شاعر المليون تحت المجهر
 

مواقف محرجة تعودنا نشوفها في برنامج شاعر المليون وانا هالمرة لازم اعرضها عليكم اخواني اعضاء منتدى محروم وان شاء الله اتوفق في عرضها .

1 ـــ بعد ان تقول اللجنة رايها في الشاعر ياتي دور الجمهور في التصويت فنرى الشاعر وكان على راسة الطير في انتظار مدى قبول الجمهور لقصيدتة فنرى عيونة تدور ومن شدة الهول تظهر عليه حاله من الرهبة فيما يقوم المخرج والمصور بعدم تفويت هذه المشاهد ... انا اتمنى ان لا يتم تسليط الاضواء ولا توجيه الكامراء ع الشاعر في هذه الحظة

2 ـــ في اخر كل حلقة ياتي دور اعلان المتاهلين فنرى المذيع يتباطا في الاعلان ونشوف الرهبة باينه ع وجوه الشعراء خصوصاً اللي يتم اختيارهم لانتظار الاسبوع القادم وعقب انتظار اسبوع كامل وما اصعب الانتظار ياتي بالشعراء الخمسة فيتاهل اثنين شعراء ويغادر ثلاثة شعراء ومشاهد الالم ظاهرة عليهم ...

الاشياء السلبية في البرنامج
1ــ ظهور التعصب القبلي للشاعر ، وهالشي يعكس اهداف البرنامج

2 ــ الافراط من بعض الشعراء في مدح قبايلهم وكاننا في زمن الجاهلية ، مب عيب ان الشاعر يمدح قبيلته ويفتخر باصلة ولكن في حدود المعقول .

3 ــ احتساب نسبة التصويت من المشاهدين لمن يتم اختيارة في قائمة الانتظار
للاسبوع القادم ليتاهل الشاعر وان كنت قصيدتة الاضعف .

نسلط الضوء ع الجمهور .

1 ــ وقوف الجمهور لبعض الشعراء والتصفيق الحار للبعض دون الاخر ، هالشي يعكس ردة فعل لللشعراء ومعنوياتهم .

2 ــ نسمع صراخ بعض الجمهور عند التصويت لشاعرهم المفضل وكانهم يملون تعليمات ع الحاظرين ، المفروض كل واحد يصوت بامانه .

3 ـــ نجد القاعة تخف من الحاظرين تدريجيا والبعض من الجمهور ينصرف
بمجرد انتهاء التصويت للشاعر اللي حضر عشانه ، هالشي ياثر ع المتسابق الاخير و هالشي يدل ان الجمهور مب من عشاق الشعر وانما حضر لمساندة شاعر ما فقط ...

هالشي اللي لاحظتة فأن اصبت فمن الله وان اخطات فمن نفسي والشيطان .
وارجو من الجميع الادلاء بارائهم حول ما يدور في البرنامج
والسموحة ع الاطالة اخوكم الذيب

يعطيك العافيه

شكرا ع الموضوع المهم وكل اللي طرحته صحيح وازيدك شي وقت البرنامج لازم يعدلونة الى الخميس عشان اللي يبي يتابعة ما يصير يسهر لين الفير وعقب يسير دوامة