النـــــ جديدي .. (( يقول النورس )) حياكم ^^ .. ــــــورس

[ઇ النورس ઇ]

السلام عليكم ورحمة الله وبركاته اخواني

::

عسا حالكم بالخير مليان .. عسا دروبكم عشبٍ وريحان

::

شخباركم ,, وعلومكم عربنا ^^

ان شا الله الكل بخير وسهاله


..

كما عودتكم في الاستراحه الشعريه

اضع بين صفحات الاستراحه جديدي الشعري

اتمنى ان القصيده تنال اعجابكم .. وتوصل لذوقكم العالي

..

كتبت هالقصيده وغيرت الاسلوب شويونه ^^

قلت بخلي اسلوب القصيده اسلوب (( شعبي ))

وجد كتب بن طناف الله يرحمه بهالاسلوب

ونا مشيت عليه ^^

ف ان شا الله تعجبكم

..

أسميني تعبت وانا انسقها هههه

و الحمد لله ظهرت مضبوطه .. لا يمين ولا يسار ^.^

..



و لحّد ينقل ويسرق

وان شا الله تنال رضاكم ..


..لكم القصيده :

حـب القلـب خشّعنـي تخشيـع
وسلك الكهربـا فالقلـب طـــاش

لقانـي الغـــلا طايـــح صريــــع
ألبط وكني فـي حـزة انعــــاش

تعبت امن الــدواره والتسكيــع
وشحفني الزمن بغدره البطاش

قـرب يـا وليفـي قـرب يالربيـــع
لا تحير عني ويصيـدك الطـواش

صدقنـــي لــو تفدعنـي تفديـع
مــا يزعلنــي فتينــك ولهــواش

في صميم قلبــي بيـت ٍ وسيـع
ينتظـر حسـن وجهــك البشـاش

أشـــري الـمحبــه لا مــا أبيـــع
والحـس فينــي حـــــس جيـاش

لـــك فــي ودادي حصن ٍ منيــع
هــو لــك دفــا وأحلــى فـــراش

أسـوق الرنـج وأمشـي سريـع
وحتــى الرادار يـضـــرب فــلاش

لــجــل أوصــل لــك يــالــوريــع
ولــو فلعــونــي هلـي بلغـراش


ولــو قــالــوا قــول ٍ شــنــيــــع
مــا يـهـمـنــي قــول غــشـاش

صوبـت قـلبي بسهـم ٍ مــريــع
عــيــا يــشـلــه أدق مـنـقــاش

فـي شوفتك تفـكيـري يـضـيـع
وفـي مـشيتـك عـود هشــاش

لــــون خــــدك ورد الـــربــيــــع
والأثمـد علـى العيــن مشـاش

لمسة خدودك لمســة رضيــع
كنه في قماط وصابــه ارعــاش

الــذوق عنـدك ذوق ٍ سطــيـع
وهــَو بدونـك صــار عــنـقــاش

ثــوبــي أنــا متــرقــع ترقــيــع
وثوبــك انتــه تخــويــر لقمــاش

ريــم الفــلا يخجــل مــالجميــع
لــي شـافنــي يشرد وينحــاش

مــا يــدري انــي لــه مــطــيــع
أيمــع لــه غــرامــي فــلخيـاش

لــك فـي صميمـي حـب ٍ رفيـع
مــا يـنفـر فــالشــارع وينــراش

الـحــال دونــك حــال ٍ لــويــــع
الــحـال دونـك ميــت ٍ مـاعــاش

حــبــك اللــي عـنـدي ولـيــع
غـالــي ٍ مــا ينشــرى ببــلاش

يقــول النورس أنــا م ستطيـع
انهد حيلـــي والريــج عـطـاش

صفعــني الهـوا عالخد تصفيع
كــنــه يـطلــق عيــار رشــاش

وحب القلب فشعني تفشيـع
وصوّبت قــلبـي ذيــج لرمــاش

مــن يصيدك عنــي يــالربـيــع
تـرا أنـا مــن عـلـم الــطــواش

من أشعار : خالد بن عويد الشامسي

__DEFINE_LIKE_SHARE__