استفسارات تهم من يريد شراء فورد اكسبلورر 2012

محروم.كوم · #1 06-24-2012, 02:10 PM

تحية طيبة للجميع .

انا من ملاك فورد اكسبلورر 2012

ولدي بعض الاستفسارات تهم ( الملاك او من يريد الشراء سيارة جديدة ) :

اولًا : النور الامامي ( الواطي ) :
من عيوب السيارة لا يوجد تحكم في رفع النور الواطي ؟ مع ان الايسوززو بيك اب فيه خاصية التحكم .
النور الامامي : صناعة العدسة او بالاصح تصميمها لا يعطي قوه للانارة الامامية .
بكل صراحة ذكرني بالنور الواطي حق فورد كروان فيكتوريا ضعيف مقارنة بالسيارات المماثلة وقمت بالمقارنة بين الاكسبلورر والتاهو و جيب ميتسوبيشي بصراحة هو الاضعف ، تم اختبار سيارة اكسبلورر حيث تم ايقاف تاهو بجانبها وتم اختبار النور نور الفورد اضعف بحدود النصف وانا مدرك ان الوزن يبغى له تغيير ، مع الملاحظة ان النور تصميم العدسة لا يجعلها تفرش النور .

من اول ما استلامة السيارة : النور العالي مرتفع بشكل كبير لدرجة انه لا يضي امامك النور يطلع فوق ويصل الى نوافذ الفلل في الدور الثاني وانت قريب من الفيلا، وتم الوزن في فرع شركة فورد ( احد الفروع غير فرع خريص ) .
وتم وزن النور وهي طريقة سهله جداً ، عملية اداخل سكروب وتحريك بجهة محدده ويتم رفع النور والوزن امام جدار ( ولم يتم وزنها بشكل صحيح بالعكس نقص النور الواطي ) .

طبعا عملية الوزن :
تمت كا التالي تم زيارة فرع خريص وقاموا بوزن الانارة امام جدار لكن المشكلة ما توضح زين لانه الوقت نهار يبغى لها ليلا ، وقمت بطلب من الموظف ان يأتي باحد السيارات فورد اخرى من نفس الفئة ، وتم وضع السيارتين جانب بعض والتجربة ، وبكل صراحة ادركت انه تصميم العدسة هو المشكلة لكن وش اسوي خليته يرفع النور الواطي شوي ( والنور الواطي ما تعرف مشكلته الا في الخطوط والسفر الطويل ، اما داخل المدينة ما تعي بالمشكلة ) .

الثاني : عند تشغيل المكيف وانت في المقاعد السائق طبعا ان اقصد اخر مقعد خلف السائق الصف الاخير يوجد صوت مروحة بس مدري ( تأكدوا يا اخوان اعتقد انها في جميع السيارات فورد اكسبلورر الجديد) .

ثالثاً : موقع الفرار الخاص بالدبل : بكل صراحة مكانه غير مناسب واذا صار عندك اطفال بعد .

رابعاً : اليوم زرت وكالة فورد فرع خريص :
بكل صراحة كأنك جاي تحضر مبارة الهلال والنصر ، ازدحام شديد وهم ماخذين مواعيد بعد ، فيه عدد من صفوف الانتظار والصف الواحد بدون مبالغة بحدود 25 سيارة .
سألتهم عن الضمان واول صيانة حقت 8000 كيلو هل هي مجانية ، قالوا لا الزيت عليك واذا تبغها مجانية تدخل في البرنامج بسعر 3500 ريال ، انا ودي اعرف ادفع المبلغ هذا واجيهم وعندي موعد وزحمة ايش ها الخدمة وليش ادفع المبلغ 3500 ريال على ها الزحمه .
سيارات فورد لها شعبية عندنا الان وفي زيادة مستمرة ، لكن الوكالة لازم تحترم المستهلك ادفع خدمة وتبيني اخذ موعد واقعد في صفوف الانتظار .

ملاحظة :
السيارة الي معي نصف فل ، جلد وتسخين وتبريد ، وشاشة ، وكاميرا ، وحساسات ، وعدد (2) فتحة ، والنور عادي ، وتمنيت انه زينون ، لم ادرك الضعف في النور .
وسألتهم عن تركيب النور الزينون قالوا نركب لك صيني وعلى فكرة لك عليه بعد يعني انه ممكن يسبب مشاكل في الكهرباء ، وفكرت قلت اجل انتظر الين يجي الميتد ويتوفر قطع غيارة بما انه زينون شد بلاده مو صيني قالي المهندس لا ما ينفع ليه قال لازم تشتري كامل الشمعة وبتطلع عليه غالية لانه لها توصيلات تختف قلت الله المستعان .
لكن بشكل عام والله السيارة جميلة ومرتاح لها وفيها فخامة والاتساع وراحبة القيادة بها ، حتى لو يركبها من يقود السيارات الفارهه سيقوم بمدحها .
وعلى اني سبيت الوكيل لكن مقارنة بالوكالات الثانية يعتبر من الوكالات الي في المقدمة ولها سمعتها ، لكن الضغط عليها وشعبية السيارات فورد تحتم على الوكيل انه يزيد فروع الصيانة بشكل اكبر.

طبعاً ان الي ذكرته من باب التوضيح كل سيارات لها مميزات وعيوب ولا فيه شي كامل الا وجه الله .

واتمنى من جميع ملاك سيارة فورد اكسبلورر الشكل الجديد ، ان يعطونا عيوب وايجابيات السيارة ليستفيد الجميع .

والسلام عليكم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تصويت للفوز بسيارة فورد اكسبلورر 2012	محروم.كوم	منتدى أخبار المواقع والمنتديات العربية والأجنبية	0	12-03-2011 07:30 PM
تصويت للفوز بسيارة فورد اكسبلورر 2012	محروم.كوم	منتدى أخبار المواقع والمنتديات العربية والأجنبية	0	12-03-2011 07:30 PM
استفسارات عن اكسبلورر 2010	محروم.كوم	منتدى أخبار المواقع والمنتديات العربية والأجنبية	0	08-14-2011 11:00 PM
اخواني اعضاء مكشات رأيكم يهمني جداً قبل شراء فورد اكسبلورر	محروم.كوم	منتدى أخبار المواقع والمنتديات العربية والأجنبية	0	08-01-2010 02:00 PM
اكسسوارات فورد اكسبلورر	محروم.كوم	منتدى أخبار المواقع والمنتديات العربية والأجنبية	0	03-07-2010 09:52 PM