيد : اتغار انته اتغار
منصور : هيه اغار
ام سعيد : انته اترابع فالشارع بلا ذهن وين انشوفك والا هو الغالي انشوفه واذا سار بقعه يتخبر عنا ويتصل انته قاطع امره ما جنّ هلك
منصور : الله يعني منو بيفججنيه من عيوزيه
ام سعيد : خس الله رمستك شو عيوزك وبيفججك... عنبوك حشم امك وين احترام الام ....
منصور : فديييييييييتج ما تزعلين يالغاليه والله انيه اسولف فياج
ام سعيد : لا ... شو سوالفه هاي انففففففف عليك
سعيد : دواك يعلك من هذا واشد
منصور : بلاك عليه شو مسوبك انا تدعي عليه
سعيد : هالوالد... علومك منهم>>>> طنش منصور ^_*
بو سعيد : طيبه... ما قصروا امره
سعيد : يا حيهم
ام سعيد : رمسته ولدك
بو سعيد : رمسته
ام سعيد : هاه شو قالك
بو سعيد : شو قال بعد.. عند الشباب وفالدرب يايين
ام سعيد : ويديه وين سار
بو سعيد : دبي
ام سعيد : ما قاليه
بو سعيد : ثرهم يوم يضهرون يشاورون ولا يمتحنون من حد
سعيد : ما عليكم ما عليه شر الحينه ان شاء الله ياي
ام سعيد : وين واصل
بو سعيد : الفقع توه متخطنها يقول
منصور : هيه....... ياحيني عنه بعدنيه ما اتخطى حدود العين وجيه متغيضه عليه ....
ام سعيد : بعمرك هاللي قاصر
سعيد : وينها سلامي وزهـّور
ام سعيد : فوق يالسات
سعيد : اسميهن ما ادري شو عندهن فوق ميلسات ما ينزلن تحت... بسير اشوفهن
ام سعيد : خلهن يا بويه تحت الله وبين ايديه
سعيد : شو اخليهن ... بسير وبيبهن لج
وسار فوق عسب ينزلهن....

في بيت قوم بو علي (( عمهم راشد )) :-
بعرفكم على عايلة راشد اخو بو محمد وبو سعيد
راشد (( بو علي ))
ام علي
العيال :
علي 30 سنه / موزه 28س / الريم 27 س/ شمسه 25س / سيف 23س / عبيد 19س /ميره 18س

علي معرس وعنده بيت بروحهه وعايش في بوظبي عسب شغله لكنه يرد العين فالاجازات وفالويك اند
موزه معرسه وعندها ولد اسمه راشد عمره اربع سنين وخالد وعمره سنتين ونص والحينه حامل
الريم معرسه عندها بنتين حصه وعوشه الفرق بينهن سنتين
شمسه : عندها ولد واحد واسمه سالم عمره ثلاث سنين وعايشه في بريطانيا مع ريلها لانه هو يدرس هناك
سيف : مب معرس ريال حشيم ويفازع ابوه... بنسبه حق شكله عادي سبحان الخالق طبعا مب يعني انه شكله خايس بالعكس شكـله عادي بس مب طويل اخوه عبيد اطول منه سبحان الله
عبيد : شاب وسيم وطويل حركات مطول شعره مثل موضت الشباب هالايام راعي سوالف ومغازلجي كسلان ومب مخلص الاعداديه مخلي الدراسه يعني... وو طيب
ميره : توها اول سنه جامعه جمالها رباني سبحان الله عيونها كبار وطويله .... >> كل ما اوصف شخصيه لازم اقول حلوه تدرون ليش ؟؟؟؟؟؟
قال الله تعالي : (( انا خلقنا الانسان في احسن تقويم )) صدق الله العظيم

عبادي سار فوق حجرته
ام علي وميره يالسات تحت لانه بنتهم الريم اليوم يايتنهم
ام علي : ويديه هذا مب عبادي
ميره : جنه
ام علي : واشعنه ما ايي يسلم
ميره : ما ادري به
الريم : صبري بسويله تليفون
واتصلت الريم حق اخوها...
عبيد : امنوه المتصل برايه بعدين برد عليه ) عبيد ما شاف الرقم لانه كان ساير يتسبح سمع تليفونه يرن وخلاه (
الريم : ما يرد عليه
ميره : يمكن فالحمام
الريم : يوم بيلاقي رقميه بيرد يسويليه
ويوم خلص سار يطالع منوه مسوله
عبيد في خاطره : هاي الريم !!
ورد يتصل لها
الريم : هاذوه مسويلي
ام علي : امنوه
ميره : عبادي
الريم : سلام عليكم
عبيد : عليج السلام مرحبا
الريم : المرحب لاهان.. واشحالك عبادي
عبيد : ابخير يسرج حاليه ومن صوبج
الريم : طيبه الحمدلله.... وين ما انشوفك.. ولا تتصل .. ولا اتخبر..
عبيد : والله الا هنيه....
الريم : يا حيك.. وين انته الحينه
عبيد : فالبيت
الريم : هيه فالبيت... واشحال امايه وابويه.. ميروه وسيف
عبيد : كلهم ابخير... ما مسيت عليهم اليوم
الريم : افااااااا ليش تراك فالبيت
عبيد : هيه فالبيت تونيه ياي من خاري وسرت فوق سيده.. ما سرت امسي عليهم
الريم : لا ما يستوي انزل تحت ومس عليهم وقول لامايه اسويلها ما اترد عليه اباها ضروري
عبيد : هيه ثرج داقله مب عشان اتخبرين عني... داقه تبين امايه....
الريم : امنوه يقوله.... حرام عليك
عبيد : عيل اشعنه اتقولين لي تبين امايه ضروري خلها اترد عليه
الريم : هيه انزين اباها ضروري
عبيد : ما عليه هب مشكله الحينه بنزل وبقولها شي تبين بعد
الريم : زعلت
عبيد : لاه من شو ازعل
الريم : خلاص عيل لا تنسى ومسّ عاللي فالبيت عيب عليك اتخطف بدون ما اتسلم ما احيدك جيه
عبيد : ان شاء الله.. برايج عيل وحبيلي حصه وعوشه
الريم : لا اباك انته اتحبهن اروحك
عبيد : انزين برايج
الريم : اوكيه فمان الله
وسكرت عن اخوها
ام علي : علومه
الريم : الحينه بينزل ما يدري انيه هنيه
ميره : هههههههه غيري مكانج عسب يوم يدخل ما ينتبه عليج
وغيرت الريم مكانها
عبيد توه حادر
عبيد : السلام عليكم
الكل : وعليكم السلام.......( حتى الريم)
عبيد سار ووايهه امه وخته ولا انتبه انه الريم موجوده
عبيد : اشحالج الوالده
ام علي : يسرك حاليه شو توك ياي
عبيد : لا من شوي بس سرت فوق اتسبح ونزلت
ام علي : جيه ما سلمت علينا
عبيد : سامحينيه الوالده
ام علي : مسموح...
ميره يالسه وتتبسم واطالع اخوها
عبيد : اميه توها سوت الريم واتسلم عليج
ام علي : هيه علومها ما سوت ليه اليوم جان ريت
عبيد : هيه قالت انها اتسويلج وما اتردين
ميره تضحك واطالع اخوها
عبيد : بلاج اطالعين.. بتعرفين... اسف ما نتعرف
ميره : هههههههههه لا بس متولهه عليك
عبيد : هيه انزين ...... ) كان بيكمل رمسته ولانه يلمح حد فالصاله يضحك غير ميره (
عبيد : يالسباله ثرج هنيه اراويج
الريم : ههههههههههههههههههههههههههههههههههههههه هيه هنيه ههههههههههههههه
عبيد : سار صوبها
الريم : جيه اتخطف ولا اتسلم عنبوك ما شفت البيت منور
عبيد : لا تدرين فخاطريه اقول بلاها ليتاتهم مشوطه اليوم
الريم : هههههههههههه يا السبال... واشحالك
واتوايههو
عبيد : اقول هالبنيه مب طبيعيه اليوم واتقولي انته سلم عليهن انا ما بسلم.. ثرج هنيه يالله اسمينيه خبله عنبوه كيف ما انتبهت انه حد هنيه
ميره : سبحان الله اول مره اكتشف انك خبله دوووم اتسوي مقالب فالعرب والحينه هم يسوون بك ههههههههههههههههههههههههههه
عبيد : جب انتي... واقول بلاها اطالعنيه ثرني الا استويت مضحكه لكم.....
ام علي : شو انسوي بك عيل زين جيه اتخطف ولا اتسلم...
عبيد حبها على راسها : فديتج يالغاليه... شفتي كيف ضحكن عليه يرضيج
ميره : كيف يرضيها وهيه كملت اللعبه
عبيد : لا ما يستوي هذا تحالف عليه ما عليه مردوووده والله لراويكن ما عليه ههههههههههههههههه مب انا اللي ينضحك عليه ... صبرن
ميره : كيف مب انته اللي ينضحك عليه.... خلاص ضحكنا وخلصنا
عبيد : انتي ما بتسكتين يعني
ميره : ليش اسكت انا مستانسه جيه
عبيد : مستانسه هاه.....انا براويج يالخايسه ونش وربع وراها.. وسارت ميره تربع واتباغم
ام علي: الله يهديكم يا ربيه
الريم : هههههههههههههههههههه اسمينيه اطمشت عيل يرقى فوق ولا يسلم
ام علي : اجديتي فيه عسب يتعلم ما يخطف الا يسلم
الريم : السلام على رسول الله
ام علي : هيه عاد يبا حد غيرهم
الريم : هالشباب من يرمسون ما شي سلام... سيده هاه فلان وعلومك
ام علي : الله لا بليتنا

فاليوم الثاني..............
الضحى
منصور دق حق عبيد
منصور : السلام عليكم
عبيد : عليكم السلام مرحبا الساااااااااااااااااااااااااااااع
منصور : الله يرحبك عفضله.. واشحالك
عبيد : يسرك الحال ولا يضرك ومن صوبك
منصور : طيبه الحمدلله
عبيد : علومك
منصور : ما شي علوم كله جديم
عبيد : يا حيك
منصور : الله يحييك..... وين
عبيد : فالبيت
منصور : افا ما احيدك اتقر فالبيت
عبيد : ما ضهرت
منصور : هيه .. رمست حد
عبيد : سويت لحمد
منصور : علومه ما رمسته اليوم
عبيد : طيبه
منصور : انزين اقولك اليوم معزومين عند سعيد عالعشى
عبيد : هيه .. ليش ما يتصل ويقوليله هو
منصور :ثرك مخلي تليفونك مفتوح.. يقول مصبح يسويلك ويعطيه كله مغلق
عبيد :هيه راقد من شوي فاتحنه
منصور : عيل لا اتلومه
عبيد : ما عليه بسريله
منصور : خلاص عيل.. شي فالخاطر
عبيد : سلامتك
منصور : فمان الله
عبيد : فمان الكريم

تابعوا بقية الاحداث __DEFINE_LIKE_SHARE__

روحي مشتاقه · 01-02-2013, 07:50 PM

البــــــــــارت (( 8 ))

ملاحظــــــــــــة:-
انا بطري الشرطه فالقصه... والاحداث اللي بتستوي مجرد احداث غير واقعيه ... وشرطتنا محد مثلها بالعكس المواقف اللي بحطها ادّل على تفانيهم فالعمل وهذا هو المطلوب انه يغيثون اللي فحاية الاغاثه ... واحب اشكرهم وااااااااايد ويزاهم الله خير على تعبهم وتحملهم عشان يحافظون على أمن دار بناها ابونا الغالي زايد الله يرحمه........

)) نسيت اقولكم انا ما افهم في سوالف الشرطه فديتنيه مسالمه لكن أي موقف فيه شرطه تراه بمساعدة ولد خالتيه تراه راعي حركات وما يغلبه شي ما شاء الله عليه وعفكره شخصية عبادي قريبه على شخصيته (( ...... >>> السمووووووحه اذا زليت ولا شي

وديمه : ابا اسيييييير السووووووووووق
ام محمد : بلاج حشره جيه
وديمه : ابا اسير السوق
ام محمد : ما عليه خلي حد من اخوانج يوديج
وديمه : امنوه حمد ولا محمد يالله ما يدانون يودونيه السوق
ام محمد : اشعنه.. اكيد مرذيتنهم
وديمه : يقولون ما نتفجج من السوق ويتعبون اونهم
ام محمد : صدقهم ما تجنعين (( تقنعين )) لين ما تشترين السوق كله
وديمه : انزين انتي ودينيه..
ام محمد : ما فيه انتي لعواز ما ينلامون اذا ما طاعوا يودونج
وديمه : افاااا
بو محمد توه ياي من برى هو وفلاح ومنصوري
بو محمد : السلام عليكم
وديمه + ام محمد : عليكم السلام
ام محمد : هاه منصوري تعال حبنيه
منصوري : اشـّين >> يعني انزين لووول
ام محمد : وااااااايه فديتك ...حبك العافيه يا ربيه
فلاح : بلاج ودوم
بو محمد : صدقه بلاج اشوفج ماده البوز
وديمه : ما شي
ام محمد : حاشره البقعه تبا اتسير السوق
فلاح : بس
وديمه : هيه بس مب عايبنك يعني
فلاح : لا مب عايبني
ام محمد : بس عن الضرابه
بو محمد : ما تزعل بنتيه تعالي الغاليه)).... وسارت صوب ابوها ويلست عداله ولوى عليها...((... امـّره فالج طيب بنت سلطان اليوم العصر اتزهبي وبوديج السوق.. ولا تزعلين فديتج
وديمه : فدييييييييك يا الغالي.... محد يفهمنيه غيرك
ام محمد : هيه بزها ما يسد البزى اللي فيها
بو محمد : هب بنتيه براينيه وياها
وديمه : هيه صدقه
فلاح : وينها فطامي ما اشوفها
ام محمد : راقده
فلاح : وهاي اشعنه واعيه مب من عادتها
وديمه : لا والله شو قالولك
ام محمد : ايهااااا يا هي سالفت(ن) وحده

في بيت بو سعيد
زاهره : ماماه نبا انسافر شو جيه
سلامه : هيه نبا انسافر تعبنا من كثر ما انقولكم
سلطان : يعلكن الحشره بسكن عرفنا
سلامي : لم ثمك ما يخصك عراسك
سلطان : هيه عراسي
سلامي : نزلنا
سلطان : ما ابا
ام سعيد : يعلكم الحشره راسي يعورنيه صخوا شويه...
أحمد توه نازل من فوق متسبح ولابس كندوره وطاقيه مب متلبس سفره (( غتره )) وشعره ظاهر خاري
أحمد : صباح الخير
الكل : صباح النور..
ام سعيد : العرب اتسلم..
أحمد : السموحه .... السلام عليكم
الكل : عليكم السلام
سلامي : الله أحمد متكشخ اليوم غادي حلوووو
أحمد : جيه انا بس اليوم متكشخ وحلو
سلامي : لا بس لون الكندوره حلووو وايد اول مره تلبس هاللون ...
أحمد : عيووونج الاحلى
سلامي : ثااااااانكس وجان استحي
أحمد : خس الله مستحاج اونج جيه تستحين
زاهره : ههههههههههههههههههه
ام سعيد : وين بتسير
أحمد : ما بسير بقعه بسير صوبج
ام سعيد : وين صوبيه ثرك وين
أحمد كان يقصد بينسدح على ريل امه
احمد منسدح : من زمااان ما رقدت على ريلج امايه
ام سعيد : هيه شو تبا ادخل فالموضوع
أحمد : لا والله ما ابا شي
أم سعيد : لا مب طبعك.. ارمس لا تستحي
أحمد : والله ما شي... بس ابا انسدح ... شو يعني ما تبيني
أم سعيد : لا فديتك اشقايل ما اباك
أحمد : فديتج والله
سارت سلامي صوب امها تبا تنسدح بعد اتغايض
سلامي : انا بعد ليش هو ) وانسدحت (
ام سعيد : وايه اتغارين ثرج
سلامي : امايه ومن حقي اغار عليها
أحمد : يالله نشي .... اتغار اونه من منوه مني لا اتحاولين انا غير
سلامي : لا والله ماماتيه شوفيه
ام سعيد : لا كلكم غالين عنديه
زاهره : انا بعد ابا انسدح
أحمد : كملت... يا اخي الواحد يبا حنان بروحه لازم شريك....
زاهره : جيه امك بروحك
أحمد : لا عيل امج الا انتي
ام سعيد : خس الله مذهبكم عنبوكم تضاربون نشوا .. نشوا عنيه ما ابا حد ينسدح
أحمد : كله منكن بنات... خسكن الله
سلامي مطت الطاقيه عنه
احمد : بتردينها ولا اضربج
سلامي : ليش الله يخسنا هاه
أحمد : بتردينها ولا اضربج
سلامي : اول جاوب
احمد : اقولج بتردينها
سلامي : لاء
أحمد : ما بكرر رمستيه ... احسن لج
ام سعيد : اييييييهااااااا يا سلامه لو بغيتج حرمه رديها على خوج يالله
سلامي : ما ابا
ام سعيد : اقولج رديها
سلامي : انزين ... دوك ) وفرتها عليه (
أحمد : ما بشلها رديها من وين شليتيها
سلامي : ما ابا انته مب تباها عطيتك اياها
احمد : رديها بقعتها احسن لج
سلامي : يا ربيييييييييه (( وشلتها وحطتها على راسه ...ومطت شعره الطويل ))
أحمد سار ومطها بعد
ام سعيد : اني بلاج جيه عوفه فخوج شو مسويبج
أحمد : برايها ادريبها اتحب تضارب معايه...
أم سعيد : وانته شو جيه مطول شعرك عنبوك بنيوه
زاهره : هههههههههههههههههههههههههههههههههههه
سلامي : هههههههههههههههههههههههههههههه حليله
أحمد : حلج حلووول ان شاء الله...
ام سعيد : سر حلقه
أحمد : ليش امايه حلووو...
ام سعيد : امحق حلاه جانه الا جيه
أحمد : امايه شعريه هب طويل وااييد حتى جتفيه ما وصل
أم سعيد : خييييبه بتوصله جتفك
أحمد : هيه عيل
أم سعيد : خسك الله ... ان ما حلقته بزعل عليك
أحمد : لاااااااااا فديتج لا تزعلين... امايه ما اروم احلقه بعدين بعدين
ام سعيد : لا مب بعدين
أحمد : انزين امايه شعريه مب طويل بس طشونه..
أم سعيد : وهاي القصه اللي على عيونك
أحمد : هههههههههههههههههههههه بلاها
ام سعيد : هب طويله
أحمد : لاه... عيل لو اتشوفين الشباب شو بتقولين
أم سعيد : برايهم الشباب انا شو اباهم انا همنيه ولديه
أحمد : لا خلا منج ولدج
أم سعيد : اميييييييييين
سلامي : زاهره ردي الفلم عن لا اكفخج
زاهره : مب حلو بندور غيره
سلامي : لا والله رديه
زاهره : مب حلو اقولج...
سلامي : قسم بالله ان ما رديتيه يا ويلج
زاهره : اووووووهوووووووووو

:

محمد فالشغل سواله ابوه
محمد : مرحباااا الساع الوالد
بو محمد : المرحب لا هان... واشحالك
محمد : ابخير وسهاله ومن صوبك الغالي
بو محمد : ما اشتكي باس
محمد : دووم ان شاء الله
بو محمد : اقولك اتصلليه الريال
محمد : هيه انزين سواليه وقال ابا رقم الوالد.. عطيته
بو محمد : اجديت.. عاد قلت بقولك... ويوم بتي بخبرك
محمد : ما عليه... شي فخاطرك الوالد مشغول شويه
بو محمد : سلامتك الغالي
محمد : الله يسلمك .... تامرينيه بحايه وانا راد
بو محمد : لا الغالي سلامتك
محمد : الله يسلمك....

العصر
عبادي سوى تليفون حق حمد
حمد : السلام عليكم... مرحباااا ملاااااين
عبادي : عليكم السلاااام ...المرحب لا هان واشحااااالك يا بو شهاب
حمد : ابخير وسهاله من صوبك
عبيد : ابخير الحمدلله.... وين
حمد : فالبيت
عبيد : ياينك عيل
حمد : وين
عبيد : بنحوط ...اتلبس
حمد : ما عليه اترياك
وخطف عبيد على حمد وساروا الجيمي مول (( كارفور ))
ويوم كانوا بيظهرون
عبادي عنده نيسان ابيض
عبادي : حمد تبا تطمش
حمد : هيه ليش لا
عبادي : فيا الشرطه
حمد : يالله
عبادي : اسمع .... الوه
الشرطي : معاك الاستعلامات
عبادي : السلام عليكم
الشرطي : عليكم السلام
عبادي : كيف الحال
الشرطي : ابخير الحمد لله
عبادي : يا مرحبا .... اقولك اخوي حد داعمني وابا دوريه
الشرطي : وين مكانك
عبادي : كارفور فالباركنات الشرجيه (( الشرقيه ))
الشرطي : خلاص بطرش لك دوريه
عبادي : مشكور يا اخي
الشرطي : العفو
وسكر عن الشرطي
حمد : شو قالك
عبادي : الحينه بيون
حمد : شو يضمن لك انه ثاني هو اللي بيينا (( ثاني واحد يقربلهم من صوب يدتهم ام ابوهم وهو وايد ويا أحمد بن سالم ))
عبادي : تراه هو ماسك زام هنيه
حمد : اسميك انك سليطه... اشتباهم
عبادي : ثاني تراه بلا شغله خله ايي .... شو وراه غير يحوط بسياره
حمد : كيفك ما يخصنيه بك
ويت الشرطه ثاني ما كان يدري انه ربعه هم اللي طلبوا دوريه
وثاني هو اللي يكتب المخالفات لكنه عرف انهم ربعه ونزل يسلم عليهم
عبادي : السلام عليكم.. واتوايهوا بالخشوم طبعا
ثاني + الشرطي اللي وياه : عليكم السلام
عبادي+ حمد : اشحالك ثاني
ثاني : الله يسلمكم
حمد : هالخبله دومه يندعم
عبادي : واحد يى ودعم السياره وروح وانا داخل
ثاني والشرطي اللي وياه ساروا يطالعون السياره
الشرطي : انته ما شفته
عبادي : لاء كنت داخل
ثاني : انته دومك مدعـّم خلق الله ... واعرف سوالفك... انته امريوس (( راد على ورى ... يعني يوم ترجع السياره ورى )) عليه والا لاء...........
عبادي : لا مدعوم ييت ولقيت السياره جيه
الشرطي : انزين تبا ورقة تصليح عشان اتصلحها بروحك
عبادي : هيه
خذ الملكيه والليسن وكتبله الورقة
ثاني : لو عرفت انها وحده من سوالفك الماصخه لا اتلوم الا نفسك بحجز السياره وانته بتـنسجن يومين
حمد تم يتحنحن و يضحك وعبادي تم يلطمه وويأشرله يقوله اسكت
ثاني : شو بلاكم
عبادي : ما شي هذا بلا سالفه يضحك الا جيه
ثاني طالعه بعين : تباها الورقه والا لاء
عبادي : اكيد اباها عيل ليش طالب دوريه
ثاني عطاه الورقه مع الليسن والملكيه
عبادي : مشكور واسمحلنا
ثاني : مسموح
حمد : فمان الله..................................... وساورا
ثاني يقول للشرطي وهم سايرين صوب سيارتهم : هذا مطفوخ دوم يدعّم العرب و عنده 8 حوادث في شهر واحد
حمد وعبادي ساروا يركبون السياره
حمد : عز الله انحجزت السياره وانته انحبست
عبادي : لا ما عليك انته
حمد : صدق شو داعمنك انته
عبادي : فالبيت ......اوني بريوس فالقراج ولطمت الحديده ^_*
حمد : ههههههههههههههههههههههه صدق انك جوله منوه عاطنك ليسن انته
عبادي : البنات اللي في المرور.... تروملي ^_*
حمد : هاللي تباه انته

في نفس الوقت وديمه وفطامي ومنصور سايرين مع ابوهم العين مول تراه اذا اتحيدون وديمه كانت حاشره البقعه تبا اتسير السوق
ويوم خلصت
وديمه : باباتيه
بو محمد : لبييه
وديمه : لبيت بمكه يا رب
بومحمد : اااااامييييييييين وانتوا ويايه
وديمه : الله يسمع منك يا الغالي..... نبا ايس كريم
بو محمد : فااااالج طييييب الغاليه .. هاه فطامي.. منصوري تبون
فطامي : اكييييييييد
منصوري : هيه أليد.. هيه هيه هيه
وديمه : انزين بس عاد عن الحشره فضحتنا وساروا فوق يتشرون أيس كريم من باسكن روبنز
كلهم عند باسكن يطلبون منصوري ربع صوب اكشن زون >> مكان كله ألعاب يعني يسيرون اليهال عسب يلعبون وديمه لحقته ابوها ما نتبه لانه يالسه يلطب وكان زحمه

وديمه : منصوري بسك.......... وديمه ماسكه ايد منصور وهو يالس تحت ما يبا يسير معاها >> فضايح اليهال محد يوديهم بقعه ^_^
وديمه : بتقوم ولا لاء ترانيه ما بخليهم يشترولك أيس كريم كاكاو
منصوري : ما ابا فجي هماله >> (( هماله = حماره ^_* ))
خالد : هزاعوووه!!!!!!!!!!!!
هزاع : هاه
خالد : هذا الولد جنيه شفته بقعه
هزاع : وين؟؟؟؟
خالد : عند اكشن زون واقف شفته
هزاع : هيه شفته .. هيه صدقك حتى انا والبنت اللي عنده هيه احيدهم
خالد : اللي في ليوا
هزاع : سبحان الله >>> اتحيدون هزاع واربيعه خالد اللي كانوا في ليوا وغازلوا ودوم ومنصور اتغيض عليهم.........
خالد : وين ابها
هزاع : اصبر بييك
خالد : يا ريال خلها
وسار هزاع صوب وديمه... منصوري.. عض ودوم وجان اتفجه ويربع عنها هزاع مسك منصوري
هزاع : هاه حبيبي تبا تلعب
منصوري : هيه
وديمه كانت سايره صوبه وشافت انه واحد ماسك اخوها ما عرفته واتروعت على اخوها
وديمه : منصوري تعال هنيه بشوفك
هزاع طالعها وضحك... : الله اسمك منصور
منصوري : هيه
وديمه : تعال اقولك
منصوري : ما أليد ........ ابا نن نن >> اللعوب كلها يسميهن نن نن ^_*
وديمه سارت صوب اخوها : لو سمحت فجه ما يخصك
هزاع : مرحبا انزين العرب اتسلم....
وديمه : منصوري بتي والا اخبر عليك باباه
هزاع : برايه بوديه الاعبه
وديمه : وانته شو يخصك هاه خله الصبي لا بزقر ابويه عليك
هزاع : افاااااا..... انزين تذكيني والا ناسيتني
وديمه استغربت كانت طبعا متغشيه ولا اتشوف زين وطبعها ما اتشل عينها فالرياييل ما شاء الله عليها جيه المفروض البنات ما يشلن نظرهن فالشباب او الرياييل عيب عليهن والشباب بالمثل المفروض يغضون النظر لكن وين نلقى جيه الحينه

وديمه طنشت هزاع
هزاع : انا اللي في ليوا.. يوم اضارب ويا هذاك الريال تذكرين
وديمه في خاطرها: اوووووه هذا هنيه شو يابه ما اتوقعت اشوفه
هزاع : شكلج اذكرتي
وديمه : ما يخصك وفج الصبي لا ازقر الوالد
هزاع : منصور حبيبي سير عند ختك
منصوري : أليد ألعب
هزاع : اوكيه قالت بتلاعبك بتشتري لك ايس كريم بعدين بتلاعبك
منصوري : اشين
هزاع : يالله حبنيه
منصوري حب هزاع وسار صوب اخته ومسكته وهيه متغيضه عليه وسارت عند ابوها
بو محمد : انتي وين سرتي
وديمه : ولدك ما بمسكه فضيحه
بو محمد : بلاه
وديمه : سار يربع صوب اكشن زون يبا يلعب وانتوا مخلينه عنديه وانا ما ارومه مقوي
بو محمد : عنبوه جان قلتي ليه ما اتشوفين كله شباب
وديمه : باباه زحمه تراها وخفت انه يضيع وترانيه قلت حق فطامي
بو محمد : ما عليه فديتج انا واثق فالله ثم فيج واعرف تربيتيه كيف
وديمه : فديييييييتك والله
بو محمد سار وشل ولده >> عفكره اللي يشوف بو محمد يقول واحد من الشباب كشيخ ويلبس كنادير ثابته وشعره غليظ ونعيم طويل بس مب مثل باقي الشباب طوله من فوق يعني عادي شعر رياييل لكنه غليظ من فوق فهمتوا اشقايل ...................
وساروا
خالد : اعلومك منهم
هزاع : اتذكرتنيه
خالد : صدق
هزاع : هزري
خالد : وشو قلت للصغيروني
هزاع : منصور
خالد : اسمه منصور
هزاع : هيه
خالد : اسمه حلو وهو حليو ما شاء الله عليه
هزاع : سوالف تدري حبيته هالياهل ربي يحفظه ويخليه حق هله
خالد : ما قلتي شو قالت لك
هزاع : متغيضه يعني شو تبا منها وبعدين شكلها حشيم ما شاء الله عليها ما عندها هالسوالف اتصدق عيبتنيه
خالد : يا ريال.........

وانرد حق عبادي وحمد عقب ما ضهروا من كارفور
عبادي : شوف شوف
حمد : شو تباه خله
عبادي : لااااااء
)) عبادي ما يداني رقم اماره من امارات الدوله ويحب يطفر ابهم يعني يلزّق السياره فيهم ويعطيهم فول ليت ويصيح هرن ولا يلف عليهم يعني من هالخبال ((
فالشارع يمشون وبالتحديد على خط التجاوز عبادي تم يمشي ورى السياره اللي عليها الرقم اللي ما يحبه امـّره لازق فيها ومعلق على الفول ليت ..السياره اللي جدام عطت اشاره بتلف يمين عنه لانه تتحراها يبا يجاوز
حمد : هههههههههههههههههه مسكين حاله...
عبادي : شوف ههههههههههههههههههه اتروع هههههههههههههه
حمد : لا عيل بيعق عمره جدامك
عبادي : ههههههههههههههههههههههه شوف شوف ...........وتم يصيح له هرن
حمد : يا ريال شو تباااااه خله يذلف
عبادي : ههههههههههههههههههه شفته شو سوى هههههههههههههههههه
حمد : ههههههههههههههههههههههههههه الله يعينه __DEFINE_LIKE_SHARE__

روحي مشتاقه · 01-02-2013, 07:52 PM

عقب صلاة المغرب
الكل يالس فالصاله
فطامي / ودوم / بو محمد / ام محمد / محمد / فلاح / منصوري
بو محمد : علومك محمد سرت اتحجز
محمد : هيه سرت انا وسعيد
بو محمد : يا حيك ... عاد ان شاء الله اللي تبونه..
محمد : ما اطيع اكيد اللي نباه
فطامي : وين اتحجزون ... شو السالفه؟؟؟؟؟؟؟؟؟؟؟؟؟؟؟؟؟؟؟؟؟؟؟
فلاح : يا الله يا الرزه
فطامي : ما يخصك كيفيه
ام محمد : وااااايه عيب عليج خوج هذا
فطامي : شو يبانيه..
ام محمد : صدقه شو يخصج رياييل و يرمسون
بو محمد : حبيت اسويلكم مفاجاه
وديمه : يالله احب المفاجأت اللي اتفرح
محمد : شو تتوقعون
وديمه : امممممممممم ما ادري بس احس شي
محمد : شو قولي
وديمه : ما بقول اول خبرنيه
محمد : ما ابا قولي
وديمه : امممممممم السالفه فيها سفره وولا شي... المهم ضهره من العين
محمد : صح
فطامي : الله............>> بصوت عالي قالتها

فلاح : خييييييبه طريتي ذنيه شوي شوي
فطامي : اتعرف انيه احبك فليــــــّـــــح ......... وسارت تلوي عليه
فلاح : خووووووزي عني ما احبج >> كان يضحك عليها
ام محمد : شو بعد فليــّــــح عيب عليج
فطامي : سوووووووووري فديته فلاح بن سلطان محد مثله ما ادري ليش انا اليوم احبه
ام محمد : وايه خسج الله الا اليوم
فطامي : لا طبعا كل يوم فديت روحه
فلاح : يالله ما يسوى علينا
وديمه : لمي ثمج بشوف... عاد وين بنسير
بو محمد : حجزنا بنسير جنوب افريقيا بنيلس اسبوع خلاف بنرد بوظبي خلاف بنرد انسافر
وديمه : أبا اسير ايطاليا
فطامي : وانا لندن
محمد : انزين نحن قلنا بنسير ألمانيا و سويسرا و فرنسا
بو محمد : انزين وحط بعد لندن و ايطاليا
محمد : ما عليه
وديمه : اكيد سويتوا جدول حق السياحه
محمد : اكييييد بيكون في كل دوله انسير لها مرشد سياحي بيسويلنا جدول سياحه على كيف كيفج
وديمه : اللللللله
فطامي : ما ادري احبكم واحد واحد ولا دفعه وحده
محمد : لا دخيلج
ام محمد : بلاج مستويه خبله صكي الدعنه ولا جنج قد مسافره قبل
وديمه : محد بيسير ويانا
بو محمد : قوم عمج سالم وراشد وخالج عميـّر... بس هم بيسيرون كل واحد دوله وبنتلاقى في كمن دوله يعني أي دوله انسيرلها حد بيكون فيانا
وديمه + فطامي : اللله حلوووووووو
وديمه : يالله عقب تعب الثانويه
فلاح : صدق متى النتايج
وديمه : قالتليه عواش انهن بيضهرن بس انا متروعه اتصدق نسيت سالفة النتايج بسوي لعواش وبتخبر
حمد توه راد البيت عسب يتسبح لانه معزوم عند سعيدعلى العشى هبابه يتسح ويتلبس ويتكشخ
منصور متصل حق عبادي
عبادي: مرحبا الساع
منصور : المرحب باجي واشحالك
عبادي: طيب طاب حالك ...
منصور : شو اتسوي
عبادي: تونيه راد من كارفور
منصور : هيه منوه حد سار وياك والا الا بروحك
عبادي : لا سرت مع حمد
منصور : يا حيكم
عبادي : وانته
منصور : يالس فالقهوه ويا الشباب
عبادي : هيه منوه من الشباب عندك
منصور : محمد وحميد ..........ويسلمون عليك
عبادي : الله يسلمك ويسلمهم من الشر...رد السلام عليهم... جيه ما بتسيرون عند سعيد
منصور : بنسير
عبادي : عيل شو ميلسنكم لين الحينه ما سرت تزهب
منصور : بنسير الحينه
عبادي : ما عليه نتلاقى عيل
منصور : ان شاء الله
وساروا عند سعيد ربيعهم البيت
اتحيدون راشد ولد عمير بن حمد يعني ولد خالهم
أحمد يرمس راشد
أحمد : هاه بو سنيده متى رديتوا من ليوا
راشد : الاثنين
أحمد : يا حيكم وانتوا الحينه في بوظبي
راشد : عيل وين
أحمد : متى بتون العين
راشد : ما ادريهم بيسيرون العين هالصيف ولا لاء
احمد : وانته اشعليك منهم تعال العين وبات عندنا
راشد : يوم بتفيج
أحمد : واعلومك عن العرب
راشد : أي عرب
احمد : علينا
راشد : لا صدق العربان وايده وانته تقصد امنوه بضبط
أحمد : اللي مصوبتنك
راشد : هيه.... ما ادريبهم من زمان اعديبهم
أحمد : افااا...
راشد : تدري متولهه عليهم ...
أحمد : الله يعينك يا رياال على ما بلاك
راشد : اتصدق احلى بلوى.... بس ليتهم يحسون
أحمد : جيه ما يدرون انك اتحبهم
راشد : يدرون ........ جيه اعطيهم كاش فالويهه
أحمد : الله يعينك
وتموا يسولفون
وديمه دقت حق عواش
وديمه : السلام عليكم
..... : عليكم السلام
وديمه : عواش موجووده
......: لحظه بشوفها لج
وديمه : اوكيه
دقايق.. عواش : يااااااااا مرحبااااااااااااااااااااا
وديمه : المرحب باجي واشحالج عواشي
عواش : طيبه يوم سمعت صوتج
وديمه : ههههههه ثانكس وجان استحي
عواش : واعلومج ودايم
وديمه : ابخير يسرج حاليه وانتي اشحالج
عواش :والله نشقح وننطح
وديمه : يا حيج..... اقول عواش
عواش : هلاااااااااع
وديمه : شو اخبار النتايج
عواش : الكل محتشر ومشتط الا انتي
وديمه : لا والله مشتطه لكن متروعه
عواش : حتى نحن متروعين الا انتي بس
وديمه : يا بنت الحلال ... شو الحين
عواش : بيطرشون النتايج مسج انتي اشتركتي
وديمه : هيه
عواش : خلاص عيل ... تدرين باجر بيضهرون نتايج الثانويه
وديمه : لا اتقولين
عواش : جيه ما تدرين
وديمه : لاء
عواش : هيه تراج مب مهتمه جنج الا ضامنه النسبه
وديمه : يالله يا الحسد... وبعدين انا مهتمه وعارفه عمريه والله يستر
عواش : صح نسيت اقولج باجر نتايج العشر الاوائل على الدوله
وديمه : ونحن متى
عواش : لووووول مب حاطه عمرج بتضهرين من العشر الاوائل
وديمه : اااااايهااااااااااااا بلاااااااااااج انتي عليه شو مسويتبج
عواش : ما شي بس قاطعه ولا فكرتي ادقين الا عسب تتخبرين عن النتايج يعني لو هب هالنتايج جان ما سمعنا صوتج حتى
وديمه: حرااااااااااااام عليج انتي اتعرفين ما افضى
عواش : هيه صح حليلج عيال وريل وبيت الله يعينج ويصبرج
وديمه : حوووووووووه انتي دزينالج ويهه واااااايد بلااااااااااج

عواش : المهم اول شي بيضهرون نتايج الاوائل فالتلفزيون وخلاف الباقين بيطرشون لهم مسجات هالاسبوع ان شاء الله والله يكتب اللي فيه الخير
وديمه : فديت الزعلااااااانين انا والله يا عواش دوم على البال ومتلومه فيج من اسبوعين ما ادق لج والله لا اتحرين عسب النتايج داقه كنت اقدر ادق حق وحده ثانيه اتخبرها عن النتايج واسكر لكن بس لانيه متولهه دقيت
عواش : هيه صدق... زين
وديمه : عواش عاد بسج دلع
عواش : فديتج والله ما انروم نزعل عليج كله ولا خويتينا
وديمه : وجان استحي
عواش : خخخخخخخخخخخخخ
وديمه : واعلومج ما بتسيرون بقعه هالسنه ما بتسافرون
عواش : العمره بنسير...
وديمه : هيه الله يبلغكم ان شاء الله
عواش : امييييييين ويبلغج يا رب
وديمه : ان شااااااااااااء الله
عواش : اقولج امايه تزقرني شي في خاطرج من صوبيه
وديمه : سلامتج... وسلمي على امج....
عواش : يبلغ عاد.. خلينا نسمع صوتج
وديمه : فالج طيب ان شاء الله
عواش : يالله فداعت الله
بوظبي دار الظـــبي
الساعه 11 فليل
راشد بن عمير فلمارينا ساير مع ربعه وكلهم قاعدين
صالح : يالله انا بسير
حمدان : وين ايلس
صالح : بسير اتمشى بفجج اريولي اتعورني من اليلسه
راشد : بخاويك عيل
صالح : لا قر بقعتك هيه ادريبك ما بتخليني ارقم
حمدان : هههههههههه هيه عشان جيه تبا اتسير ثره مب عشب اريولك يا مكرك بعد
صالح : خرون لحد يسمعك ^_*
حمدان : سر سر
راشد : يعني ما تبانيه اخاويك
صالح : صك الدعنه عشان ما يدزلي ويهه ويربع وراك
حمدان : ههههه حليلك دوم هاي حالتك
راشد : شو اسوي يوم اني حلو الله عاطني هالجمال شو اسوي يعني
صالح : جب جب جمال قال...
حمدان : سر جرب حظك
صالح : الحظ اللي وراه رشود يخترب
راشد : حووووه يا الهرم تحمد ربك اذا انا ورى حظك خس الله حظك الطايح لوووول
صالح : هيه انزين ...... يالله برايكم
حمدان : يا ريال خله في سنعه
راشد : هاه ويهي اذا حد شل الرقم ... تدري قم قم بنسير
حمدان : وين
راشد : بنسوي فيه مقلب الهرم
حمدان : قم
وتم يتمشون
راشد : اتفكر باللي افكر به
حمدان : ما ادري اذا نفس اللي افكر به
راشد: تعال
وساروا صوب سودانيه يالسه فالطاوله اروحها قرب المطاعم
راشد : هالشيخه... دوج )) وحط ورقه فيها رقم صالح وسار عنها((
حمدان : هههههههههههههههههه صويلح ما ادري شو بيسوي
راشد : ههههههه ما عليك منه يزى رمسته الماصخه
حمدان : خلنا انرد بقعتنا قبل لا ايي
راشد : يالله
وساروا ويلسوا محلهم شوي ولانه صالح ياينهم ماد البوز
حمدان : اعلومك صالح رب مشى حالك
صالح : وين بيمشي... حوبات هاللي عدالك
حمدان : افااااااااا لو تدري شو سوى عشانك تدري ما اتهون عليه
صالح : وش سوى يعني
راشد : اعجبك شفتلك وحده اتعق الطير من حلاتها كتب رقمك في ورقه وعطيته لها ... ها شو رايك عاد اتريا الاتصال
صالح : صدق.... يزالك الله خير ..... الحينه انته اربيعي
راشد : وثرني شو كنت
صالح : اربيعي بس زعلان عليك
حمدان: لووووووووووول
..×'؛..\\ ......... بيت بوخليفه (( عمير )) ......// ..×'؛..
اليازيه : امايه مت بنسير العين
ام خليفه : بنشوف ابوج اول
اليازيه : هيه اسمينيه اتولهت على بنات عمـّاتي
النيره : هيه صدقها وعلى يدوه بعد
ام خليفه : ما عليه بشاور ابوكن وخلاف بنشوف...
رفيعه : اميه متى قالج ابويه بنسافر
ام خليفه : ما طرى شي ... بس من كمن يوم سار خليفه يحجز بس اضنيه عقب ما يسافرون قوم عمتج حصه وبيردون نحن بنسير معاهم
رفيعه : هيه احسن مب حلو انسير بروحنا
اليازيه : وقوم عموه عاشه بعد بيسيرون
ام خليفه : لا بعد حد بيسير..
النيره : منوه؟؟؟
ام خليفه : عاد ما ادري مناك حد اخوان بو سعيد
اليازيه : اوووهووووو جيه ما بناخذ راحتنا
النيره : وانتي بتاكلينهم
اليازيه : لاء
النيره : عيل خلاص...مب عراسج خليهم يسيرون حلال عليج حرام عليهم عشان خاطرج
اليازيه : بسم الله ما قلنا شي
رفيعه : بطالع قوم عمي محمد جانهم بيسيرن
ام خليفه : عراحتج

اليوم الثاني .............
وديمه داقه بيت عمها سالم... منصور رد على التليفون
وديمه : السلام عليكم
منصور : وعليكم السلام
وديمه : منوه أحمد
منصور : لا منصور
وديمه : هيه... انزين اشحالك
منصور : ابخير... منوه
وديمه : ودوم..
منصور : الله بصباح خير
وديمه : اكيد صباح خير يوم انك سمعت صوتيه
منصور : هيه صدق ما ادري انتي امنوه
وديمه : وين سلامي
منصور : محد >> يجذب
وديمه : وين سارت >>> تدري انه يجذب
منصور : وانتي اشلج وليت امرها
وديمه : لا ما قلت جيه بس توها داقه بيتنا وحالها بتضهر
منصور : ضهرت وخلاص... شي تبين بعد... يالله فارجي
وديمه : لا ما ابا شي برايك ..................... وسكرت عنه
وديمه : بسم الله اسميه الا مضيع المذهب ......
سلامي : منوه متصل
منصور : محد
سلامي : لا والله تجذب على منوه سامعتنك ترمس
منصور : واحد ما عنده سالفه
سلامي : هيه انزين
وديمه طرشت مسج حق سلامي ......
" سلامي انتي وين يا الدبه سويت لج قالولي محد ... يوم بتردين دقي "
سلامي ما اتشل تليفونها يوم تضهر عسب جيه ودوم طرشت مسج ما اتصلت على موبايل سلامي اتعرف انها ما اتشله
سلامي شافت المسج....
سلامي : منصووووووووووووووووووور
منصور : والعثره... قصري صوتج روعتينيه
سلامي : المتصل واحد ما عنده سالفه هاه... شو هالجذب
منصور : توج فطنتي انه جذب
سلامي : دراني بك..... ليش جذبت عليها وقلت لها اني محد هاه
منصور : ابا الفكه من صوتها
سلامي : يالله اللي يسمع داقه اتسولف وياك... وبعدين محد قالك اتشل التليفون ما احيدك اترد عليه شو خلاك اترد
منصور : حووووه انتي ما يخصج ابيه... اشل اللي ابا اشله
سلامي : ما عليه اوكيه براويك
منصور : يا ربيه صدق بتراوينيه... خفت
سلامي طنشته وردت اتسوي حق ودوم
وديمه: السلااااااام عليج
سلامه : عليج السلاااااااااام الغاليه... سووووووووووووووووووري
وديمه : عشوه
سلامه : منصور جذب عليج اصلا انا فالبيت
وديمه : لا عادي... تدرين قلت له توها متصله وحالها بتسير
سلامه : هيه شو قالج
وديمه : المهم... واشحالج ربج ابخير
سلامه : ابخير يسرج الحال... سوووووووري ودوم... والله
وديمه : بسج عاد والله مسمووحه...صدق قالولي متصله شو في خاطرج
سلامي : تعالي عندنا
وديمه : لا ما فيه تعالي انتي
سلامه : يا بنت الحلال انا ممنوعه الحينه من الضهرات لين ما تضهر النتيجه تعالي اترياج
وديمه : ما عليه بشاور هليه
سلامه : اوكيه اترياج
وديمه شاورت هلها ووافقوا طبعا
وسارت وديمه عندهم وداها الدريول والبشكاره
الفليل
وديمه : يا سلامي رديه المسلسل تراج طفرتيبيه
سلامه : لا صبري بنطالع اذا شي فلم غاوي
وديمه : سلامي بلاج جيه ما اتهنين على الواحد ....) ويلسن يتماطن الرموت (
أحمد حادر
أحمد : حووووووه سلامي شو هالخبال
وديمه استحت..
سلامه : ما يخصك
أحمد : جيه ما يخصنيه شو هالرمسه
وديمه : اشحالك أحمد
أحمد : يسرج حاليه... ومن صوبج بنت عميه
وديمه : ابخير وسهاله...
أحمد : سلامي عيب عليج شو هالمذهب
سلامه : عادي خيووو ريلاكس الا ودوم
وديمه : الا ودوم في عينج
أحمد : ايييييييهاااااااااا يا سلامي
سلامي : وين ساير
احمد : ما يخصج...... هاه ودوم ضهرن النتايج
سلامي : تراك الصبح متخبرنيه شو بعد
وديمه : ههه لاء خلال هالاسبوع
أحمد : هيه عاد بيض(ن) الويهه... وبنسويلكن حفله عوده
وديمه : ان شاء الله
سلامه : أحمد بطلبك...تم تم تم
أحمد : شو تم بعد
سلامه : يعني موافق
أحمد : عشوه
سلامه : عالطلب
أحمد : لا ما قلت اموافق ...
سلامه : انزين ما تبا اتعرف شو الطلب
أحمد : لاء طلباتج انتي لعواز
وديمه : هههههههههه حرام عليك ما اتهون عليه سلامي
سلامه : افااااااا يا ولد امي وابويه وانا مخليتنك ذخر
أحمد : يالمصالح... شو تبين رمسي
سلامه : ودنا نتشرى من المطعم عشى
أحمد : وليش ما تطلبن وهو بيكن البيت
سلامه : لا نبا نضهر من البيت
وديمه : هيه أحمد ودنا
أحمد : انزين انا بسير اتشرالكن وانتن تمن هنيه
سلامه : لاااااااء نبا انسير لو على اليلسه جان ما قلت لك ودنا جان طلبت وانا هنيه
وديمه : خلااااااص عازمتنكم على العشى اليوم يالله ودنا
أحمد : يا حافظ عليكن... خلصتن...
وديمه + سلامه : هيه......
أحمد : ما شي سيره قرن محلكن ذاك اليوم فيه الخير بوديكن بس انتن رفستن النعمه
وديمه : يالله لين الحينه حاط هالسالفه في خاطرك...
احمد : هيه زعلان انا
وديمه : افااااااااااا
سلامه : بنراضيك
منصور محتشر
منصور : سلاااااااااااااااااااااامي وينها هالخبله
سلامي : هااااااااااااااااااااااااااه انا هنيه فالصاله
دخل الصاله وما عرف انه حد هناك
منصور : هاه في خشمج ردي عدل خس الله ردج الماصخ
سلامه : بلاك بلاك
أحمد : هد هد منصور بلاك فضحتنا
منصور : اوووهووووووو اتصبح واتمسى عليج انا محد فهدنيا غيرج
سلامه : امنوه
وديمه : العرب اتسلم
منصور : انتي محد يسلم عليج
أحمد : حوووه انته حشم تسمع
منصور : محد رمسك
أحمد : منصور >> قالها بصوت عالي
وديمه : احمد برايه.....
منصور : سلامي .. وين حطيتي القشار اللي عطيتج اياهن
سلامي : فوق عند باب حجرتك
منصور : ما ريتن تونيه نازل من فوق ما شي عند باب حجرتيه
سلامي : عيل اتخبر البشكاره وين ذلفتهن
منصور : وانا اموصنج اتحفظينهن ما عليه... ان ما ريتن بزوالج >> وسار يخبر عن اقشاره (( اغراضه ))
أحمد : وديمه سلامي قومن جان تبن عشى
وديمه : خلاص ما ابا ... واتصلت عسب يطرشولها الدريول
سلامه : حووه شو اتسوين
وديمه : ما شي اتصل
أحمد : ليش
وديمه : بس ابا ارد البيت....
سلامه : ما عليج منه
وديمه : ادري انه ما عليه بس ما اريد ايلس خلاااااااااااص سلامي.......... وضهرت برى الصاله
أحمد لحقها : انزين سكري انا بوديج
وديمه : لا مشكور ما اتقصر الحينه بيون
أحمد : عيل والله لوديج ......... سلامي يالله بسير اشغل السياره
وديمه : أحمد خلاص >>> أحمد طنشها وسار يشغل السياره
سلامه : وديمه لا تزعلين خلااااااااص
وديمه : والله محشمتنه وهذا مب ويه حشمه... بس لانه مب طبعي جيه
سلامه : خليه يولي ما عنده سالفه
منصور كان وراها وسمعها شو اتقول مسك خته من علباها (( من ظهرها )) عاد هي اتروعت ما عرفت شو هذا
منصور : سلامي .... ان ما حسنتي ألفاظج لا اتلومين الا عمرج انزين....
سلامه : فجني
منصور دفرها (( دزها بقو )) .. وسار عنها
أحمد انتبه على اللي صار... منصور لبس نعاله وضهر ركب الرنج مالته
وسار مسرع
ودوم وسلامي ركبن عند أحمد
سلامه : ودووم
وديمه : دخليج لا ترمسين خلاااااص... انتي ما عليج لوم خلاااااااص
أحمد : سامحينا على تصرفات هالولد
وديمه : أحمد انته بعد خلاص حصل خير.... والله محشمتنه من حشمت عميه وخالتيه وال اعرف شو ارد عليه وبعدين انا مب متعوده عجيه... والاهم نحن مب يهال عسب نتضارب هذا اول كنا نتضارب... اوكيه الحينه يكرهنيه عراحته ما طلبته يحبنيه... بس ما يحتك فيه
أحمد : ما عليج اراوايج فيه..
وديمه : لااااا ما طلبتك اتسوي شي .... انتوا خوان
سلامه : خلااااص أحمد خلها..........
وصلوها البيت ونزلت.....
أحمد : هذا منصور مفضحنا عن العربان
سلامه : يا ربيييييه منه... الله يهديه بس....... وين ساير ؟؟؟؟؟؟؟؟؟
وين اتوقعون أحمد ساير ؟؟؟؟؟
وشو بيصير مع منصور ؟؟؟؟
تابعوني........... ^_^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جديد مجموعة mbc : لعبة " خذني جيتك " الشامية لتعلم اللهجة الشامية كـ " باب الحارة " !	محروم.كوم	منتدى أخبار المواقع والمنتديات العربية والأجنبية	0	09-05-2010 05:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
[Style] : ستايل قـلبي \| Style Qalby .. قمه بالهداوهـ	محروم.كوم	منتدى أخبار المواقع والمنتديات العربية والأجنبية	0	04-12-2009 02:50 AM
بالهداوهـ يا دوا المشـتاق خذني بالهداوهـ	ĝŘềξБ ễĺ đǻŗ	قصص و روايات	135	01-08-2009 12:15 AM
:: خذني بقايا جروح ارجوكـ داويني :: " خالد عبد الرحمن "	qayed	كلمات الاغاني	14	08-08-2008 02:54 AM