قصة خيالية : ياحبيبي بنبقى مع بعض للابد

[نجوم السما]

[السلام عليكم والرحمه
انشاءلله تعجبكم الروايه راح اكتب احداث يديده ومشوقه ومسليه وانشاءلله تنال اعجابكم وشكرا ..



البارت (1)

كانت يالسه ف الحديقه وسط الاشجار والورود كان الجو شي خيال كان ف ايدها دفتر حكايتها ودفتر قصتها الي بتنحكي اليوم كانت تكتب كل شي يمر ف حياتها لين ه اليوم كانت ف عالمها الخاص والخيالي ..
نشت من عالمها ع صوت الخدامه وهي تناديها وتقولها ان الريوق جهز وان الاهل متيمعين ع الطاوله ..

مهره : من عائله كبيره وغنيه وشعرها طويل وكستنائي وعيونها الجميله الي تذوب الي ينظر فيها ب نظره وحده بس عمرها 17 سنه وهيه اصغر بنت من بين اخوانها تحب الموضه وشخصيتها جدا جميله وقويه مايهزها ريح ...

حمد: اخو روضه وهو اكبر عن روضه ب سنتين عمره 19 سنه ملامحه ذبوحيه عيونه عسلايات وجميل ..


حمدان : اكبر اخ من بين روضه وريم وحمد عمره 23 سنه هو يساعد ابوه ف الشغل وملامحه جنونيه شعره الناعم المتطاير وعيونه السوده الوسيعه الذبوحيه ..


ريم : عمرها : 18 اصغر عن حمد ب سنه ريم تحب الهدوء وملامحها جميله هيه اقرب وحده ل مهره مب جنهم اخوان كل اسرارهم عند بعض ويساعدون بعض ف وقت المصايب يحبون بعض لدرجه ماتتوقعونها ...


مهره : صباح الخير يا احلى عائله . باست ابوها وامها فوق راسهم

حمد و ريم وحمدان : صباح النور

مهره : ممم شو بنسوي ف الويك اند


ابو حمدان : بنسير الشاليه كلنا جماعه مع عمومج وعيالهم

مهره : اونه متى


ابو حمدان : الاسبوع الياي



عائله بو محمد


محمد: اكبر واحد من بين اخوانه عمرع 20 وهو سند لابوه جميل وعيونه وساع وشعره الي ياي ع اللون البني


مريم : عمرها 18 كبر ريم ملامحها ذبوحيه وخياليه جميله وشعرها ناعم لاكن ماتفوق جمال مهره ...


راشد: عمره 14 هو اصغر واحد من بين اخوانه جميل وستايل

كانت الععائله يالسه ف طاوله الطعام لتناول الفطور ..

محمد : السلام عليكم


الجميع : وعليكم السلام

راشد : كان مشغول ف تلفونه ...تعرفون اولاد ه الايام ههه


مريم : امي انا اليوم بروح عند البنات بنتيمع وبنروح الشوبينق

ام محمد: روحي حبيبتي واستانسي لا تخلين شي ف خطرج وانتبهي ع عمرج

مريم : انشاءلله ي الغاليه الله لايحرمني منج يا نبع الحنان ...


عائله بو هزاع ..

فاطمه : كبر ريم ومريم عمرها 18 سنه جميله وجمالها جنوني تحب السخافه وقلبها صافي

اليازيه: اصغر وحده بين خواتها عمرها 14 سنه جميله وطموحه وتحب دراستها ..

هزاع : اكبر واحد من بين اخوانه عمره 20 سنه يساعد ابوه ف شغله ملامحه جميله شعرع لين جتفه وعيونه الخضر الي تذببح عيونه الذبوحيه والخياليه تخلي اي حد يقع ف حبه ..

تيمعوا البنات ف بييت مهره

مهره: هلا والله ب الحبايب الي نوروا بيتنا

البنات: النور نورج

فاطمه : هيه اكيد ب وجودي منوره

مهره : الله الله ع الثقه

البنات : ضحكوا

ريم : يلا بلا كلام زايد بنلبس وبنطلع ك

البنات : ك يلا

مهره : تعالوا جناحي بتلبس وجي وبخخبر الدريوليه تجهز السياره

البنات : ك يلا سلينا

مهره : جطت كحل ف عينها الي يزيد من جمالها وبلشر وردي فاتح وحطت قلز ولبست ساعتها الماركه ولبست عباتها ونعالها الي من شنيل وشلت شنطتها الي من شانيل ولبست شوي من الاكسسوارات وحطت عطر كوكو شانيل ..

مهره : بنات انا خلصت يلا خلونا نسير

البنات: ك يلا سلينا

ركبوا البنات السياره عشان يسيرون المول .. ف المول كانوا كلهم يتمشون ويا بعض دخلوا محل ملابس عشان يشترون لهم كانت مهره تمشي وتدور لها شي جميل تلبسه وهيه تمشي حصلت لبس جميل كان راقي وجميل ع جسمها الي يشبه جسم العارضات وهيه يالسه تججوف اذا يناسبها ولا لا مر شاب وقال لها جميل عليج انصحج تشترينه مهره عطته نظره انها مب مهتمه مهره ماترمس حد غريب كانت تسكتهم ب نظرتها وعيونها الخضره الفاتحه وكل من يجوفها يذوب فيها وسار عنها احمد

احمد : معجب ب مهره من زمن وكان يراقبها ب صمت وكان كل مايجوفها تزيد المحبه ف قلبه لها

مهره : كان معجبه ب احمد بعد بس ماتبين ه الشي كانت تذب ب صوته الخيالي وعيونه السود الوساع


احمد : من عائله غنيه ايضا وهو عمره 17 سنه قد مهره ع فكره احمد يدرس مع روضه ف الجامعه. بعيدين بنرمس عن احمد


مهره سارت صوب البنات عشان ترويهم القميص

البنات : واو واوو واوا مهروه صج ع فككككره طر عليج والله

ريم : هيه مهروه صدق طر والبسيه ع تنورتج الفوشيه بتطلعين خيال

مهره : اعرف انا من يومي خيال :$

البنات : الثقه احلى شي فيج مهرو

مهره : ضحكت

راحوا البنات عشان يححاسبون

حاسبوا البنات وطلعوا من المحل قالوا يبون يتعشون


ساروا مطعم راقي

اختاروا الطاوله ويلسوا يجوفون المينيوم

زقروا الناذله عشان تستلم الطلبيه

استلمت الناذله الطلبيه

ف بيت بو فيصل

بو فيصل : يشتغل مع بو حمدان وكانت شكرته مرطبطه ب شركتهم شركه العائله

فيصل : عمره 19 وسيم وذبوحي جميل واخلاقه جميله

موزه : اصغر وحده من بين اخوانها وعمرها 15 سنه جميله وشعرها ناعم وطويل


ف بيت بو حمدان ...

كانوا العائله يالسين ع طاوله الطعام لتناول العشاء

مهره : ابوي بغيت ارمسك ف موضوع

بو حمدان : امري تدللي ححبيبتي قولي اسمعج

حمد: الله الله ع المحبه وانا بعد ابي ارمسك ب موضوع

بو حمدان : اسكت انت خل اختك ترمس

ضحكوا ع حمد

مهره : ابوي ابغي اكمل دراستي برع ف الخارج

بو حمدان : يا بنتي انا اخاف عليج وع مصلحتج صدقيني اخاف عليج من الغربه

مهره : ابوي الله يخليك صدقني بنتبه لنفسي ولو تبا تتطمن علي اكثر حط لي بدقارد بسكن ف شقتنا الي ف ايطاليا اول ماخلص دراستي برجع اللبلاد انشاءلله

بوحمدان : انشاءلله يابنتي بفكر ف ه الموضوع وبرد لج خبر

مهره : ك ابوي الله يخليك رد علي بسرعه عشان مايفوتني واسير اكمل الكورس برع

بو حمدان : انشاءلله

قاموا العائله كل واحد راح جناحه

ريم ومهره كانوا ويا بعض ف جناح مهره

ريم : مهروه من صدقج بتسيرين عني

مهره : شو اسوي ي اختي ابا اكمل دراستي برع واخذ شهادات

ريم : اذا ابوي وافق وخلاج تسيرين لا تنسيني كل يوم تواصلي وياي الله يخليج

مهره : انسى روحي ومانساج برمسج يوميا بس انشاءلله ابوي يوافق

ريم : لا تحاتين ابوي بيوافق صدقيني

مهره : الله يسمع منج

ف بيت بو عبدالله
بو عبدلله اربيع بو حمدان ف الشغل وشكرتهم مرطبطه ب شكرته ووايد يحبون بعض

عبدالله : اكبر واحد من بين اخوانه

احمد : كبر مهره عمره 17

شيخه : كبر ريم عمرها 18

ع طاوله الطعام العائله كانوا متيمعين

احمد: ابوي ابا ارمسك ب موضوع

بو عبدالله : قول اسمعك

احمد: ابوي ابا اكمل دراستي برع ابا احصل خبرات الله يخليك ابوي عشان مصلحتي ويوم برد انشاءلله بشتغل وياك ف الشركه ..

بو عبدالله : لاكن يا احمد انا اخاف عليك من الغربه

احمد : لا تخاف يا ابوي لو تبا حط لي بودقاردات ولا اي شي وبسكن ف الشقه الي ف ايطاليا

بو عبدالله : اوكي انا موافق بس ب شرط

احمد من الفرحه : امر قول يا ابوي شو هو اشرط

بو عبدلله : تنتبه ع عمرك وواول ماتخلص دراسه ترد البلاد

احمد: بس ه الطلب يا ابوي انت تامر امر

احمد باس ابوه فوق راسه وراح جناحه

ام عبدلله : جهز ه كل شي يا بو عبدلله لا تخليه يحتاج شي وحط له باديقاردات عشان يحومه

بو عبدلله : انشاءلله يا ام عبدلله

صباح مشرق ب شخصياتنا الجميله


ك العاده كانت يالسه ف الحديقه بين الاشجار والورود والجو كان بارد شوي كانت ف عالمها كانت رسم وتخخطط لحياتها ف الخارج اذا ابوها وافق ....

قطعت افكارها الخدامه وهيه تناديها وتقولها انه ابوها يناديها

راحت مهههره لابوها : صباح الخير يا احلى ابو ف الدنيا وباسته فوق راسه

بو حمدان : صباح النور يااحلى بنت.... يا بنتي انا فكرت وقررت

مهره ب حماس : ابوي الله يخليك قول لي انك وافقت

بو حمدان : وانا معقوله ارفض طلب دلوعتي وبنتي الحلوه

مهره : فددددددديتك يا احلى ابو ف العالم الله لايحرمني منك والله يحفظك لي

بو حمدان : امين يارب العالمين ... يلا خلينا نسير نتريق يتريونها

مههره : يلا سلينا

ف بيت بو محمد

كان بو محمد يرمس اخوه بو حمدان عشان يظبط للبنته سفره ايطاليا دراسه

بو محمد : امر يا خوي شو تبا

بو حمدان : طلتك يا اخوي بغيتك ترتب ل بنتي وتحجز لها تذكره وترمسهم وتوصيهم انه يحطونها ف عينهم

بو محمد : ماطلبت شي ياخوي انا تحت امرك برتب للك كل شي حتى الشقه والبدقارد وكل شي

بو حمدان : الله يخليك لي ياخوي ولا يحرمني منك

بو محمد : ولا منك ي الغالي

بو حمدان : يلا اخليك يوم بتخلص رد لي خبر

بو محمد: انشاءالله يلا مع السلامه

.....

كان وقت ذهاب العائله للشاليه قبل ماتسافر مههره


جميع العائله حطوا اغراضهم وساروا للشاليه

في وصولهم تيمعوا كلهم لتناول العشاء كل العائله كانت ع الطاوله

بو حمدان وبو هزاع وبو محمد كانوا يرمسون عن الشغل

حريهم كانوا يرمسون عن الرحلات ويحشون << تعرفون الحريم وسوالفهم خخخ

البنات كانوا مجابلين الشباب كانوا يتضاربون ضرابه مضحكه
شباب العائله يعتبرون مهره اختهم الصغيره

وهي بعد تعتبرهم اخوانها

كانوا يسولفون ويضحكون قال بو حمدان انا بعزم اربيعي ف الشغل تعرفونه انتوا بو عبدلله ماوصيكم ي الحريم اهتموا ف البنات والحريم ونحنا علينا الشباب

الحريم انشالله

البنات : منو ها بو عبدلله

الشباب : واحد شركته مع شركتهم يتعاملون ويا بعض وجي

البنات : اها

مهره ماكانت تعرف انه احمد من عائله بو عبدلله


وصلوا عائله بو عبدلله

ساروا واستقبلوهم وسلموا ع بعض

مهره لفتت انتباها شخص كان واقف مع اخوها حمد كانت تفكر تقول لا يكون ها احمد ركزت شوي ع شكله وطلع احمد وقالت ف نفسها احمد من عائله بو عبدلله ماصدق لا وابوه يشتغل مع ابوي واو شي حلو قطع تفكيرها صوت امها وهيه تقول مهره هاي ام عبدلله

مهره : هلا فيج خالتي شخبارج انشالله بخير

ام عبدلله : يسرج حالي يا بنتي وانتي شخبارج

مهره : انا الحمدلله بخير خالتي تفضلي نورتوا البيت

ام عبدلله ف خاطرها : ه البنت خيال والله اباها حق ولدي احمد ماشاءلله عليها اخلاق وادب وجمال بعد

وصلوا ميلس الحريم

ام عبدلله : مهره بنيتي كم عمرج انتي ؟

مهره :17 خالتي انا اردس ف الجامعه وانشاءلله بكمل دراستي ب الخارج

ام عبدلله : اشاءلله العمر كله يارب الله يخليج لااهلج

ريم : خالتي شو تبين تشربين ؟

ام عبدلله : ماي الله يخليج

ريم : من عيوني خالتي

ام عبدلله : ف خاطرها ماشاءلله عليهم ه البنات طيب واخلاق وجمال الله يخليهم

ريم : وانتي شيخه شو تبين تشربين

شيخه : مشكوره فديتج مابي شي

ريم : لا مايجوز انتي يايه عندنا ومانضيفج شي لالا

شيخه : ههه ك اي شي ع ذوقج

ريم : ك


ظلوا الحريم ويا بعض والشباب ويا بعض والبنات ويا بعض


مهره : بنات انا بسير اكمل دراستي برع

فاطمه : مهروه ممن صدقج !!!

مهره : هيه صج

شيخه : الله يحفظج وانتبهي ع عمرج .. اخوي بعد كان يكلم ابوي يبا يدرس برع ف ايطاليا هههه متخبل ه الولد

مهره : ف خاطرها لا يييكوون

قطعت عليها ريم تفكيرها : هيه عاد لاتنسينا

مهره : هههه انسى روحي ومانساج اختي

شيخه : الله يخليكم لبعض

مهره وريم : ويخليج لنا

مريم : هيه مهروه مانوصيج وانتي راده نبا صوغات من ايطاليا

البنات : هيه صدق مهروه نبا صوغات ايطاليا اغراضهم ماتتفوت

مههره : ههههه من عيوني بيب لكم ايطاليا كلها

البنات ضحكوا هههههه

عقب ماخصوا سوالف وعشاء

طلوا برع عشان يودعون عائله بو عبدلله ودعوهم شوي وقالت شيخه : مهروه نسيت فوني داخل

مهره : لحظه بروح ايبه لج وبرد

شيخه : الله يخليج لي ك اترياج

ام عبدلله انا بترياج ف السياره عند ابوج

شيخه : ك امي

احمد : شيخوه سيري انا بيب لج الفون ههه اتريا حمد ايب لي شي وبيب فونج مره وحده

شيخه : اوكي يلا بسير اترياك لاتتاخر

احمد: انزين

طلعت مهره عشان تعطي شيخه الفون بسسس انصدمتتت يوم جافته .................اتريوني ف البارت الثاني وانشاء لله تعجبك الروايه ماوصيكم ع التعليقات اذا عجبتم علقوا ... __DEFINE_LIKE_SHARE__