الفضايل

[خاطر]

أموت به وأحيا اذا ذعذع النود
بنات فكري كل ابوهن اصايل
""""""""""""""""""""""""""""""
اذا دعيته هاجسي ينثر الجود
نثر الهمايل في هجير القوايل

يلين تحيا تربة النبت وتعود "
ولين تشرب كل (مدني) و(حايل)

أحب أهوجس بالشعر وين ما رود
واحب أغطّي هامته بالجمايل

واحب أصونه عن درب كل منقود
واحب اوظّف فكرته للطوايل

واشوف فيه الخل وعيونه السود !
حبيبي اللي اعشقه وآتحايل

بنيت له مرباع في شامخ الطود
شرات شيخ في ذراه القبايل

انا اشهد اني فيه ميّت ومحسود
وانا اشهد انه فيّ سوّى عمايل !!!

سلام يكفخ كفخ حر ومهدود
يبوس موطا من يشل الفضايل

المترف اللي بيني وبينه عهود
ماهزّها صرف الزمن والعضايل

أناظر الجوال وعيوني سهود
أسج وشماغي من الهم مايل

دخلت في النغمات أغيّر الكود
عشان (اميّز) رنته في الرسايل

خاطر

__DEFINE_LIKE_SHARE__