هدية ما من وراها جزية.. جيز كيك معتبر حق منو؟؟!! >>> من سوان

[,,SwaN}~]

مرحبا حلوين

,

,

يقولكم مره بينما ان اقرقرو باندماجن ويا فلوجه

وجان مدري ليش طرينا الجيز كيك.. وكان يوم اسود يوم طريناه هههههههه

وجان اتحن عليه فلوجه اني انزل الطريقه

مع العلم ني كنت منزلتنها قبل ايام الغوص قبلا يتهكر المنتدى

يوم طلبها منيه مدمر في المحكمه

عاد ما بغيت انزلها لانه شفت نفس طريقتي منزلينها في استراحة المطبخ

بس عاد الحنه وما تسوي

ههههههههههههههههههه

يلا يالربع اشهدوا

هذي هدية ما من وراها جزية

من حنانو لفلوجة


دخيل الله اشهدوا هههههههه

,

,

نبدا باسم الله

,

,

اول شي.. هيدول المقادير

طبقة البسكوت: باكيت بسكوت اولكر + زيده

طبقة الخلط بلط: 8 مكعبات كيري + ظرف دريم ويب + قوطي قشطه + جيلي اناناس + كوب مه

طبقة الجيلي: جيلي فراوله + كوب مه

للتزيين: حلقات اناناس + حبات فراولة



,

,

طبعا بتري الاظافر قبلا تسوين هالطبقه ولا اذا مسويه فرنش شراتي عليج بالقفازات خخ



,

,

اطحني البسكوت ناعم طبعا مش يدويا لازم تكون ناعمه



,

,

وهذا البسكوت وهو ملعون خيره ههههههههه طاحنينه طحان خخ



,

,
خلاف اتقطعين الزبده لقطع صغيره .. طبعا المفروض اتطلعين الزبده تلين شوي قبلا اتقطعينها هب اتحطينها يامده..




خلاف افركي البسكوت بالزبده باناملج الساحره و اتاكدي انه توزع زينن ما زين

بالنسبه لمقدار الزبده .. ما عندي مقدار معين.. حطي كميه بحيث انه ما تكون الخلطه خفيفه مب تدحقينها زبده

عقب تسوي يامده غير انج بتحطينها في الثلاجه وتيمد زود وتعالي عقب يا شاطره يوم بتقطعين الجيز كيك

بتتفشلين جدام الخلق لانه بيكون عباره عن صخر خخخخخخخخخخخخ




,

,

وهذا البسكوت بالزبده جاهز .. روحه طعمه خبال بليا شي خخ دوم عقب ما اخلص اتم الحس ايديه ههههه

وريحته اتفر الراس يمي يمي



,

,

عقب ما تلحسين ايديج هههه قصدي عقب ما تخلصين يعني حطي طبقة البسكوت في صحن بايركس

او القالب اللي تتبطل اطرافه ورصي البسكوت عدل بايديج واتاكدي انه مضغوط بشكل مستوي ومرتب..



,

,

احينه عقب ما خلصنا طبقة البسكوت

نبدا في طبقة الخلط بلط .. اول شي ذوبي جيلي الاناناس في قلاص مه



,

,

خلاف حطي كل مكونات طبقة الخلط بلط ويا بعض حمود على عبود في الجراخه

الدريم ويب والكيري والقشطه وقلاص جيلي الاناناس



,

, __DEFINE_LIKE_SHARE__