منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

البارت الـ 160

.

.

.

مهره تمسح دمعتها : حقير . .

سيف : ليش حقير . . لاني اباج اتمين معاي وماتودريني . .

مهره : انا مابيك . . وقلتلك مابيك !!!!!! ليش تسوي جي ليش

سيف : لاني متمسك فيج ومابا اودرج والله مابا . . انا ماقدرعلى بعدج ولا انتي تقدرين على بعدي . . لا تنكرييييييين . . سامحيني والله انا اسف

مهره : والله وايد سامحتك وانت ما تستاهل حد يسامحك اكثر . .

سيف : دخيلج . . كافي علي الكلام الي قلتيه . . قسم بالله كلامج قوي وقاسي ويعور . .

مهره : والله الي اقولك اياه ربع من الي انت تسويه فيني وتعقه علي . .

سيف : . ..

مهره تمسح دموعها : انا برقد . .

سيف : تعالي ارقدي فحظني . .

مهره تصد تطالعه : ما راح اي . . الا اذا بتشلني غصب ترا انت ماعندك الا الغصب الحين . .

تقرب منها سيف وحظنها وماتكلمت ولا نطقت بحرف . . ما قالت غير : حقير . .

.

.

.

حمد : الوو ؟ شووق ؟

شوق : مممممممم

حمد يتثاوب : انتي راقده ؟

شوق سكتت . .

ابتسم حمد وبند الخط ورد كمل رقاده ..

.

.

.

بو محمد يتخاشم ويا محمد : شحالك . .

محمد : الحمدلله ابويه . . توا ما نورت الامارات . .

بو محمد : هييييييها والله البلاد لها وحشه . .

محمد : انت اسحب امايا وتعالو الامارات بس لين متى بتمون فالكويت ابويه

بو محمد : امك ما تبا . .

محمد : تراك انت تتنازل وايد عشانها . . خلها تتنازل شويه . . عالاقل اسكنو اهني سنه سنتين ثلاث . . مش طول العمر اهناك . . انا احس عمري متغرب والله . . شوي في بيت عمي شوي فالفنادق وشوي في بيت حرمه ولد عمي . . لو انا عندي بيت احينه جان ما تحركت من مكاني . .

بو محمد استغرب من كلام محمد واتضايق وايد على حاله : ان شاء الله ابويه . . خلني ارتب ويا امك

محمد : وايد قلت هالكلام ابويه وايد . .

بو محمد : خلاص لا تستوي شرات الحريم .

محمد يبتسم : انا حرمه اصلا ماتعرف ؟

بو محمد : مممممحمد

محمد يبتسم : امزح فديت خشمك . .

بو محمد : ماتيوز انته ماتيوز . .

.

.

.

منصور : ايووووا .. وهاي السالفه يعني

سلطان : وهاي السالفه كلها الله يسلمك . .

منصور ياشرله : وقف اطلب لنا كرك . .

سلطان ينزل الجامه : 3 كرك . .

منصور : ليش 3 ؟

سلطان : حق حرمتي بعد شوووووو . . بنمر بنشلها بسها . . كملت ساعه ونص . .

منصور : عذور ماتحب الكرك انا بشرب مالها . .

سلطان : افا . .

دفع سلطان و سارو صوب الفندق . .

سلطان : انت شو نفسيتك الحين ؟

منصور : خلها على الله . . وغير السالفه لاني بالمره مش حاب اتكلم عني ، خلني متلاهي وناسي واطنش احسنلي . .

سلطان : لين متى . .لازم ترمس واطلع الي فيك

منصور : لا مايحتاي الحين . .كل الي اباه اطلع من الي انا فيه وانشغل ومافكر بشي ..

سلطان : يوم بتحس انك تبغي ترمس . . تعرف رقمي . .

منصور :يا ريال بطب عندك الشقه . . ما بسويلك سالفه

سلطان ابتسم واتصل لعذاري ..

عذاري : هلا سلطان . .

سلطان : بعدج انتي ؟

عذاري تشوف : اوبس صارت 11 . . امايا بتلعني . .

سلطان : لا دام البوس ويانا لا تحاتين

عذاري : ههههههه . . انت وينك ؟

سلطان : تحت في باركنات الفندق . .

عذاري : يالله الحين بنزل .

سلطان : لا ماتنزلين . .اتريي انا بي بشلج . .

عذاري : مايحتاي ادل روحي

سلطان : انطبي . . انا بي بشلج . . اتريني ما تتحركين لين ادقلج . .

عذاري: اوكي . .

منصور : خف علينا ..

سلطان يبتسم : جب جب

منصور : هيه بس فالملجه ادلعو . . عقب بنشوف كيف

سلطان : احنا ملجه وعرس باذن الله ما يهزنا ريح . .

منصور :خير ان شاء الله

سلطان :بلاك انت حاسد .؟

منصور : هههههههههه انزل خلصني ايييب حرمتك . .

نزل سلطان وصعد لين الغرفه بس ما دق الجرس واتصل بها ..

عذاري: ها سلطان . .

سلطان : انا عند الغرفه . .

عذاري : الحين بي . .

وبندت . .

عذاري : والله استانست وياج واليلسه معاج ما تنمل . .

منال : والله انتي الي فرفشتييني وغيرتي مودي . . الله يسعدج ويفرحج مثل ما فرحتيني . .

عذاري تقوم : سلطان يترياني برع

منال : بوصلج

عذاري : ماله داااعي . .

منال تبتسم : ماتبينه يشوفني ؟

عذاري : بصراحه هيه . .

منال : ويت . .

سارت سحبت لها شيله وردت . .

عذاري تفاجئت بس ماعلقت . .

منال تحجبت ووصلت عذاري لين الباب . .

سلطان اول ما بطلت الباب شاف منال لابسه شيله استغرب . .

عذاري : يالله سلطان نروح . .

منال : مشكور سلطان . . حرمتك كفت ووفت . .

سلطان ابتسم : تامرين على شي . . تبين شي ؟

منال : لا سلامتك . . شوي شوي فالدرب . . حاسبو . .

سلطان : ان شاء الله . .

وسارو عنها . .

سلطان عاقد حياته : شومسويه فالبنت ؟

عذاري : مش مسويه فيها شي ليش ؟

سلطان : اشوف ويهها وارم . .صامتنها بكس ؟

عذاري : هههههههههههه حيوان . . حشى علي . .

سلطان مبتسم : شصار ؟

عذاري : ماشي كل خير . . سولفنا وخذنا عببعض . .

سلطان : زين حلوو . . ما تكافختو يعني . .

عذاري : لا الحمدلله . ..

ماعلق سلطان وتمو يمشون . . جابلتهم بنت كانت تطالع سلطان ومركزه فيه وتبتسم له . . وسلطان ماشي عادي ولا شايفنها . . والبنت تتحيس يمين ويسار . . فولت عذاري بس ما رمست . . ركبو اللفت والبنت لحقتهم وركبت وياهم . . . عذاري ع اليمين وسلطان على يسارها والبنت انخشت اخر اللفت . .

:: اوووووبسسسس سوري . .

سلطان يطالعها : لا عادي . .

عذاري بعصبيه : شو هالحركات المايعه . .

:: شفيج انتي ؟

سلطان يطالع عذاري : بلاج . . البنت طاحت بالغلط . .

عذاري : كيف بالغلط . . يعني وحده ثابته في اللفت شو بيطيحها ؟ وبعدين لو طاحت لين تمسك خصرك اصلا .؟

سلطان : اشششششش . . خلاص

عذاري بعصبيه : ماتصدقني

سلطان : بلاج انا ما قلت ما اصدقج . . " يفتح عينه وبصوت واطي " خلاص فضحتينا . .

تبطل اللفت وتامه عذاري معصبه ما تنطق . .

وطلعت البنت وراحت مكان غير دربهم . .

سلطان : شفتي ؟ لو تبا تغازلني جان لحقتني . .

عذاري تطالعه : يعني انا اتوهم صح ؟

سلطان : ما تتوهمين بس الله يهديج كبرتي السالفه وفشلتينا على ولا شي . . البنت طاحت بالغلط شصار

عذاري : كل حد يطيح بالغلط يحظن صح ؟

سلطان : اسميج انتي بعد . .

ركبو السياره وكل واحد ساكت . .

منصور : خيبه بلاكم . .

سلطان : اسال اختك . .

منصور يطالع عذاري : شسالفه ؟

عذاري بعصبيه : وحده حظنته اونها اونها طاحت بالغلط

منصور : هههههههههههههههههههههههههههههههههههههههههههههههههه ه

عذاري بعصبيه : ما يضحكككككككككك

منصور : قسم بالله تفطسسسسسسسسسسسسسون ضحك ههههههههههههههههههههههه

سلطان حرك السياره وما تكلم . .

رن تلفونه وحطا ايده ف جيبه واستغرب من شي ّ! طلع فونه وطلع ورقه . . شاف الورقه فيها رقم .. عض ع شفاته بندم . . ظل ساكت طول الدرب ما قال شي لين وصلو البيت . .

منصور : والله استانست وياك يا ريال . . خلنا نعيدها باجر . .بس بروحنا بدون عذور . .

سلطان : تمااااااام فديتك . .

عذاري بطلت الباب بتنزل بس سلطان قفل الباب . .

سلطان يطالع من الجامه : صبري انتي !

منصور ابتسم : يالله تصبح ع خير . . . " ينزل من السياره " لا اطولين عذور برع . . وانت اترياها لين تدخل

سلطان : من دون ما تقول . .

سكر الباب منصور . .

بطلت القفل ويايه ترد تبطل الباب بس قفله عنها سلطان . .

سلطان : اتريي برمسج !!

عذاري : شوه قول خلصني . .

سلطان : انا بنزل بي بقعد حذالج اول . . عن الحركات ولا تروحين مكان . .

عذاري : . .

نزل سلطان وبطل الباب قعد ورى . .

شغل الليت عسبت يقدر يشوفها . .

سلطان : انا اسف . . صح كان معاج حق . .البنت كانت نيتها وصخه . .

عذاري تطالعه : شوه الي خلاك تغير رايك . .

سلطان يمد لها ورقه . .

عذاري فجت عينها ع وسعهن . .

سلطان : شفتها ف جيبي . .

عذاري : شفت كييييييييييييف . . تميت تهزبني جدامها وتصغرررررررني

سلطان : حرام عليج انا ماقلتلج شي . . قلتلج سكتي وخلاص

عذاري : خلاص سلطان خلني انزل . .

سلطان ماسك ايدها : والله ما تنزلين وانتي جي والله !

عذاري سكتت . .

سلطان يبوس راسها : انا اسف . . ماعيدها

عذاري : . .

سلطان : يلا عاد . . ما تسوا السالفه . . لا تشمتين العذال فينا . .

عذاري :زين . .

سلطان : شو زين . . ؟ قوليلي ماصار شي حبيبي . . "يبتسم "

عذاري يوم شافته يبتسم مطت شعره وعقت غترته وتمت تكشش شعره : افففففف اف اف اففففف انت ليش حلو ليييييش

سلطان بس مبتسم ما يقولها شي لين خلصت . .

عذاري : خلاص الحين ارتحت . والحين بقولك ما صار شي حبيبي . .

رفع راسه سلطان ومسح ع شعره عشان يعدله . . : ارتحتي يعني جي .

عذاري : هيه وايد ..

سلطان : انزين قربي . .

عذاري : هاه . .

سلطان تقرب منها وباس اذنها وهمس لها : احبج . .

اما عذاري بلعت ريجها وبطلت الباب ونزلت من السياره . .

.

.
.