بــسٌ ياً نفـــوس البـــشر..

[الكاتبه عذوب]

((بس يانفوس البشر))
مليت...طفرت...شوهالحاله...؟ الحين الساعه2فليل...شواسوي؟ اممممممممممممممممممممممممممممممممممم ..ماعندي غير هذا اللاب مجابلتنه......هيه..بكتب روايه...وهذي الروايه عن قصه حقيقه....وهي قصه ربيعتي...
يمكن انتو مستغربين شوي من عنوان الروايه وتبوني ادخل بالروايه...بس بسالكم قبل لا ابدا الروايه..في حقد
بهالزمان؟...طبعا بتقولون في حقد..لكن يوصل لدرجه ان الانسان يتمنى للانسان انه يتعذب ويشوف الموت كل ثانيه وكل يوم وطول عمره؟



..بعرفكم على نفسي..ويمكن من اسمي بتعرفون قصتي..اسمي عذاب..
ومثل مايقولون اسم على مسمى...وعمري...امممممممممممم...20........((كبرتني ياهم..قول..انا عمري الحقيقي كم))؟
انا من الامارات وتحديدا من مدينتي الغاليه راس الخيمه...هذي عايلتي الصغيره..نحنا 8اول شي ببدا بيدتي اللي اناديها بامي(مريم) هذي الانسانه اغلى شي بحياتي.....واختي الكبيره عنود وعمرها 22..وانا ترتيبي الثانيه..واخوي حمد17..واختي مرام14.واختي موزه12...وطبعا مانسى الوالده والوالد ............
..ويوم ببدا الروايه بقولكم عن الباقين......ومن اهنيه ببدأ في الروايه........


(((قلوب البشر عتمه وسواد)))
امممممم انا من كنت صغيره ..وفتحت عيني على الدنيا ربتني يدتي الله يحفظها لي...وهي بيتها ملاصق بيتنا...من اول مانولدت قالت لامي هاي بنتي هاي انا بربيها...وربتني عندها..ودلعتني اخر دلع...وكل شي اباه احصله..وكل شي اتمناه اشوفه جدام عيني...يعني تقدرون تقولون اني دلوعتها...احم احم..المهم....كنت قبل لارقد تقولي قصص..وهذي القصص مانسيتها ومستحيل انساها...وبعدها ارقد في حضنها...ماقصرت فيني...بس مرت الايام ...وكبرت شوي وتدهورت صحتها..واتذكر كان عمري 14...ف ماقدرت تتحمل مني..وامي وابوي يابوها عدنا في البيت.. بعدين بكمل لكم..المهم....
كان عمري ..14...وحالي حال اي وحده ..ادرس..عندي ربيعات..اروح المدرسه...
بتكلم شوي عن نفسي...يقولون اني دلوعه..ومرحه..ودمي خفيف..وشوي عصبيه...وحنونه........طبعا انا كشيخه...وعلى قولتهم ستايل..احب البس..احب اكشخ.....اممممم شعري لين ظهري...لونه الطبيعي اسود...لكني احب اصبغه..ومن فتره لفتره اصبغه...حنطاويه...عيوني كبار...وضعيفونه...وطويله....بس بس مابا امدح عمري...
كنت في الصف الثاني اعدادي....متفوقه في دراستي...عندي ربيعاتي الثلاثه ..احلام..(هذي تغار مني وايد)..ابتسام..(كانت ربيعتي اللي روح بالروح)..اسراء(كانت وياي في البلاوي)
في الصف:
اسراء:ذاكرتي؟لاتقولين لا...بلييييز انا ماذاكرت...
انا:شوكنتي تسوين؟ عيل....اوووووف منكم...كم مره اقولكم ذاكرو...؟
ابتسام:عذوب انتي غششيني وانا بغشش سروي..
انا:انزين فكونا...لكن بشرط....
ابتسام وسروي: امري ادللي...افا..عذوب تقول شي ونحنا نردها....
انا: تعزموني على احسابكم في الفرصه..
ابتسام :لاحووووول....لازم تخسرينا
سروي:تفداج البيزات...كم عذوب عدنا..
ترررررررررررررن ترررررررررررررررررررررررررررررن تررررررررررررررررررررررن...
انا: يلا عدلو الادراج....وفتحو اذونكم...مابيلس اعيد لكم....
سروي وابتسام: لاتحاتين...
احلام يايــــــــــــه تركض...عذوب عذووووووووووب...كان علينا امتحان؟
انا: ياربيه من الاخر احلام.....؟شوتبين؟
احلام:غششيني...خيبه...انتي ملقعه....وكله تيبين درجات عاليـــه...ونحنا ربعج..المفروض تساعدينا...
انا: (وبعصبيه) لا والله...يعني انا اللي يذاكر ويتعب..وانتو تاخذون الدرجات على الساهل...بس بس يت الابله...
سروي..شوفي شكل الابله...هههه..شكلها متضاربه ويا ريلها...بلاها معصبه...
سروي: اكيد ماخذ عليها ثانيه..
ابتسام...بسكم حش...اسكتو..انتو ادعو الله يوفقنا....هذا اخر امتحان لنا في التقويم...
انا: اطالعو شوتقول....اللي يقول بتكتب شي من عندها...تراج بتاخذين مني المعلومات....
الابله: مابا كلام...وحلو بدون صوت...واللي اشوفها صاده على ورقه ربيعتها بشل عنها الورقه...
سروي:عذوب عذوب...تك تك ع الطاوله..
انا: بلاج؟ ماستلمت الورقه...صبري انزين..
الابله: عذوب ...بدون صوت...ابتدا الامتحان.....
انا: استلمت الورقه...وتميت اطالعها.........ياربيه ....شوهالسؤال...؟بلاه راسي يعورني...انا شوفيني توني صاحيه....ياربيه....ابا اتذكر...انا مذاكره عدل...يالله يالله ساعدني يالله...
سروي: وبصوت خفيف...عذوب عذوب...
انا: يالله...شوصار لي....توني صاحيه واضحك..اعوذ بالله من الشيطان الرجيم....
احلام: تك تك ع الطاوله..
ابتسام: بصوت خفيف..سروي...شوفيها عذوب....؟
انا: بشوف السؤال الثاني يمكن اتذكر...اويـــــه شوصار لي ..حتى هالسؤال ماعرفته....ياربيه شو بحل؟...
ابله ابله...؟
الابله: نعم عذوب..
انا:ابله الامتحان في اي وحده..؟
بنات الصف:ههههههههههههههههههههههههههههههههههههههههههههه ههههههههههههههه توه الناس..صباح الخير
الابله: عذوب؟ انتي الشاطره تقولين هالكلام؟ ولا الشله الفاسده خربتج؟...
احلام: ابله شوتقصدين..؟
الابله: كل وحده عينها في ورقتها....
انا: ودموعي على خدي......يالله شو صار لي...
ومرت نص ســـــــــاعه وانا على نفس الحال......
الابله: باقي 5دقايق وبشل الاوراق...
احلام: ابله خلصت...
سروي: ابله انسلم الاوراق..
ابتسام: عذوب حلي اي شي..
الابله اللي بيسلم الورقه..يسلمها..ويطلع..
قمت انا اول وحده...سلمت الورقه ..وطلعت اركض على الحمـــــــــــــــام....لحقتني سروي...
سروي: عذوب عذوب؟شوفيج؟ بسم الله عليج...توج صاحيه...شوفيج....
انا : مادري ماردي والله مذاكره...مادري...
سروي...تعالي نطلع ماعليه...شوفي عذوب انتي شاطره ودرجاتج في المواد الثانيه بتغطي عليهم...خلاص اسكتي...
انا: حضنت سروي...والله مذاكره..
سروي: بسج عاد...انسي...ماعليه توترتي شوي.........
يلا نسير المقصف...لاني وايد يوعانه...
انا: مالي نفس ..سيري انتي..
سروي: عذوب والله بزعل يلا عاد...
ويرتني من ايدي.......ونحنا نمشي ...شفنا احلام...وكالعاده تطالعني بنظراتها..يمكن تقولون نظره استهزاء...او احتقار..ويت صوبي...عذوب؟ يقولون ماحليتي...
انا: هه...احل او ما احل...كيفي...وبعدين هالامتحان مساعده للي يبا يعوض ...وانا في كل امتحاناتي توب...هه وعطيتها ظهري..ومشيت..
سروي: كككككككككفج عذوب...زين سويتي منها..ياخي وايد تغار منج...بلاها هذي..؟
انا: خليها تولي...يمكن فيها حاله نفسيه....
ابتسام من بعيد: ماعليـــــــــــــه ماعليـــــــــــــــــــــــــــــــــــــــه
انا: ابتسام..تعالي ويانا بنسير المقصف...
سروي: اويه عذوب شكلنا نسيناها..
ابتسام: يايه تركض....يلا نسير..
سروي: عذوب...غريبه اليوم مايبتي شرابج المفضل؟ (اورنمين)
انا: اتصدقين نسيت...
ابتسام: عذوب..شوفي البنت اللي جدامنا...ماتلاحظين وايد تطالعج..؟
انا: هيه...اسكتو ماخبرتكم عنها..
سروي وابتسام: شو
انا: الله يسلمكم...امس يوم كنت بسير اودي الملف حق ابله العلوم...شافتني وزقرتني..وعطتني رساله...يقولج معجبه فيني...ههههاي
سروي : هههههههههههههههههههههههههههههههههههههههههههههههههه ههههه وانا اقول شوفيها...
ابتسام: من ورانا عذوب؟
انا: سيرو لاه ماعندي سالفه اسوي حقها سالفه........
وصلنا المقصف....واشترينا...وانتهت الفرصه...
ترررررررررررررررررررررررن ترررررررررررررررررررررررررررررررن
انا: اووووووووووووووف حشا..توه باديه الفرصه...
ابتسام: هيه والله صدقج..
سروي: يلا يلا...علينا رياضه....
انا: شو رايكم نشرد؟ مابتعرف...حرمه كبيره ومخرفه...
سروي: لالا اخاف تودي اسامينا الاداره...
ابتسام: لاا..مافينا...بيخبرون علينا البنات...
انا: يلا عيل.....نسير نبدل.....
ونحنا سايرين الصف...نسمع صوت البنات يغنون ويصارخون...
دخلنا الصف..بلاكم..؟البنات...ابله الرياضه غايبه....
انا: مابغت تغيب...؟حشا
ابتسام: تعالو نتمشى يلا لاه...
سروي: اقولكم..بسير افتح موبايلي بشوف احمدوه طرش لي مسج ولا...
انا: لاحوووول....انتي ماتوبين؟ كفايه زاخينج هذيج المره..
ابتسام: يلا بسرعه...
سروي: يلا بسير...وافديته...احبــــــــــه.....وتركض...
انا: ابتسام؟ قوليلي الحين هيه يوم ترمس احمدوه شو بتستفيد؟؟لايحبها ولاشي...
ابتسام: هيه..قلتلها وبعدين كان حبيب احلاموه...
انا: الله يهديها...يبين عليه لعاب كبير...
ابتسام: كيفها لاه..هي بتندم...
انا: اوووووووووووووووف متى بخلص وبعرس؟
ابتسام: هيه واللله..بسافر لكل مكان...
انا: الحين انتي بتعرسين عشان تسافرين..
ابتسام: هيه ابا اسافر لكل دول العالم..
انا: ههههههههههههههههههههه مادري عاد منو بتاخذين؟ ابن بطوطه
ابتسام: اسكتي اسكتي..عاد اللي يقول بتاخذين توم كروز...
انا: اخ لاه...انا بخذ طوايف تروم كروز...اوف اسكتي دشت احلاموه الصف...
احلام دشت الصف وهيه تتمايل في مشيتها...:عذوب بسالج؟سؤال..وجاوبيني بصراحه
انا: خير بعد؟
احلام: شعرج استشوار ولا بروحه طبيعي..
انا: طبيعي طبعا...وبعدين انا مابقص عليج وبقولج ماستعمل الاستشوار....لازم بنستعمله
ابتسام: وشوفيها يعني؟ انا كل يوم احرق شعري بالاستشوار..
احلام: انزين عذوب...ممكن اجب على راج الماي واجرب؟
انا: لاطبعا...وحق شوهالحركات...ابتسام قومي نشووووف سروي...شكلها رقدت في الحمام..قمت من الكرسي..
احلام وبنبره استهزاء: ههه طبيعي...
انا: وبصوت عالي...ياربيه كيف تغارون...
ابتسام: لو انا منج بوقفها عند حدها
انا: اخر همي احلاموه...
طلعنا من الصف نمشي سايرين الحمام..
ابتسام: عذوب شوفي الاداره...بلاهم متيمعين برع
انا: تعالي شوي نسير صوبهم...اويه اويه....زخو سروي....تعالي نشرد على الصف...اخاف يفتشوني ويشوفون اني يايبه كحل وقلوس...
ابتسام: وانا يايبه موبايلي اليوم..لاني اميه...بتسير العين...ومادري منو بياخذني..فقالت لي شلي الفون وياج..
انا: يلا عيل ...نسير
انا وابتسام..نركض على الصف...دخلت الصف ابطل شنطتي...واشل الكحل والقلوس مال الشفايف...واعقه في الزباله...
وابتسام...تشل الفون..وترتجف
ابتسام: عذوب عذوب شواسوي؟
انا: حطيه فوق المكيف بس لحد يشوفج...
ابتسام: اخاف
انا: هاتي الفون لاه...وركبت ع الكرسي وحطيت الفون فوق...ونزلت...ورجعت الكرسي مكانه...
دخلت الاخصائيه الصف...وبصوت عالي....بنات ..اللي يايب موبايل يطلعه...والا الحين بنرمس اولياء اموركم وبنفصلكم...
الاخصائيه تطالعني...عذوب؟ كم مره قلت لج لاترسمين عيونج بالكحل؟ نحنا في مدرسه مب في عرس..
انا: نزلت راسي..
الاخصائيه...اوقفو طابور بفتشكم...
وقفنا طابور...وحده وحده...وتفتشنا....ومالقو شي عدنا...وطلعت الاخصائيه ..
انا: اوف الحمدالله ماهزبتني اكثر..
ابتسام: بسير اييب فوني..وركبت ع الكرسي ويابته...
انا: مادري شوصار ويا سروي...
ابتسام : هيه والله..
انا: تعالي نسير نشوفها...
ابتسام: يلا..
انا: اخخخخخخخخخخخخخخخخخخخخخخ..ماقدر امشي
ابتسام: شوفيج؟
انا: راسي يعورني..
ابتسام: اقولج روحي البيت..ارقدي...شكلج مب راقده..
انا: هيه والله مارقدت عدل
وسرت انا وابتسام عند الاداره...واتصلت حق ابوي...وروحت..
في السياره..
ابوي: ها عذوب؟ شوفيه راسج؟
انا: مادري عورني فجاه
ابوي: اوديج المستشفى
انا: لالا...الحين بيستوي زين...ابا ارقد شوي...
ابوي: اتغدي وارقدي ارتاحي
انا: ان شالله..
وصلنا البيت...وكالعاده..فريت شنطتي برع....وانادي الشغاله..:راني راني..تعالي شلي شنطتي
دشيت البيت:اوف برد بندو المكيف..
اميه :تعالي سلمي..حبيني على راسي اول...
انا: السلام عليج...اللي يقول ما اشوفج كل يوم...يلا هاي بوسه على راسج...امواحححححح
وركضت على حجره يدتي...اميه مريم...اميه مريم...دشيت الحجره....اميه مريم؟
دارت علي الدنيا....يوم شفت انها مب في فراشها..وين سارت؟؟
انا: اميييييييييييييييييييييييييييييه ..ابوييييييييييييييييييييييييييييييه...وينها؟ وينها؟وين يدوه؟؟وينها؟
اميه:بلاج ؟عذوب...هذي حجره اخوانج...وين بتلقين يدتج بعد فيها....
هذي حجره يدتج....دشي...بسم الله عليج...شوفيج؟
انا: هييييييييييه ..بلاني بسم الله..
دشيت...اميه مريم...حضنتها...وحبيتها على راسها...
انا: اميه مريم..؟ انا ييت من المدرسه....الحين بصلي وبيي اغديج..
اميه مريم: تطالعني..

انا: فدييييييييييييييييييييتج يا روحي...يلا الحين بييج
يمكن تستغربون ليش يدتي..ماترمسني...يدتي حرمه كبيره...وقلتلكم ادهورت صحتها ..ويبناها عدنا...وانا واميه نتحمل منها....ونسبحها وناكلها..ويدتي ماتروم تمشي...بس طايحه على السرير....ومرات ترمس...بس ماتعرف شوتقول...تعرفون يعني حرمه كبيره...

المهم...طلعت من حجرتها.....وشفت اميه في ويهي...
انا: اميييييييه برد..اليوم...بندو المكيفات..
اميه:تطالعني مستغربه...اي برد؟ الله يهديج...؟ونحنا مبندين المكيف مال الصاله...
لايكون فيج حمى ولا شي..
انا: لالا...راسي شوي يعورني....
اميه: يلا صلي واتغدي وارقدي..
انا: لالا بتغدا ويا اميه مريم...
اميه: غديتها..عيل بخليها لين ترجعين انتي؟
انا: انزين بسير اتغدا عندها.....
دشيت حجرتي..بدلت ثيابي...وصليت....
انا: راني حطيلي غدا...وهاتيه عند يدوه.........
دشيت عند يدوه...
انا: اميه مريم....؟ولهت عليج والله...
راني يابت لي الاكل..واكل بسرعه بسرعه...........
انا: اميه مريم انا يوعانه...ماكلت شي في الفرصه..توني بكل...جان تخلص الفرصه...حشا
اميه مريم تطالعني........
انا: يودت ايدهاا....فديتج يا اميه....الله يخليج لي..اخخخخخخخخخخخخخخخخ راسي...اميه انا شوي برتاح وبييج..
وخليت الغدا...ودشيت حجرتي...
حجرتي فيها سريرين....سريري وسرير اختي عنود......... اممممممممممممممممممممم..لون حجرتي لون انا احبه وايد وايد...وهاللون يفتح نفسي على كل شي...اللون الاصفر...وسريري انا واختي حذال بعض...لكن بينا طاوله صغيره..ومسافه....
بردانه انا شوها..........اووووووووف....وقفت صوب المرايه..اسحي شعري...شوي والا اميه ادش علي...
عذوووووب؟ تعبانه؟ يعورج شي؟
انا: لا اميييييييييييييه برقد شوي..
اميه: عيل ارتاحي...ارقدي...وبقومج العصر اتصلين
انا: انزين امييييييييييييييييييييييييه..
طحت ع الفراش...افكرررر في اللي صار اليوم
ليش جيه؟ انا مذاكره...شوها؟ ليش نسيت؟ ياربيــــــــــــــــــــــــــه......
غمضت عيوني..شوي.....غفلت مده ساعه...........نقزت......وقمت فجاه من النوم..............اوووووف.......بلاني؟
ليش نقزت؟ بسم الله توني راقده؟
اخخخخخخخخخخخخخخخ راسي...بتوكل على الله..
رقدت....ومرت الساعات...
طاخ طاخ..ع الباب...
انا: شووووووووووووو؟
اميه: صلاه صلااااااااااااه..
انا: انزين اميه....
فتحت باب حجرتي....امييييييييييييييييييييييييييه وين عنودوه؟
اميه: عنودوه بيت خالتج اليوم بتتغدا...
انا: اميه انزين وين حمد؟
اميه: بلاج تسالين عن واحد واحد..حمد سار يصلي..
انا: لاني بخليه يوديني المكتبه ابا اطبع
اميه: انزين يصير خير..
انا: بقوم اصلي...
سرت اتوضيت وصليت....وطلعت من حجرتي........
اميييييييييييييه..تدرين اني اليوم ماحليت شي في الامتحان:
اميه: ليش؟ ماذاكرتي؟
انا: لالا...ذاكرت
اميه: شو لالا...اانتي تلعبين..وين تذاكرين...؟
انا: اااااميـ
اميه: بس اسكتي...ان شفت درجاتج نازله ياويلج
انا: ان شالله اميه...
اميه:قومي ذاكري يلا..
انا: اميه اليوم الخميييييييس...راحه راحه...
اميه: بقوم اسبح يدتج..
قمت وسرت الحجره...فتحت الليت...وشغلت الاغاني اللي في فوني....ووقفت جدام المرايه ارررررررررررررررقص..واغني....في شي ماتعرفونه...انا احب ارقص وايد...وتقدرون تقولون هوايتي الرقص....هههههه...وطولت على اخر شي..((مهما جرى منك وصار انا تراني بانتظار))
دش حمد اخوي...ايه ايه...شوعرس؟
انا:ججججججب جب..كككككككيفي...
حمد: جبج انتي...وسكر الباب
رن فوني..انا بسرعه بسرعه ارد...الو.......؟منو.........
يرد علي: اهلين ماعرفتيني؟
انا: لاوالله ماعرفتك
يرد علي: احمد ولد جيرانكم...
احمد هذا ......اممممممممممممممممم فارس احلامي...كان بيتهم مجابل بيتنا.....وماشفته الا مرتين في حياتي بس...بتسغربون...انا بقولكم ليش....سالفته طويله بس بختصرها......الله يسلمكم ابو احمد مطلق ام احمد...وابوه عايش في دبي...وخذا ولده وياه...وامه اتزوجت ...ولحسن الحظ...بيتها مجابل بيتنا....
خلوني اكمـــــــــــــــــل...........
انا..هيه..وبندت على ويهه..وارتبكت.....الحين انا في حلم ولا علم؟ احمد اتصل لي....اويه استحي
امممممممممممممممم...كيف ياب رقمي...؟ وشويبا فيني؟..اكيد اخته عطته رقممممممممممممممي.......
اممممممممممم ...اويه لو ابوي عرف...او عنود عرفت...اوييييييييييييييه.......للازم اخلي فوني سايلنت...
امييييييييه:وبصوت عالي............عذوووووووووووووووووووووووووووووووو وب
انا: فتحت الباب...
اوووووووووووووووووووووووووف شو اميه:
اميه: اتصلي حق خالتج..قوليلها الحين هيه زينه؟
انا: اووووووووووووووووووووووووووووووووووووووووووووووووف عاد...ماقدر اتصل..اميه عقب اتصليلها..
دشيت حجرتي...وشليت فوني...وحصلت مسج..من احمد...((عذوب انا والله احبج ومن شفتج ماعرف شو صار لي افهميني))
انا: امممممممممممم شو ارد عليه؟
((لو سمحت..لاتتصل وللاطرش شي ولابخبر ابوي))..واقول في خاطري....ان شالله يتصل..ويطرش..ههههاي
رد علي((بليز عذوب...انا مالعب عليج..وابا اتقدم لج))
انا(اوووووووووووف))
ومرت ساعه..وانا على اعصابي....ماتصل ماطرش شي....امممممممممممممممم لايكون زعل...؟ بس مابا اطرش عن يقول ماصدقت على الله..يعني صح انا احبه...ومن شفته هاك اليوم دش قلبي...بس مابا ابين..
اميه دت الحجره..
انا: فريت الفون...امممممممممممممممممميه خوفتيني..
اميه: وين ثيابج مال المدرسه؟ طلعيهم الشغاله بتغسلهم؟
انا: هيه..انزين انزين...
طلعت اميه من الحجره...وانا ارتجججججججف...اويه لو شافت الفون..اوووووووووووووووووووويه........دشت علي عنود الحجره.. عنود:
اوووووووووووووووووووووووووف فيني رقاد
انا: اهلا وسهلا............وينج انتي
عنود: قلتلج تعالي نتغدا عن خاالوه
انا: شودراني بعد...نسيت...
عنود: صليتي العصر ولا بعد اتاخرين صلاتج؟
انا: والله واللللللله صليت

عنود: يلا اطلعي برع برقد
انا: اوووووووووووووووووووووووووف لاه........وطلعت......
اميه: بلاج تتاففين؟
انا: ماشي بتمشى في الحوي..ملانه
اميه: حر برع..شوتسوين؟
انا: ملانه امييييييييييييييييه.....وكالعاده...دايما العصر اتمشى شوي في الحوي...
قبل لاطلع في الحوي...دشيت الحجره على مرام وموزه..خواتي الصغار.......
انا: اييييييييييييه اييييييييييييييييييييه بسكم يالسين على الكمبيوتر....
مرام:شوتبينا نسوي يعني
موزه: يلا مرام دوري...
انا: سيرو لاه...وطلعت من عندهمممممممم..سرت الحوي اتمشى.........اممممممممممممم اتصل له..بس شواقول؟ياربيه استحي...لالا...مابا ارممممممممممممممممسه..........شوي ورن الفون في ايدي...اويييييه اتصل....بلبس السماعه عشان اسمع صوته عدل...انا: الو...خير؟
احمد: خير في ويهج...بس ابا اقو
انا: احمممممممممممممممممد..لو سمحت خلك بعيد عني...
احمد:خلاص براحتج..مع السلامه...
انا: اووووووووووووووووويه لايكون زعل؟لا ان شالله...الله يغربلني...ليش قلت له جيه...؟
الللللللللللللللللللللله واكبر........الللللللللللللللللللللللله واكبر......ويه اذن بدش داخل عن الشياطين...يقولون مب زين...بدش
اميه: عذووووووووووووووووووووووووووووووووووووووووب يلا داخل...
انا: انزززززززين انززززززززززززززززززززززززززززززززززززين...
دشيت داخل...وسرت عند يدتي...
اميه مريم؟اشحالج؟..تبين تطلعين شوي في الصاله؟
وانادي اميه بصوت عالي:امييييييييييييييييييييييييييييييييييييييييييي ييييييييييييييييييييييييييييييييييييييييييه؟
اميه: بلاج بلاج؟
انا: اميه ابا اودي امي مريم تيلس ويانا في الصاله
اميه:يلا ييبي الكرسي مالها...وساعديني اشلها
انا: انزين وطلعت اركض اييبه..................ويبت الكرسي...وانا واميه شليناه وحطيناها فيه.......
.................ومر الوقت وصار فليل...........وانا اتريا احمد يتصل او يطرش مسسسسسسج....وكل شوي اتاكد اذا الفون سايلنت ....
عنود: عذوب صليتي العشا.....
انا: الحين بسير
عنود: كله اتخرين صلاتج...لين متى بعلمج انا
انا: انزين انزين....كلتيني
سرت الحجره اصلي.........وعقبها...شغلت الاغاني...وتميت ارررررررررررررررررقص...
اميه: عذوووووووووووووووووووووووووووووووب؟
انا: سكررررررررررررررت سكرررررررررررررررررررررررررررررررت
اميه: ان حطيتي الاغااني مره ثانيه بكر الفون عنج
انا: انزين انزين............يلست على السرير افكر.....بيتصل ولا مابيتصل......
عنود دشت الحجره: عذوووووووووووب؟
انا: هاه
عنود: اتخيلي منو شفت اليوم؟
انا: منووووووووووو
عنود: ولد جيرانا...حبيب القلب منو بعد.
انا: ابلع ريقي...اونه
عنود: هيه...صوب الدكان...
انا: انزين قولي ..كان محلو
عنود: عادي...مب وايد..
انا: شاف سيارتنا؟
عنود: هيه تم يطالعها...
انا: فدييييييييته
عنود: اقولج بندي الليت بنرقد
انا: شو توها الحين استوت 12..شوترقدين؟
عنود: اسكتي
انا قمت وبندت الليت...وطحت في الفراش...واشوف الفون...اوف ماياني مسسسسج....بسير ابوس يدوه على راسها...وبرجع يمكن يطرش شي...
طلعت من الحجره وسرت عند يدتي...بستها على راسها نفس كل يوم....ورجعت حجرتي....
وطحت على الفراش وشليت فوني...وشفت مسج...ااوف اخيرا طرش لي...وشفته مطرش((ماقدر اخليج...تصبحين على خير))
انا: بحقره...................وفديييييييييته............
غمضت عيوني............................................. ....وانا راقده...احس شي يضغط علي...على صدري...احس شي يحضني....فتحت عيني...ابا اتحرك...اخخخخخخخ...ماقدر اتحرك...ابا اتكلم بس لساني ثقيييييييل....اشوف عنود تتقلب على فراشها...ابا احرك ايدي...ابا اضرب على السرير يمكن تسمعني...شو هذا اللي ضاغط على صدري....ابا اتحرك...احس بالم فضيـــــــــــــــــــــــــــع...ابا احرك ريلي..ابا احرك ايدي...ياربيه..لايكون بموت...؟ لا مابا اموت لا.. ياربيه....اشوف عنود قامت....... انا اطالعها.....اباها تحركني..اباها ترمسني...اباها اتي صوبي.........انا وايد خايفه.......جسمي ماقدر احركه......مرت ربع ساعه...يمكن او اكثر شوي...وقمت فجاه...وانا خاييييييييييفه...وكل جسمي عرق...حر موووووووووت....وانا قايمه احس الطريج لين ما اوصل لين الباب طوييييييييل.......وطلعت برع الحجره.....شفت عنود يايه في ويهي...بلاج عذوبوه؟
انا: انتي ليش ماقومتيني؟شفتيني ماقدر ارمس؟ليش ماتقوميني؟؟حق شو خليتيني وروحتي عني.
عنود: شكلج حلمانه...
انا: عنودوه انا كنت اشوفج تتجلبين على السرير...وابا اتحرك وارمسج بس ماقدر...واللله واللله والله
عنود: بسم الله عليج...انتي راقده...يوم شفتج انتي مغمضه عيونج..
انا: اقولج شفتج وانتي طالعه...والله صدقيني مب حلمانه شفتج
عنود: سمي بسم الله يلا ندش استوت الساعه 3
انا: رجعت الحجره..وتميت اطالع الساعه....3وربع..وحطيت راسي على المخده ..انا شوصار لي؟ شوهذا؟اويه شي يخوووووووووووووف..يمكن يتهيأ لي..بس كيف يتهيأ وانا شفت عنود وهيه قايمه...؟
بقوم....................وقمت من فراشي...
عنود: بلاجججججججججج بعد؟


كات...
اتريو البارت الثاني...

ماحلل اي حد ينقل روايتي........ __DEFINE_LIKE_SHARE__