مكبووووووووس السمك على طريقة عجاج السناف (ممنوع التصوير)

[محروم.كوم]

قواكم الله يالربع
مشاركه بسيطه من عجاج السناف بعد ما صار كيلو الحاشي ب45 ريال
لا ونصه شحم والباقي عضم
يعني الدعوه صفت على 200 جرام
الاسماك وما ادراك ماالاسماك
مشاركتي اليوم
فليه هامور
بسم الله نبدا

هذي الخضار المطلوبه وممكن الاستغناء عنه ببصل والطماط

هذا فاليه الهامور من الى يحبه قلبك

قطع (هالدباعين) قصدي المقادير

نقلي الهامور نعطيه شوي تحميره لو ما استوا ما فيه مشكله
للملعويمه الفلفل حاط رجل على رجل ما عنده شغل جالس تفرج

نكشن او نطبخ الخضار مع بعض
مع التبهير بالملح والبهارات حسب المزاج
ممكن تحط بهرا البرياني
او البهرات العاديه

يالله من فضك هذا الرز نعطيه وجه فايح مره
ابو 10 دقايق حتى تاخذ الحبه راحته والتفلفل وتتمغط

نحط السمك على الخضار زي الى بالصوره
نخليه يغطيه
الفاليه لا يلمس قاعة القدرعلشان ما يمسك بالقاع ويحكك

الموت يالرز اذا صار يتفلفل
نغطي فيه الفاليه

تذكورن الفلفل صاحبنا
ما زال حاط رجل على رجل
لا تنسورن رشت الزعفران على الرز


الفلفل ما يزال مسوي فيها انه ما همه شي
وحاط رجل على رجل بس هذي المره متربع فوق اجمل مبكبوس سمك



وبالعافيه عليكم هذي من السهل الممتنع وما تحتاج اي غرابيل
الموضوع كله ما اخذ 45 دقيقه

والسلام عليكم ورحمة الله وبركاته


أخوكم (( عجاج السناف ))

__DEFINE_LIKE_SHARE__