|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا
#1
| ||
| ||
السلام عليكم ورحمة الله وبركاته عدنا لكم بعد انقطاع بهذه السالفه وارجوا ان تكونوا بخير وعافيه اليكم القصه وهي بعنوان بحر ومشق ان شاءالله تعجبكم في سنة من السنين سافر راعي العجراء الى ديرة فيها بحر وانتم عارفين راعي العجراء وش عرفه بالبحر على قول المثل اللي مايعرف للصقر يطويه المهم جيت للبحر انا وبعض الشباب وشفت الناس يسبحون في البحر والجو حار وانا افسخ هدومي واجيك ركض للبحر السمك يوم شافني مقبل هج والقرش صار هلله من الروعه ماعمره شاف مثل هالزول الناس يلبسون منيوه اللي فيه رسمة ورده حمراء او ازرق مخطط بالوان ثانيه وقصير يعني سروال بدون كموم وانا طبيت بالبحر بسروال لونه سكري الى الركب هو بالصحيح ماهو سكري كان ابيض بس قلب لونه الى سكري من السنين العجاف وتعرفون ان الواحد اذا بغى يسافر ياخذ احسن ماعنده وانا اخذت الملابس اللي اخر ماشريت ومن ضمنها الملابس الداخليه عاد لا تحسبون انها قديمه واجد من خمس او ست سنوات بس حتى اجخ فيها بين اصدقائي باني شخص مرتب يعني( جنردمان) المهم اني طبيت بالبحر وسبحت في بحر الامان ماحولي ولاسمكه اخر ماشفت ابوجلنبوا اوبما يسمى بسرطان البحر مر من عندي وهو يمشي الف حاط ايده على خشمه ومغموض عيونه مدري وش السبب يمكن ابن حلال مايبي يشوف عورة الرجل المهم اني قعدت اسبح يمكن ساعه ونصف وطلعت ولبست هدومي ورحت عند ربعي ومشينا نتمشى بالاسواق وانا داق هالشخصيه سابح بالبحر جسمي يلق من النظافه بس مادري ان ماء البحر لازم يغسل بماء القلبان وش يدنيني يازين البر وشهبته يوم اخذت ساعه يوم بديت اتحكحك الملح يبس على جسمي صار ضهري تقول اسبخة ملح ومتشطب وعيوني حمر تقول عيون بس توه قائم من النوم مقعدته امه بالقوه والسياره بعيده قلت لربعي خلونا نرجع للشقه اشوفلي دبره رجليني يبسن من الملح ماعاد اقدر امشي قال واحد من الربع اذا مرينا من عند صيدليه خذ دهان او بودره اطفال تراه ينفع ومتى مارجعنا للشقه تدهن فيه مشينا سوي الا وذيك الصيدلي هوانا ادخل للصيدلي قلت عطني دهون قال حق ايش قلت حق هالملح اللي على ضهري وانا ارفع ثوبي قلت شف ضهري اشهب من الملح تقول قاعد عند رياغي قلابيات كساره عطاني دهون قال بس لازم تاخذ لك دش وبعدين ادهن جسمك قلت مايخالف وانا احاسبه واطلع بس مابي صبر جلدي تقطع من الحراره وانا ماشي معي الدهون قلت للربع ابي اشوف محل احط الدهون قالوا اصبر حتى نروح للشقه قلت مابي صبر وحنا نمشي الا وذاك اللفت اللي يسمونه صرنصير مدري صنصرين ولا فوقنا عماره رفيعه وجديده يمكن 15 دور وانا ادخل باللفت واضغط على الدور العاشر وانا افسخ ثوبي والفنيله والسكري خليته واقعد على حيلي واتدهن بسرعه واللفت على كيفك سرعته ولاصوت له ولا حس ماكنه يمشي جديد والارضيه مخمل ومكيف يازين النومه فيه المهم الباب قدامي وانا جالس ومدد رجليني وخذ من التدهن وبسرعه حتى نسيت اني باللفت لعل فيه عايله ضاغطين على الزر بالدور الرابع مدري الخامس اثر اللفت وقف وانا داخل جو مادريت الا والباب ينفتح والعايله كلها عند الباب هم شافوني يوم ارتاعوا وش جاب طرزان عندهم بالعماره والسكري قلب لونه من الحياء الى اسود شوي يوم اخذوها ضحكه والباب عيا يقفل بسرعه وانا اطمر والبس ثوبي من الخلفه مالبست الفنيله وانا اجيك راجع ووجهي طايح من الفشيله اركض واصدم بالعالم ادور ربعي ودي اهج عن العماره كلها وانا اعلم ربعي بالسالفه واخذوها ضحكه علي انتهت السالفه وقبل الحتام سبحانك اللهم وبحمدك لااله الا انت استغفرك اللهم واتوب اليك دمت بخير واعذروني على التقصير والله يحفظكم مع تحياتي اخيكم راعي العجراء ابو جلنبو
__DEFINE_LIKE_SHARE__
|
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
راعي العجراء في سالفه | محروم.كوم | منتدى أخبار المواقع والمنتديات العربية والأجنبية | 0 | 06-02-2012 10:20 PM |
راعي العجراء والسنبوسه سالفه قديمه | محروم.كوم | منتدى أخبار المواقع والمنتديات العربية والأجنبية | 0 | 02-01-2012 12:30 PM |
االيكم هذه السالفه من راعي العجراء جديده حسب طلب اخينا ولد الروووق | محروم.كوم | منتدى أخبار المواقع والمنتديات العربية والأجنبية | 0 | 10-10-2011 08:10 PM |
من سواليف راعي راعي العجراء (ثوب العيد والخياط الباسكتاني ) | محروم.كوم | منتدى أخبار المواقع والمنتديات العربية والأجنبية | 0 | 09-16-2011 02:10 PM |
من سواليف راعي العجراء (عزيمة القعوس لراعي العجراء ) | محروم.كوم | منتدى أخبار المواقع والمنتديات العربية والأجنبية | 0 | 09-10-2011 01:40 PM |