|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاتة .
__DEFINE_LIKE_SHARE__
اولا احب اشكر جميع اعضاء مكشات لاني كل مابحثت عن عطل في السيارة لقيت مكشات اول موقع القى فية الحلول وهذا الشيء خلاني اسجل في المنتدى . عشان اذا بلشت شاورتكم وان استفدت افدتكم مالكم بالطويلة يوم من الايام كنت واقف والموتر شغال وكنت عند مطعم واسمع صوت ( تك تك تك تك تك ) توقعت انه من المطعم من ثلاجاتهم ولا المواتر الي قدامي لاني كنت في طلبات السيارات يوم عشقت D والصوت كنة تغير ! شكيت انه موتري وافتح الدريشة وافضي القير وادوس شوي واثر الصوت يزيد للاسف ! طلع موتري ويضيق صدري لان لي مواقف سيئة جدا مع الصناعية من ناحية النصب والاحتيال بحثت عن المشكلة لقيت الكثير واجهو هالمشكلة وكل واحد يعطيك حلة الي يقول غيرت جلدة الطرمبة والي يقول غيرت الطرمبة المهم ارخص حل يكلفك 900 ريال اذا مالعب في موترك الميكانكي بعد لاكن استغربت من شي يوم دعست وصل RPM الين 4 ( هذا حدة ) راح الصوت يومين ورجع ثانية وادوس وراح واشد رحالي الى الصناعية حيث العيش للاقوى مريت على باكستاني قال بس ! هذا لاز توضيب مافيها كلام ! يامودير كيف توضيب مرة وحدة ! قال كثيير جمس يجي كذا انا صلح مافي خوف قال سيارة حق كفيل سوي كذا بعدين انا توضيب . قلت فمان الله ومريت ورش كثيرة . اغلبهم قالو بنفك المكينة . قلت ابطت عظم يازين هالصوت دام فيها فك ! مريت على هندي باين انه ولد حلال ومطوع وشغلة مرتب الي اعجبني فية اني عطيتة مشكلتي وسمعتة صوتية كنت مسجلها للصوت قال هذي من صبابات الزيت او مدري والله وش قال بس ماقعد يهذري مثل الباقين ويقول لازم فك مكينة وشنبر ومدري وش والبلوف متكسرة قال لاتخاف مشكلتك بسيطة اول شي غير زيت مع سيفون ! يوم قالها تذكرت اني ماشي على السيارة 200 الف وانا احط زيت 10-30 واخر مرة غيرت بترومين اي ون الذهبي 5-30 قلت برجعة لزيتة الاول لعلة يزين . قلت طيب ولو مازان ؟ قال غير طرمبة قلت لو مازان ؟ قال فك مكينة شغلت ومشيت . من بكرى طقيت زيت وسيفون وزانت الامور ولله الحمد :good2: الصوت راح صار كل مامشيت 4000-5000 يجي واذا جا ادوس بنزين عشان يروح واغير الزيت ويختفي الين 4000 الجاية اذا غيرت الزيت وماراح الصوت جرب الحلول الثانية . لاكن خل اخر حلولك فك المكينة . لانها ماراح ترجع زي قبل المستفاد من هالموضوع مهما كانت مشكلتك ابدأ بارخص الحلول . واستشر اهل الخبرة وابحث في الانترنت لاينلعب عليك في الصغيرة والكبيرة . ولاتخلي موترك عند ورشة وانت ماتدري وش يزين وكل مشكلة باذن الله تمر علي واحلها بطرحها . وارجو منكم الدعاء . |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
حل طقطقة صبابات يوكن تاهو جمس سوبربان شفرليت | محروم.كوم | منتدى أخبار المواقع والمنتديات العربية والأجنبية | 0 | 11-14-2014 01:10 AM |
صوت طقطقة في مكينة الكابرس | محروم.كوم | منتدى أخبار المواقع والمنتديات العربية والأجنبية | 0 | 09-12-2014 05:10 PM |
احد الحلول لمشكلة موت الجهاز.. والحل الاخر نتناقش به.. | محروم.كوم | منتدى أخبار المواقع والمنتديات العربية والأجنبية | 0 | 08-28-2013 01:30 AM |
صوت طقطقة في مكينة افلانش 2007 | محروم.كوم | منتدى أخبار المواقع والمنتديات العربية والأجنبية | 0 | 08-15-2012 12:50 PM |
طقطقة في مكينة gxr 2002 | محروم.كوم | منتدى أخبار المواقع والمنتديات العربية والأجنبية | 0 | 11-12-2011 11:40 AM |