مشكلتي مع محوّل يوكوهاما .. من يحلها ؟

[محروم.كوم]

السلام عليكم

مشكلتي مع المحول يوكوهاما




وكما هو مكتوب عليه صناعة يابانية .. ٥٠٠ واط








وأقتنيه من ٧ سنوات بلا مشاكل ولله الحمد

لكني في كشتة الأسبوع الماضي شغلت عليه خلاط قوته ٤٠٠ واط + لمبتين كل وحدة ١٦ واط

اشتغل في البداية تمام حتى خلصت من تقطيع بصل وطماط الكبسة

لكنه خربها يوم جاء وقت السلطة .. ويبدو والله العالم أنه ضد الأكل الصحي أو أنه مؤمن بالأناركية ( اللاسُلطة ) لكن بسبب ثقافته اليابانية ما يعرف (الحركات العربية) ففهم ( السَلَطَة) خطأ

الزبدة إنه فجأة وقف الخلاط .. وطفت اللمبات

المحول شغال بس مايطلع كهرب

حاولت بدلت عدلت .. غيرت اللمبات إلى ١٢ واط ما اشتغلت


وديته لفني الكترونيات وقال لي ( الرقليتر) خربان

عاد أنا قلت كلش إلا الرقليتر !! ( مع اني مادري وشو )

لكنه وضح لي مكانه وهو اللي في الدائرة البيضاء






وقال إنه ماعنده قطع لإصلاحه

وإن مافيه إلا واحد في الرياض كلها يصلحه ( كأنها قوية شوي !! )

ووصف لي محل في الثميري باسم (خليل للالكترونيات)


من يفزع لي ويدلني على محل يصلحه في شمال الرياض أو أقرب من الثميري ويكون محل ثقة ؟ ( عشان مايتلاعب في قطع الجهاز وهي أصلية )


أو يعلمني من وكيله ووين أحصله ؟

وشكرا __DEFINE_LIKE_SHARE__