هذا ولا له عند الاغراب مطلب -لو ان قنيبه من المعاليق جابه

محروم.كوم · #1 05-09-2009, 03:10 PM

السلام عليكم ورحمه الله وبركاته
قصيده جديده اسندها الى اخي القدير ابو عبدالله ( خليفه الخليفه )وهي تعبر عن معناها
ارجو ان تحوز على رضاء الجميع
والمعذره يالربع على القصور

يابو خليفه اوجس القلب عطب
والعقل مني غادي عن صوابه
يوم الليالي حرها سم عقرب
يزبد من المعلوق من ما لجابه
القيض حره مزعل الذيب الاشهب
عند المقيله عض ساقه بنابه
اليا انتحى للشرق عود وغرب
ماغير يرهف بين سميره وطابه
ويحوف جلديه على غيرمركب
متعب اركابه لين تثنت اركابه
لولا غلا نجد بقلبه تغرب
لاشك حب الدار مابه تشابه
هذا ولا له عند الاغراب مطلب
لو ان قنيبه من المعاليق جابه
لحل ليله يعتلي راس مرقب
يرقب اسهيل من مشاريف بابه
يازين لاقالوا ترى سهيل قرب
خمسه ايام هن تمايم احسابه
هذ مناتي شوفت اسهيل واطرب
لهب نسناسه ثم اذرت دوابه
راح الخشاش في مذاريه والضب
في مسكنن من دون بابه اترابه
وشفت البلابل فوق الاغصان تطرب
تنشد الحون ن مثل حس الربابه
حتى خشوف الريم تدله و تلعب
بفياض سدرن كنها ادغال غابه
والطير عقب الربط للجوء يرغب

سبعه شهور بين ضيق وكابه
وشعاد لو تعطيه نسرن ومشرب
تراء الملل مسقيه مر بشرابه
يبي مشاريف على القاع يرقب
ورزقه على الله مايجي بالنهابه
اليا درج خرب كما الرمح لنصب
ثم مزر الثندات بظربت اخلابه
لاشفت اكفوفه تقل جزار مقصب
وقام يتفلاء تقل حضرت جنابه
مع تحيات اخيكم
فهد محمد الهلالي
الشيخ مسكين
الرياض
9\5\2009
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أطلب أي تصميم & أطلب أي هاك لمنتداكـ .. من دون مقابل مادي ..	محروم.كوم	منتدى أخبار المواقع والمنتديات العربية والأجنبية	0	12-07-2009 08:10 PM
الدمعه الي تستبيح المعاليق...حياكم.....	الرهيب القطراوي	شعر و خواطر	14	10-05-2009 01:39 PM
من يفيدنا عن هالجهاز و ومحله من الاعراب	محروم.كوم	منتدى أخبار المواقع والمنتديات العربية والأجنبية	0	05-26-2009 04:50 PM
واذاهواشوزي اشوي فانت قويته	محروم.كوم	منتدى أخبار المواقع والمنتديات العربية والأجنبية	0	05-17-2009 12:30 PM
فلسطين ... يتغير لها الاعراب قبلنا !!!	! غرشوووبة بوظبي !	الإستراحه العامة	28	07-14-2008 11:30 AM