سالفة:أمي طريفه..قوافي

[محروم.كوم]

السلام عليكم ورحمة الله وبركاته
مشرفينا الكرام
@أخواني ،أخواتي ،زوارنا @
...حياكم الله جميعاً وياهلا ويامرحبا بكم ...
سالفتنا عن وحده اسمها :
,,أمي طريفه,,
أمي طريفه لين رحنا بيت جدي نشوفها عندهم وهي بنت لهم بالرضاعه حرمه كبيره بحدود الـ55 سنه ولاعندها عيال او بنات،، كانت مستصحه وطويله والباقي من الوزن دراريع تلبسهن فوق بعض وشيله تسحب كأنه قرن أستشعار او إبرة بوصله..
بيوم رحنا لبيت جدي ولين أمي طريفه تصيح وعرفنا أن رجله اللي هو زوجه مات رحمة الله عليه وان جيتنا هذي عشان العزاء لأن ماله إلا جدي رحمة الله عليه..
بيت جدي كبير والحريم فيه من تصبح لين تمسي وهي مابين كر وفر لخدمة جميع من بالمنزل وضيوفه والبيت زواره كثير من الاقارب ..
أول تجي يوم زياره وتمشي ،، ماقد شافت المهام الشاقه على حريم البيت ويستقبلنه بكل صدر رحب ،،فخافت لا يقولون امسكي دور معنا
جيناهم عقب فتره ولين خالي يسحب أمي طريفه يطلعه من غرفته للحوش عشان تقعد وتقهوا معهم اللي هوحوش بيوتنا القديمه الطين..
قالت أمي خير خير عسى ماشر وراتس يمه طريفه ؟؟؟ قالت :
ما أونس بجسمي كله ..يعني ماتحس بجسمه من الوجع وان ركيباته عقب فجعة المرحوم ماعاد يحملونه ..
المشكله مهيب بأنه ما عاد تمشي :f المشكله حنا طاحت كتوفنا وتقطعت قلوبنا من تسحيب أمي طريفه
وكل شوي يا بنات اسحبو امكم طريفه برا!!
يابنات اسحبو امكم طريفه وادخلوه للغرفه!!
والبهذله اللي ماعقبها شي نوبه رقاها خالي للسطح وتسلطت تبي تحول حدر يوم راح نقوله اصبري تقول: لالالا يمسي علي الليل ابي احول وتنافخ يالعجازين
ونجيك مع الدرج مناتع حنا وطريفه وجزاء البساط مليون خير اللي تحمل زعبلت طريفه ويوم انتصفنا وتسمع صوت اخت جار بيت جدي كبير سن ماتت حرمته من زمان :good2:
وهي تعرف انه كان يبي يخطبه بس سمع انه من الزعل ما تمشي وهون ..
وانهبلت وبدقيقه انقلبت من وحش لغزال خشته تنقط عسل ولين الدرج بوجه المكان اللي يقعدون فيه الحريم وتشوفه الحرمه وحنا نسحبه

وقفت بسرعه على حيله وتضحك ههههههههههه
الله يصلحكم وياحبيلكن خايفات علي يامالا الصلاح وراحت تمشي وتسلم ولا كأن كانت تو تسحب من السطح..
ناظرنا بعضنا من القهر صرنا مثل الطرمان نشر بأيدينا هههههه
تـــــــــــمــــــــــــشـــــــــــــــي
طــــــــــــــــــريــــــــــــفـــــــــه
تحياتي
اختكم
..قوافي..

__DEFINE_LIKE_SHARE__