"●▪ أغاني ترآثية ▪●"

[zoOoOoz]

السلام عليكم ورحمة الله وبركاته ,,
مساكم الله بالخير اخواني \ خواتي :
اليوم يبتلكم بعض الاغاني التراثيه الاماراتيه واللي كانت البنات ترددها وهن صغار أثناء اللعب ,,



يا بنيه موتي غصه ●● اذا انا مريت
انا سلبت فوادج ●● في السكه واتليت
يالغرفة يا الشرجيه ●● بناها بو علي
حق عاشه البدويه ●● بنت محمد علي

عيال عمي سبعة ●● خلوني باتنقى
نقيت بو طاقية ●● بو يوخه ما رضى
زامط عليه بخشمه ●● يا خشم اليوحره
خشمي طويل وغاوي ●● شفته في المنظره
حيا الله اللي يباني ●● يسلم العشره

يا بنية ما دريتي ●● عن خطار لفوج
قالت لفوني غبشة ●● على خيول وبوش
مصلين الجمعه ●● صقر ولد الشيوخ
يالس على الدجيجه ●● يالس ويعد فلوس
يا الطاسه يا المخبوقه ●● ما ضمتها الفلوس


يا فاطمة بنت راشد ●● يا شيخة البنات
انتي قصيره وبيضا ●● والخشم مكعبات
يا قصة يانثرية ●● تنثر على الحياة

يا عليا قومي ركبي ●● بيقودبج علوه
المطرح والزوالي ●● جدامج ربعوه
نهار ما صبحتي ●● المدفع ثوروه
الحلوى في القواطي ●● والنخي نثروه

ولد عمي ما بغاني ●● تنقى علي واختار
تنقى ام السلاسل ●● ام الشغاب الطوال
حلفت انا لزامط ●● بالند وبالبياض

●● تحياتي ●●

__DEFINE_LIKE_SHARE__