مشكلتي مع محوّل يوكوهاما .. من يحلها ؟
 

السلام عليكم

مشكلتي مع المحول يوكوهاما

http://www.mekshat.com/pix/upload05/...11921_moto.jpg


وكما هو مكتوب عليه صناعة يابانية .. ٥٠٠ واط

http://www.mekshat.com/pix/upload05/...1921_moto2.jpg






وأقتنيه من ٧ سنوات بلا مشاكل ولله الحمد

لكني في كشتة الأسبوع الماضي شغلت عليه خلاط قوته ٤٠٠ واط + لمبتين كل وحدة ١٦ واط

اشتغل في البداية تمام حتى خلصت من تقطيع بصل وطماط الكبسة :D

لكنه خربها يوم جاء وقت السلطة .. ويبدو والله العالم أنه ضد الأكل الصحي أو أنه مؤمن بالأناركية ( اللاسُلطة ) لكن بسبب ثقافته اليابانية ما يعرف (الحركات العربية) ففهم ( السَلَطَة) خطأ :p

الزبدة إنه فجأة وقف الخلاط .. وطفت اللمبات

المحول شغال بس مايطلع كهرب

حاولت بدلت عدلت .. غيرت اللمبات إلى ١٢ واط ما اشتغلت


وديته لفني الكترونيات وقال لي ( الرقليتر) خربان

عاد أنا قلت كلش إلا الرقليتر !! ( مع اني مادري وشو )

لكنه وضح لي مكانه وهو اللي في الدائرة البيضاء

http://www.mekshat.com/pix/upload05/..._regeleter.jpg




وقال إنه ماعنده قطع لإصلاحه

وإن مافيه إلا واحد في الرياض كلها يصلحه ( كأنها قوية شوي !! )

ووصف لي محل في الثميري باسم (خليل للالكترونيات)


من يفزع لي ويدلني على محل يصلحه في شمال الرياض أو أقرب من الثميري ويكون محل ثقة ؟ ( عشان مايتلاعب في قطع الجهاز وهي أصلية )

أو يعلمني من وكيله ووين أحصله ؟

وشكرا