بسم الله الرحمن الرحيم

والصلاة والسلام على سيدنا المصطفى الأمين وعلى اله وصحبة اجمعين

السلام عليكم ورحمة الله وبركاته

هذا تقرير لتركب مبرد اضافي للقير وعلما ان هذا التطبيق يمكن لأي شخص يسويه على موتره سواءَ كان جمس او غيره الفكرة واحدة
عموما التطبيق راح يكون على موتري سلفرادو موديل 2000 مكينة 5.3 لتر والصراحة مافي مشكلة دعتني اني ارهم المبرد للموتر ولكن فكرة وحبيت اطبقها على سيارتي

أولا نوضح الفكرة للإخوان السيارات يكون تبريد زيت القير على طريقتين
الطريقة الأولى
هيا التبريد بالسوائل وهي عمليه بسيطة يكون فيها مبرد القير داخل رديتر الماء وبدخول الزيت للمبرد تبدأ عملية التبريد وتكون دورة الزيت فيها من القير إلى الرديتر ومن الرديتر إلى القير مره أخرى ولكن هذي العملية لها ميزه وعيب في نفس الوقت الميزة هيا إن التبريد بالماء أفضل وأسرع أنواع التبريد للمحركات ، والعيب هو إن حرارة القير تصبح مقترنة بحرارة المحرك يعني لو ارتفعت حرارة المكينة فأمر طبيعي انه ترتفع حرارة القير وبهذا يتأثر القير وراح تلاحظ عليه ضعف في العزم عند الطلوع وفي الخطوط وراح تكثر الأعطال ،
والطريقة الثانية
هي التبريد بالهواء والطريقة تعتبر الأسهل بين الطريقتين وهيا ان يكون التبريد منفصل كليا عن المحرك ولا يشترك معه في عملية التبريد ، وغالبا ما يكون المبرد موجود إمام رديتر المكيف غالبا ماتتجهز به السيارات صغيرة المحركات وتكون دورة الزيت فيه من القير إلى المبرد ومن المبرد إلى القير وهذا النوع له عيوبه وله ميزاته الميزة هي انك تبعد عن مشاكله دخول الماء إلى القير في حالة سار في المبرد أي مشكلة وهو داخل الرديتر و في هذي حالة لأن التبريد منفصل تماما عن الرديتر راح تستبعد هذي الاحتمال ، وفي السرعات العالية التبريد راح يكون طيب لكثافة دخول الهواء للمبرد ، وعيوبه تبدأ في الوقوف الطويل و السرعات المنخفضة داخل المدينة لقلة دخول الهواء والهواء هو الشيء الرئيسي في عملية التبريد في هذي الحالة ،

وبالنسبة لي إنا نويت اركب مبرد خارجي بنفسي وقلت راح اجمع بين الطريقتين التبريد بالسوائل والهواء بنفس الوقت ،علماَ ان الموتر عندي التبريد فيه مشترك مع الرديتر فقلت ابا ادمج الطريقتين مع بعض وراح تكون عملية التبريد بهذي الطريقة:
من القير >>>> الرديتر >>>> المبرد الخارجي >>>>إلى القير مره أخرى
، نفس الي في الصورة


وراح تكون خطة دخول الزيت اول شي للرديتر ومن الرديتر يتحول إلى المبرد الجديد مبرد الهواء ومن مبرد الهواء إلى القير مره اخرى وراح يكون موقع المبرد امام رديتر المكيف وراح يتثبت على قاعدة حساس حرارة الجو وهذي صوة قديمة للموتر والواجهه مفكوكة وراح يكون المبرد امام مروحة التبريد الكهرباء ،


ونبدأ الشرح
أول شي رحت لمحل قطع غير الجربكسات وطلبتها مبرد ولقيت نوع امريكي وشريته ، وبعدها توجهت للبيت
وهذي صورة الكرتون




وهذي صورة المبرد ومقاساته تقريبا طوله 40سم والعرض 19 سم



وهذي صورة مقارنة بحجم رديتر الماء



والتطبيق المبدئي راح يكون على رديتر قديم عندي ولأني راح اركبه بدون فك شبك السيارة ولصعوبة التصوير لضيق المكان فحيكون بهذي الطريقة أوضح وأفضل بأذن الله

اولا راح يكون عندك مدخل ومخرج لمبرد الوكالة المدموج مع رديتر الماء وهذا شكله



وهذا المداخل قابلة للفك وراح أفكه بهذي الطريقة



وهذا شكل الطبه بعد فكها



بعدين نرجع للمبرد الجديد ومكوناته بالإضافة لقاعدة فصلتها عند الحداد على شكل حرف Lومقاسها 8سم و19سم ولي زيت اصلي متر علما انه يجي معا المبرد لي زيت لكن ما يكفي للشغل





اول شي ركبت المبرد على القاعدة الي فصلتها ولكم الخطوات
هذي قاعدة حساس حرارة الجو





وهذي صورة القاعدة الي فصلتها بعد تركيبها على قاعدة الحساس



ومن زاوية ثانية



وهذي عملة التثبيت وهي عبارة عن ربطات تجي مع نفس المبرد تدخل من بين الماصير وتثبته



ومن زاوية اخرى



وهذي بعد الشد







ارجو عدم الرد حتى اكتمال الموضوع