قالوا لي اعقل واترك فجوج الاقفار 0000000 ما لك ومال الغربله والمشاوير

[محروم.كوم]

بسم الله الرحمن الرحيم

السلام عليكم ورحمة الله وبركاته


#poem_4f56586d55078 td {font-family: Arial, Helvetica, sans-serif;font-size: x-large;font-weight: bold;} قالوا لي اعقل واترك فجوج الاقفار ما لك ومال الغربله والمشاوير وش تلقا بالكشته سوا البرد واغبار والصيد قل ولا لقوه المداوير والقيظ بالطلحه يجيك الهوا حار فوحة سمومه كالشراره من الكير ما فيه ميزه تسوا لو ربع دينار غير الغثا مثل احتدام الطوابير قلت اسمعوني واتركوا هرج هذار اللي خثع فيكم مثل عثرة العير هقيتوا اللذه بالاكناب والدار وامقابل التكييف عند الغنادير اللذه بصدر الفتا ضمن الاسرار تروق للخاطر على غير تعكير يلقا بها مثل الرحايق بالازهار يفوح وجدانه بريح المعاطير والبر عندي له وناسه وتذكار احس باحجاره مثل ناعم الطير لحافي الفروه وعفشي حدر غار وافراشي بطحا والوساده عثامير مرتاح فيها ما درج حولي ديار ما عندي الا بالطلاح العصافير اسامر نجوم الدجا مشعل النار والذيب يقنب في طوال العناقير والدلة الصفرا بها البن وابهار والشاهي بالمله مواسا بتخدير هذا هو الموجز عن هروج الاخبار واللي بغا الاثبات نعطيه تبرير يسج باسبوته مع البر مشوار يشاهد بنفسه عن شروح تقرير


يوسف الخليفة ( أبو عبد الله )

__DEFINE_LIKE_SHARE__