أٌهٌـ .. مُنً قًدَرٌ(نّ) .. جٌمٌعَنٌأٌ عِلَى | أٌلًحِ ــبً |..

marshmalow · #1 10-03-2012, 09:59 AM

✗ ┋ أَلّسًسِسِلِأُمّْ عُلٌيُيَيًڳَمّْ وُرًحُمِهّ أًلِلّهّ وّبًرٌڳًأَتٌھ*
شُشًحَأُلٌڳِمُ شّخُبُأُرُڳَمّ شُۇۈۉ مّسُسُوَيَنِ عًسُأًڳَمُ بّخُيِرّ =))
أِنٌأٌ يًدِيًدَهَ فُأٌلًمَنّتِدٌى وُحِبًيِتً أٌنّزًلِ لًڳٌمٌ أًوِلُ رَوّأُيُهّ أٌڳّتُبّهّأُ*
وُهٌيَ وًأٌقًعِيّهَ أٌشَخِأًصّهُأَ وٌأَقًعٌيًيِنُ بَسّ فًيُھأِ أَحٌدًأًثً مُنّ أُلّخّيًأَلُ وِجُيِھ*
وِأٌتّمّمٌمٌنُنّنًنَى أًنِهٌأً تّعِيٌبّڳُمّ وّأُنَيّ أُحِصُلٌ تِفُأِعَلَ ڳٌبٌيّرٌ فٌيّهُأِ*
وَطٌبَعَأُ أَلُلٌيً حّأَبً يٌنِقُلٌهًأِ لٌمٌنًتِدّيِأِتّ ثُأِنُيُهً لًأِ يَنُسًأٌ يًذٌڳِرٌ أِلُمِصَصَدِرّ*

وِثّأٌأُنٌڳَڳُڳَسَسُ*
marshmalow ┋ ✗

البارت 1*

شييخه : ايييه عطيني اللاب بلاج جيه !!! ابا اددش المسن ابا ارمس ربيعاتي انتي من الصصبح يالسه ع اللاب*
موزه : افف ياخي حرام عليج بس شوي الححينه بيخلص الفلم*
ششيخه : صدق ماعندج سالفه كم مره اتجوفيننه هالففلم !!!
وفجأه ادش عليهم ام زايد : بسسكن ممن هالخربطان راحت عيونكن يلا نزلن ام سيف وبناتها تحت نزلن سسلمن*
ششيخه : اممايه والله مب متعوده عليهن مابا انزل*
ام زايد : نزلي مابياكلنج
شواخ : اممممماااييييه احس انهم مايدانوني*
ام زاايد : وانتي شدراج يلا نزلي يتريونج البنات تحت ونزلي سسلمي لنه عيب*
علوي دق الباب ودش الحجره كان توه ناش من الرقاد سلم ع امه : بلاكم ع امايه فديتها*
ام زايد : ماشي ماشي بس خالتك تحت سير سلم عليها*
علوي : صصدق ؟ عذوور وياها ؟!! عذور يت لاتقولين مايت دخيلج
ام زايد : خخخيبه بلاك !! لهدرجه تبا تجوفها*
ششواخ : الححب وماقتل*
موزوه : ههههههههه خخيبه هالكثر تحبها*
علوي منحرج مايعرف شو يقول : بلاكم مايسسوا علي سألت المهم اممايه انا بظهر خخلود بيخطف علي*
وبنسير نتمشا*
ام زايد: انزين بس لا تتأخر ،، وسسير قوم زيود بسه من هالرقاد لا صلاه ولا عباده
علوي : انششالله امايه انتي تامرين أمر*
ام زايد : مايامر عليك عدو حبيبي*
موزوه : هييييه عيالج جيه بترمسينهم بس نحن بناتج لا*
ام زايد : وافددييتكم انا تعالن تعالن ..... جان تحضنهن وقالتلهن يلا خالتكن تترياكن

نشت شيخه سارت لبست جلابيه ورديه ويا شيله سوده ورسمت عيونها ورفعت قصتها وسوت بف ونزلت وموزووه لبست جلابيه زرقا وسكارف ازرق *ورسمت عيونها حطت جحال ازرق وقلوس وردي خفيف*
ام سسيف : يا هلا والله ف بناتي ششحالكن ؟*
*شواخ وموزه : بخخير خخالوه وباسنها ع خدها*
ام سيف : ماشالله عليج شواخ كل يوم تحلوين عروس عروس
شواخ مسستحيه : تسلمين خالوه عيونج الحلوه *
مواز : هاا خخالوه وانا مب تارسه عينج
ام سيف : هههههه لا لا فديتج انتي غير عاد انتي موزااني انتي الكل بالكل *
يلسن شموه و عذاري يحشن ف شواخ ططول الوقت لنهم مايدانون بعض وشواخ كانت يالسه تلعب فالايبود وام زايد وام سيف يسولفن .*
ام سيف : عيل وينها فطوم ؟ *
ام زايد: فطوم ف بيت عمها ف بوظبي*
ام سيف : هيه ماجفتها من فتره البيت غير بدون حسسها*
موزوه : شموه عذاري شواخ تعالو بنسير فوق نسسولف*
شواخ :انتو سيرو انا بتم هني*
وقبل لا يدشن الحجره طلع علاوي وعذاري كانت مستحيه وايد*
علوي : شحالج عذور ؟*
عذور وهي مستحيه : بخير وانته ، ؟*
علوي : بخير دامج بخير*
ششموه : هيه عذور بس نحن مالنا رب*
علوي : ههه شحالج ششموه عساج مرتاحه ؟*
شموه : هيه تو الناس ... بخخخير الحمدلله ع كل حال*
علوي : انشالله دوم*
نزل علاوي وسلم ع خالته وطلع ويا خلود

بيت ام زايد :*
ام زايد : عمرها 45 حرمه طيبه وتحب عيالها وايد ، مطلقه عايشه فالعين**واداوم فالبلديه
شواخ :- عمرها 15 طيوبه وايد وخقاقه وكشيخه اهم شي عندهاشكلها و لبسها ووايد حساسه بس شخصيتها قويه وماشالله عليها قمر *بس كانت عايشه عند ابوها ف بوظبي ومب متعوده ع اهل امها ويوم توفى ابوها يت العين عند امها واخوانها *كانت كارهها كل شي لنها مب متعوده ع الوضع فالعين و وكانت متعوده ع اهل ابوها وربيعاتها ف بوظبي*
موزوه:- عمرها 18 طيوبه وحبوبه وراعية سسوالف وحلوه *وكله تحب تطلع ووايد مهتمه ف دراستها عكس شواخ وبينها وبين خلود ولد خالتها علاقة حب محد كان يعرف عنها ، *وكانت تحاول تسوي اي شي عشان شواخ تتأقلم وياهم*
زايد :- اخوهم العود عمره 20 ماشالله عليه مزيون *يخبل البنات *وراعي سوالف كله راقد او برع البيت يداوم فالجوازت وايد مشدد ع خواته بس طيوب*
علوي : عمره 17 يموتن عليه البنات عليه اسلوب ذباح *مشكلجي كله يحب يتمشكل ويا الناس وايد ينكت ويحب يتمصخر ححياته كلها لعب مب مهتم ف مستقبله ويحب عذور بنت خالته .*
فطوم: اخخر العنقود عمرها 12 ودلوعه كله ف بوظبي عند عماتها*

بيت بو سيف:*
بو سيف : ريال طيوب بس بسرعه يتنرفز متقاعد عمره 48*
ام سيف : حرمه طيبه حبوبه تحب ريلها وعيالها وايد ومستعده تضحي بأي شي عشانهم وتباهم دوم يكونون مستانسين وعمرها 46
سيف :مزيون ماشالله عليه اكبر اخوانه عمره 22 توه معرس تزوج عن حب يحب حرمته وايد ومايرضا عليها والحينه هم مسافرين شهر العسسل*
سلطان: مزيون يعق الطير من السما شعره خبال عمره 18 راعي بنات كل يوم ويا بنيه وكله برع البيت بس بسرعه يعصب*
خالد : ششرات ططبع علوي مشكلجي وكله برع البيت مايفكر ف مسستقبله وعمره 17*
شموه : جمالها عادي عمرها 15 خقاقه وعصبيه وجريئه تعطي فالويه *تتمصخر وايد تحب تحش وماتحب شواخ لنها تغار منها*
عذور : *حلوه ماشالله عليها عمرها 14 تفكيرها تفكير وحده معرسسه طيبه وتحب الكل بس مب وايد ويا ششواخ ووايد تحش فيها وبينها وبين علاوي قصة حب والكل يعرف*

وفي وايد شخصيات بتعرفونهم ف احداث الروايه ......

ششواخ كانت يالسه ويا امها وام سيف فاالصاله .
ام زايد : شواخ حبيبتي سيري يلسي ويا البنات احسج ملانه *
شواخ : انشالله امايه*
سارت شواخ فوق فالحجره وجافتهن يسولفن وعذور وشموه يجوفونها بحتقار*
موزوه : ممرحب مرححب بختيه ححياج مابغيتي تيين*
ششواخ : ههه شو اسوي مليت .. اممم ها شو تسوون ؟*
شموه ترمس بدون نفس : شو نسوي يعني ترانا نسولف*
عذور : افف شو هالناس*
موزوه : بلاككم شو سسوت شيخوه عسب ها كله*
شموه طلعت ولحقتها عذور*
ششواخ : انا ششو سسويت ليش جيه محد يحبني كل ما اابا اتقرب من حد محد يسويلي سالفه .......
وتمت تصصيح وحضنتها موزوه وتمت تهديها وبعدها رقدت ششواخ وهي متضايجه وام سيف وبناتها ردن البيت .
زيود دق الباب محد رد عرف انها راقده وفج الباب*
زيود : ها يالعيوز بسج من الرقاد يلا نششي *وتم يطفربها ويشل اللحاف عنها*
ششواخ وهي متضايجه وتعبانه : زيود دخخيلك خلني ارد ارقد وربي تعبانه وممالي خخاطر*
زيود عرف انه ششواخ فيها شي قال بيخليها*
ششواخ تمت منسدحه خاز الرقاد عنها نشت غسلت ويهها ونزلت تحت ماححصلت حد جان تسأل البشكاره*
ششواخ *: ميري وين ماماه وموزوه وعلوي ؟*
ميري : مهد داخل بيت كلو يطلع برا يروه كارفور ( محد داخل البيت كلهم طلعو برع راحو كارفور )*
شواخ سسارت فوق وفجت اللاب دشت المسن تتريا حبيب القلب خلوف يدش*

خليفه : واحد تعرفت عليه شواخ من النت وكانت كل يوم ترمسسه بس فحياتها ماجافته ف مكان وحبته لنه عليه اسلوب وعمره 16 من بوظبي*

دشت ششواخ المسن وجافته اونلاااين واسستانست*
خلوف: ههلا والله ححياتي اشتقتلج وينج ولهت علييج !!؟،،.
شواخ : اهليين وانا بعد اشتقتلك حبيبي*
خلوف : شحالج ؟*
شواخ : بخير وانته شحالك حياتي ؟*
خلوف : بخخير داممج بخير غناتي .. ها شو الاجواء فالعين ؟*
شواخ : مب شي محد يسويلي سالفه كرهت حياتي والله*
خلوف : ماعليه حبيبتي بس تراهم ماتعودو علييج ومع الايام بيككون كل شي اوكيه*
شواخ : اي هوب ذات*
خلوف : ححياتي ارمسج من شهرين الحينه ولا جفت شكلج خاطري اجوفج طرشي صورج
شواخ : صورتي مره وحده ! لاماقدر*
خلوف : ححرام عليج والله ليش يعني مب واثقه فيني ؟*
شواخ : واثقه فيك بس .... مادري مادري*
خلوف : يلا عاد عشاني*
شواخ : اوككه بس شرط تمسسحها الصوره*
خلوف ( مسستانس ): افاااا عليييج*
طرشت ششواخ صورها ....
خخلوف : ماااشششالله شو هالججمال وليش خاشه هالجمال عني وانا حبيبج !!!!!*
شواخ : هههه هيه لني بنت اممايه اكيد بكون حلوه*
وعقب ردو البيت( ام زايد وموزوه وعلاوي . )
ششواخ : خلوف حياتي اهلي يو بنزل تحت عندهم وبرمسك فليل خلك اونلاين يلا تيك كير حبيبي*
خلوف : يو 2*

نزلت ششواخ وهي مستانسه واايد*
ششواخ : هااا كيفكون يبتولي عششا ولا*
ام زايد : هييه فالمطبخ بتحصلينه العشا .. يلا برقد انا تككسرن ريولي تصبحون على خخير*
موزوه وشواخ : وانتي من اهله اممايه*
شواخ : عيل ويينه علاوي ؟*
موزوه: طلع ويا خخلود*
شواخ : منود ها خلود بعد ؟*
موزوه : ولد خالتج ام سسيف كم مره اففهمج*
ششواخ : ههه انسا انسا*
*موزوه : بلاج مستانسسه هالكثر*
شواخخ : ااااه شو بقول وشو بخلي .،،،*
موزوه : بلاج ،؟*
شواخ : رمسسته*
موزوه: منو ؟ ليكون خلوف !*
شواخ : هييه فديته*
موزوه : كم مره اقولج لا ترمسينه شدراج انه يحبج هالعلاقه نهايتها الفراق وانتي اللي بتتأذين*
فجأه يدش عليهم ززيود*
زيود : ها نششيتي يالعيوز*
شواخ : شرايك انته ؟*
زيود قفط ماعرف شو يقول : موزوه يبتولي عشا ؟*
ششواخ : ههه هااا ماعرفت ترد توك شاد ححيلك
زيود: هههه جب جب*
موزوه : هيه يبنالك فالمطبخ عشاك*
زيود: هيه زين يلا انخمدن باججر لازم تنشون من وقت بنسسير الفجيره كلنا*
ششواخ ومووززه : صصصصدق بنسسير ؟!!!*
زيود : هيه*
شواخ : الله ونااااسسسسه*
موزوه : منو بيي ويانا ؟*
زيود : خالتي ام سيف وعيالها و خالتي ام حمدان وعيالها وخالي بو سعيد وعياله
موزوه : ححححلاتههه*

عايلة ام حمدان :*
ام حمدان : حرمه طيبه ملتزمه عمرها 43 عندها ولدين وريلها ميت*
حمدان : اكبر واحد يزقرونه يالسسوري لنه ابيضاني وشكله ططر عمره 18
جاسم : عمره 15 ذكي ماشالله عليه وخقاق شويه ويحب بنت عمه مروى بس يخونها ويا وايد بنات غيرها

عايلة بو سعيد :*
بو سعيد : ريال طيب نقيب فالشرطه عمره 43 وهو وام حمدان توأم ويحب عياله وايد اللي هم :*

ام سعيد : حرمه تخاف ع عيالها واايد فوق ماتتصورون عمرها 40 وطيبه ووايد يهمها كلام الناس وكله تحب تحش*
سعيد : اكبر واحد عمره 20 ف جامعة الامارات وجماله عادي ومب راعي سسوالف الحب والغرام كله برع ويا ربعه*
ريم : عمرها17 دلوعه وخقاقه ومايعيبها شي وبسرعه تزعل وتعصب

زيود : يلا تصبحون على خخير*
شواخ وموزه : وانته من اهللله خييوه*
موزوه : احس وناسه بيكون باجر*
شواخ : وناسه ومب وناسه ف نفس الوقت*
موزوه : ليش مب وناسه ؟*
شواخ : ماعرف حد واحس محد بيسويلي سالفه*
موزوه : لا ماعلييج *لا تحاتين بتتعرفين عليهم وبتتعودين*
شواخ : هيه يصير خير*
موزوه سسارت تتسبح وشواخ فجت اللاب يلست ترمسس خلوف*
وفجأه يتها اضافه من واحد ماتعرفه وطرششلها صورها وطلع ! شواخ خافت وانصدمت*
شواخ : خخخلوف واحد طرشلي صوري نفس الصور اللي طرشتلك اياهن !!*
خلوف : اونه*
ششواخ : والله العظيم*
خلوف : منو بيكون يعني ؟*
شواخ : ماعرف انا اسألك انته*
خلوف : شدراني فييج جوفي عمرج حق منو مطررشه صورج ...وطلع من المسن*
شواخ خافت وبندت اللاب وانسسدحت ع الشبريه وتمت تصيح بصوت خفيف عسب اختها موزه ماتسمعها طلعت موزه من الحمام وتحرت شواخ راقده جان ترقد هي بعد يوم حست شواخ انه موزوه رقدت سارت اتصلت حق خلوف ..*
توت توت......توت توت....... توت توت.......
خلوف : مرححبا*
شواخ ( بخوف ) : مرحبتين*
خلوف : منو وياي ؟*
شواخ : انا شواخ
خلوف : ها شو تبين؟*
شواخ : خخلوف دخيلك قول انك انته اللي ضفتني وطرشتلي الصور وتبا تستهبل علي دخيلك*
خلوف : لا هاك ربيعي*
شواخ وهي مصصدومه : ربيعك! كيف ربيعك وربيعك من وين يابش صوري !؟!؟!؟*
خلوف : انا عطيته*
ششواخ : وليش ع اي اساس تعطيه صوري خلوف بلاك ! لو تححبني جان ماعطيته*
خلوف : ومنو قالج اني احبج ؟ انتي مال مقصه وربي*
شواخ وهي تصيح : ححرام عليك انا صدق حبيتك ليش جيه تسوي*
خلوف (معصب ) : شو تبين انتي الحينه يلا خلي عندج كرامه ولا تتصلين*
شواخ : انزين امسح صوري*
خلوف : صوورج هاي مابمسسحها الا اذا ....*
شواخ (تصيح) : الا اذا شو قول خخلوف والله بسوي اي شي بس امسح صوري*
خلوف : تطلعين وياي الاسبوع الياي*
ششواخ ( مصصدومه ) : ششو اططلع وياك !!! تخبلت*
خلوف : خلاص عيل ورا باجر انشالله بتجوفين صورج فالجرايد هههههااي*
ششواخ : خلوف ! انته مستحيل خلوف*
خلوف : يلا ذلفي برقد اانا وفكري بكلامي عدل*
وبند ف ويهها وششواخ ططول ليلها تصصيح ماتعرف شو تسوي وكيف تتصرف*
تطلع وياه ؟ عشان يمسح الصور ولا تخبر موزوه ولا حد من اخوانها ؟!!!*
وتمت تفكر طول ليلها ودموعها ع عيونها وكانت ندمانه ومن كثر الصياح رقدت ماحست بعمرها*

فاليوم الثانني ::*
ام زايد دشت حجرت شواخ وموزوه : يلاا قومن بسسس من الرقاد يلا ورانا طلعه نشن زهبن الاغراض لنه بنتم اسسبوع هناك
موزوه : ها امايه نشيت انا خلاص*
ام زايد : شواخ حبيبتي يلا ماماه نشي*
شواخ : انشالله امايه*
*موزوه سارت اتغسلت وطلعت غيرت ملابسها لبست سكني اسود وبدي كت نيلي ورفعت شعرها ورسمت عيونها من فوق بالاي لاينر وحطت بلشر وردي خفيف *وتمت تزهب ملابسها والاغراض اللي بتشلهم وعقب لبست عباتها وشيلتها وشواخ بعدها منسدحه *متضايجه ماتعرف شو تسوي ومالها خاطر تروح وياهم*
موزوه : ششواخ يلا نشي كلهم خلصو الا انتي يلا يلا .....*
شواخ وهي متضايجه : انزين انزين انتي نزلي وانا بلحقج*
موزوه : انزين بس لا تتأخرين *
نشت شواخ ومالها خاطر تسوي اي شي من بعد اللي صار فاليوم اللي قبل ،نشت لقت مسج من*
خلوف كاتب فيه : الخميس الياي بيي العين وتعالي العين مول بنطلع من هناك واذا ماييتي تعرفين شو بسوي ف صورج ..........تضايجت ششواخ وتمت تصصيح كانت خايفه وتعبانه نشت تسبحت وتلبست وزهبت اغراضها لبست سترتش اسود وبدي وردي *وماحطت شي ف ويهها ولبست عباتها وشيلتها ونزلت تحت*

ف حجرت زيود وعلاوي ....
علاوي : نشش نش ياححظي ماشي وقت نبا نوصل قبل المغرب*
زيود : خلني ارقد قلتلك*
علاوي : بس من هالرقاد ماتشبع حششا !*
زيود: تعرف لو نششيتلك بتتكفخ*
علاوي : خف علينا يا قراندايزر*
زيود : اتريا عليه شوي براويك القراندايزر شو بيسوي فيك يا ويهه الصرصور*
علاوي ضرب زيود بالمخده جان ينش زيود معصب سار الحمام ماسوا حق علاوي سسالفه
علاوي كان لابس برموده بيضا وبدي فراري وكاب فراري وكان ششكله ططر ماشالله عليه نزل علاوي سار الصاله*
موزوه : ياااوويل ححالي ع المزيون انا وافديت هالويه تعال تعال خلني اصورك
علاوي حط ايده ع وييههه اونه مستحي : احم احم اخجلتي تواضعي*
موزوه : ههههه ،، زيود وينه ؟*
علاوي : يتسبح بالضرابه وعيته*
موزوه : ها كله يرقد مايشبع رقاد*
علاوي : شواخ بلاج صاخه ؟*
شواخ : ماشي بس ابا ارقد*
علاوي : ههه بلاكم جيه كلكم تبون ترقدون استغفرالله*
موزوه : اقولكم فططوم هاي مب بسها من بوظبي من زمان ماجفنها
علاوي : خليها فالمكان اللي يريحها*
موزوه : الا امايه وينها ؟*
علاوي : تزهب الاغراض ويا البشاكير*
زيود نزل وكان لابس برموده وبدي بولو وكاب بولو وكان كشششخه ماشالله عليه مزيون مطول شعره*
موزوه : لاا لا مانروم نحن ع بولو*
زيود : اسكتي وربي مب متفيجلج يلا اركبو السياره وركبو السامان لنه خالتي ام سيف وخالتي ام حمدان وخالي بو سعيد يتريونا فالشيشه*
موزوه : ححشا ماقلت شي .... شواخ يبتي الكام ؟*
شواخ ( متضايجه ) : هيه*
موزوه حست انه شواخ فيها شي بس سكتت وقالت بترمسها عقب .. كلهم اتجهزو وركبو السياره عسب يسيرون الشيشه اللي فيها بو سعيد وام سيف وام حمدان .

وفالطريج ...
زيود: امايه شو اسم الفندق اللي حجزتوه*
ام زايد : ميرامار ف دبا*
زيود : ها حلو ولا ،؟*
ام زايد : والله خالك بو سعيد الللي حجز ويمدحه يقول انه منتجع كامل فيه مسابح ويطل ع البحر ومطاعم واظني شي العاب مائيه*
علاوي : الله وناسسه*
موزوه: بتسسبح انا مايخصني*
زيود : هيه جان تبين قبرج يكون ع البحر*
موزوه: اففف ماقدر ارمس الا ويسويلي قصه*
ام زايد : خلاص بسسكم ترانا طالعين نتمشى ونغير جو بس من المشاكل*
علاوي : صح كلامج امايه بس من المشاكل*
ام زايد : شواخ قلب ماماتج ليش مالج حس اليوم*
شواخ ( تنهدت ) : اااه يا امايه شو تبيني اقولج بس*
ام زايد : بلاج شواخ ليكون فيج شي .. مريضه ،؟*

شواخ : لا بس متضايجه من ربيعتيه شوي*
ام زايد : هيه حبيبتي لا تفكرين فالسالفه ولا تتضايجين الدنيا تاليها النفادي*
زيود: بس بس من الاحزان وشغل الاغاني وطول ع الصوت وتم يرقص وكان شكله خبال*
ام زايد : زيود ققصر ع الصوت راسي عورني*
جان ينش علاوي ويبوسها ع راسها : سسلامت راسج امايه عله ف زيود ولا فيج*
ام زايد : بسسم الله ع زيود مايجوف شر وانته بس من هالكلام*
موزوه (تهمس) : شواخ شفيج*
ششواخ (بصوت عالي ) : بس خلاص قلتلكم مافيني شي ماتفهمون *!!!!
ام زايد : مواز خلاص خلي اختج ف حالها
وصلو الشيشه والكل نزل الا شواخ*
علاوي : عذور وين ؟!؟*
شموه : حششا سلم انزين*
علاوي : افف وربي مب متفيجلج وينها عذاري ؟*
شموه : داخل تتشرى !!
سار علاوي وجاف عذور وكان ششكلها طر*
علاوي مرتبك : شحالج عذور ؟*
عذور (مستحيه ) : بخير وانته ،؟*
علاوي : بخير دامج بخير ححياتي*
عذور وهي ميته من الحيا : يلا بسير اخاف يسيرون عني*
علاوي : اححبج*
عذور اسستحت وماردت سارت ركبت السياره*
موزوه كانت تسسولف ويا شموه وريموه،،، و زيود وسعود وجسوم وحمدانوه يسولفون وينكتون صوتهم واصل اخخر الشارع*
شواخ نزلت كانت تبا تسير الحمام وهي نازله جافها ولد خالتها سلطان (ولد خالتها ام سيف )*
وهي تصصيح تخبل يوم جافها بس ماعرفها سار عند شموه وريموه وعذور*
سلطان : موزه منو هاي اللي نزلت من سيارتكم ؟*
موزوه : منو تقصد ؟ شواخ؟*
سسلطان : هايج ششواخخ ماغيرها !!!
موزوه : هيه ليش ؟*
سلطان : لا ماشي ماشي*
بو سعييد : سعود يلا قول حق ريموه تركب السياره بنروح*
سعود: انشالله ابويه*
وكل واحد ركب سيارته وقضبوا الدرب وششواخ ماخازت من بال سلطان طول الوقت يفكر فيها ويسأل خواته عنها
سلطون : اقولكم شواخ كم عمرها الحينه ؟*
عذور : شو تبا فيها مالت عليك وعليها*
سلطون: ححشمي رمستج احسلج لا اييج هاك الكف*
عذور : خيبه خيبه خلاص مايسوا علي رمست*
شموه : هاي شواخ عمرها 16*
سلطون : اهاا العمر كله*
شموه: ليش تسأل عنها ؟*
سلطون : جفتها نازله تصصيح من السياره*
شموه :تصيح !!!*
سلطون : هيه*
شموه : ليش ؟*
سلطون : ماعرف*

وف سيارة بو سعيد :*
سعود : ابويه كم يبالنا لين نوصل ؟*
بو سعيد : مادري والله قول ثلاث ساعات تقريبا*
ريموه (بدلع) : بااباتي وااايد*
ام سعيد : مابتحسين فالوقت ... ها لا وصيكم مابا حد يرمس عنكم احترمو عماركم وسعود لا تيلس تتمشكل ويا اختك واطفربها جدام الخخلق وانتي ريموه لا تيلسين كل شوي اباه ها ومابا ها وها يعيبني وها مايعيبني*
سعود وريموه : انششالله امايه*

وف سيارة ام حمدان :*
ام حمدان : حمدان حبيبي خف ع السرعه*
حمدانوه : انشالله امايه انتي تامرين اممر فديتج
ام حمدان : مايامر عليك عدو الغالي*
وجسسوم طول الوقت يرمس ربيعاته وحبيبته مروه*

شو بتسوي شواخ ؟*
بتطلع ويا خليفه ولا بتخبر حد ؟*
وشو قصة سلطان؟*
وشو بيستوي فالفجيره ؟*

ترقبوني فالبارت الياي ،، __DEFINE_LIKE_SHARE__

мѕ.ѠяЭǝиѕԋ™ · 10-03-2012, 10:01 AM

حبييييت الروايييه بالقو وو ونترياج ع احر من اليممممممر ...! __DEFINE_LIKE_SHARE__

marshmalow · 10-03-2012, 10:04 AM

تسسلمين حبيبتي ع هالرد النايسس __DEFINE_LIKE_SHARE__

روحي بلقااكك · 10-03-2012, 10:56 AM

نبببببببببا بارت __DEFINE_LIKE_SHARE__

marshmalow · 10-03-2012, 02:53 PM

المشاركة الأصلية كتبت بواسطة روحي بلقااكك

نبببببببببا بارت

ههه تريوني عاد توني باديه __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
۩•ღسًٍجِل دَخوُلكًٍ بـِ/ بيٍَتٌ مٍنً آلٍَشَِعر ღ•۩	عجزتــ انساكــ	شعر و خواطر	3	07-21-2009 03:43 AM
~..عِلٍى الرَصُيٍفُ أحَسِاآاس طٌفِوَلهـ من نوع آاآخر ..~	ميود راك	الإستراحه العامة	20	04-04-2009 01:45 PM