لفاح ( تشخيط ) على طريقة البوبنج - مزيزي

[محروم.كوم]

السلاااااام عليكم ورحمة الله وبركاااااته


تكملة لموضوع اللفاح السابق واللي رزقنا الله شعري يضرب على البوبر Popper

وبالمناسبة اللفاح في هالموضوع معناه ان الطراد ثابت وانا بالسناره احذف المجرور اللفاحه او اللعفه الصناعيه واسحبها بالسناره.

والبوبر Popper: نوع من اللعفات الصناعيه طافح ما يغطس.. ولما تسحبه يطشر ماي على سطح البحر يغري السمك للهجوم.


طبعا بعد سالفة الشعري عالبوبر السالفة دخلت مخي... طبعا دشيت النت وطلبت طلبيه خاصة بس بوبرز... ستورم و ربالا

قبل يومين كنا عند الطبعانه صوفيا صوب النيوه.. وقلت للربع شوفوا اكشن البوبر.. المكان مليان ضلع وحمام ودويلميه.. فكانت الطلعه اكشن مع الضلع اللي يكفخون البوبر بطريقه عنيفة وسينمائيه مرات!!!!

المهم وسط المعمعه ضرب الميرور شي مختلف تماما في كل شي... صوت الضربه وقوتها!!! والضلعه كانت اذا ضربت تطلع برا الطبعانه ونعابل فيها..

بس هاللي ضرب اخذ الخيط وطياااااااااره في بطن الطبعانه!!!

انا قلت يالربع هذي مو ضلعه!!!!


بعد هالسالفه بيومين قلت لبو عبدالله خلنا نغزي الطبعانه لعل وعسى تضبط معانا..

طبعا تم تغيير زاوية اللفاح بحيث ما يكون له فجه !!

وجااااان اشوح البوبر... وفي اللفحه الثالثه مغطها شي وطار باتجاه بطن الطبعاااااانه !! المكينه كانت مبطله جان احط ايدي عليها وقفلتها واسحبه.. لين وصل يم الطراد واشوف ذاك المزيون متوهق بميادير البوبر!!!

عشان لا اطول عليكم هذي الصور!!










وتقبلوا تحياتي


مخلد المطيري __DEFINE_LIKE_SHARE__