][ الحذر من محل الطائر الجوال وضمان نجد للاتصالات ][

محروم.كوم · #1 10-12-2012, 03:30 AM

السلام عليكم ورحمه الله وبركاته

][ الحذر من محل الطائر الجوال للاتصالات و ضمان نجد للاتصالات ][

مشكلة حصلت مع احد اقربائي وهو من ذوي الاحتياجات الخاصة (لايتكلم وسمع ثقيل جداً شفاه الله) قبل شهر او اكثر ذهب لمحل الطائر الجوال للاتصالات ببريده بمجمع النافورة للاتصالات لشراء جهاز بلاك بيري 9900 بقيمة 2010 ريال وبعد شراء الجهاز تقريباً بـ 12 يوم تعطل الجهاز (قامت تأشر الشاشة وكلام انجليزي وطفئ) حسب وصفه لي عطل مصنعي المهم قام بالرجوع للمحل وطلبهم باصلاحه او استبداله قالو له سوف نرسله للضمان (نجد للاتصالات)

ارسل الجهاز وبعد مضي 15 يوم من الارسال وتردده عليهم وملله من تعامله اتى الي يشتكي منهم ولصعوبة تعامله معهم بحكم انه لايتكلم
المهم قلت له وش موديل للمحل هذا !!! الكل يشتكي منه ... هو لايعلم ولم يسبق له التعامل معه وانخدع بهم
كملت الطريق وكل يوم اجيهم واسألهم عن الجهاز ويقولون لم يصل (الصيانة وهو يمني وتعامله سيء جداً جداً) وبعد الشد والكلام اخذت رقم الوكيل بالرياض (جواله , وهو من الجنسية اليمنية واليمنيين اكرم واشرف منهم ولهم كامل الاحترام والتقدير)
وكل يوم اتصل عليه ويقول تحت الصيانة وبعد الاصرار بتبديل الجهاز بحكم انه له 26 يوم ولم يستطيعو اصلاحه وافق على تبديله
معلومة : بكرت الضمان يقول التصليح مابين نصف ساعة وحد اقصى 10 ايام والجهاز جلس عندهم 26 يوم ... يمديني ارسلته لامريكا وصلحته !!!

وعند استلامه من المحل الطائر الجوال للاتصالات استلمت الجهاز بدون اي اغراض (جهاز فقط بدون باب خلفي ولابطارية ويقول انه جديد وحاله للناظر عكس ذالك ممخش) كنت اظن انه يرسل جهاز جديد مع كامل اغراضه (كرتونه) وانا اعطيهم الكرتون القديم
تعرفون نظامهم جهازك خرب يصلحونه ويعطونه شخص اخر ... وجهاز شخص اخر خرب يصلحونه ويعطونه لك .. !!!!

وبعد جدل مع الصيانة وكلامه السيئ انه مافهم ولا اعرف شي ويقول خذ جهاز (طردة) ويقول هذا نظام الشركة وكل الشركات وانهم مالهم دخل بالضمان (يعني بيني وبين الشركة وهم مالهم اي دخل) ويقول رح تفاهم مع الشركة بالرياض !!!
طيب ليش مزعجينا مركز معتمد ونصلح اجهزتكم ونفعل وووو الخ من الشعارات الكذابة ... شيلو الشعارات الذابة المعلقة بالمحل واكتبو هالشي
اتصلت بالضمان بالرياض وقلت له ليش كذا !!!؟؟قال هذا نظامنا .... وبعد جدل معه قلت له حلولي هالاشكال ولا بتصل بالشرطة قال : اتصل بالشرطة بوزارة التجارة بالي تبي وصلها .... !!!!!!
المهم اتصلت بالشرطة وحضرو ... طلع حق الصيانة (يمني) وقام يتمسكن ويمدح بالمحل والشركة الضمان وانه افضل ضمان !!!!!! ربعه اكيد

انا مللت وقلت الشكوى لله وحقي بلقاه عند ربي .... والله لايحللهم ولا يبيحهم لاهم ولا ضمان نجد
وقلت مالي غير الانترنت ... واني اخذر الناس من التعامل معهم ( المحل و الضمان ) اكثر ما اغضبني هو التعامل السيئ منهم واستغلال قريبي والتسحيب فيه ( لانه من ذوي الاحتياجات الخاصة)

والشكوى لله :n16:
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الحذر الحذر الحذر من مكتب ترحال العربيه في الرياض	محروم.كوم	منتدى أخبار المواقع والمنتديات العربية والأجنبية	0	06-18-2012 07:40 AM
مهم لهذه الايام ... الحذر ثم الحذر ثم الحذر ..مع الشجاعة والصبر	محروم.كوم	منتدى أخبار المواقع والمنتديات العربية والأجنبية	0	11-19-2011 04:51 AM
[تبادل إعلاني] جيبسون للغسالات / اصلاح وضمان ( 35699066 / 01529347771 ) صيانة وضمان	محروم.كوم	منتدى أخبار المواقع والمنتديات العربية والأجنبية	0	09-13-2011 04:50 PM
ياخواني الحذر من ترك الجوال شغال تحت السحب الرعديه .	محروم.كوم	منتدى أخبار المواقع والمنتديات العربية والأجنبية	0	05-14-2010 04:30 PM
تقرير على الطاير عن الجوال الطائر	محروم.كوم	منتدى أخبار المواقع والمنتديات العربية والأجنبية	0	03-04-2010 11:30 PM