هبت جنوب وعالي الخوص يومي 0000000 واوما جريد الغيد فوقه حمامه

[محروم.كوم]

هبت جنوب وعالي الخوص يومي=واوما جريد الغيد فوقه حمامه
لفايح الرمضا عجاج وسمومي=من صبحها والقيظ بادي عسامه
نويت اسافر واختفي عن همومي=واشار فكري قعدتي والسلامه
وسريت نجاعن بدربن عمومي=ومشيت من بين السهل والعدامه
نويت انا رمان وجضع الرجومي=اليا صحاصيح النجج والمحامه
مير انها صيفن يلوح الجهومي=يفوح فيه القاع والنفس ضامه
قامت تلوا بالذواري هدومي=قلت اتذرا بين جرف وهدامه
ما فادني زود الذرا بالحزومي=لوعات بر الصيف دارت سهامه
راجعت حالي والخواطر تلومي=ما طعتها مير استخرت لتمامه
وقررت اسير لمنعشات النسومي=اللي بهن حمر اللواليح شامه
من فوقها طير الجوارح يحومي=يرعى بها الشنير كثر التهامه
ذاك الجنوب اللي غشته الغيومي=من الهدا لينه عوالي تهامه
اباصفه بالقاف وهذي سلومي=وكلن على ما قيل يذكر محامه
ضلعان واشجارن سواة الوشومي=واعيون وامزونن ثقيلن غمامه
وضبابها لمسيت غطى النجومي=وذعيذعن باول ضحاها وظلامه
وبران واطيورن غطاها الشحومي=يمكن يجي يومن ونلقى نعامه
ارض الجنوب ارضن عساها تدومي=وعسى مقام الطيب يبقى وسامه
من بين اهلها يالغريب محشومي=من زارها ما حاش فيها الندامه
انزل خلاها والعشا ديك رومي=يسوا فرنسا والكفر والرخامه
من لا رضى بالقول سب القرومي=والسير في كره الموحد جلامه
والنفس عودها جفا كل زومي=ترا الكبر ما فيه عز وفخامه
دنيا تقافت بالسهر والحلومي=احدن هفا واحدن بعالي سنامه
ما تستوي للحي دون الخرومي=لا بد تترك في بشرها علامه

( يوسف الخليفة )

__DEFINE_LIKE_SHARE__