قصة واقعية آحبه والقدر يبعدني عنه - الصفحة 3

آنتــه غرآآمـي · 09-15-2012, 11:09 AM

وعلييج السسلام حياتي
بطول البارت الياي لعيونج وششكلي انزلها بس حقج انتي
والسموحه __DEFINE_LIKE_SHARE__

5arb0o6a.16 · 09-22-2012, 12:06 PM

مسموحه لانه اي حد يكتب أكيد يبا يجوف ردود كثيره
عشان يتحمس اكثر
بليييز لا توقفين كتابه لان فيني فضول و أبا اعرف القصة $\1093.gif$ __DEFINE_LIKE_SHARE__

آنتــه غرآآمـي · 09-25-2012, 06:49 PM

البارت الرابع ..*
الاسببوع الي عقبه ف الويكند ,, ام خليفه وعيالها ومشعل وحرمته وعياله متيمعين عند ام مششعل ف البيت ..
العنود : ميرووه بليز جوفيلي شوشو وساروه وين مادري وين سارن !
ماريا "الي هي ام ساروه" : وين بيسيرن يعني الا ف الحوي ولا فووق يخبصن ب الميك اب مال ميروه
ميروه : لالا هن يخافن مني ما بيدخلن الغرفه .. بسسير اشوفهن يمكن برع !
رآحت الحوي ولا اخوها محمد ياي : هلا والله بميروه شيخه البنات
ميروه : من الآخر يعني .. قوول شو تبا !
محمد : فديتج سويلي انا وربيعي كوفي وطرشييه الميلس الكوفي مالج حلوو ,,
ميروه "وهي مستانسه اول مره حد يمدحها انها تعرف تسوي شي ": من عيووووني ,, منوووه ربييعك ؟؟
محمد : ششو يخصصج ,,يلا طووفي سويه بسسرعه ..
ميروه : يعني اذا واحد مزيوون بسويله كووفي حلوو يمكن انخطب ولا ششي واستفيد من وراك !
محمد "عصب" : بتقوومين من جدآمي ولا ششووه !!
ميروه : انزيين خلاص خلاص سايره اصلا .. الا بسألك ما ششفت شوشو وساروه ؟
محمد : لا انا توني ياي "وراح عنها "
دخلت ميرووه الصاله : عنوود ما حصلتهن بررع .. "ترمس شموه " ششموه سيري جوفيهن يمكن فووق !
راحت شموه فووق .. وميروه رآآحت المطبخ تسسوي الكووفي !
نززلت ششموه وماسكه شوشو وسوسو : جوفو ويهوهم انتوو هههههههههه
عنوود قامت وضربتهن : ششو مسويين ف ويووهكم وليش داخلين حجره ميروه ياويلكم منهاا
ساروه : اصلا عادي ششو يعني انا كنت ابا احط روج يعني ما احط رووج !
شوشو على طول صاحت ما تتحمل حد يصارخ عليها !!
سوسو : انتي بعد كله تصيحين يعني انتي بيبي يعني
ماريا : انتي يا ام لساان طووفي جدامي بغسسل ويهج واحيين ششو يفكنا من لسسان ميروه !! "وتسمكهن وتروح صوب الحماام"
خلصت ميروه الكوفي وطرششته صوب ميلس الريايل وردت الصاله ..
ششموه : لححقي على مكياجج هههههه
ميروه "اتنرفزت تموووت ولا حد يمسك اغراضها ..وربعت فووق تششوف حجرتها اذا توصخت ولا لا !!
نززلت وهي معصبه وسارت صوب شوشو وساروه وصرخت عليهن : انتن ايييه اذا جفت وحده منكن رايحه فووق ياويلها تسمعووووون !!"وتصد صوب ماريا وعنود " وانتو امسكو عيالكم ! "وراحت فووق معصبه ..
طبعا على طول صاحن يخافوون من ميروه بدرجه مب طبيعيه !!
العنود : دواكن والله لو ضربتكن جان زيين ..
مر اليوووم عادي ,, اليوم الي عقبه يت ششموه بدري بيت يدتها ام مشعل ,,وسيده حجره ميروه توعيها !
شموه : ميروووه نششي بقولج ششي
ميروه : اطلعي وصكري الباب مب فاضلتج انا
ششموه وهي تمط اللحاف عنها : قووومي والله صدق اباج ف موضوع ما استهبل نششي بليييز
ميروه "عصصبت ": ششششموه قسسم بالله اذا ما طلعتي بتششوفين ششي ما يسرج والله !
شموه"زعلت": اوكيه برد بيتنا عيل باي " وكانت بتطلع "
ميروه : خلاص تعالي تعالي عاد الا انتي ما تهونيين علي ,, افففف خربتي رقادي واحلى حللم مالت علييج .. قوولي ششو صاير !!
شموه "يلست مجابلتنها": اممم تحيدين القرووب الي رمستج عنه الاسبوع الي طاف :$
ميروه "عقدت حياتها": هيييه !!
شموه : امم وآحد منهم وايد وياي يعني يسسولف وجييه ,, وامي كنت اسولف وياه ويت ف بالي سالفه اربيعتج عوآش وخبرته !
ميروه : وليش تخبريينه ,, انا قلتلج السالفه على اساس انها بيني وبينج ..بس ماعلينا كملي !
شموه : طلع يعرف عوآش !!!
ميروه "عقدت حياتها اكثر " : كيييف يعني شو تقصدين !!!
شموه : ما تنلامين توج نآششه ! .. طلع خآلها ,, وامها الي هي اخته دووم ترمس عنج جدآمه لانه هو الوحييد الي مهتم بسالفه اخته وعيالها وريلها !
ميروه : اوووونهـ!! سبحان الله والله الدنيا صغييره,, انزين كم عمره هو .. وكيف علاقتج وياه لا يكوون !!!!!!!
ششموه : لالا علاقتي وياه عاديه وبس سوالف والله وهو كبررج .. بس شسمه ترا يبا يرمسج ويششكرج على الي تسوينه ويا اخته وبنت اخته !
ميروه "عصبت ": لالا مابا وبعدين انا اسوي هالشي عشان عوآش وامها ومابا ششكر من حد قوليله كلامه وصلني وسلمي وعليه وخلاص لا برمسه ولا يرمسني
شموه : ميروه لا تستهبلين وتفشليني ,, ومن دشيت القروب وكل سوالفنا عاديه لا تكبرين الموضوع يعني ما صار ششي واحين طلع يعرفج يلا بليز ضيفي القروب هو بس يبا يشكرج ما يبا ششي ثاني رمسييه وعقب اظهري ,, وسوي دليت !
ميروه : لا شموه !! وانتي يلا جدامي سوي دليت بلا هالحركات الي مالها دااعي واذا ما بتسمعين الرمسه خلاص ما يخصني فييج ,, وانا اقولج من احين ما يخصني ف الي بيصير وياج بسبه هالقروووب تسمعين !!
ششموه : عوآش ليش تقولين جيه يعني شو سويت انا احينه ,, وبعدين فشله اقوله انج ما تبين ترمسينه شو بيقول عنج !
مييروه : يقول الي يقوله انا ما يهمني يلا صدعتي راسي تراج .. "وقامت بتروح الحمام"
ششموه "تمسكها وتيلسها" :آنزين عشاني يعني ما بيصير ششي ميروه عن العبط ,,انتي ليش جيه خوافه !
ميروه : مب مسأله خوف !! انا مابا اسوي هالشي واعرف انه غلط مابا اورط عممري وندخل ف مشاكل نحن ف غنى عنها ,,
شموه "وهي زعلانه" : انزين رمسيه دقايق واظهري
ميروه : آفففففففففف انزيين انزين اصبري شوي بقوم اصلي ع الاقل !
شموه : آففف اخيرا حشى راسج يابس !
ميروه "طالعتها بنظره ": جب جب "وراحت عنها "
__DEFINE_LIKE_SHARE__

آنتــه غرآآمـي · 09-25-2012, 06:58 PM

هالبارت نزلته لعيووونج .."
واتمنى ينال اعجابج
وبعد يومين بنزل البارت الخامس *-*
__DEFINE_LIKE_SHARE__

5arb0o6a.16 · 09-29-2012, 08:41 PM

تسلمين عالبارت الروووعه وثانكس لإنج كملتي الروايه

آنتــه غرآآمـي;هالبارت نزلته لعيووونج
جان اثتحي
هههه

ميره أتوقع انها بتحب خال عواش ربيعتها وبيتقدم لها
شما بتطلع تحب خال عواش وبيفترقن ميره وشما

تسلمين حياتي واتريا التكمله

وان شاء الله يزيدون قرائج وتستمتعين بردودهم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
زيت الدبل والقير العادي	محروم.كوم	منتدى أخبار المواقع والمنتديات العربية والأجنبية	0	05-07-2012 12:50 PM
المقلوبة والقدر الظاغط ؟	محروم.كوم	منتدى أخبار المواقع والمنتديات العربية والأجنبية	0	12-30-2011 03:10 PM
يابو علي والقدر قرب يفوح	محروم.كوم	منتدى أخبار المواقع والمنتديات العربية والأجنبية	0	11-13-2011 02:50 PM
الي يبغيني اوفرله لكزس استيشن 2011 او اي سياره من التويوتا يتفضل	محروم.كوم	منتدى أخبار المواقع والمنتديات العربية والأجنبية	0	06-04-2010 10:20 PM
}}}}}}}}}} القضاء والقدر {{{{{{{{{{	محروم.كوم	منتدى أخبار المواقع والمنتديات العربية والأجنبية	0	05-19-2010 09:40 AM