يا راكب اللي كنه الحوت بالموج 0000000 لقا له بعرض المحيطات منهاج

[محروم.كوم]

يا باغي اللي كنه الحوت بالموج=لقا له بعرض المحيطات منهاج
هذاك سرسوح الصحاري مع الفوج=الباث فندر لاستوا بكل مدواج
دليلة اسراره كتاب الكتالوج=والا وصوفه بالملا كنه ابراج
صدام امامي كنه حجاج عمهوج=والخلفي بنور الضحى كنه العاج
ستة بساتم تسوا ستين بالدودج=واتعادل الكونكرد لاحاص ثم راج
اليا استوا بالقار له درب منسوج=ما عاقه المجروف واصخور رتّاج
على الغرينه لاوطا صارت بعوج=والا النفود تقول باخفوف ميراج
عنيد ما تافي وصوفه منالوج=غير اجزل المسحوب وافلاش واخراج
لا تنكرون الحق فالحق ملهوج=يشهد عليه اللي على الحق لهّاج
ما همه معارض ولا شور هلبوج=يقفي عن التوبيخ واقوال الاسماج
ما قيل يطفا بالخلا داخل ثلوج=حتى حميس القيظ لاصار وهّاج
اليا وطا الاطعاس يحدث بها فلوج=يشمر عليها ما ثنا عزمه سياج
كل المواتر نسوتن له وهو زوج=هذي حقيقه ما بها ظن واحراج
فاق الزعامه واعتلا كل منتوج=نمر الفيافي بالجراهيد لجّاج
علامته بالشبك بافرنجي مدروج=عليه نيسان العريقه كما التاج

يوسف الخليفة ( أبو عبد الله )

__DEFINE_LIKE_SHARE__