دبور وزن على خراب عشه

[محروم.كوم]

هذي قصه عايشها الوالد
يقول ان له صاحب تزوح له مدرسه ايام الكفأه تخبرون
وعرفت بجمالها وحسن منشأها لكن هو كان يملك من الخلق البذيء مايملك
ودوم يشكي منها وماهي بعاجبته وعينه كبر عين البقره في محارم الناس
وجابتله من العيال والبنات ماشاء الله وهو زي ماهو مايعجبه شي
ومتخيل بنات الناس طايحين عنده من زين خشته
والوالد يقول والله مارجله غيرها وصابرتن عليه وعلى اخلاقه الشينه واللسان الي مايسفط والوالد الله يرحمه ينصحه يقول ياخوي والله حرمتك مافيها شي لاتخرب بيتك المهم طفشت منه الحرمه وعيت ماتعود له وحاول فيها وهي معيه ماتبيه وتقول خلاص (كثر الأسى ولد الجفا) مابيه لاهو ولاعييله ابي ارتاح

المهم طال به الزمن وطلقها تشتت الاولاد وتزوج وطاح بهالديون وتخبرن اذا كبر الرجال مايكون بصحته مال اول وانتم تعرفون ويش اقصد
وطفشت منه الثانيه والوالد يزوره وهو يبكي ويتذكر زوجته الاولى وكيف صبرت عليه ويتذكر اولاده وجمعتهم .
وزوجته الاولى تزوجت برجال ينصابه له صيته وسمعته بين الرجاجيل
وهو خسر كل شي.
وهذي مني دبور وزن على خراب عشه

__DEFINE_LIKE_SHARE__