قير السوناتا معلق على النمره الرابعه؟؟!!!

محروم.كوم · #1 10-10-2012, 11:50 PM

السلام عليكم

مساء الخير على الجميع

عندي مشكلتين بالقير هبلت فيني تطلع وتختفي
الاولى التعشيق اذا جيت اعشق من p الى r او من n الى r يعلق ومايرضى يعشق ابد

الثانيه صارت يوم الاربعاء بعد ماطلعت من الدوام اول ما عشقت ريوس القير يعشق بسرعه وفيه طقه قويه وصوت الطقه يطلع مع الريوس والدي ومعاهم نفضه واذا جيت امشي ماتقوم الا بالرابع حاولت اعدلها بالتيبترونيك وارجع نمره او اقدم نمره مافيه فايده

احيانا تطلع المشكلتين واحيانا تختفي وتطلع السياره مافيها ولا عله

فحصتها امس كمبيوتر عند محل اسمه سبيد جير طلع لي هالكود ( pressure control solenoid a electrical) وقالي راح نصلحها لك بـ 600 ريال قلت طيب وش المشكله قال هذي الظفيره والكهربه عندك تعبانه تبع القير ولازم نشيك عليها قلت يعني بتفك القير قال يمكن

وانا بصراحه ماعندي استعداد ادخل بمتاهات مع القير ومشاكله وكل مارحت لواحد يفتيني من كيسه

يااخوان بالنسبه للضمان سيارتي شاطحه والضمان مايغطيها ابد لاني مغير المكينه بسبب تخبيط الاولى (راجعوا مواضيعي القديمه) والسياره متعديه الميه الف حاليا وبالنسبه للوكاله اخر مره شفتهم كان يوم استلمت السياره وهي اصفار

اليوم مريت محل بالصناعيه القديمه متخصص قيور علشان اسئله وش سوى بالسياره ( طبعا السياره خليتها عنده طول الفتره الماضيه علشان يعرف وش سالفتها )

قالي انا فحصت السياره وطلعت لي الاكواد التاليه ( زادت ثلاث اكواد عن الكود الاول )

p0748 pressure control solenoid A electrical.

p0773 shift control solenoid E electrical (SSA). new

p0880 ICM power input signal. new

p0705

مع العلم بان الاكواد الاخيره تختفي احيانا اذا فحصها مره ثانيه؟؟؟!!!!

قالي بالاخير عندك كمبيوتر السياره مضروب ولازم تغيره وهالكلام اكيد (قالي قبل كذا حساسات البدي بلف حقت القير لازم تتغير بالكامل وبعد مافحص السياره اكثر من مره قال لا القير سليم ميه الميه والكمبيوتر مضروب ولازم تغيره لانه مايوصل اشاره للقير؟؟؟!!!)

الفني اللي فحص السياره سوداني وللامانه الرجل محترم ومن اسلوبه وكلامه الرجل سيده ومو راعي نصب وحركات بس انا احترت وخايف ادخل مرحله اغير كل شوي قطعه وتظل المشكله مثل ماهي

واذا بابدا اغير قطع راح ابدا بحساس الفرامل وحساس القير مثل ماقال اخوي علي واسير السوسو والله يعين

وش رايكم ياشباب

الموضوع طرحته بمنتدى اخر واتمنى الاقي حل هنا

بانتظاركم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كاتلوج السوناتا 2011 باللغة الانجليزية	محروم.كوم	منتدى أخبار المواقع والمنتديات العربية والأجنبية	0	01-02-2012 03:30 PM
رابط ملاك السوناتا والازيرا	محروم.كوم	منتدى أخبار المواقع والمنتديات العربية والأجنبية	0	01-02-2012 03:30 PM
السوناتا والتقطيع ....الفزعه يا مهندسين	محروم.كوم	منتدى أخبار المواقع والمنتديات العربية والأجنبية	0	10-27-2009 11:40 PM
السوناتا والتقطيع ....الفزعه يا مهندسين	محروم.كوم	منتدى أخبار المواقع والمنتديات العربية والأجنبية	0	10-27-2009 11:30 PM
اود الإفادة عن تصليح القيرين النمره الخامسة في جبيب سوبر سفاري وكم السعرالتصليح.	محروم.كوم	منتدى أخبار المواقع والمنتديات العربية والأجنبية	0	09-17-2009 09:00 AM