حصرياً طريقة تثبيت الدربيل على الهوائــيه الساكتون بالصور .. تفضل

محروم.كوم · #1 05-29-2012, 07:40 AM

بسم الله الرحمن الرحيم

السلام عليكم ورحمة الله وبركاته

أسعد الله أوقاتكم بكل خير جميعاً

لايخفى عليكم الكثير يعاني من تثبيت الدربيل
على الهوائيه السكاتون وأنا كنت اولكم بصراحه
بعد ماتضبط وتشد الدربيل وتضبط النيشان على الهدف
بعد كم طلقه تلاحظ ان التصويب بجهه والهدف بجهه اخرى
والسبب رجوع الدربيل للوراء وشي اكيد بيختلف الوزن
وترجع تخسر طلقات وتوزن وتشد الدربيل وهكذا
لدرجه ان البعض استغنى عن الدربيل نهائياً .

على العموم مالكم بالطويله

اليوم عندي الحل بأذن واحد أحد بيكون حل نهائي للجميع

من واقع تجربه سابقه ومازالت الى الان ولله الحمد معين خير.

نبدأ على بركة الله

بيكون فيه شرح بالكلام وأيضاً الصور تتحدث عن نفسها مع التطبيق

أولاً

هذا الدربيل الجديد أول ماتشتريه بيكون بهذا الشكل

ومعاه القاعده الخاصه فيه لتستطيع تثبيته بالساكتون

ولاحظوا هنا القاعده المرفقه مع الدربيل من جهه أخرى للتوضيح

ثانياً

المطلوب الآن فك الدربيل من القاعده القديمه يعني
فك المسامير الخارجيه من الاعلى وسحب الدربيل
الى الأسفل ليتم فصل الدربيل عن القاعده بهذه الطريقه

ثالثاً

نجي للمهم البعض الحين يقول طيب وفكينا وش الفايده
اقلكم الحين يوجد قاعده خاصه تباع بدون دربيل
سعرها 50 ريال
ميزتها الوحيده لتثبيت الدربيل بنفس الساكتون ولكن بطريقه
ثانيه يوجد مع القاعده مسمار خاص يدخل بنفس الساكتون
ويشد بطريقه رائعه لعدم اهتزاز او تحريك الدربيل من مكانه

مثال

طيب نرجع لموضوعنا
هذي القاعده الجديده التي بنستخدمها بموضوعنا هذا

رابعاً

القاعده الجديده ميزتها وجود مسمار خاص يدخل بنفس
الساكتون ويثبت بداخلها من الاعلى وبعدها يشد بمسمارين بالجنب

لاحظوا بالصوره التاليه المسمار ليكون واضح للجميع

خامساً

نجمع الدربيل والقاعده الجديده والساكتون بهذا لشكل

ملاحظه مهمه جداً جداً جداً للجميع

اي شخص لديه ساكتون ويرغب بالقاعده قبل لا يشتري
لابد ان يتاكد من وجود فتحه للمسمار ليتم تثبيته فيه .
اذ الساكتون لا يوجد بها هذه الفتحه لا يخسر نفسه ويشتيرها .
وهذي الصوره توضح ملاحظتي السابقه لانها مهمه جداً

طيب كذا ماشين حلوين مع بعض
طيب بعد اذنكم انا شريت تلبيسه جديده للماغنوم
وقلت فرصه اركبها بما اني فاضي قبل لا اركب القاعده

نكمل ماتبقى توكلنا على الله

الحين بحاول اقص فتحه صغيره من التلبيسه الجديده
عشان اقدر اثبت القاعده والمسمار يعني تركيز شوي

سادساً

بعد قص فتحه بسيطه لدخول القاعده وتثبيتها
لاحظوا مكان تثبيت المسمار وهو مهم زي ما افدتكم

سابعاً

الحين نحاول نركز ونثبت المسمار بالثقب الخاصمع مراعات عند دخول المسمار شد القاعده من الجنب
لنضمن ان المسمار بالمكان الصحيح وشغلنا صح

ثامناً

تم تثبيت القاعده بشكل سليم ولله الحمد
ونحاول نشد المسمار بطريقه صحيحه
ونتأكد ان المفتاح على المسمار عند الشد

تاسعاً

هذي النتيجه بعد التثبيت وبنحاول نفتح فتحه
صغيره للقاعده الثانيه ونكمل ماتبقى

عاشراً

الحين خلاص قربنا يا اخوان وسامحوني طولت عليكم
تم تثبيت القاعده الثانيه بالشكل السليم بعد العمليه الجراحيه

الان المطلوب فقط بعد هذا كله نجيب الدربيل ونثبته
على القاعده الجديده ونحاول نشد المسامير اللي مع القاعده

بهذا الشكل بالصوره التاليه

بعد تثبيت الدربيل على القاعده الجديده
وشد المسامير بطريقه صحيحه بتكون النتيجه هذي

هذا ماعندي وأحببت ان اشاركم فيه لتعم الفائده للجميع
والسموحه منكم ان طولت عليكم .
لا تنسوني من دعواتك ولو بظهر الغيب

تقبلوا تحياتي
محبكم
شــايفك \SHAAIFK
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طريقة وزن الدربيل على الساكتون	محروم.كوم	منتدى أخبار المواقع والمنتديات العربية والأجنبية	0	02-02-2012 03:40 PM
الدربيل فيه جني ما يطيق الساكتون الفزعه	محروم.كوم	منتدى أخبار المواقع والمنتديات العربية والأجنبية	0	01-24-2012 08:50 PM
تثبيت الدربيل على البندق للابد	محروم.كوم	منتدى أخبار المواقع والمنتديات العربية والأجنبية	0	09-07-2010 09:40 AM
مشكلتي بتثبيت الدربيل على الساكتون	محروم.كوم	منتدى أخبار المواقع والمنتديات العربية والأجنبية	0	05-11-2009 02:50 AM
هل الدربيل مفيد على الساكتون يعني اكثر دقه	محروم.كوم	منتدى أخبار المواقع والمنتديات العربية والأجنبية	0	05-02-2009 07:40 PM