بسم الله الرحمن الرحيم

السلام عليكم ورحمة الله وبركاته




#poem_507076bc29bac td {font-family: Arial, Helvetica, sans-serif;font-size: x-large;font-weight: bold;} قصير اهلنا خابرن ساس مبناه خلفه مدي واتلا المدي سدره وتين واليوم طير البوم من فوق علياه يا مدرك الجيلين وين القصر وين سجيت بالاطلال تالي بقاياه ولا بقا غير الخشب راجد الطين لقيت دلو البير ممزوعن رشاه حوله ركيه عودها صار نصفين وين ارتحل جدي عسا الخير باخراه تنسج على داره رمال الهبوبين تالي مشبه سفة الريح تلحاه لما غدا مجثم رميم وخلاقين والصفة القصيا غماها تعراه ولا بها غير الجرايد بساسين وابويت خالي خيم الحزن باتلاه تارز به الحنشان عقب الحميمين دليت انادي ما لي مجيب عزاه راحوا هل الدار القديمه مقفين يلوح ذكراهم على القلب شلفاه والموق دمعه مثل سقي البساتين لكنها سنه على الكون مبداه ما دام بالدنيا ملوك وسلاطين


يوسف الخليفة ( أبو عبد الله )