█ ▌ ..يا طفلة ٍ ▲▄ تلعبــــ▲▄ على قلب رجّالــــ █ ▌

محروم.كوم · #1 04-30-2009, 04:10 PM

الشاعر /سالم سيف الخآلدي

:rose:

مدخل..
يا طفلة ٍ تلعب على قلب رجّال
واحلى ملاعيبك بقلبه لعبتيه .. !!
يا لعنبو ابليسك ترى الحب قتّال
لا ني قدرت احياه .. أو ميّت ٍ فيه .. !!

مسآ ء / صبآح الكآدي
(MMs(18للشاعر سالم سيف الخآلدي

اتمنى تعجبكم

يا مهرة ٍ تلعب على قلب خيّال
لا جا يبي يعسف وصالك عسفتيه
فيك انهبل بالحسْن واطباع الاطفال
واحلى الدلع واللين و ( انشودة التيه )
..

من خلود العشق .. لحْدود السعه
صرت احس ان الزمن ما به عيوب
واثرني مرهون في شور اصبعه .. !!
واكتبه .. كنّي اشارك في حروب .. !!

..

مرحوم يا قلب ٍ توفّى .. مُحبّي
مرحوم يا قلب ٍ بكى الحب .. مرحوم .. !!
موت ٍ قريته .. والحزن ينكتب بي :
( نبكي تجافي قوم .. تبكي جفا قوم )

غنّيت لك .. حتّى بكى مغناي
في (سيرة الحب) اسأل (ام كلثوم) .. !!
..

كنت آتقطّع واتركك لاشلاي
وآموت بك .. وتقول لي : مرحوم ..
واثريني ارجع للحياة بـْ(راي) :
(إنك حياتي) والعمر مقسوم .. !!

..

كذاب من قال الزمن يوم غدّار
القلب الاسود هو تخيّر سواده
الناس والغدر وخيانات الاشرار
والكذب والحيله بقوّة إراده
..

يا حرف لي مدّه وانا انصاك وتخون !!
وش فيك ؟! يا مال البلا والطواعين .. !!
خابرْك تتشيطن على الشعْر بجنون
واذكرْك لا خان الردي تْعون وتعين .. !!
..

صباح الخير يا (فلانه) .. صباح الحب وجنوني
على صوتك وتغريدك .. بدا هالصبْح (زي الفل)..!!
تلبّسني شياطيني .. وتلمع في فضا كوني
واظن ظنون بك والبس قرون الشيطنه واسأل :
(علامك كل يوم احلى؟) الين تْجين بعيوني
وادوّج في ملامح حضرتك واتفلسفك .. ما مل..!!
..

ذبـت شمْـع ٍ
فـي ملامـح ليـلـة العـشـق .. احـتـرق }
ذاب قلبـي وارتعـش ..
لحْضـور نـورك والشـروق .. !!
..

والله
انّـي مـن عرفتك .. شفت حبك يخترق
فـي صميـم القلـب ماكـن ..
واعظـم احساسـي يـتـوق
والبحر .. لـو كـان يـدري عـن غرامـك ..
[ قـد غـرق ]
مثلما شاعرْك يغرق ..
في غرامك .. ب( 1000) شوق .. !!
..

|مشكلتي|
ان قلبي مع الناس شفـّـاف
ينثر سجايا نيّته حبّ وزْهور
قلبي زجاجي كلّ ما فيه ينشاف
واكثر عباد الله ترميه بصْخور .. !!

..

الحب بقلوب المخاليق سنّه
ماطاع شور الناس قلب الهواوي
الحب سرّ ٍ والضماير تكنّه
لا عاش قلب ٍ من هوا الحبّ خاوي
..

يا صاحبي .. يا قاطع خْطاك عنّا
في غيبتك يا خوي .. غيّبت ضيّي .. !!
القلب لا سالي ولا هو تهنّا
من غبت والله كاره ٍ كل شيّي .. !!
..

ماني على ما قيل متسلـّـي
بعد الذي قد شافته عيني
ولا نيب قايل خلـّـه يْولـّـي
ماهوب من طبعي ولا ديني .. !!
لي صاحب ٍ يا جعْله يْشلـّـي
والا يجنّب علمه الشيني
..

إن كتبتك مرّني طيف السحاب
ثم تزلزلماطر العشق المجيد
مرْحبا صبّه .. وذابت لك هضاب
والتضاريس اهتفت : سحرك مبيد .. !!

..

ساكت واكفّ الشرّ عن كل مخلوق
نفسي تعافك .. وانت تضحك .. غريبه .. !!
اثريك تبحث في عذابي ثمِ تْروق
بك ضاق صدري شفت انا كلّ ريبه .. !!
..

كل الثواني غرّدت في غصونك
محظوظ من عندك بنى يالغلا .. عـِش .. !!
يا صاحبي دامه غمرنيجنونك
ما للزعل سطوه وغصن الزعل هش
..

واجد يبون القرب منّي وصدّيت
كلّه على شانك يا سبّة جنوني
غيرك تمنّى ينكتب فيه لو بيت
وانت القصايد كلّها لك تكوني
..

مخرج..

ودّي تفاخر في قصيدي .. واذا جيت ..
آسمّعك حرفي .. تجنّ لـْـجنوني .. !!
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دجاج █▄█ تايلندي زاحف █ براهما ▄█فرنسي█▄هولندي كوشن██▄█	محروم.كوم	منتدى أخبار المواقع والمنتديات العربية والأجنبية	0	04-03-2010 05:30 AM
█▄█ █▄█ دجاج حبحب كويتي للبيع \ شرط الانتاج والصحه \ █▄█ █▄█	محروم.كوم	منتدى أخبار المواقع والمنتديات العربية والأجنبية	0	03-12-2010 01:20 AM
█▄█ عبري █▄█ مساحتها 56000 █▄█ عبري █▄█ ارض للبيع █▄█ سلطنة عمان █▄█	محروم.كوم	منتدى أخبار المواقع والمنتديات العربية والأجنبية	0	03-03-2010 03:20 PM
█▄██▄█ █▄█ شنط نسائية فاخرة وبأسعار مغريه █ ماركات عالمية تقليد درجة اولى █▄█ █▄██▄█	محروم.كوم	منتدى أخبار المواقع والمنتديات العربية والأجنبية	0	12-28-2009 03:30 PM
[ بيع تصميم ] : ██▄█▄█▄█ تصميم أحترافي 300 ريال ▄ شاهد اعمالنا اولاً █▄█▄█▄██	محروم.كوم	منتدى أخبار المواقع والمنتديات العربية والأجنبية	0	08-07-2009 01:20 PM