عندما تكون الخضرة بالفطرة تكن انت في ( التنهـآت ) ..!!

[محروم.كوم]

بسم الله الرحمن الرحيم

السلام علـيكم ورحمة الله وبركـآته

( التقرير مكون من رحلتين الأولى مع الأصدقاء يوم الثلاثاء والرحلة الثانيه مع العائلة يوم الإربعاء )

في يوم الثلاثاء 3\3\1434هـ , قررنا انا و اثنين من زملائي الكرام ان نقوم بـ طلعة بر متواضعة الى روضة التنهات المعروفه بربيعها الطيب هذه السنه

طبعاً تعرفون هالكلام لازم يصير كل طلعة كلنا نتفق نمشي 7 الصبح وفي الأخير يالله اقومهم الساعه 9 هههههه

طلعنا من الرياض 11 صباحاً .

" طبعاً الطريق للي مايدل : امسك طريق الثمامه المعروف وابتل معه سيدا مره تعد التفتيش الين تجيك لوحه على يدك اليمين مكتوب الطوقي الصمان التنهات يمين لف معها وسيد 100 كم الروضة في وجهك . "

& طبعا الطريق من الرياض لـ خريم 180 كم &

وصلنا الروضة الساعه 12:15 مساءً

الروضة رائعة جدا في بدايتها عند النفود شجر الحرمل منتشر وبكثره
وداخل الروضة يوجد حميض و حزا وقرقاص وعوشتس و بسباس وعبيثران وثيل
كما يوجد قليل من اشجار الطلح والسدر المرتفعه وانصح بالجلوس عندها وقت اشتداد الرياح لأنها تذري وتصد الهواء بشكل واضح .

وهذي صورة لبداية الروضه



طبعا انصحكم خذوها قاعدة كل ما ابعدت كل مازانت الأماكن , وقف عند المواصير وشل عفشك وامش الين تتعب ثم وقف لأن الأماكن البعيده نضيفه ولاحولك احد .



الله الله بالنظـآفه تكفون والله اني ادعي على الي يقوم من مكانه وماشال زبايله

ضف زبايلك في كيس ودوك براميل الزباله في اطراف الروضة انطلها فيه وبـرّ ذمتك .


هذي صورة لـ مكـآننا










سبحان الله ارض التنهات ارض مباركة الأمطار في الوسم هالسنه لم تكن بتلك الكثافه ومع ذلك التنهات جنة الله في ارضه ولله الحمد .

,,

ابـوجـمعـة



اعذروني عاد بعض الصور الشمس في وجهي وطالع بياض في الصورة ,,


احلى تكسسسير للحطب من يدين ابوعـآبد (ابوعبدالرحمن) .



جولة حول الروضـة





شـب الضـو الهـواء شمالي يشخف الراس لا اله الا الله



ولا زال تكسسسير الحطب مستمر ,, يامال العـآفية



هذي عزبة ابوعـآبد واحلى ترتيب ونظافه ماشاء الله



عاد استملت الدجاج والبصل وقطعت كان ودي اصور بس يديني مشغوله

هـذآ الدافور فوقه الكـآتم واحلى كبسسسة يالله لك الحمد .



مـآش ابوجمعة خـلا الضو ورمدت ,,!!



عـآد قلت خلوني اغسل الرز بس راعي العزبه مامعه شين نغسل فيه , قلت خلني اغسله في البلم والنتيجه نص الرز في الأرض هههههه



هذي النتيجه ولله الحمد بعد اضافة معجون الطماط كله , رز احمر تاكل اصابعك وراه
كان ودي اصوره في البلم لكن اخاف يخلصونه




بعد الغدا تمشية بسيطه ومزيد من الصور من هنا وهنـآك للروضة

__DEFINE_LIKE_SHARE__