سالفه سحاب نجد - راعي شقراء - وا ايام العيد ايام بيوت الطين

[محروم.كوم]

السلام عليكم ورحمه الله وبركاته



اذكر بعد في شقراء وانا صغير قال لي واحد من الاصدقاء والله لو ما اخاف يجي في خاطره

لاذكر اسمه هالحين المهم وحنا بزور وكان يوم عيد والبزارين يتشرطون او هو قبل العيد بيوم او

يومين والله ما اذكر بالظبط المهم قال لي وش رايك نسوي قمرق قلت وشو قال نروح انا واياك

هالحين والا شفنا عيال صغيرين خذنا اللي معهم وكلناه قلت بصرك وصرنا ندور في السكك وكلامي تر ا من مووووبطي ايام بيوت الطين ونلقا

اول دفعه وكنه لازم نقول بصوت عالي يالله قمرق ونلحقهم وذا البزارين ركضه ينحاشون

عارفين الكلمه المهم والحق ذيك البنت وهي اكبر اللي في الدفعه ومعها كيسين مليانات

وتنحاش وانا وراها ويوم وصلتها اثرها واصله بيت اهلها والصياح تسمعه عن بعد مرعبينهم الله لا

يلومهم ويوم مابقي الاشوي وامسكها وتدخل بيت اهلها وانا وراها منعمي ما عندك احد اثر

الحريم مجتمعين في المجبب وسط البيت ولا دريت الا اللي يتطامرون ويلاحقوني في مجببهم وبين

السواري وتروح وحده وتصك الباب وتاقف عنده ملقيته ظهرها ويجي اربع حريم يلحقوني بين

السواري المهم حشروني ومسكوني وبنتهم مغشي عليها من الصياح وانا معاد ادري من انا

في يده وانطق طق واللي قهرني وحده دبيييه قعدت عندي وانا على الارض مغير تقبصني

قطعت جلدي ومصعوا اذاني ما شنترن اذاني الله العالم الا منهم هههههههههه صارن قبل

مشنترات الا هالحين لو بس يطولن شوي بس شوي طلعت من فصيله الارانب وش اسوي هذا

الصدق المهم كل شوي اصرخ من قبصه ذا الخبقا الدبيه غديت من تقبيصها كني مجدور من

فكني منهم ظنكم هههههههه بنتهم اللي انا لاحق قامت تصيح عليهم خلوه خلوه خلوه وتجي

وتمسك يد قيس ابن الملوح ابن المقبص والمكفخ ههههههههه وتروح بي على جنب وتعطيني

من حلاوها وصارت هي الدفاع عني ولا الدبيه جاز لها التقبيص حسبي الله عليها والله ان كني

مكوا بمطرق حديد من تقبيص الخبقا الخرتيته بس ما علمت اهلي خفت يجون ويصير مشكله

وبعدين يحرموني من اللعب مع بنتهم بس هاه ربا ضارة نا فعة وتحبني بنتهم ما قلت لكم

قيس ابن الملوح ههههههه وادلي على عينك يابوتاج اجي وادخل في بيتهم بأمر من بنتهم طبعا

كنا صغيرين عسا ما تكون من اللي يقرون السباحين وتعرفني المهم دليت اجي والعب انا واياها دبق ومصاقيل ونلعب بعد بالعبس حق التمر اذكر نحفر حفر صغيره والله اني نسيت طريقه

اللعب بالعبس اكثر ما نلعب بالدبق والمصاقيل المهم كبرنا شوي وصاروا اهلها يعيونا نلعب مع

بعض وصرت امر من عند بيتهم والقاها عند بابهم طبعا ذا الكلام كله في بيوت الطين
وتحدث الكارثه وينفجر البركان في ذاك اليوم طبعا صارت كبيره شوي يعني ما يرضون اهلها اكلمها

ويحدث الانفجار النووي صارحتني وقالت انا احبك والله العظيم معاد ادري ويش اقول ولا وش

اسوي تلخبطت لخبطه ما صارت تقفل المخ عندي واروح اركض من الدلاخه مستحي ولا وقفت

الا في بيتنا ياللهول ماذا حدث ههههههههههههه وادلي اروح امر من عند بيتهم والا شفتها رحت

اركض عنها فاهمين الحب غلط مار مدري وش ذاك الشعور الغريب اللي جاني لوها ما قالت

احبك كان الامور ماشيه بس من بعد ذا الكلمه اختبصت
وامر ذاك اليوم ويمسكني ابوها ويتفل بوجهي مرتين ويلخني مع وجهي من مرأى من البنت
ابوها يصفقني وعيوني طايره في البنت من الشرهه
يعني مثل قولت شفتي وش سوابي ابوك ويقول لي والله ياان شفتك مار منا لاجدع لحمك للكلاب ودليت اخاف منه وبس ههههههههههه اعوذ بالله مايبونا لا نحب ولا يبونا نضحك


ولا يبونا نمشي وشوله طيب نصير في الدنيا هههههههههههههههههههه

بقول لكم شي ترا مهيب عاده لي اسكت الاطقني احد بس ابوها وش اسوي


وكملت وحملت وركبت حميرها وشنقلت


الله مار يوسع صدوركم بالعافيه يالغالين ونا لو ماني احبكم ما سولفت عليكم وانا اللي مغير انقر

نقر الدجاج وانا اكتب والله ما اكتب الا بصبع اي والله احمدوا ربكم ما اعرف باصابعي كلهن كان ما

تلقون شي فاظي هههههههههههه

__DEFINE_LIKE_SHARE__