القرية العالمية... شو السالفة يا عرب؟؟!!!!

حلم وانتهى · #1 02-04-2008, 01:03 PM

..... السلام عليكم ورحمة الله وبركاته .....

قبل ماادخل في المـــوضوع سؤال يدور في بالــي

شخص من المنتدى ولا برع المنتدى ,,

ليش تروح القرية العالمية ,, وشو تسوي فيها ,, ؟!

خاطري اسوي استفتاء في هالشــــي

وأشــوف الشباب والبنــات ليش يروحون القريـــه ؟

تدق موتركـ سلف ,, وتحرك ,,

وانت ماشي وبيدك الكركـ تشوف واحد من الشباب واقف ,,

توقف له وتسلم عليهـ ,,

تسأله ,, ليش تروح القريه ,,

وهو بنظرهـ مستغربهـ يقولك اسير عشان اطالع البنات !!

وهم يلعبون ,,

وانت تطالعه ماتدري تضحك ولا تسكت ولا ولا لا ....

هاد شغل الدنيا وهاد اهلك وضارب خط للقريهـ عشان تشوف بنات !!

يقولــك بكــل ثقـــه .. هيه

تستغرب من هالانسان تقوله صدق فاضي ,,

تحرك الموتر ,, تقول بسير القريه

بشوف الشباب شو يسون هناك هذا واحد

قال بشوف البنات ،،

بنشوف الباقين شو يسون ,, توصل القريه ,,

وانت حتى كشخه مب كاشخ ,,

تنزل من الموتر تدش القريه وعلى طول للألعاب ( مكان تمركز البنات ),,

صار معروف كلهم صوب الالعاب ,, سبحان الله !!

تمشي وتطالع وتشوف فجاة شلة شباب واقفين ,,

تقعد تطالعهم فجاة تشوف ,,

هالشباب واقفين بس عشان يشوفون البنات يلعبون ,,

يعني هاد الدنيا وضارب خط وعافس نفسهـ ,,

وكاشخ وحالته لله ,, ياي ,,

بس عشان يشوف البنات يلعبون ( كأنه الاخ في حياته ماشاف بنت )

بو الشباب ليش واقف يقولك شوف شوف ,,

بنات يلعبون ,,

انزين بنات يلعبن خير ياطير ,, يقول شوف يمكن وهي تلعب ,,

تنعجب فيك وتلحقك

تخلص من الشباب تبا تكتشف البنات ,,

طبعا" بتستحي تسال بنت ,,

ليش سايره القريه لان عادي بالكعب ع ويهك ههههـ ,,

أو بترد عليك الرد المشهور ( أهلـي ماقالوا لي شي انت شو يخصـك !! )

لكن روح القريه وتطمش ,,

طبعا اوقف مكان واحد راح تاخذ فكرة عن البنات ,,

بنت يايه من بعيد

عادي تركض عشان تلحق ع شو ماتدري ,,

تمر صوبك ولا ريحة العطر تغريكـ تقول ببالك ياويل حالي ,,

والمكياج لاتخبر مهرجان بويها

,,

تسيئ الظن بها بنت يعني بنت مكياج وملابس باينهـ ,,

هل بتحط ببالكـ يايه تتمشى ,,

وماببالها شي ,, اكييد لفت انتباهـ والقهر انها تسير تلعب ,,

كل هالكشخه عشان تلعبين ,, ( سبحاان الله )

البنات حالتهم حالهـ ,, تلقى البنت وهي طالعه من البيت ,,

بس محطيهـ جحل ,, جريب القريهـ ,,

عرس بويها وهي راده البيت تشل العرس تخليه جنازه هههـ ,,

,,

تسالها امها وعلى نياتها بنتي استانستي ,,

تقول هي امي استانست وايد وماسويت شي بس لعبت ,,

مسكينه ماكانت مسويه شي البنت هههه ,,

,,

القريه وانت تدشها قلبك يعوركـ ,, تشوف امور يمكن انت تتضايق منها ,,

تشوف تصرفات الشباب الصبيانيه ,,

تشوف البنت كيف حالتها بالمكياج و العباه ليش تلبسها مع الحجاب ,,

هل البنت تتريا يقولون لها لاتبسين حجاب وعباه ,, ؟!

هالشي ابد مايعنيني يسون الي يبونه اكيد ,,

لكن ايمانك بالله يخليك تتكلم لو محد يسمعك بس ربك يعلم مابالقلوب ,,

نحن نشوف منكر مانقدر نغيره بيدنا ولا بلسانا ,,

بس اضعف الايمان قلبنا ,, لو تقولون مايحق لي تتكلم ,,

بقول لكم بتكلم لو حتى الكل يعارضني ,,

,, هالنوعيهـ فئة بس فئة صارت كبيرة للاسف

منقول...للامانه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ

وبصراحـــــــــــــــــــــــــــــــــه انا عني ما الوم اي شاب ؟؟؟

من اللي ايطالعه جدامه.....!!؟؟

والسموحه يمكن كلامي يزعج بعض الشباب وانا ما اقصد اي شي __DEFINE_LIKE_SHARE__

ام منصور · 02-04-2008, 02:26 PM

خخخخخخخخخخخخخخ ما قصر اللي كاتب الموضوع

الصراحه صدقـ .. انا القريه العالميه سرتها بس 3 مرات وكل مره اسير غصب عني يعني كل اللي ف البيت بيسيرون واسير معاهمـ وهالمره اقولهم لو الموت ما بسير خخخخـ ما حبيتها ما دشت مزاجي كل اللي ما ينباع ف السوق ينباع ف القريهـ كله ف الصوب واللي يمشون ااااااع يتفلون ع الارض ف صوبـ اقسم بالله اجز عمري طول اليوم

اخر مره سرت صوب الالعاب عشان العيال الصغار خخ حتى كنت ارمس الهاجسي المهم يوم سرت طولي بعماركم البنات يلعبن @@ واللعبه طولي بعمرج هااي اللي دور لا تبقى شيله عفانا الله عالراس ولا مادل شو عاده ساتره عمرها اللي لابسه بنطلون جنز خخخخـ منكر بعينه والله

الشئ يوم ما يناسبني حتى لو ف خاطري بتنازل عنهـ ..

المكياج اكرمكم الله بعد ف نفس ذاك اليوم دخلت الحمام عشان اعدل شعريه حسيته بتبطل المهم جان اشوف صالون ف الحمام خخخخـ عنبوه وكل وحده تقول حق الثانيه لا جيه سوي واللي هاتي الجحال واللي مادل شو بنات صغار والله اتوقعهن ف العداديه ان وصلن ثاني ثانوي

بالصراحه ما اللوم الشباب اللي ما فيهم عقل اسولف ههههههـ بس بعد العقل نعمه ... شو فايده من هالشئ كله ماشئ

ع العمومـ.. اللي يعرف وين الزين ما بيدور ع الشين

تقبلي مروري __DEFINE_LIKE_SHARE__

حرف الذهب · 02-04-2008, 07:11 PM

السموحه منكم المـــــــــــــــــــــ،،ـــــــوضوع مكررر

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خبر عاجل:وفيات واصابات في القرية العالمية	محروم.كوم	منتدى أخبار المواقع والمنتديات العربية والأجنبية	0	02-28-2010 12:40 AM
يا مرحبابكم في متجري في القرية العالمية	محروم.كوم	منتدى أخبار المواقع والمنتديات العربية والأجنبية	0	02-15-2010 06:30 PM
يا مرحبابكم في متجري في القرية العالمية	محروم.كوم	منتدى أخبار المواقع والمنتديات العربية والأجنبية	0	02-15-2010 06:30 PM
القرية العالمية	محروم.كوم	منتدى أخبار المواقع والمنتديات العربية والأجنبية	0	12-09-2009 10:50 AM
استوديو بنات مواطنات في القرية العالمية	محروم.كوم	منتدى أخبار المواقع والمنتديات العربية والأجنبية	0	12-07-2009 08:40 AM