منتدى استراحات زايد - عندما تكون الخضرة بالفطرة تكن انت في ( التنهـآت ) ..!!

بسم الله الرحمن الرحيم

السلام علـيكم ورحمة الله وبركـآته

( التقرير مكون من رحلتين الأولى مع الأصدقاء يوم الثلاثاء والرحلة الثانيه مع العائلة يوم الإربعاء )

في يوم الثلاثاء 3\3\1434هـ , قررنا انا و اثنين من زملائي الكرام ان نقوم بـ طلعة بر متواضعة الى روضة التنهات المعروفه بربيعها الطيب هذه السنه

طبعاً تعرفون هالكلام لازم يصير كل طلعة كلنا نتفق نمشي 7 الصبح وفي الأخير يالله اقومهم الساعه 9 هههههه

طلعنا من الرياض 11 صباحاً .

" طبعاً الطريق للي مايدل : امسك طريق الثمامه المعروف وابتل معه سيدا مره تعد التفتيش الين تجيك لوحه على يدك اليمين مكتوب الطوقي الصمان التنهات يمين لف معها وسيد 100 كم الروضة في وجهك . "

& طبعا الطريق من الرياض لـ خريم 180 كم &

وصلنا الروضة الساعه 12:15 مساءً

الروضة رائعة جدا في بدايتها عند النفود شجر الحرمل منتشر وبكثره
وداخل الروضة يوجد حميض و حزا وقرقاص وعوشتس و بسباس وعبيثران وثيل
كما يوجد قليل من اشجار الطلح والسدر المرتفعه وانصح بالجلوس عندها وقت اشتداد الرياح لأنها تذري وتصد الهواء بشكل واضح .

وهذي صورة لبداية الروضه

http://im18.gulfup.com/3IOi1.jpg

طبعا انصحكم خذوها قاعدة كل ما ابعدت كل مازانت الأماكن , وقف عند المواصير وشل عفشك وامش الين تتعب ثم وقف لأن الأماكن البعيده نضيفه ولاحولك احد .

http://im18.gulfup.com/2Wqa2.jpg

الله الله بالنظـآفه تكفون والله اني ادعي على الي يقوم من مكانه وماشال زبايله

ضف زبايلك في كيس ودوك براميل الزباله في اطراف الروضة انطلها فيه وبـرّ ذمتك .
http://im18.gulfup.com/qM4J6.jpg

هذي صورة لـ مكـآننا

http://im18.gulfup.com/TXyE7.jpg

http://im18.gulfup.com/RN5n8.jpg

http://im18.gulfup.com/XZ7Y9.jpg

http://im18.gulfup.com/af5p10.jpg

سبحان الله ارض التنهات ارض مباركة الأمطار في الوسم هالسنه لم تكن بتلك الكثافه ومع ذلك التنهات جنة الله في ارضه ولله الحمد .

,,

ابـوجـمعـة

http://im32.gulfup.com/S76S1.jpg

اعذروني عاد بعض الصور الشمس في وجهي وطالع بياض في الصورة ,,

احلى تكسسسير للحطب من يدين ابوعـآبد (ابوعبدالرحمن) .

http://im32.gulfup.com/zBQG2.jpg

جولة حول الروضـة

http://im32.gulfup.com/fszg3.jpg

http://im32.gulfup.com/DoVa4.jpg

شـب الضـو الهـواء شمالي يشخف الراس لا اله الا الله

http://im32.gulfup.com/nwJ85.jpg

ولا زال تكسسسير الحطب مستمر ,, يامال العـآفية

http://im32.gulfup.com/j0nN6.jpg

هذي عزبة ابوعـآبد واحلى ترتيب ونظافه ماشاء الله

http://im32.gulfup.com/vngk7.jpg

عاد استملت الدجاج والبصل وقطعت كان ودي اصور بس يديني مشغوله

هـذآ الدافور فوقه الكـآتم واحلى كبسسسة يالله لك الحمد .

http://im32.gulfup.com/Fgyq8.jpg

مـآش ابوجمعة خـلا الضو ورمدت ,,!!

http://im32.gulfup.com/rDvr9.jpg

عـآد قلت خلوني اغسل الرز بس راعي العزبه مامعه شين نغسل فيه , قلت خلني اغسله في البلم والنتيجه نص الرز في الأرض هههههه

http://im32.gulfup.com/cwAK10.jpg

هذي النتيجه ولله الحمد بعد اضافة معجون الطماط كله , رز احمر تاكل اصابعك وراه
كان ودي اصوره في البلم لكن اخاف يخلصونه

http://im32.gulfup.com/v3EF1.jpg

بعد الغدا تمشية بسيطه ومزيد من الصور من هنا وهنـآك للروضة

http://im32.gulfup.com/ZEDm2.jpg