أنا من المستخديم الجدد للآيفون
وسابقاً جربت استخدام البوكيت بي سي وأجهزة النوكيا والسوني إريكسون

بالنسبة لتصفح النت الآيفون يبدو أفضل إلى الآن
لكن بصراحة أشعر بالتعقيد والصعوبة من ناحية التعامل مع الملفات

الآيفون للأسف مع مواصفاته الجبارة كتقنية
إلا انه فيه بعض التعقيدات البرمجية وصعوبة في التعامل مع أمور التعامل معها أبسط ما يكون على البوكيت بي سي والنوكيا


أنا بتكلم عن شغلتين بس مع اني متوقع ان مع استخدامي للجهاز راح أكتشف مشاكل أخرى خاصة إن هالشغلتين يعتبروا دلالة على بعض الأساليب العقيمة في تعقيد نظام الجهاز واحتكار برامجه بشكل يضايق المستخدمين

الشغله الأولى قضية مستعرض الملفات
وهذي من جانبين
يعني أي جهاز بوكيت بي سي أو نوكيا أو سوني إريكسون
لما نشبكه على الكمبيوتر نقدر نتصفح ملفاته وننسخ ونلصق براحتنا
لكن الآيفون كل اللي يوريني اياه مجلد الصور ومجرد نسخ من الآيفون للكمبيوتر لكن العكس محظور؟!
يعني بصراحة ما أشوف أي معنى لهالحركة
ليش ما أقدر أنسخ أي ملف نصي .. صورة .. ملفات أوفيس .. أكروبات .. أم بي ثري .. موفي؟
بصراحة أشوفها حركه بايخه انهم مانعين هالأمور هذي كلها

الشغله الثانيه هي قضية النغمات
ليش الأسلوب العقيم في تركيب النغمات
لازم تحويلات وعفسه مالأمها داعي
شفيه الأم بي ثري .. ليش ما يصير نغمه مباشرة؟!
وحتى لو بتحول لازم النغمة ما تصير طويله وأنواع المشاكل أثناء التحويل


في شغلتين برضوا بس أعتبرهم ثانويين بالنسبه لي

واللي هم البلوتوث
أحس لو شايلينه من الجهاز كثير أفضل
يعني مادري ليش مركبين بلوتوث وماله أي وظيفه غير السماعه؟!


والثانيه هي الجي بي اس
مع ان التقاطه جيد إلا ان البرنامج واللي هو قوقل مابس سيء لسبب انه مافي اختيار لا لتحميل ولا لشراء الخرائط
يعني واحد مسافر بلد أجنبي ويبي خرايط راح يفلس من فاتورة استخدام الإنترنت لحالها بس عشان كل شوي يشوف الخرايط؟!

هل في أمل ان أبل تغير سياستها وتحل هالأمور السخيفه؟

وهل في برامج مضمونه تحل هالمشاكل؟

بانتظار آرائكم يا إخوان