بسم الله الرحمن الرحيم

تحيه طيبه للجميع

مرت علي قصيدة اخونا الشاعر نديم المجره

وهيضتني وانا ماني من الشوق خالي

وسقت ابيات اتمنى ان ترتقي لرقي أذواقكم

وتقبلوها كأول مشاركة مباشرة لي معكم

والأ انا من متابعي مكشات من سنين عديدهـ

والله يوفقنا ونقدم المفيد والجزل لأهل الفايده والجزاله


والآن إليكم قصيدة شاعرنا المتألق
وردي ومجاراتي لها


-----

وش هقوتك باللي سرى تالي الليل
مـتـنـحـرٍ درب الـمـهــالـك لحـالــه
يـوم انهـا كـثـرة عـليه الـغـرابـيــل
والصدر ضاق وخـبـث الوقـت بالـه
وضاقـت به الدنيا ولاعـاد به حـيـل
وزاد الحـزن والـقـلب زاد اعـتـلالـه
حمل فـراشه والعـزب والـمـعـامـيـل
واركى عـلى جـيـبٍ يسابـق ظـلالـه
يـبـي ديارٍ أمس قـالـوا بهـا ســيـل
يـبـي نـفـودٍ حـاير الماء بـجــالــــه
يـبـي يـشم النار مع ريحـة الـهـيــل
يـبـي يـفـوح فـوق الارطـى دلالــــه
يـبـي يتعـلى عـله يشاهـد سـهــيــل
يـبـي يـنـادم كـل نـجــم بــدا لـــــــه
يـبـي يغـني باللــحـن والـمـواويـــل
يـبـي يـبـدد بالـصـحـاري هـبــالـــه
وإلى صفى راسه بدا بالـتـهـالــيــل
وسبح بحمـد الله وخـلى الـجـهـالــه
ولاحـدٍ معه يـفـك الاطـناب ويـشـيـل
ولاحـدٍ يـزود بالـرحــيـل انـفـعــالــه
لطـاب شفـه من هـوى البر بالحـيـل
يرحـل عـلى كـيـفـه مـتى ماطـرالــه
هــذي أمـانـي والامـانـي تـعــاليل

تـسـلـى بها نـفـسٍ تـعـثر مـنــالـــه
گ : الشاعر أحمد عبدالرحمن العريفي

-----

يا مرحبـا يا كيف روس المشاكيـل
اهلا هلا بـــاللي يســلي هبـــــاله
يا مرحبا باللي يســوق التعاليــــل
يسوق له قـــاله وانا اســوق قـــاله
أنا أشهد أنه مونســن له غرابيـــل
من وصفه اللي زاد فيه اشتعـــاله
يالله عسى درب السنافي تساهيل
اللي طــرالي يا عرب مــا طــرا له
اللي طرالي ردها في تداااابيــــل
من راسي اللي تو جـوه صفــــاله
ويلي ع المكشات في ديمن وسيـل
في صحصحن والنو كف انهمــاله
والجيب في ظهـره قرومن بهاليـــل
كلن حـــداهم طيب الفـــال فــــــاله
شرواك ياللي مرسلن لي مراسيل
كـــلن من الطنخه منكس عقـــــــاله
تتبعهم اللي كلبوهــا محـــــاميـــل
فيها من حمول الفتى ما بــــــدا له
وبنّــــوا بيوتـــن للنشـــاما مداهيل
واضرم صليب الراس ضوه لحاله
واركى على جال المناره معـــاميل
ذيبن الى جــاه اللــــزوم ارتكــــاله
واللي فزع ينقى نواهي من الحيل
هيف السمين اللي ضري بالجزاله
ذكى ثلاث وصاحبه يطحن الهيــل
عجـــلٍ تشوشك للطنـــاخه فعـــاله
دندون زيــــزومٌ وحــلاّل حلــحيــل
ورث الكــرم من بين عمــه وخـــاله
وأوقد لهــا ضوٍ تهـــول المقــابيــل
شلايخن سَمرن جرومــه جـــــلاله
ومدو على الضيفان شقرالفناجيل
في مدهلن لاهـل الكـرم والشكاله
والعود الازرق فـوق جمرٍ دحاميل
يدور بين أهــل الوفـــاء والجمــاله
وتعطــر المجـــلس بذكـــرٍ وتهليــل
وتدارسوا هدي الحبيب وخصـاله
يحفّـــهم من خالق الخلق تنزيـــل
ملايكــن تشفع بيــومن تهـــــــاله
كلن ينقي من سمـــان الاقاويـــل
كلن يطــيّب للنشـــامى مقــــــاله
ثم قـــام شاعرهم وجر المـــواويل
وابدع طواريقه عــريب الســـلاله
هـذي علـــوم مخيمـن للبهاليـــــل
محلهم لــــو هو قصــا ينعنـــــاله
بدايعــن للـــي يحــب التعاليـــــل
يسلى بها اللي كدر الهم حــــاله
يسوقها بندر كما حادر السيــــل
منقيتن من راس سالي ودالــــــه
يسوق لك سته وعشرين قنــــديل
ماجوب رد القاف لا جــا مجــاله
وختامها صلوا عداد المخاييـــــل
على النبي اللي عساني فـــداله
گ / بندر بن محمد بن عويف