سالفة:عرس دلة الملوحي..قوافي

[محروم.كوم]

السلام عليكم ورحمة الله وبركاته
حيا الله مشرفينا الكرام
وياهلا بأخواني وأخواتي الاعضاء وزوار خيمتنا الغاليه
اخوي الغالي من ولدته أمي وهو بين أيديني ولا فرق كثير بالعمر بيني وبينه اقل من خمس سنين:s حبيته اكثر من نفسي ماكنت احب اسمعه يصيح ومن اسمعه على طول على سريره واحاكيه لان غير مسموح لي اشيله إلا بعد ان كمل 5 شهور قمت فيه مثل امي ويوم كمل سنتين كان عندي واناما أدري وش اسوي من الفرحه حتى لين لعبت انا وبنات عمي او جيراننا كنت اخليه ولدي ما اعطيه احد ..
صارت لي معه مواقف كثيره منها يوم حطيته بالدله الكبيره اللي بدكان الملوحي ..ومره ضاع مني بالسوق وانهبلت لين لقوه عند راعي الحلاو..ومره صكيت عليه دولاب المطبخ ما شفته كل دمعه نزلت من عينه على اصبعه خذت من عمري سنين زعل ..
ساعدته على قد فهمي بالمتوسط لين مرة المرحله بسلام وكمل تعليمه والحمد لله وموضف بوضيفه ممتازه الان والحمد لله والشكر..
بيوم رن التلفون لينها الغاليه امي قالت نبي نروح نخطب لخوتس؟؟؟؟؟؟
مدري وش صار فرحه وخوف كلهم اجتمعو قلت يمه موب كنكم عجلين قالت لا ابد خله يكبر هو وعياله جميع :l خطبنا له وتمت الخطبه والحمد لله ويوم جا العرس :f
صرت الله والعالم امه موب اخته من بدا العرس لين قضى وانا الدموع انهار خجلت من نفسي ومن أخوي ..دلة الملوحي..عجزت اتقبل الامر !!!
لكن المفاجئه انه بنص الليل حول من غرفته هو وعروسه وقال قررنا نسهر عندتس الليله :r ضحكت كثير وعرفت اني ضيقت صدره وحلفت عليه يرقى غرفته انا بخير
اللي ذكرني بها الموقف عياله الله يحفظهم شقاوتهم كلامهم
وبالنهايه مثل ابوهم وهو صغير ...
تحياتي
اختكم
..قوافي..

__DEFINE_LIKE_SHARE__