#poem_50643fc958767 td {font-family: Tahoma, Verdana, Arial, Helvetica, sans-serif;font-size: medium;font-weight: bold;} جات الرساله كنها جرح سكين ياشين منطقها وشين العباره وظاقت علي وحدرت دمعة العين ماهي هزيمه لا حشى وانكساره لكن كيف ارسل وصدق مساكين وشلون نزل مستواه ووقاره غالي وانا غالي ولا بيننا شين ليته تقصى قبل يصدر قراره لكن حكم حكمه وصدق بختمين واثبت جريمة صاحبه وانتصاره لوننا منها عتاق وبريين درع الخوي بكل هيله وغاره والحق سيفن في يدين الميامين يرد غارات ويسوق البشاره وعقب تبين له الخطا شوف بالعين جاني وبيدينه يجر اعتذاره وش عاد تنفع جيته عقب عامين من بعد مافاخت مساري مساره اللي يغير مذهبه هرج غاوين عندي يقل ولا يزيد اعتباره