شفتو الصيد.؟

محروم.كوم · #1 09-22-2012, 09:30 PM

[COLOR="Black"]
السلام عليكم ورحمة الله .؟
كيف الحال .
من وين ابدا.؟
شئ محزن جدا جدا.؟
الى وهو الصيد هالوقت .؟
الصيادين 3 انواع.
النوع الاول رجال.
اخذ الصيد هوايه. تلقى عنده سلوم. شافك تبي ترمي طير وقف لين تصيده . شافك تطرد يفتحلك المجال. شافك تمشي مع جهه يروح مع الجهه الثانيه. ومايترمى بالشجر الي انت جالس حولهن.
واذا جا يرمي ينتبه لايصير به احد.
هذا ودك تحب راسه وخشمه.؟
والي مثل كذا تلقاه يصيد حق يومه فقط .؟

النوع الثاني اخذ الصيد اباااااااااده.؟
يصيد الين ينتهي الصيد او ينتهي زهابه (الرصاص) ويشيل من هالثلاجات الين يمتلي الموتر .؟
ويقحش من هالطيور الين يمتلن الثلاجات ويبيع . وفيه سالفه واحد قاليياها بس قولو انه اشاعه.؟
يقول ان به واحدن طالع لم الساحل او مدري وينهو لمه على بداية الدخل وجالس حوالي اسبوعين او ثلاث وصايد فوق 75 الف.دخله.؟
هالجنس الخايس. ودك تسحب منه الموتر والسلاح.؟

النوع الثالث وسط.؟
الي يسمعون بالصيد ولا يعرفون وشو . مثل البزور الي معهم مواتر وبنادق. .؟
لاتعليق

لذالك نطلب الله انه يبعد هالبزور وهالمبيدين من الصيد. او يهديهم.؟
ونطلب من الي يسرف بالصيد انه يقتصد وياخذ على قده.
والمطفوق يركد .؟
وصلى الله على نبينا محمد وعلى اله وصحبه اجمعين.,

مخرج.

الصيد قل وعذبتنا المطاريـــــــــش xxx نقبل ونقفي من ولعنا على مــــــــاش
ناخذ شهور نفتش الارض تفتيـــــش xxx نتعب ولا تذكر لنا برق الاريـــــــاش
واليوم قل وقللوها المرابيـــــــــــش xxx قناصة العطله من العرق للطــــــاش
على عماها يقنصون الدراويـــــــش xxx مامن كلف مقناص شوزن ورشــــاش
ومهما لقو يرمون حتى الخفافيـــــش xxx حتى ام سالم جالهم عندها هـــــــواش
واليا امرحوا يضحي ضحاهم مخاييش xxx حتى سنود القايله نوم وفــــــــــــراش
وشلون نبغى يكثر الصيد ويعيـــــش xxx والدهر واعوانه اتشيب بالارمـــــــاش

حتى الديار اللي شمعها مهاييـــــــش xxx اليوم قاده شوفها يوحش اوحـــــــــاش
باقي سمال القشع مثل المناقيــــــــش xxx مع الضمى حشه مع والوقت حشــاش
وتعمس اللي داج فيها تناويــــــــــش xxx والا عماس الطير بالكبد منقــــــــــاش
ياطير يوم اطلق سبوقك على ويـــش xxx اخاف تزهق يالنداوي وتنحــــــــــــاش
الشاعر محمد بن مبارك الدوسري

[/COLOR] __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يالربع ما شفتو لنا كاف نواف ... ما عاد قاصدنا ولا شفت رده.	محروم.كوم	منتدى أخبار المواقع والمنتديات العربية والأجنبية	0	09-12-2011 11:00 PM
شفتو ميت يبكي !!؟	محروم.كوم	منتدى أخبار المواقع والمنتديات العربية والأجنبية	0	06-13-2010 02:30 AM
خبــر [هل] [سبق] [ان] [ شفتو ]~~> ( Kratos ) بطل [لعبه].~>[[ God of War III ]] ...(!).(؟).	محروم.كوم	منتدى أخبار المواقع والمنتديات العربية والأجنبية	0	03-27-2010 10:10 AM
عمركم شفتو اخت عبسي هع	محروم.كوم	منتدى أخبار المواقع والمنتديات العربية والأجنبية	0	02-27-2010 03:40 AM
تصميم رائع ما شفتو بعمرك	محروم.كوم	منتدى أخبار المواقع والمنتديات العربية والأجنبية	0	05-14-2009 06:10 PM