عديت احامر ما على البال زاهوق 0000000 واشوف ضوحن لاح فوق المقوقي

[محروم.كوم]

عديت احامر ما على البال زاهوق=واشوف ضوحن لاح فوق المقوقي
حولي زما صمعور واعلاه سمحوق=وابصرت انا شوفان راس الشهوقي
لقيت غيمن بالفضا يرسل بروق=يا ليت هملوله بالاكوان فوقي
لعلي انزل والتهيبه عن الضوق=والا لقيت بسايله فوح شوقي
عساه يسقي بالطواريف ثعلوق=والما على الوادي غزيره دفوقي

ولون الزبيدي ساطعن تقل غرنوق=حتى الكما نلقاه في كل سوقي
نويت انا لفرقين والممشا بارفوق=وارقودي في عاج الحمر لي يلوقي
قلبي غدا شاهر كما راس مشنوق=دارت على الثومه شدايد علوقي
قضيت ليلي في شلافيح واطروق=تطري على بالي سواة الفلوقي
ما كني الا حارس حماه مسروق=والا كما خرينق بغاه السلوقي
تليت وردي وارتخى الدمع بالموق=نهيت عيني عن سرايب دلوقي
يا عين لا تبكين راعيك مخلوق=ما يملك الا الخام فيه الشقوقي
ما غير ساق وشوف والسان واعروق=سبحانه اللي سايحن له خفوقي
وادنيت انا من داخل الجيب صندوق=بغيت كيف الراس يشهاه ذوقي
بن الهراري باصفر النجر مدقوق=معي ضميدن من خراف العذوقي
وامضيت نوهاتي على كل شخقوق=بين النفايد والرضم والسحوقي
هذي حلاة الوقت ذوقات والعوق=والا البقى يوم الصحايف شعوقي

يوسف الخليفة ( أبو عبد الله )

__DEFINE_LIKE_SHARE__