منتدى استراحات زايد

منتدى استراحات زايد (http://vb.ma7room.com/index.php)

- شعر و خواطر (http://vb.ma7room.com/forumdisplay.php?f=22)

- - الفضايل (http://vb.ma7room.com/showthread.php?t=588576)

أموت به وأحيا اذا ذعذع النود
بنات فكري كل ابوهن اصايل
""""""""""""""""""""""""""""""
اذا دعيته هاجسي ينثر الجود
نثر الهمايل في هجير القوايل

يلين تحيا تربة النبت وتعود "
ولين تشرب كل (مدني) و(حايل)

أحب أهوجس بالشعر وين ما رود
واحب أغطّي هامته بالجمايل

واحب أصونه عن درب كل منقود
واحب اوظّف فكرته للطوايل

واشوف فيه الخل وعيونه السود !
حبيبي اللي اعشقه وآتحايل

بنيت له مرباع في شامخ الطود
شرات شيخ في ذراه القبايل

انا اشهد اني فيه ميّت ومحسود
وانا اشهد انه فيّ سوّى عمايل !!!

سلام يكفخ كفخ حر ومهدود
يبوس موطا من يشل الفضايل

المترف اللي بيني وبينه عهود
ماهزّها صرف الزمن والعضايل

أناظر الجوال وعيوني سهود
أسج وشماغي من الهم مايل

دخلت في النغمات أغيّر الكود
عشان (اميّز) رنته في الرسايل

خاطر

،

أينَ كان مني هذا الودقْ الممسوقُ بالجمال ؟
خاطر ْ}
حرفٌ يضجّ بالجمالْ . .

سأقْرائكَ / دهْر حرفِ وأعودْ لعَل الأبجديّة تلدْ حرفاً جديداً يُسايِرُك
لنَ تذهبَ اللغةَ مهمُا عشنَا ياً شقيُقَيًَ
لرِوحكْ / زَخّات مطرٌ دائِمْ ..
/
كم كنت مبدع بمعنى الكلمه
فـ حاول اغراقي مره آخرى
وساكون سعيده !

لك تقيمي /

السلام عليكم ورحمة الله

الاخ خاطر .. لله درك .. ولا فض فوك

أبدعت صراحة .. وما عليك زود

افتقدت مثل هالقصايد فالمنتدى .. وافتقدت تواجد شعراء مثلك فالاستراحه الشعريه

صح لسانك واعتلا شانك ..

ربي يعطيك العافيه .. وفي انتظار جديدك ان شاء الله

النورس

فتنة الكون ،، النورس

شكراً على المرور ويعطيكم العافية

مبدع يا أخويه [خـــآطر.. ما شاء الله تبارك الله ..
كلمــآت أبيــآتك نقيّة رائعة !..
ذوّاق مــآ شــآء الله عليك ..’
سلم رآإسك ويمينك عـ هيك حروف
آبدـآإع .. دوم ذوق بـآإنتقـآإئك لحروفك ..
ولآ هنت ..’

...