ماهي اكبر غلطه ندمت عليها في حياتك؟؟ - الصفحة 4

يتيم الحب · 02-05-2008, 10:41 PM

المشاركة الأصلية كتبت بواسطة النعيمي

والله الإنسان مايتعلم الا من جيسة ع قولتهم

وبصراحه انا غلطت حياتي ، اني تعرفت ع رياييل
هم هب قد المريلة ولا لهم نصيب منها لو 1% ....!

لكن ياخوك الدنيا دوراة ، ادور وادور وترد وتضرب ضربتها
وانا اتمنى ها الشي صراحه ، مع اني انسان طيب ومتفهم جداً
لكن اللي يضرني ماسامحة لو يطول الدهر ...وخصة من ها الجماعة
حسبي الله ونعم الوكيل ..

ويالنسبة للحب ، هو موجود ، ولكن ضعاف النفوس وايدين
والي يلعبون بالحب هاييل ناس نفوسهم مريضة وخوانة
0
0
0

تسلم الغالي يتيم الحب ، ماشا ءالله عليك محاور ممتاز
نتمنى نشوفك في القسم يالغالي ، لاتحرمنا من مواضيعك الطيبه

اخوك / النعيمي

تسلم على الإطراء الجميل أخويه النعيمي ... بالنسبة للرياييل ماعليك على بالهم المريلة بس شنبات وعضلات ههه نسوا الشاعر لما يقول :

المراجل ماتجي بلمع النجوم
والحرار تبين في وقت الهدد
والشوارب تنفتل وقت اللزوم
ولا يجيب النايفة كود الولـــد
والرخوم رخوم لوقامت تحوم
مرجعه للدم ... لا منه برد
واضح فعل طيبك بليا علوم
مثلك البيض ماجابن ولــــد

خل قلبك ابيض وعامل الناس بأصلك وخل الحساب والعقاب على ربك ومثل ماقلت الدنيا دوارة وكل واحد بياخذ حقه في هالدنيا ..أما الحب فصدقت ماشي حب في هالزمن شي لعب وتسلية وخيانه ... تسلم ع المرور المتواضع حياك الله دوم .... __DEFINE_LIKE_SHARE__

غبيشة · 02-05-2008, 10:48 PM

اكبر غلطه يوم ضيعت على نفسي فرصه شغل ولا فكرت ..

العام اول ما تخرجت جتني فرصه عمل في بنك عريق بس اللقافه اللي فيني والتهور وربشه السفر خربت علي كل شي

سويت المقابله الشخصيه وردو علي بالموافقه لانهم محتاجين موظفه بس ما علمت حد من اهلي عشان ماتتكنسل امور السفر لاغلى بلاد في الدنيا ... للامارات الغاليه .... وسافرت وطنشت البنك ويوم رجعت واتصلت فيهم قالولي خلاص راحت علي

متندمه قد شعر راسي ...... اهي اهي اهي لاني اشتغلت مدرسه وانا اكره التدريس وفرصه البنك ما تتعوض )": __DEFINE_LIKE_SHARE__

يتيم الحب · 02-06-2008, 12:19 AM

المشاركة الأصلية كتبت بواسطة ظبياني عكس القانون

في البدايه اشكــرك الغالي عالطــرح الطيب

انا حبــيت من خاااطر خاطري .. بس للأسف اللي حبيتها قالت اللي بيني وبينك حـب بـــس .. ماشي زواج .. مع اني ماكنت امفكر فيها كزوجه وهي حطت الفكره فراسي .. والحين يت وطردة الفكره من راااســي .. والمشكله اني امسااير وامكــمل وادري نهايتنا فراااق .. بس احبهاا ..؟؟؟

مابقول لكم انا مراااهق .. وانا هيمان ..

دومــي قوي .. بس هالمره صـدق ضعفت جدام هالانسااانه .. افكر اخليهاا بس هي ماتخليني .. دوومها ورااايه وباتصالاتهاا .. وماروم احقرهاا .. صدق صدق جذبتني .. وانا اعرف انها تحبني بس ماتفكر تتزوج .. مع انهاا كانت رااضيه في البدايه ؟؟

وماعرف شوو اسوي ..

اللي اعرفه انه الحب الحقيقي دوم يتوج بالزواج هذي امنية اللي يحبون بعض امممم مدري ليش يعني هي رافضة ؟؟!! هذي هب حب هذي تسلية وحرام عليك انت تعذب عمرك وتتعلق بها آخر شي الفراق هو نصيبكم .. جذه القلبين بيتعذبون واسمحلي أخويه اني اقولك انه الامل وحبل الوصل مقطوع في هالحاله ... دوس على قلبك أو حاول تعرف منها ليش شوالسبب ؟؟ .وشو هي مواصفات الزوج اللي تباه ..!!. يمكن البنت انصدمت منك .أو خذت منك موقف ..ربي يحفظك وتسلم ع المشاركة ...
... __DEFINE_LIKE_SHARE__

يتيم الحب · 02-06-2008, 12:23 AM

المشاركة الأصلية كتبت بواسطة غبيشة

اكبر غلطه يوم ضيعت على نفسي فرصه شغل ولا فكرت ..

العام اول ما تخرجت جتني فرصه عمل في بنك عريق بس اللقافه اللي فيني والتهور وربشه السفر خربت علي كل شي

سويت المقابله الشخصيه وردو علي بالموافقه لانهم محتاجين موظفه بس ما علمت حد من اهلي عشان ماتتكنسل امور السفر لاغلى بلاد في الدنيا ... للامارات الغاليه .... وسافرت وطنشت البنك ويوم رجعت واتصلت فيهم قالولي خلاص راحت علي

متندمه قد شعر راسي ...... اهي اهي اهي لاني اشتغلت مدرسه وانا اكره التدريس وفرصه البنك ما تتعوض )":

بالعكس انا احس انه التدريس احسن من البنك خاصة للبنات ... اختي حطي في بالج انج بتربين أجيال وبيتخرجون على ايديدج دكاترة ومهندسين ومعلمين ... كل حرف وكلمة اتعلمينها بتستمر حتى بعد مماتج بعد عمر طويل وهي من الاعمال اللي ماينقطع عنها أجر من المسلم .. المهم اثبتي وجودج وخلج قد المسؤولية وقدود ربي يوفقج .. وتسلمين ع المشاركة الحلوة ...^_* __DEFINE_LIKE_SHARE__

ظبياني عكس القانون · 02-06-2008, 04:11 AM

المشاركة الأصلية كتبت بواسطة غبيشة

اكبر غلطه يوم ضيعت على نفسي فرصه شغل ولا فكرت ..

العام اول ما تخرجت جتني فرصه عمل في بنك عريق بس اللقافه اللي فيني والتهور وربشه السفر خربت علي كل شي

سويت المقابله الشخصيه وردو علي بالموافقه لانهم محتاجين موظفه بس ما علمت حد من اهلي عشان ماتتكنسل امور السفر لاغلى بلاد في الدنيا ... للامارات الغاليه .... وسافرت وطنشت البنك ويوم رجعت واتصلت فيهم قالولي خلاص راحت علي

متندمه قد شعر راسي ...... اهي اهي اهي لاني اشتغلت مدرسه وانا اكره التدريس وفرصه البنك ما تتعوض )":

مـشكــلتج .. انا احب اعلق عليها ..

{ عـسى ان تكـرهو شي وهو خيـر لكم }

ختــيه .. انتي ضيعتي على رووحج شغــل في البنك ؟؟؟

اتعرفين شو يعني بنك ..

ختيه انتي لو اشتغلتي في البنك وكرفتي وتعبتي على اسااس ان الفلووس من عرق يبينج .. بتكونين غلطانه 100% ..

تدرين ليش ..لان هالفلووس اصلا من حقووق الناس .. يعني معااشج معااش حرااام مع انج تعبتي لانج حصـلتي عليه ..

انتي متخيله تاكلين من فلوووس حرااام .. متخيله لبسج لبس حراام .. انتي متخيله .. اي شي فحيااتج يايبتنه بالحراام .. وانتي مصليه وصايمه .. وخايفه ربج .. لاطبعـا .. الله يبعدنا عن الحرام شراا مابعد المغرب عن المشرق ..

بقولج معلوومـــه دينيه .. واغلب الناس مايعرفوونها .. بس انا قارنهاا فبحــث ..

اتعرفين ان فلوس البنك (( الربا )) عن 36 زنيه .. يعني اذا الزااني .. اثمه كبيــر .. فمابالج 36 زنيــه ؟؟؟ بس عشاان شغل .. وفلووس ..

الحمدلله انج مدرسه ..

{ كــاد المعلم ان يكون رسولا }

انتي اتوصلين رسالات .. اتخرجين اجياال .. اتخرجين دكاتره .. ووزراا .. ومهندسين ..

وفلوووسج ولله الحمد حلااال × حلاااال ..

وانتي عايشه مرتاحه وضميرج مرتاااح ..

لاتتحسفين عالبنك ختيــه .. ولا تتحسفين عالحرااام .. احمدي ربج واشكره 100 مره ..

صح التدريس تعب .. بس نعمه .. لج هدف .. عندج امااانه ولازم اتخرجينهم .. ولا تعب البنك ... اللي ماراح اتحسين بالفلوووس لان موول مافيهم بركه

واسمحيلي ختيه عالاطاله بس حبيت اعلق على موضووعج .. لان حز بخاطري لانج ندمتي عالبنك .. والحمدلله زرتيناا وان شالله استانستي ..

تحيتي ..

اخووج حمداااان __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
][*][ اكبر غلطه في لعبة cod mw2 ومستحيل أصلاحها لو بتنزيل تحديث حجمه 1قيقا!!][*][	محروم.كوم	منتدى أخبار المواقع والمنتديات العربية والأجنبية	0	02-19-2010 03:30 AM
[ صرت] في حياتك {غلطه} ...؟؟	{,.בرايّـر.,»	هواتف , مسجات , وسائط , برامج , ثيمات , نغمات , بلوتوث	43	05-15-2009 02:01 AM
2.2.1 غلطه وتندمت عليها كثير ممكن مساعده . .	محروم.كوم	منتدى أخبار المواقع والمنتديات العربية والأجنبية	0	04-24-2009 11:30 AM
ماهي اجمل مرحلة دراسية في حياتك؟؟؟	» βỊη άℓ đόόŁα «	الحوار والنقاش - الرأي والرأي الآخر	44	03-25-2009 08:01 PM